Ɛzela Buluku ne 1:11 - BAEBOLO ANZƐƐ BULUKU NWUANZANWUANZA

¹¹ Bɛ muala bɛle ezukoa nvutuke nee dwɛtɛ fufule ninyɛne apenle nnu, ɛya nna. Hyɛhyebazaa a vale ninyɛne ɛhye mɔ rale a, wɔ mekɛ mɔɔ bɛdabɛ mɔɔ bɛhyele bɛ bɛhɔle nlɔnu wɔ Babelɔn la ziale rale Gyɛlusalɛm la.

Ɛzela Buluku ne 1:11 ပူးပေါင်းရင်းမြစ်များ

2 Arl 25:15

Debie biala mɔɔ bɛvale ezukoa nvutuke, anzɛɛ dwɛtɛ fufule a bɛyɛle, dwora nee ahyɛnze mralɛ anu kuloonwu, nee ahyɛnze ne mɔ mɔɔ bɛfa bɛfa senle la, bɛvale bɛ muala bɛhɔle.

Ɛzela Buluku ne 2:1

Yizilayɛma mɔɔ bɛhyele bɛ bɛhɔle nlɔnu wɔ Babelɔn maanzinli nu la anu somaa ne ala ziale rale Gyɛlusalɛm nee Dwuda, na awie biala hɔle ye sua zo. Belemgbunli Nɛbukadenɛza a hyele menli zɔhane mɔ mgbanyinli nuokɛ hɔle Babelonia a.

Ɛzela Buluku ne 4:1

Menli mɔɔ ɛngulo Dwudama nee Bɛngyamanema edwɛkɛ la dele kɛ menli mɔɔ bɛhyele bɛ bɛhɔle nlɔnu la ɛzia ɛra na bɛlɛsi Ɛdɛnkɛma, Yizilayɛ Nyamenle ne Ɛzonlenlɛ Sua ne.

Ɛzela Buluku ne 6:19

Siane ne mɔɔ lumua la anu kenle mɔɔ tɔ zolɛ bulu nee nna la, bɛdabɛ mɔɔ bɛhyele bɛ nuokɛ bɛhɔle nlɔnu na bɛzia bɛra la lile Akpabɛnwo Ɛvoyia ne.

Edwɛndolɛ Buluku ne 126:1

Mɔɔ Ɛdɛnkɛma manle Zayɔn kpazile bieko la, yɛyɛle kɛ menli mɔɔ ɛlɛka ɛlalɛ la.

Edwɛndolɛ Buluku ne 85:1

Ɛdɛnkɛma, ɛnwunle wɔ azɛlɛ ne anwunvɔne; ɛmanle Yizilayɛma kpazile bieko.

Gyɛlɛmaya Buluku ne 27:21

“Bɛdie mɔɔ medame, Tumivolɛ Ɛdɛnkɛma, Yizilayɛ Nyamenle ne, melɛka ye wɔ ɛzonlenlɛ ninyɛne mɔɔ bɛgyakyile bɛ wɔ Ɛzonlenlɛ Sua ne anu nee belemgbunli suakunlu ɛkɛ ne nee mɔɔ wɔ Gyɛlusalɛm la anwo la ɛne.

Wulo 9:23

Eza noko ɔkulo kɛ ye anyunlunyia ne da ɛkɛ, na ɔwola ɔgua yɛdayɛ mɔɔ ɔwɔ kɛ ɔnwu yɛ anwunvɔne, na yeziezie yɛ kɛ yɛnyia ye anyunlunyia ne la anwo zo.