Ɛzela Buluku ne 1:8 - BAEBOLO ANZƐƐ BULUKU NWUANZANWUANZA

⁸ Pɛhyea Belemgbunli Saelɛse manle bɛyele ninyɛne ne mɔ amuala bɛvindele na bɛvale bɛwulale Metelɛde, mɔɔ le belemgbunli ne gyasievolɛ la asa anu. Ɔdaye noko ɔdianle bɛ muala ɔwulale Hyɛhyebazaa, mɔɔ le Dwuda amɛnlado la asa anu.

Ɛzela Buluku ne 1:8 ပူးပေါင်းရင်းမြစ်များ

Ɛzela Buluku ne 1:11

Bɛ muala bɛle ezukoa nvutuke nee dwɛtɛ fufule ninyɛne apenle nnu, ɛya nna. Hyɛhyebazaa a vale ninyɛne ɛhye mɔ rale a, wɔ mekɛ mɔɔ bɛdabɛ mɔɔ bɛhyele bɛ bɛhɔle nlɔnu wɔ Babelɔn la ziale rale Gyɛlusalɛm la.

Ɛzela Buluku ne 2:2

Menli mɔɔ lile bɛ ti nee bɛ rale la a le Zɛlɛbabɛle, Dwɔhyua, Nihɛmaya, Sɛlaya, Rililaya, Mɔdekae, Belehyan, Mezepa, Begeveeyae, Rilihɛm, yɛɛ Beeyana. Yizilayɛ mbusua nee abusua ko biala anu menli mɔɔ ziale rale la dodo ɛne:

Ɛzela Buluku ne 5:14

Eza ezukoa nvutuke nee dwɛtɛ fufule ahyɛnze mɔɔ Belemgbunli Nɛbukadenɛza rahwenle vile Gyɛlusalɛm Ɛzonlenlɛ Sua ne anu hɔle ye belemgbunli sua nu ɛkɛ ne la, Saelɛse hwenle bɛ kɔsɔɔti vile Babelɔn awozonle sua ne anu vindele. Belemgbunli Saelɛse vale ninyɛne zɔhane mɔ manle nrenya bie mɔɔ bɛfɛlɛ ye Hyɛhyebazaa mɔɔ ɛnee yeyɛ ye amɛnlado wɔ Dwuda maanzinli nu la,

Ɛzela Buluku ne 5:16

Yemɔti Hyɛhyebazaa zɔhane a rawulale Nyamenle Sua ye aze wɔ Gyɛlusalɛm ɛke a, yɛɛ ɔvi mekɛ zɔhane toonwo mɔɔ yeradwu ɛnɛ la yɛtɛgua zolɛ yɛtɛsi sua ye, yɛtɛnyianle yɛtɛwiele fee.’

Ɛzela Buluku ne 5:2

Na Hyialeteɛle ara Zɛlɛbabɛle nee Gyɛhozadake ara Dwɔhyua dwazole na bɛbɔle ɔ bo bieko kɛ bɛsi Nyamenle Sua ne wɔ Gyɛlusalɛm. Nyamenle kpɔmanvolɛma nwiɔ ne boale bɛ.

Gyɛlɛmaya Buluku ne 51:44

Mebadea Babelonia Bozonle Bɛle na meamaa yeakpu mɔɔ yeme la. Maanle maanle ɛnrɛva ɛnriandilɛ ɛnrɛra Babelonia bieko. “Babelɔn bane ne mɔ ɛde ɛgua.

Hagae Buluku ne 1:1

Mekɛ mɔɔ Pɛhyea Maanle Maanle Belemgbunli Dalayɛse lile ɛvolɛ nwiɔ wɔ ebia zo la, ye siane nsia ne azo, kenle ne mɔɔ lumua la, Ɛdɛnkɛma dendɛle hilele Nyamenle kpɔmanvolɛ Hagae. Hagae hanle nrɛlaleɛ ne hilele Dwuda amɛnlado ne, Hyialeteɛle ara Zɛlubabɛle nee Sɛlɛvolɛ Kpanyinli ne, Gyɛhɔzeedake ara Dwɔhyua.

Hagae Buluku ne 1:14

Na Ɛdɛnkɛma hanle Dwuda Amɛnlado Zɛlubabɛle, Sɛlɛvolɛ Kpanyinli Dwɔhyua, yɛɛ Yizilayɛma mɔɔ ɛha la kɔsɔɔti ahonle manle bɛrayɛle Tumivolɛ Ɛdɛnkɛma, bɛ Nyamenle ne Sua ne anwo gyima.