Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 7:11 - BAEBOLO ANZƐƐ BULUKU NWUANZANWUANZA

¹¹ Akee belemgbunli ne vɛlɛle ye nrɛlɛbɛvolɛma nee ngonyiama mɔɔ wɔ Yigyibiti la, na bɛdabɛ noko bɛyele ngonyia ko ne ala bie.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 7:11 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 41:8

Yemɔti aleɛ hyenle la ɛnee ye adwenle ɛzɛkye. Na ɔzoanle ɔmanle bɛhɔvɛlɛle ngonyiama mɔɔ wɔ Yigyibiti la amuala nee maanle ne anu nrɛlɛbɛvolɛma ne amuala na ɔhanle ye ɛlalɛ ne ɔhilele bɛ. Noko bɛ nuhua ko bɔbɔ angola ɛlalɛ ne abo kile kile belemgbunli ne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 7:12

Bɛvuandinle bɛ agbɔma ne mɔ bɛguale aze na agbɔma ne mɔ hakyile nwɔlɛ. Na Aalɔn ɛwɔlɛ ɛdeɛ ne memenle bɛ nwɔlɛ ne mɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 7:22

Yigyibiti ngonyiama yele ngonyia ko ne ala bie, yemɔti belemgbunli ahonle akee solole na ye dapele ne yɛle kpole, na kɛmɔ Ɛdɛnkɛma hanle la, yeandie bɛ fee.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 8:18

Ngonyiama ne bɔle mɔdenle kɛ bɛdabɛ bɛye ngɔkɔwule ne mɔ bie, noko bɛangola. Yemɔti ngɔkɔwule vale menli nee nyɛmoa.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 8:3

Azule Naele ne bawula ahɛlɛne ngome, bɛbayi wɔ suakunlu ɛkɛ, wɔ sua ne mɔɔ ɛda nu la akunlu, wɔ ɛsokpa ne azo, wɔ mgbanyima nee wɔ menli ne mɔ kɔsɔɔti azua nu yɛɛ bɛ fonlomo ne mɔ nee bɛ ahyɛnze mɔɔ bɛfa bɛto kpanwo bɔbɔ la, ahɛlɛne bayiyi bɛ tetɛkɛɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 8:7

Na ngonyiama ne noko yele ngonyia yele ahɛlɛne guale Yigyibiti azɛlɛ zo.

Daneɛle Buluku ne 2:2

Zɔhane ati ɔdole ɛsalɛ ɔvɛlɛle ngonyiama, silihyelɛma, adunyipɛlɛma, yɛɛ menli mɔɔ lɛ bɛ nye la, kɛ bɛrahile ye ɛlalɛ ne abo. Bɛ muala bɛrale belemgbunli ɛvɛlɛlɛ ne.

Daneɛle Buluku ne 2:27

Daneɛle buale ye kɛ, “Nana, nrɛlɛbɛvolɛ, silikyevolɛ, ngonyiayelɛnli, anzɛɛ nwɔlɔra kengavolɛ biala ɛnle ewiade mɔɔ kɛhola kɛyɛ deɛ ne mɔɔ belemgbunli ɛbiza la.

Daneɛle Buluku ne 4:6

Yemɔti menlile mɛla kɛ nrɛlɛbɛvolɛma mɔɔ wɔ Babelɔn la amuala ɛrɛla ɛrahile me ɛlalɛ ne abo.

Daneɛle Buluku ne 5:11

Nrenya bie wɔ wɔ maanle ye anu mɔɔ Nyamenle Nwuanzanwuanza ne Sunsum wɔ ye nu. Ɛ ze Nɛbukadenɛza mekɛ zo, bɛnwunle kɛ ɔlɛ wienyi bie li ɔ nyunlu, ɔlɛ ndelebɛbo, yɛɛ ɔze nrɛlɛbɛ kɛ awozonle ne mɔ ala la. Ɔlua ɛhye ati Nɛbukadenɛza yɛle ye ngonyiayevoma, silikyevoma, adunyipɛvoma, yɛɛ nwɔlɔrakengavoma kpanyinli.

Daneɛle Buluku ne 5:7

Ɔdeanle nuhua kɛ bɛvɛlɛ silikyevoma, ngonyiayevoma, yɛɛ nwɔlɔrakengavoma bɛmaa bɛrɛla. Na belemgbunli ne hanle hilele Babelɔn nrɛlɛbɛvolɛma ne mɔ kɛ, “Awie biala mɔɔ kɛhola kɛgenga ngɛlɛlera ɛhye na ɔkɛhile me ɔ bo la, bɛbawula ye belemgbunli tɛladeɛ, bɛava ezukoa nvutuke ndweabane bɛado ɔ kɔme, na meayɛ ye maanlebuvo mɔɔ tɔ zolɛ nsa.”

Edwɛkpa ne kɛmɔ Mateyu hɛlɛle la 24:24

Ɔluakɛ Mɛzayama adalɛ nee Nyamenle kpɔmanvolɛma alane dɔɔnwo bara; bɛbayɛ nwanwane ninyɛne mgbole mɔɔ yɛ ɛzulolɛ la dɔɔnwo, na saa bɛyɛ na ɔkɛyɛ boɛ a, bɛava bɛabɛlɛbɛla Nyamenle menli ne mɔɔ di munli bɔbɔ la na bɛaminli menli dɔɔnwo diedi.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:1

O Galeehyeama ahɔnwɔne! Nwane a ɛhye bɛ sili a? Asoo bɛngakye mɔɔ bɛhanle bɛhilele bɛ, mɔɔ fane kɛ ɔzile ɔyɛle mɔɔ bɛhunle Gyisɛse Kelaese wɔ meanubaka ne azo la?

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:14

Ɛnee akee yɛnle ngakula bieko mɔɔ adalɛma fa bɛ ngilehilelɛ nee agyiba ne mɔ mɔɔ bɛfa bɛtwe menli bɛkɔ ɛtane nu la bɔ yɛ kɔ ba kɛ selɛkye nee anwoma la.

2 Tɛs 2:9

Amumuyɛnli ne bava Seetan tumi a ara a, na yearayɛ adalɛ nwanwane ninyɛne mgbole, yeaye ngonyia,

2 Tem 3:8

Kɛmɔ Gyanize nee Gyambilize dwazole tiale Mosisi la, zɔhane ala yɛɛ menli ɛhye mɔ tia nɔhalɛ ne a. Bɛle menli mɔɔ bɛ adwenle ɛnli munli na bɛ diedi tɔ sinli a.

2 Tem 3:9

Na bɛnrɛdwu moa biala, ɔluakɛ awie biala banwu kɛ bɛle agbamgbanvolɛ. Gyanize nee Gyambilize kɛ hɔwiele ye la ɛne.

Yekile 19:20

Bɛhyele nane ne, nee ye kpɔmanvolɛ alane ne mɔɔ ɛlua ngonyiayelɛ zo ɛbɛlɛbɛla bɛdabɛ mɔɔ bɛlɛ nane ne nzonlɛ wɔ bɛ nwo nee bɛdabɛ mɔɔ bɛsonle ye ananze ne la. Bɛvuandinle bɛ mu nwiɔ anyewɔzo bɛguale sendɔlɔra tandane ne mɔɔ lɛ sɔlefa ɛlɛsɔ la anu.

1 Sam 6:2

Filisitiama vɛlɛvɛlɛle bɛ ahɔmenle nee menli mɔɔ bɔ menli munzule la na bɛbizale bɛ kɛ, “Ɛdɛnkɛma Ngyekyeleɛ Ɛlɛka ne kɛ yɛyɛ ye ɛ? Bɛha deɛ holɛ ko mɔɔ saa yɛfa yɛahɔzie ɔ bo zo dɛba ne a yɛva yɛboka nwolɛ la bɛhile yɛ.”