Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 7:3 - BAEBOLO ANZƐƐ BULUKU NWUANZANWUANZA

³ Mebamaa belemgbunli ne ayɛ dapele. Kanza mebɔ me sɛkɛlɛneɛ nee me nwanwane ninyɛne ne mɔ anwo mɔnwo mɔnwo wɔ Yigyibiti azɛlɛ zo bɔbɔ a, belemgbunli ne ɛnrɛdie wɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 7:3 ပူးပေါင်းရင်းမြစ်များ

Nihɛmaya Buluku ne 9:10

Ɛyɛle nwanwane ninyɛne ɛhilele Yigyibiti belemgbunli ne, ɛyɛle bie ɛhilele ye mgbanyima nee menli mɔɔ wɔ azɛlɛ ne azo la, ɔboalekɛ ɛze kɛ bɛzile bɛsisile wɔ menli ne la. Na ɛliele duma ne mɔɔ ɛnɛ nee ɛnɛ ɛtɛdɛ la.

Edwɛndolɛ Buluku ne 135:9

Yemɔ yɛɛ Yigyibitima avinli, ɔyɛle nwanwane ninyɛne nee sɛkɛlɛneɛ ɔtiale Falo ne nee ye sonvolɛma a.

Edwɛndolɛ Buluku ne 78:12

Ɔyɛle nwanwane ninyɛne ɔhilele bɛ nlenya mɔ wɔ Zowan fienemgbole nu, wɔ Yigyibiti azɛlɛ zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 11:10

Mosisi nee Aalɔn yɛle nwanwane ninyɛne ɛhye mɔ kɔsɔɔti wɔ belemgbunli ne anye zo, na Ɛdɛnkɛma manle belemgbunli ne ahonle yɛle se, yemɔti yeammaa Yizilayɛma anvi maanle ne anu angɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 11:9

Akee Ɛdɛnkɛma zele Mosisi kɛ, “Belemgbunli ne ɛnrɛdie wɔ, amaa meayɛ nwanwane ninyɛne mɔnwo mɔnwo wɔ Yigyibiti azɛlɛ zo.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:4

Mebamaa belemgbunli ne ahonle ayɛ se, na yeadoa bɛ, na meanyia anyunlunyia wɔ belemgbunli ne nee ye ɛlɔnema ne kɔsɔɔti anyunlu, amaa Yigyibitima anwu kɛ medame a mele Ɛdɛnkɛma a.” Na Yizilayɛma yɛle mɔɔ bɛhanle bɛhilele bɛ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:20

Yemɔti mebadenrɛ me sa meayɛ nwanwane ninyɛne meadua Yigyibiti kakɛ, na ɛhye anzi, ɔbamaa bɛahɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:21

Na Ɛdɛnkɛma zele Mosisi kɛ, “Saa ɛsia ɛkɔ Yigyibiti a, yɛ nwanwane ninyɛne ne mɔ mɔɔ meva nwolɛ tumi memaa wɔ la kile belemgbunli ne. Noko akee mebamaa yeayɛ dapele, yemɔti ɔnrɛmaa menli ne ɛnrɛhɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:29

Akee Mosisi nee Aalɔn hɔle hɔboɔboale Yizilayɛ mgbanyima kɔsɔɔti anloa.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:7

Eza Nyamenle zele ye kɛ, “Fa ɛ sa wula wɔ tɛladeɛ ne anu.” Yemɔti ɔvale ɔ sa ɔwulale ye tɛladeɛ ne anu; na mɔɔ ɔyele ɔ sa la, ɛnee kokobɛ ne ɛhɔ na nwonane ne ɛyɛ kɛ ye dɛba ne ala la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 7:13

Noko belemgbunli ne akee yɛle dapele kpole kpalɛ, na kɛmɔ Ɛdɛnkɛma hanle la, akee bɔbɔ ɔnrɛdie bɛ edwɛkɛ fee.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:16

Na mevavi wɔ, memaa wɔdɛnla ngoane nu kɛ mefa meahile me tumi ne, na wɔakponde me duma wɔ azɛlɛ ye kɔsɔɔti azo.

Mrɛlɛbulɛ Buluku ne 21:1

Belemgbunli biala adwenle le kɛ azudenle wɔ Ɛdɛnkɛma asa anu; ɛleka mɔɔ ɔkulo la yɛɛ ɔmaa ɔse ɔdua a.

Ayezaya Buluku ne 51:9

Dwazo, O Ɛdɛnkɛma, fa wɔ anwosesebɛ nee wɔ tumi ne dwazo boa yɛ. Dwazo, kɛmɔ mɔmoane ɛyɛle na ɛboale awolɛndoazo mɔɔ ɛze ɛhɔ la. Asoo tɛ wɔmɔ a ɛpepɛle nyevizonle Releehabe anu azinli azinli, na ɛwɔle nane anwo ɛzulolɛ ne mɔɔ le kɛ ɛlɛnrɛne la atwɛ la?

Maeka Buluku ne 7:15

Yɛ nwanwane ninyɛne kile yɛ, kɛmɔ ɛyɛle wɔ mekɛ mɔɔ ɛyele yɛ ɛvile Yigyibiti la.

Dw 4:48

Gyisɛse zele ye kɛ, “Bɛmɛ, bɛ biala ɛnrɛlie ɛnrɛli ɛlɛ kyesɛ bɛnwu nwanwane sɛkɛlɛneɛ mgbole bie.”

Ɛzoanvolɛma Gyima ne 2:22

“Yizilayɛma, bɛdie! Gyisɛse mɔɔ vi Nazalɛte la le sonla mɔɔ Nyamenle yele ye manle bɛ a; ɔluale ɔ nwo zo ɔlile gyima mgbole, ɔyɛle nwanwane ninyɛne nee sɛkɛlɛneɛ wɔ bɛdabɛ bɛ nye zo, mɔɔ bɛdabɛ bɛze a.

Ɛzoanvolɛma Gyima ne 7:36

Ɔvale ɛvolɛ abulanla ɔyɛle nwanwane ninyɛne nee sɛkɛlɛneɛ wɔ Yigyibiti nee Nyevile Kɔkɔlɛ ne anloa, yɛɛ fienemgbole ne anu na ɔyele menli ne ɔvile Yigyibiti.

Wulo 15:19

ye nwanwane gyima mɔɔ ɔyɛle, nee mɔɔ ɔvale Nyamenle Sunsum ne tumi ɔyɛle la. Yemɔti wɔ me adendulɛ nu, ɔvi Gyɛlusalɛm mɔɔ badwu Yelelekɛm, meha na meva Kelaese anwo Edwɛkpa ne amuala medo gua.

Wulo 9:18

Yemɔti, Nyamenle ɔdaye ye ɛhulolɛdeɛ zo ɔse bie anwunvɔne yɛɛ ɔmaa bie noko yɛ anzosesebɛ.

Mɛla 4:34

Anzɛɛ saa nyamenle bie wɔ ɛkɛ ne, mɔɔ ɔdaye yezi ɔ kɛnra na yeyɛ kɛ ɔkava maanle bie wɔ maanle bie avinli yeayɛ ye ɔdaye ye maanle, na yeva ngyegyelɛ sɛkɛlɛneɛ, nwanwane nyɛleɛ, konle nee tumi kpole nee ɛzulolɛ yeyɛ, kɛmɔ Ɛdɛnkɛma bɛ Nyamenle yɛle wɔ Yigyibiti manle bɛdabɛ bɛnwunle ye la a.

Mɛla 7:19

Ɔgyegyele bɛ dɔɔnwo mɔɔ bɛdabɛ bɛnwunle ye a. Nwanwane ninyɛne nee sɛkɛlɛneɛ mgbole, yɛɛ tumi kpole yɛɛ Ɛdɛnkɛma bɛ Nyamenle ne vale yele bɛ a. Na zɔhane ala yɛɛ Ɛdɛnkɛma bɛ Nyamenle ne bava ayɛ menli mɔɔ bɛsulo bɛ la a.