Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 8:10 - BAEBOLO ANZƐƐ BULUKU NWUANZANWUANZA

¹⁰ Na belemgbunli ne hanle kɛ, “Ɛhyema.” Mosisi hanle kɛ, “Ɔyɛ zɔhane, kɛmɔ ɛdawɔ ɛse la, amaa wɔanwu kɛ nyamenle biala ɛnle ɛkɛ ne kɛ Ɛdɛnkɛma, yɛ Nyamenle ne ala.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 8:10 ပူးပေါင်းရင်းမြစ်များ

2 Sam 7:22

O Ɛdɛnkɛma Nyamenle, ɛle kpole; nyamenle bieko ɛnle ɛkɛ mɔɔ le kɛ ɛdawɔ a, yɛɛ nyamenle bieko ɛnle ɛkɛ mɔɔ yɛdayɛ yɛde ye yɛ nzo nu kɛ ɛ ngome ala.

1 Edk 17:20

Ɛdɛnkɛma, awie biala nee wɔ ɛnzɛ. Yɛze dahuu kɛ ɛdawɔ ala yɛɛ ɛle Nyamenle a.

Edwɛndolɛ Buluku ne 83:18

Maa bɛnwu kɛ ɛdawɔ ɛ ngomekye, mɔɔ wɔ duma a le Ɛdɛnkɛma la a ɛle Anwuma Anwumanli ne mɔɔ sie azɛlɛ ye a.

Edwɛndolɛ Buluku ne 86:8

O Awulae, nyamenle biala nee wɔ ɛnzɛ, yɛɛ gyima biala ɛndɛla wɔ gyima ne mɔ.

Edwɛndolɛ Buluku ne 9:16

Ɛdɛnkɛma ɛhile kɛ ɔsi ɔde la, yebua ndɛne ne; amumuyɛma ɛdo bɛdabɛ mumua ne bɛ ɛhane.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:11

“O Ɛdɛnkɛma, nwane a le kɛ ɛdawɔ wɔ awozonle avinli a? Nwane a le kɛ wɔmɔ, mɔɔ le kpole wɔ nwuanzanwuanzayɛlɛ nu, ye ayɛlɛyelɛ le kpole na ɔyɛ nwanwane ninyɛne a?

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 8:9

Mosisi hanle hilele belemgbunli ne kɛ, “Si ahonle, kile mekɛ mɔɔ menzɛlɛ memaa wɔ nee wɔ mgbanyima nee wɔ menli ne, amaa bɛaye ahɛlɛne ne mɔ bɛavi bɛ nee bɛ azua nu na yeaha Azule Naele ne anu ɛdeɛ ne mɔ ala la.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:14

Ɔluakɛ akee mebava me ndeanlɛ kɔsɔɔti meagua ɛ nwo zo, nee wɔ mgbanyima nee wɔ menli ne anwo zo, amaa wɔanwu kɛ awie biala mɔɔ le kɛ medame la ɛnle azɛlɛ ye azo ɛleka biala.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:29

Mosisi hanle kɛ, “Saa meye me nwo suakpole ye azo a, mebamaa me sa zo meazɛlɛ Ɛdɛnkɛma, na maanle nu ɛhululɛ ne bagyakyi, yɛɛ ezuawolɛ ne ɛnrɛdɔ bieko, amaa wɔanwu kɛ azɛlɛ ye le Ɛdɛnkɛma ɛdeɛ.

Mrɛlɛbulɛ Buluku ne 27:1

Mmafa ɛhyema ɛtu ɛ nwo, ɔluakɛ ɛnze mɔɔ alehyenlɛ nee ye lua a.

Ayezaya Buluku ne 40:18

Nwane anwo a bɛfa Nyamenle bɛto a, anzɛɛ duzu debie a zɔho ye a?

Ayezaya Buluku ne 40:25

“Ɛnee akee nwane anwo a bɛfa me bɛto a, amaa meazɔho ahenle,” Nwuanzanwuanza Ko ne ɛlɛbiza bɛ.

Ayezaya Buluku ne 46:9

Bɛhakye alumua ninyɛne mɔɔ zile dɛba ne la; ɔluakɛ medame a mele Nyamenle a, bieko ɛnle ɛkɛ. Medame a mele Nyamenle a, bieko ɛnle ɛkɛ mɔɔ le kɛ medame.

Mɛla 3:24

‘O Awulae Nyamenle, bɔ zo mɔɔ wɔbɔ ɔ bo ɛlɛkile wɔ sonvolɛ wɔ kpoleyɛlɛ nee wɔ tumi a. Ɔluakɛ nyamenle biala ɛnle anwuma anzɛɛ aze mɔɔ kola yɛ ninyɛne mgbole nee nwanwane gyima kɛ wɔmɔ ala.

Mɛla 32:31

Ɔluakɛ bɛ bodane ne ɛnle kɛ yɛ Bodane ne, yɛ kpɔvolɛma bɔbɔ ze ɛhye sie.

Mɛla 33:26

Yizilayɛma, nyamenle bie ɛnle ɛkɛ mɔɔ le kɛ bɛ Nyamenle ne, mɔɔ dua ye belemgbunlililɛ nu vi anwuma baboa ye menli a.

Mɛla 4:35

Bɛyɛle ɛhye bɛmanle bɛnwunle ye, amaa bɛanwu kɛ Ɛdɛnkɛma a le Nyamenle a; nyamenle bieko ɛnle ɛkɛ.

Mɛla 4:39

Zɔhane ati bɛnwu ye ɛnɛ na bɛva bɛzie bɛ ti anu kɛ Ɛdɛnkɛma a le Nyamenle wɔ anwuma nee azɛlɛ ti anu a; nyamenle bieko ɛnle ɛkɛ.

Gyemise Kɛlata ne 4:14

Bɛnze mɔɔ bazi bɛ nwo zo ɛhyema a. Bɛdabɛ mumua ne, bɛ ngoane tendenle le nyɛ? Bɛ ngoane le kɛ nwonlomɔ ɛbɔlɛ la, ɔngyɛ na yeawe na ɔ bo zo aminli.