Ɛzela Buluku ne 1:1 - BAEBOLO ANZƐƐ BULUKU NWUANZANWUANZA

¹ Mekɛ mɔɔ bɛkava Saelɛse bɛazie Pɛhyea Maanle Maanle Belemgbunli la, ɛnee Ɛdɛnkɛma ɛlua ye kpɔmanvolɛ Gyɛlɛmaya anwo zo ɛha edwɛkɛ bie ɛdo ɛkɛ. Zɔhane ati amaa edwɛkɛ ne ayɛ nɔhalɛ la, mɔɔ Saelɛse yɛle Pɛhyea Maanle Maanle Belemgbunli la, ye ɛvolɛ ne mɔɔ lumua la anu, Ɛdɛnkɛma hanle ye ahonle manle ɔvale edwɛkɛ ne ɔdole gua. Saelɛse manle bɛhɛlɛle edwɛkɛ ne wɔ ngɛlata zo bɛhɔle maanle maanle ne mɔ mɔɔ ɔsie bɛ la amuala anu. Edwɛkɛ ne se:

Ɛzela Buluku ne 1:1 ပူးပေါင်းရင်းမြစ်များ

Ɛzela Buluku ne 1:5

Na Dwuda nee Bɛngyaman mbusua ekpunli ne mɔ anu mgbanyima, sɛlɛvolɛma nee Livaema, nee awie biala mɔɔ Nyamenle ɛva ɔ sa ɛha ye ahonle la boɔboale bɛ nwo kɛ bɛkɔ bɛahɔboa Ɛdɛnkɛma Ɛzonlenlɛ Sua ne ɛzilɛ bieko wɔ Gyɛlusalɛm.

Ɛzela Buluku ne 4:3

Na Zɛlɛbabɛle, Dwɔhyua nee Yizilayɛ mbusua mgbanyinli ne mɔ buale bɛ kɛ, “Yɛngyia bɛ moalɛ wɔ yɛ Nyamenle ne Ɛzonlenlɛ Sua ne ɛzilɛ nu gyima biala anwo. Yɛdayɛ yɛbazi Ɛdɛnkɛma, Yizilayɛ Nyamenle ne Ɛzonlenlɛ Sua ne, kɛmɔ Maanle Maanle Belemgbunli Saelɛse ɛze yɛ la.”

Ɛzela Buluku ne 6:14

Zɔhane ati Dwuu mgbanyima ne mɔ hɔle sua ne ɛzilɛ zo na bɛhɔle bɛ nyunlu kpalɛ. Mekɛ ne anu ɛnee Nyamenle kpɔmanvolɛma, Hagae nee Yido ara Zɛkalaya a ka Nyamenle nrɛlaleɛ ne kile bɛ a. Bɛwiele Ɛzonlenlɛ Sua ne si, kɛmɔ Yizilayɛ Nyamenle ne hyehyɛle la nee mɛla mɔɔ Pɛhyea Maanle Maanle arelemgbunli nsa ne, Saelɛse, Dalayɛse, nee Atazɛzɛse lile la se la.

Ɛzela Buluku ne 6:22

Bɛvale fɛlɛkolilɛ bɛlile Angye Ɛvoyia ne toonwo kenle nsuu. Bɛ nye liele, ɔluakɛ Ɛdɛnkɛma ɛmaa Aselea belemgbunli ne ɛhakyi ye nyɛleɛ na yeboa bɛ yemaa bɛzi Yizilayɛ Nyamenle ne Ɛzonlenlɛ Sua ne.

Ɛzela Buluku ne 6:3

“Wɔ ɛvolɛ ne ala mɔɔ bɛvale Belemgbunli Saelɛse bɛziele ebia zo la anu, belemgbunli manle bɛvale mɛla ɛhye bɛdole gua. Mɛla ne fane Nyamenle Sua ne mɔɔ wɔ Gyɛlusalɛm la anwo. Ɔse, ‘Bɛzi Nyamenle Ɛzonlenlɛ Sua ne bieko na ɔyɛ ɛleka mɔɔ ɛkɛ ne a bɛfa azubɔlɛ ninyɛne bɛkɔ, na bɛyela ninyɛne bɛbɔ azu a. Ɔwɔ kɛ ye anwuma ɛhɔlɛ yɛ mita abulanwiɔ nee nsuu yɛɛ ye tɛtɛlɛ noko zɔhane ala.

Ɛzela Buluku ne 7:27

Na Ɛzela zele kɛ, “Ayɛlɛyelɛ ɛha Ɛdɛnkɛma, yɛ nlenya mɔ Nyamenle ne. Yemaa Maanle Maanle Belemgbunli ne ahonle kpalɛ kɛ ɔli Ɛdɛnkɛma Ɛzonlenlɛ Sua ne mɔɔ wɔ Gyɛlusalɛm la eni wɔ adenle zɛhae anu.

Edwɛndolɛ Buluku ne 106:46

Ɔmanle menli mɔɔ hyele bɛ nuokɛ la zele menli mɔɔ bɛhye bɛ nuokɛ la anwunvɔne.

Mrɛlɛbulɛ Buluku ne 21:1

Belemgbunli biala adwenle le kɛ azudenle wɔ Ɛdɛnkɛma asa anu; ɛleka mɔɔ ɔkulo la yɛɛ ɔmaa ɔse ɔdua a.

Ayezaya Buluku ne 44:28

Medame a meka mekile Saelɛse kɛ, ‘Ɔle me mboaneneavolɛ, yɛɛ ɔbayɛ debie biala mɔɔ mekpondɛ la;’ meka mekile Gyɛlusalɛm kɛ, ‘Bɛbakyekye ye bieko,’ na meka wɔ Ɛzonlenlɛ Sua ne anwo kɛ, ‘Bɛbawula wɔ adiabo ne aze.’ ”

Ayezaya Buluku ne 45:1

Ɛdɛnkɛma ɛkpa nu ɛye Saelɛse, yemaa ye tumi kpole kɛ ɔli maanle maanle nwo zo konim, na ɔlie arelemgbunli tumi ɔvi bɛ sa nu; ɔbukebuke nlenkɛ mɔɔ wɔ ɔ nyunlu la, amaa bɛando nlenkɛ mgbole ne mɔ anu, na ɔzele ye kɛ:

Gyɛlɛmaya Buluku ne 1:1

Gyɛlɛmaya mɔɔ ɔ ze a le sɛlɛvolɛ Helekaya mɔɔ boka sɛlɛvolɛma mɔɔ wɔ Anato mɔɔ wɔ Bɛngyaman maanzinli nu la anwo la anloa edwɛkɛ ɛne:

Gyɛlɛmaya Buluku ne 29:10

Ɛdɛnkɛma se: “Saa bɛdi ɛvolɛ abulasuu wɔ Babelonia a, mebarakpɔla bɛ, mebali me ɛwɔkɛ zo na meava bɛ meazia meara bɛ maanle nu,

Yizikeɛle Buluku ne 38:5

bie mɔ mɔɔ vi Pɛhyea, Sudan, yɛɛ Lebeya, na bɛdedɛ bɛ sa nu enyinlike, bɛzozo mbulalɛ ahyɛlɛ la boka bɛ;

Daneɛle Buluku ne 1:21

Yemɔti Daneɛle dɛnlanle suakunlu ɛkɛ ne toonwo Pɛhyea Maanle Maanle Belemgbunli Saelɛse honle vale Babelonia na ɔnyianle ɛvolɛ ko wɔ ebia ne azo.

Daneɛle Buluku ne 2:1

Nɛbukadenɛza lile ɛvolɛ nwiɔ wɔ ebia zo la ɔhanle ɛlalɛ na ɛzulolɛ hanle ye mɔɔ ɛnee ɔda a ɔnla a.

Daneɛle Buluku ne 6:25

Belemgbunli Dalayɛse hɛlɛle hɔmanle maanle maanle nee menli ngakyile mɔɔ bɛ aneɛ le ngakyile la kɛ, “Anzonudwolɛ dɔɔnwo ɛha bɛ!

Daneɛle Buluku ne 9:2

Ɔlile ebia ne la ye ɛvolɛ ne mɔɔ lumua la ala anu, medame Daneɛle mɔɔ ɛnee melɛneɛnlea mbuluku nwuanzanwuanza ne mɔ anu na melɛdwenledwenle mɔɔ Ɛdɛnkɛma ɛlua Nyamenle kpɔmanvolɛ Gyɛlɛmaya anwo zo ɛha ɛdo ɛkɛ ne la, mendele ɔ bo kɛ Gyɛlusalɛm babɔ toonwo ɛvolɛ abulasuu.

Dw 1:23

Dwɔn buale kɛmɔ Nyamenle kpɔmanvolɛ Ayezaya hanle la: “Mame a mele ɛnelɛ ne mɔɔ ɛlɛtea nu wɔ ɛsɛlɛ ne anu, ‘Bɛdenrɛdenrɛ adenle ne bɛmaa Awulae ɛlua nu!’ la.”