Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:7 - BAEBOLO ANZƐƐ BULUKU NWUANZANWUANZA

⁷ Mebava bɛmɛ Yizilayɛma meayɛ me menli, na meayɛ bɛ Nyamenle, na bɛanwu kɛ medame a mele Ɛdɛnkɛma bɛ Nyamenle ne mɔɔ ɛye bɛ ɛvi Yigyibitima adesoa ne mɔ abo la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:7 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:3

Duolua azɛlɛ ɛhye azo ala na me nee wɔ balua. Mebayila wɔ, ɔluakɛ ɛdawɔ nee ɛ bo zo amra yɛɛ mebava azɛlɛ ɛhye meamaa bɛ a, na mebali me ɛwɔkɛ ne mɔɔ membɔle ɛ ze Ebileham la azo.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 28:13

Ɛdɛnkɛma gyi ɔ ti zo lɔ na ɔlɛka kɛ, “Mame a mele Ɛdɛnkɛma, ɛ nlenya Ebileham nee ɛ ze Ayezeke Nyamenle ne a. Azɛlɛ ne mɔɔ ɛla zolɛ la, mebava meamaa wɔ nee ɛ bo zo amra.

1 Arl 20:28

Nyamenle kpɔmanvolɛ rahanle hilele Yizilayɛ belemgbunli ne kɛ, “Ɛdɛnkɛma se, ‘Seleama se mame mele awoka zo Nyamenle na menle azɛlɛ mɔɔ la aze la Nyamenle. Yemɔti menli pemgbenleamgbe ne mɔɔ wɔnwu bɛ wɔ nehane la, memaa Yizilayɛma abila bɛ teledede zɛhae na wɔanwu kɛ amgba medame a mele Ɛdɛnkɛma a.’ ”

1 Arl 8:60

Ɛhye bamaa ewiade amra amuala anwu kɛ Ɛdɛnkɛma le Nyamenle, bieko ɛnle ɛkɛ.

Nihɛmaya Buluku ne 1:10

“Bɛle wɔ sonvolɛma nee wɔ menli mɔɔ ɛdawɔ wɔva wɔ tumi kpole ne nee wɔ anwosesebɛ ne wɔlie bɛ a.

Edwɛndolɛ Buluku ne 100:3

Bɛnwu ye kɛ Ɛdɛnkɛma le Nyamenle! Yemɔ yɛɛ ɔbɔle yɛ a, yɛɛ yɛle ye ɛdeɛ; yɛle ye menli, yɛle ye adidileka mboane.

Edwɛndolɛ Buluku ne 81:6

“Menyele bɛ kɔme zo adesoa; menliele bɛ ahɛndɛne menvile bɛ sa nu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:14

Saa kenle bie bɛ mra biza bɛ kɛ, ‘Ɛhye abo a le duzu?’ a, bɛha bɛhile bɛ kɛ, ‘Ɛdɛnkɛma vale tumi kpole a yele yɛ vile Yigyibiti wɔ akɛlɛzonlenlɛ nu a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:3

Na Mosisi hanle hilele menli ne kɛ, “Bɛhakye ɛnɛ kenle ko ye, ɔle kenle mɔɔ bɛvile Yigyibiti, na bɛvile akɛlɛzonlenlɛ nu la, ɔluakɛ Ɛdɛnkɛma luale tumi kpole zo a ɔyele bɛ ɔvile ɛkɛ a. Bɛmmadi kpanwo mɔɔ mgbɔvonle wɔ nu la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:18

Na mɔɔ menwɔli konim wɔ belemgbunli ne, ye konle ehwili ne mɔ nee menli mɔɔ ka ye mgbɔnwɔ ne mɔ la anwo zo la, yɛɛ Yigyibitima banwu kɛ medame a mele Ɛdɛnkɛma a.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:4

Mebamaa belemgbunli ne ahonle ayɛ se, na yeadoa bɛ, na meanyia anyunlunyia wɔ belemgbunli ne nee ye ɛlɔnema ne kɔsɔɔti anyunlu, amaa Yigyibitima anwu kɛ medame a mele Ɛdɛnkɛma a.” Na Yizilayɛma yɛle mɔɔ bɛhanle bɛhilele bɛ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:16

Ɛzulolɛ nee ahunlundetelɛ tɔ bɛ nwo; wɔ tumi ne kpole ti, bɛnga bɛ nwo fee, bɛyɛle kɛ awolɛ kɔkpula kɛ, O Ɛdɛnkɛma, wɔ menli ne mɔɔ wɔkpɔne bɛ la ɛpɛ nu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:2

Ɛdɛnkɛma le me anwosesebɛ nee me edwɛne, yɛɛ yeyɛ me ngoanedievolɛ. Me Nyamenle ne ɛne, mebaye ye ayɛlɛ, me ze Nyamenle ne, mebayeyɛ ye.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 16:12

“Mede Yizilayɛma ɛdendɛlɛ mɔɔ bɛtendɛ bɛtia me la; ka kile bɛ kɛ: Nɔsolɛ nu bɛbali nane na nwonlomɔ bɛali kpanwo; akee bɛbanwu kɛ medame a mele Ɛdɛnkɛma bɛ Nyamenle ne a.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 16:6

Na Mosisi nee Aalɔn hanle hilele menli ne kɔsɔɔti kɛ, “Nɔsolɛ nu bɛbanwu kɛ Ɛdɛnkɛma a yele bɛ vile Yigyibiti azɛlɛ zo a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 2:11

Mosisi nyinle la, kenle ko ɔhɔkpɔlale ye menli ne, ɔhɔnleanle gyima ɛsesebɛ mɔɔ bɛlɛyɛ la, na ɔnwunle kɛ Yigyibitinli bie ɛlɛbo ye menli Hibuluma ne mɔ ko.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:6

Yemɔti ka kile Yizilayɛma kɛ, ‘Medame a mele Ɛdɛnkɛma ne a. Mebazokoɛ bɛ adesoa ne mɔɔ Yigyibitima ɛva ɛzoa bɛ la, mebaye bɛ meavi akɛlɛzonlenlɛ nu. Mebava tumi kpole mealie bɛ na meadua Yigyibitima kakɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 7:17

Yemɔti kɛ Ɛdɛnkɛma se la ɛne, ‘Ɛhye bamaa wɔanwu kɛ medame a mele Ɛdɛnkɛma a. Mefa kpɔma ye mɔɔ melɛ la meabɔ azule Naele ye anu, na ɔbahakyi mogya.

Ayezaya Buluku ne 41:20

amaa menli anwu ye na bɛanwu ye, bɛadwenle nwolɛ na bɛade ɔ bo kɛ, Ɛdɛnkɛma yɛɛ ɛyɛ ɛhye a; Yizilayɛ Nwuanzanwuanza Ko ne a bɔle bɛ a.”

Ayezaya Buluku ne 49:23

Arelemgbunli bayɛ bɛ dɔmagyama, na arelemgbunli mraalɛ ayɛ bɛ baviavolɛma. Bɛbazi bɛ ti aze, bɛabu ndwɛlɛ wɔ bɛ nyunlu, na bɛatafe bɛ gyakɛ anwo munlutu. Na akee bɛbanwu kɛ medame a mele Ɛdɛnkɛma a; bɛdabɛ mɔɔ bɛkendɛ me moalɛ la anyunlu ɛnrɛgua aze.”

Ayezaya Buluku ne 49:26

Mebamaa menli mɔɔ ɛlɛsisi bɛ la ali bɛdabɛ bɛ ngome bɛ nwonane, na bɛanlo bɛdabɛ bɛ ngome bɛ mogya bɛabo kɛ bɛnlo nwanye. Akee menli kɔsɔɔti banwu kɛ medame a mele Ɛdɛnkɛma, bɛ Dievolɛ ne, bɛ Kpɔnevolɛ ne, Yizilayɛ Katakyie Ko ne a.”

Ayezaya Buluku ne 51:15

“Medame a mele Ɛdɛnkɛma bɛ Nyamenle ne, mɔɔ maa nyevile azɛlɛkye kulu. Me duma a le Tumivolɛ Ɛdɛnkɛma.

Ayezaya Buluku ne 60:16

Bɛbanlo maanle maanle meleke; Arelemgbunli a bali bɛ adane a, Na bɛbanwu kɛ medame, Ɛdɛnkɛma, medame a mele bɛ Dievolɛ, bɛ Kpɔnevolɛ, Yizilayɛ Katakyie Ko ne a.

Ayezaya Buluku ne 63:8

Ɔluakɛ ɔhanle kɛ, “Nɔhalɛ, bɛle me menli; bɛle me mra mɔɔ ɛnrɛbɛlɛbɛla me a.” Na ɔyɛle bɛ dievolɛ.

Gyɛlɛmaya Buluku ne 30:22

Bɛbayɛ me menli, na mebayɛ bɛ Nyamenle.”

Gyɛlɛmaya Buluku ne 31:33

Ngyekyeleɛ ne mɔɔ me nee Yizilayɛma bayɛ la ɛne: Mebava me mɛla ne meawula bɛ nuhua, mebahɛlɛ ye bɛ ahonle nu; mebayɛ bɛ Nyamenle, na bɛdabɛ noko bɛayɛ me menli.

Yizikeɛle Buluku ne 20:19

Medame Ɛdɛnkɛma, mame a mele bɛ Nyamenle ne a. Bɛli me mɛla ne mɔ azo, na bɛnlea boɛ bɛli me ngyehyɛlɛ ne mɔ azo,

Hozia Buluku ne 1:10

Yizilayɛma bazo kɛ ɛnweazo anwea mɔɔ bɛngola bɛnzuzu anzɛɛ bɛngola bɛndia la, na ɛleka ne mɔɔ bɛzele bɛ kɛ, “Bɛnle me menli” la, ɛkɛ ne a bɛbaha bɛahile bɛ kɛ, “Bɛle tease Nyamenle ne amra” a,

Sɛlɛ 11:44

Ɔluakɛ medame a mele Ɛdɛnkɛma bɛ Nyamenle ne a. Bɛmaa bɛ nwo ɛde nwuanzaanwu, ɔluakɛ mele nwuanzanwuanza. Ɔnle kɛ bɛfa debie biala mɔɔ kola fo anwuma na eza ɔtwenle ɔ nwo aze wɔ azɛlɛ ye azo la bɛgua bɛ nwo evinli.

Sɛlɛ 11:45

Ɔluakɛ medame a mele Ɛdɛnkɛma mɔɔ menyele bɛ menvile Yigyibiti azɛlɛ zo a, amaa meayɛ bɛ Nyamenle. Yemɔti bɛmaa bɛ nwo ɛde nwuanzaanwu, ɔluakɛ mele nwuanzanwuanza.”

Zɛkalaya Buluku ne 13:9

Ekpunli ko ne mɔɔ tɔ zolɛ nsa bɔbɔ la, mebagua bɛ senle nu meadu bɛ nuhua, kɛmɔ bɛtu dwɛtɛ fufule nu la, na meazɔ bɛ meanlea, kɛmɔ bɛsɔ ezukoa nvutuke bɛnea la. Bɛbabɔ me duma bɛavɛlɛ me, na mebalie bɛ zo. Mebaha kɛ, ‘Bɛle me menli’ na bɛbaha kɛ, ‘Ɛdɛnkɛma le me Nyamenle.’ ”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 15:41

Medame a mele Ɛdɛnkɛma bɛ Nyamenle ne mɔɔ yele bɛ vile Yigyibiti azɛlɛ zo la kɛ mele bɛ Nyamenle. Medame a mele Ɛdɛnkɛma bɛ Nyamenle ne a.”

Edwɛkpa ne kɛmɔ Mateyu hɛlɛle la 22:32

‘Mame a mele Ebileham Nyamenle ne, Ayezeke Nyamenle ne, nee Gyekɔbo Nyamenle ne a.’ Ɛhye kile kɛ ɔle teasema Nyamenle, na ɔnle mɔwuamra Nyamenle.”

Wulo 8:31

Saa ɔle zɛhae ɛdeɛ a, ɛnee akee kɛ yɛzi yɛha ye ɛ? Saa Nyamenle gyi yɛ nzi a nwane a kɛhola yɛ a?

Mɛla 14:2

Ɔluakɛ bɛle Ɛdɛnkɛma bɛ Nyamenle ne menli mɔɔ anwo te a. Ɛdɛnkɛma ɛkpa nu ɛye bɛ wɔ menli kɔsɔɔti mɔɔ wɔ ewiade la avinli kɛ ɔdaye ye menli a le bɛ.

Mɛla 26:18

Ɛdɛnkɛma noko ɛva ɛdo gua ɛnɛ kenle ye kɛ bɛle ɔdaye ye menli, kɛmɔ ɔvale ɔbɔle bɛ ɛwɔkɛ la; ɔwɔ kɛ bɛdi ye mɛla ne mɔ azo.

Mɛla 29:12

amaa bɛ nee Ɛdɛnkɛma bɛ Nyamenle ne ayɛ ngyekyeleɛ ɛhye ɛnɛ,

Mɛla 29:13

na yeava bɛ yeayɛ ye menli na ɔdaye yeayɛ bɛ Nyamenle, kɛmɔ ɔvale ɔbɔle bɛ ɛwɔkɛ la. Zɔhane ɛwɔkɛ ne ala yɛɛ ɔvale ɔbɔle bɛ nlenya mɔ, Ebileham, Ayezeke, nee Gyekɔbo a.

Mɛla 29:5

Meli bɛ ti wɔ fienemgbole ye anu ɛvolɛ abulanla ye amuala, bɛ adɛladeɛ nee bɛ ndanlɛ ɛtɛtetele yɛɛ bɛ mgbɔlaboa ɛtɛtetele;

Mɛla 4:20

Na bɛmɛ, Ɛdɛnkɛma ɛva bɛ na yeye bɛ yevi Yigyibiti bulalɛ fonlomo gɔhyee ne anu kɛ bɛrayɛ ɔdaye ye menli, kɛmɔ bɛde ɛnɛ la.

Mɛla 7:6

Ɔluakɛ bɛmɛ, bɛle menli mɔɔ Ɛdɛnkɛma bɛ Nyamenle ne ɛde bɛ nwo a. Ɛdɛnkɛma bɛ Nyamenle ne ɛkpa nu ɛye bɛ ɛvi menli mɔɔ wɔ ewiade la amuala anu, kɛ ye menli a le bɛ.

Kɛlata mɔɔ bɛhɛlɛle bɛhɔmanle Hibuluma la 11:16

Ɛleka mɔɔ ɛnee bɛ nwo ɛlɛdɔ ye la a le anwuma maanle kpalɛ ne. Yemɔti noko yeanyɛ Nyamenle nyiane kɛ bɛkɛvɛlɛ ye bɛ Nyamenle, ɔboalekɛ yekyekye suakpole yezie ɛkɛ ne yemaa bɛ.

1 Pit 2:10

Mekɛ bie ɛnee bɛnzɔho menli bɔbɔ, na ɛnɛ bɛle Nyamenle menli. Mekɛ bie ɛnee bɛnze Nyamenle anwunvɔnezelɛ ne deɛ holɛ, na ɛnɛ bɛ sa ɛha ye anwunvɔnezelɛ ne.

Yekile 21:3

Mendele ɛnelɛ kpole bie wɔ belemgbunli ebia kpole ne anwo, ɔse, “Kɛkala, akee Nyamenle sua nu a le ye menli avinli. Ɔ nee bɛ badɛnla na bɛayɛ ye menli. Nyamenle mumua ne nee bɛ badɛnla na yeayɛ bɛ Nyamenle.

Yekile 21:7

Mɔɔ kɛli konim la banyia agyadeɛ ɛhye avi me ɛkɛ: mebayɛ ye Nyamenle na yeayɛ me ra.