Ɛzela Buluku ne 1:2 - BAEBOLO ANZƐƐ BULUKU NWUANZANWUANZA

² “Kɛ Belemgbunli Saelɛse mɔɔ nea Pɛhyea Maanle Maanle ne mɔ azo la se la ɛne: Ɛdɛnkɛma, mɔɔ le Anwuma Nyamenle ne ɛva maanle maanle mɔɔ wɔ azɛlɛ ye azo la amuala ɛwula me sa nu kɛ menzie bɛ. Na yeze me kɛ menzi Ɛzonlenlɛ Sua memaa ye wɔ Gyɛlusalɛm mɔɔ wɔ Dwuda la.

Ɛzela Buluku ne 1:2 ပူးပေါင်းရင်းမြစ်များ

1 Arl 8:27

“Na Ɛdɛnkɛma, asoo amgba ɛbaradɛnla azɛlɛ ye azo bie? Wɔmɔ, anwuma nehane bɔbɔ le ekyi maa wɔ na sua ekyi ɛhye mɔɔ mezi la yɛɛ akee ɛkɛzo nu a.

2 Edk 2:12

Ayɛlɛyelɛ ɛha Yizilayɛ Ɛdɛnkɛma Nyamenle ne mɔɔ bɔle anwuma nee aze, mɔɔ ɛmaa Belemgbunli Devidi ɛwo ralɛ nrenya mɔɔ ze nrɛlɛbɛ, mɔɔ lɛ adwenle nee ndelebɛbo, mɔɔ bazi Ɛzonlenlɛ Sua amaa Ɛdɛnkɛma na yeabu ye belemgbunli awuke a.

Ɛzela Buluku ne 1:5

Na Dwuda nee Bɛngyaman mbusua ekpunli ne mɔ anu mgbanyima, sɛlɛvolɛma nee Livaema, nee awie biala mɔɔ Nyamenle ɛva ɔ sa ɛha ye ahonle la boɔboale bɛ nwo kɛ bɛkɔ bɛahɔboa Ɛdɛnkɛma Ɛzonlenlɛ Sua ne ɛzilɛ bieko wɔ Gyɛlusalɛm.

Ɛzela Buluku ne 3:7

Akee bɛvale ezukoa bɛmanle menli mɔɔ si sua la nee kapentama, yɛɛ bɛvale aleɛ, nza, nee nwole bɛhɔmanle menli mɔɔ wɔ Saedɛn nee Taya la, amaa bɛava sida mbaka mgbole bɛalua nyevile nye bɛvi Lɛbanɔn bɛara Dwɔpa. Pɛhyea Maanle Maanle Belemgbunli Saelɛse a manle adenle kɛ bɛyɛ ye zɔhane a.

Ɛzela Buluku ne 4:3

Na Zɛlɛbabɛle, Dwɔhyua nee Yizilayɛ mbusua mgbanyinli ne mɔ buale bɛ kɛ, “Yɛngyia bɛ moalɛ wɔ yɛ Nyamenle ne Ɛzonlenlɛ Sua ne ɛzilɛ nu gyima biala anwo. Yɛdayɛ yɛbazi Ɛdɛnkɛma, Yizilayɛ Nyamenle ne Ɛzonlenlɛ Sua ne, kɛmɔ Maanle Maanle Belemgbunli Saelɛse ɛze yɛ la.”

Ɛzela Buluku ne 5:15

na ɔzele ye kɛ, “Die ninyɛne ɛhye mɔ na fa kɔgua Ɛzonlenlɛ Sua ne anu wɔ Gyɛlusalɛm, na eza bɛzi Nyamenle Sua ne wɔ ɔ bo zo ne ala.”

Ɛzela Buluku ne 6:10

amaa bɛabɔ azu mɔɔ sɔ Nyamenle ne mɔɔ wɔ anwuma la anye na bɛazɛlɛ bɛamaa belemgbunli nee ɔ mra mrenya kpalɛyɛlɛ.

Ɛzela Buluku ne 6:3

“Wɔ ɛvolɛ ne ala mɔɔ bɛvale Belemgbunli Saelɛse bɛziele ebia zo la anu, belemgbunli manle bɛvale mɛla ɛhye bɛdole gua. Mɛla ne fane Nyamenle Sua ne mɔɔ wɔ Gyɛlusalɛm la anwo. Ɔse, ‘Bɛzi Nyamenle Ɛzonlenlɛ Sua ne bieko na ɔyɛ ɛleka mɔɔ ɛkɛ ne a bɛfa azubɔlɛ ninyɛne bɛkɔ, na bɛyela ninyɛne bɛbɔ azu a. Ɔwɔ kɛ ye anwuma ɛhɔlɛ yɛ mita abulanwiɔ nee nsuu yɛɛ ye tɛtɛlɛ noko zɔhane ala.

Ɛzela Buluku ne 7:12

“Medame, Maanle Maanle Belemgbunli Atazɛzɛse a melɛkɛlɛ kɛlata ɛhye meamaa sɛlɛvolɛ Ɛzela mɔɔ le Anwuma Nyamenle ne Mɛla ne kɛlɛhɛlɛvolɛ la a.

Nihɛmaya Buluku ne 1:4

Mɔɔ mendele edwɛkɛ ɛhye la, mendɛnlanle aze na menzunle menyele awolɛ kpalɛ na menlile nyane kenle dɔɔnwo; mengɔle zolɛ mengyele ɛhɔne menzɛlɛle Nyamenle

Nihɛmaya Buluku ne 1:5

menzele kɛ, “O Ɛdɛnkɛma Nyamenle mɔɔ wɔ anwuma, mɔɔ ɛle nwanwane, ɛle bedevinli a; wɔmɔ mɔɔ ɛsie wɔ ngyekyeleɛ ne nee wɔ ɛhulolɛ ne kpundii ɛmaa menli mɔɔ kulo wɔ na bɛdi wɔ mɛla zo la a,

Edwɛndolɛ Buluku ne 136:26

Bɛyɛ anwuma Nyamenle ne mo; ɔluakɛ ye ɛhulolɛ kpundii ne wɔ ɛkɛ dahuu.

Edwɛndolɛ Buluku ne 85:2

Ɛvale wɔ menli ne ɛtane ɛhyɛle bɛ, na ɛmanle bɛnyianle bɛ ti bɔkɔɔ.

Mrɛlɛbulɛ Buluku ne 21:1

Belemgbunli biala adwenle le kɛ azudenle wɔ Ɛdɛnkɛma asa anu; ɛleka mɔɔ ɔkulo la yɛɛ ɔmaa ɔse ɔdua a.

Ayezaya Buluku ne 41:2

“Nwane a hɔhanle konimnli ne mɔɔ vi aduduleɛ, mɔɔ ɛleka biala mɔɔ ɔkɛtia la ɔdi konim a? Yeye maanle maanle kɔsɔɔti yemaa ye, yemɔti ɔdi arelemgbunli nwo zo konim; ɔfa ye konle dadeɛ ne ɔbɔ bɛ asande kɛ munlutu, ɔfa ye ɛda ne ɔpia bɛ ɔkɔ kɛ ewula.

Ayezaya Buluku ne 44:26

Medame a memaa me sonvolɛma edwɛkɛ di munli, na meyɛ mɔɔ me soanvolɛma kɛha la. Meka ye Gyɛlusalɛm anwo kɛ, ‘Menli baradɛnla zolɛ,’ na meka mekile Dwuda azuamgbole kɛ, ‘Bɛbakyekye bɛ fofolɛ, na mebakyekye bɛ azuamgbole mɔɔ ɛzɛkye la.’

Ayezaya Buluku ne 44:28

Medame a meka mekile Saelɛse kɛ, ‘Ɔle me mboaneneavolɛ, yɛɛ ɔbayɛ debie biala mɔɔ mekpondɛ la;’ meka mekile Gyɛlusalɛm kɛ, ‘Bɛbakyekye ye bieko,’ na meka wɔ Ɛzonlenlɛ Sua ne anwo kɛ, ‘Bɛbawula wɔ adiabo ne aze.’ ”

Ayezaya Buluku ne 45:1

Ɛdɛnkɛma ɛkpa nu ɛye Saelɛse, yemaa ye tumi kpole kɛ ɔli maanle maanle nwo zo konim, na ɔlie arelemgbunli tumi ɔvi bɛ sa nu; ɔbukebuke nlenkɛ mɔɔ wɔ ɔ nyunlu la, amaa bɛando nlenkɛ mgbole ne mɔ anu, na ɔzele ye kɛ:

Ayezaya Buluku ne 66:1

Ɛdɛnkɛma se, “Anwuma le me belemgbunli ebia, yɛɛ azɛlɛ ye le me gyakɛ abo ebia. Duzu sua a bɛkɛzi bɛkɛmaa me a, yɛɛ nienwu a medie me ɛnwomenle a?

Gyɛlɛmaya Buluku ne 10:11

(Se bɛ kɛ, “Bɛbazɛkye awozonle ne mɔ mɔɔ tɛ bɛmɛ a bɛbɔle anwuma nee aze la. Bɛnrɛnyia ewiade ye ɛleka biala bɛnrɛdɛnla.”)

Gyɛlɛmaya Buluku ne 27:5

medame me tumi nee me anwosesebɛ zo a melua mebɔ ewiade ye nee menli nee nane mɔɔ wɔ nu la a, na mefa memaa awie biala mɔɔ mekulo la.

Gyɛlɛmaya Buluku ne 29:10

Ɛdɛnkɛma se: “Saa bɛdi ɛvolɛ abulasuu wɔ Babelonia a, mebarakpɔla bɛ, mebali me ɛwɔkɛ zo na meava bɛ meazia meara bɛ maanle nu,

Daneɛle Buluku ne 1:21

Yemɔti Daneɛle dɛnlanle suakunlu ɛkɛ ne toonwo Pɛhyea Maanle Maanle Belemgbunli Saelɛse honle vale Babelonia na ɔnyianle ɛvolɛ ko wɔ ebia ne azo.

Daneɛle Buluku ne 2:21

Ɔkakyi mekɛ, ɔkakyi ɛlobɔ; ɔtu arelemgbunli, ɔsie arelemgbunli; ɔmaa nrɛlɛbɛvolɛ nwu nrɛlɛbɛ, na ɔmaa mɔɔ lɛ ndelebɛbo la adwenle;

Daneɛle Buluku ne 2:28

Yɛlɛ Nyamenle wɔ anwuma mɔɔ sa fealera nu ninyɛne gua zolɛ a, na yemɔ yɛɛ ɛye mɔɔ kenle bie bazi la ɛhile Nana a. Ɛlalɛ ne mɔɔ Nana hanle, nee ɛnyelɛzodeɛnwunlɛ ne mɔ mɔɔ ɛnwunle bɛ wɔ nla nu la, bɛmɛ ɛne:

Daneɛle Buluku ne 4:25

Bɛbavoa wɔ bɛavi menli nu bɛamaa ɛ nee ɛbɔ nu nane ahɔdɛnla; ɛbali ndile kɛ ɛnlankɛ nyinli na ɛbɔlɛ adɔ ɛ nwo zo toonwo ɛvolɛ nsuu. Ɛhye anzi ɛbanwu kɛ Anwuma Anwumanli ne a sie ewiade a, yɛɛ ɔfa ɔmaa awie biala mɔɔ ɔkulo la.

Daneɛle Buluku ne 4:32

Bɛbavoa wɔ bɛavi menli avinli na ɛ nee ɛbɔ nu nane ahɔdɛnla. Bɛbamaa wɔali ndile kɛ ɛnlankɛ nyinli la toonwo ɛvolɛ nsuu, kɔkpula mekɛ mɔɔ ɛkɛnwu kɛ Anwuma Anwumanli ne a sie ewiade a, yɛɛ ɔfa ɔmaa awie biala mɔɔ ɔkulo la.”

Daneɛle Buluku ne 5:23

na wɔhakyi ɛ nzi wɔzi Anwuma Nyamenle ne. Bɛva ahɔpo ne mɔ mɔɔ wɔ Ɛdɛnkɛma Ɛzonlenlɛ Sua ne anu la bɛrɛlɛ wɔ na ɛ nee wɔ mgbanyima, wɔ mraalɛ, yɛɛ wɔ mgbɔnla ne mɔ ɛnlo nu. Wɔye dwɛtɛ fufule, ezukoa nvutuke, kɔbele, bulalɛ, baka, yɛɛ bolɛ awozonle ne mɔ mɔɔ ɛnnwu debie, ɛnde edwɛkɛ, ɛnze ɛhwee la ayɛlɛ wɔgyakyi Nyamenle ne mɔɔ wɔ ngoane nee wɔ ndenle kɔsɔɔti wɔ ɔ sa nu la.

Daneɛle Buluku ne 6:25

Belemgbunli Dalayɛse hɛlɛle hɔmanle maanle maanle nee menli ngakyile mɔɔ bɛ aneɛ le ngakyile la kɛ, “Anzonudwolɛ dɔɔnwo ɛha bɛ!

Dwona Buluku ne 1:9

Dwona buale kɛ, “Mele Hibulunli. Mesonle Ɛdɛnkɛma, Nyamenle ne mɔɔ wɔ anwuma la. Yemɔ a ɔbɔle nyevile nee azɛlɛ a.”