Ɛzela Buluku ne 1:7 - BAEBOLO ANZƐƐ BULUKU NWUANZANWUANZA

⁷ Ɛhye mɔ amuala anzi Belemgbunli Saelɛse noko yele ninyɛne mɔɔ ɛnee wɔ Ɛdɛnkɛma Ɛzonlenlɛ Sua ne anu wɔ Gyɛlusalɛm mɔɔ Belemgbunli Nɛbukadenɛza yeyele hɔle la amuala manle bɛ. Belemgbunli Nɛbukadenɛza vale ninyɛne zɔhane mɔ vi Gyɛlusalɛm hɔle la, ɔvale bɛ ɔhɔguale ye awozonle sua ne anu.

Ɛzela Buluku ne 1:7 ပူးပေါင်းရင်းမြစ်များ

2 Arl 24:13

ɔ nee ye hɔle Babelɔn a. Ɔzoale Ɛzonlenlɛ Sua ne anu nee suakunlu ɛkɛ ne ninyɛne kɔsɔɔti ɔhɔle. Kɛmɔ Ɛdɛnkɛma hanle dole ɛkɛ ne la, Nɛbukadenɛza bubule ezukoa nvutuke dwora ne mɔ mɔɔ Belemgbunli Sɔlɔmɔn manle bɛyɛle mɔɔ bɛfa bɛsonle wɔ Ɛzonlenlɛ Sua ne anu la amuala.

2 Edk 36:10

Ɛvolɛ ne mɔɔ ɔlile ebia ne la ala anu, nyenyensuo mekɛ ne anu, Belemgbunli Nɛbukadenɛza zoanle manle bɛhɔvale ye bɛhɔle Babelonia, na bɛsesale Ɛdɛnkɛma Ɛzonlenlɛ Sua ne anu dwora nee ahyɛnze biala mɔɔ sonle bolɛ la bɛhɔle, na bɛyɛle ɔ diema Zɛdikaya Dwuda nee Gyɛlusalɛm belemgbunli.

2 Edk 36:18

Akee bɛhwenle debie biala mɔɔ wɔ Ɛdɛnkɛma Ɛzonlenlɛ Sua ne anu, ngyikyi nee mgbole, nee ezukoa, belemgbunli suakunlu ɛkɛ ne, nee belemgbunli mgbanyima ne mɔ kɔsɔɔti azua nu la bɛhɔle Babelɔn.

2 Edk 36:7

Nɛbukadenɛza eza sesale ahyɛnze mɔɔ wɔ Ɛdɛnkɛma Ɛzonlenlɛ Sua ne anu la dɔɔnwo hɔle Babelɔn na ɔhɔziele bɛ wɔ ye suakunlu ɛkɛ ne.

Ɛzela Buluku ne 5:14

Eza ezukoa nvutuke nee dwɛtɛ fufule ahyɛnze mɔɔ Belemgbunli Nɛbukadenɛza rahwenle vile Gyɛlusalɛm Ɛzonlenlɛ Sua ne anu hɔle ye belemgbunli sua nu ɛkɛ ne la, Saelɛse hwenle bɛ kɔsɔɔti vile Babelɔn awozonle sua ne anu vindele. Belemgbunli Saelɛse vale ninyɛne zɔhane mɔ manle nrenya bie mɔɔ bɛfɛlɛ ye Hyɛhyebazaa mɔɔ ɛnee yeyɛ ye amɛnlado wɔ Dwuda maanzinli nu la,

Ɛzela Buluku ne 6:5

Akee ninyɛne mɔɔ bɛvale ezukoa nvutuke nee dwɛtɛ fufule a bɛyɛle, mɔɔ Belemgbunli Nɛbukadenɛza yeyele bɛ vile Ɛzonlenlɛ Sua ne anu wɔ Gyɛlusalɛm rale Babelɔn la, bɛva bɛ muala bɛhɔzie bɛ bo zo ne mɔ wɔ Ɛzonlenlɛ Sua ne anu wɔ Gyɛlusalɛm.’ ”

Gyɛlɛmaya Buluku ne 51:44

Mebadea Babelonia Bozonle Bɛle na meamaa yeakpu mɔɔ yeme la. Maanle maanle ɛnrɛva ɛnriandilɛ ɛnrɛra Babelonia bieko. “Babelɔn bane ne mɔ ɛde ɛgua.

Daneɛle Buluku ne 1:2

Na Awulae yele Belemgbunli Gyɛhɔyakem manle Nɛbukadenɛza lile ɔ nwo zo konim na ɔsesale Ɛzonlenlɛ Sua ne anu ninyɛne ne mɔ bie ɔhɔle. Ɔvale ninyɛne ne mɔ ɔhɔle Hyaenaa na ɔhɔguale bɛ ye bozonle ne abo.

Daneɛle Buluku ne 5:23

na wɔhakyi ɛ nzi wɔzi Anwuma Nyamenle ne. Bɛva ahɔpo ne mɔ mɔɔ wɔ Ɛdɛnkɛma Ɛzonlenlɛ Sua ne anu la bɛrɛlɛ wɔ na ɛ nee wɔ mgbanyima, wɔ mraalɛ, yɛɛ wɔ mgbɔnla ne mɔ ɛnlo nu. Wɔye dwɛtɛ fufule, ezukoa nvutuke, kɔbele, bulalɛ, baka, yɛɛ bolɛ awozonle ne mɔ mɔɔ ɛnnwu debie, ɛnde edwɛkɛ, ɛnze ɛhwee la ayɛlɛ wɔgyakyi Nyamenle ne mɔɔ wɔ ngoane nee wɔ ndenle kɔsɔɔti wɔ ɔ sa nu la.