Ɛzela Buluku ne 1:6 - BAEBOLO ANZƐƐ BULUKU NWUANZANWUANZA

⁶ Bɛ gɔnwo mɔ amuala boale bɛ. Bɛmanle bɛ ahyɛnze mɔɔ bɛva dwɛtɛ fufule nee ezukoa nvutuke bɛyɛ la, nane mɔɔ soa ninyɛne, aleɛ, yɛɛ ninyɛne mɔɔ sonle bolɛ, yɛɛ akee ahunlundwolɛ ahyɛlɛ ninyɛne mɔɔ bɛfa bɛahɔbɔ azu la.

Ɛzela Buluku ne 1:6 ပူးပေါင်းရင်းမြစ်များ

1 Edk 29:9

Menli ne yeyele bɛ ahonle nu vale ninyɛne ne manle Ɛdɛnkɛma na bɛ nye liele kɛ bɛhola bɛyeye ninyɛne dɔɔnwo zɛhae a. Belemgbunli Devidi ɔdaye noko ɔ nye liele kpole kpalɛ.

Ɛzela Buluku ne 1:4

Menli kɔsɔɔti mɔɔ wɔ ɛleka mɔɔ Nyamenle menli ne bie mɔ tɛbɔ la ɛmaa bɛ moalɛ biala mɔɔ fɛta la: dwɛtɛ fufule, ezukoa nvutuke, ninyɛne nee nyɛmoa, nee ahunlundwolɛ ahyɛlɛ ninyɛne mɔɔ bɛfa bɛahɔbɔ azu wɔ Nyamenle Ɛzonlenlɛ Sua ne mɔɔ wɔ Gyɛlusalɛm la anu la.”

Ɛzela Buluku ne 8:33

Ye kenle nna ne azo yɛzuzule dwɛtɛ fufule ne, ezukoa nvutuke ne, nee ninyɛne ne mɔ yɛwulale sɛlɛvolɛ Mɛlɛmo, mɔɔ le Yulaya ara ne asa anu wɔ Nyamenle Sua ne anu. Fenɛhase ara Ɛlieza yɛɛ Livaema nwiɔ, Gyɛhyua ara Dwozabade nee Benuwae ara Nowadaya wɔ ɛkɛ ne bie.

Nihɛmaya Buluku ne 6:9

Ɔluakɛ ɛnee bɛkulo kɛ bɛnwunlonwunla yɛ amaa bɛaze kɛ, “Bɛ sa ɛkpa, bɛangola gyima ne yɛ.” O Nyamenle, kpogya me sa zo ɛ!

Edwɛndolɛ Buluku ne 106:46

Ɔmanle menli mɔɔ hyele bɛ nuokɛ la zele menli mɔɔ bɛhye bɛ nuokɛ la anwunvɔne.

Edwɛndolɛ Buluku ne 110:3

Wɔ menli ne mɔ bava bɛ nwo amaa wɔ, wɔ mekɛ mɔɔ ɛkɛze kɛ ɛdi wɔ ɛlɔnema ati wɔ boka nwuanzanwuanza ne azo la. Wɔ mgbavolɛ ne mɔ bara ɛ nwo nwonlomɔ mangyee ne, kɛ nwonlomɔ ɛbɔlɛ mɔɔ ɛlɛtɔ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:35

Ɛnee Yizilayɛma ɛyɛ mɔɔ Mosisi hanle hilele bɛ la. Bɛbizale Yigyibitima bɛliele dwɛtɛ fufule nee ezukoa nvutuke anwoneɛ nee ndanlɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:36

Ɛnee Ɛdɛnkɛma ɛmaa Yizilayɛma anyunlu ɛra anyia wɔ Yigyibitima anyunlu, yemɔti debie biala mɔɔ bɛbizale la, Yigyibitima vale manle bɛ. Ɛhye manle bɛkpokpole Yigyibitima bɔkɔɔ.

Ayezaya Buluku ne 35:3

Bɛmaa mɔɔ asa anu ɛtuto la anwosesebɛ, na bɛmaa mɔɔ agyakɛ anzi ɛtuto la ɛgyinla kpundii.

2 Kɔl 9:7

Awie biala ɛva mɔɔ yezuzu nwo wɔ ye ahonle nu la ɛmaa. Ɔmmatwenlehwenle ɔ bo aze anzɛɛ ɔyɛ ye kɛ asɛɛ yemia la ati ɔ, ɔluakɛ Nyamenle kulo sonla mɔɔ te ɔ nyunlu kyɛ debie la.