Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:1 - BAEBOLO ANZƐƐ BULUKU NWUANZANWUANZA

¹ Na Ɛdɛnkɛma zele Mosisi kɛ, “Akee ɛbanwu debie mɔɔ mebava meahile belemgbunli ne la, ɔluakɛ ɔlua tumi kpole zo ɔbamaa bɛahɔ, ɛhɛe, ɔlua tumi kpole zo akee bɔbɔ ɔbavoa bɛ kɛ bɛvi ye maanle ne anu bɛhɔ.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:1 ပူးပေါင်းရင်းမြစ်များ

2 Arl 7:19

safohyenle ne buale ye kɛ, “Saa Ɛdɛnkɛma mumua ne tukuedukue anwuma nvɛnzɛlɛ bɔbɔ a ɔnrɛzi zɔhane ɛlɛ.” Na Yilaehya zele ye kɛ, “Ɛ nye banwu ye na ɛnrɛli bie.”

2 Arl 7:2

Na belemgbunli sonvolɛ ne mɔɔ nee ye lua la zele Yilaehya kɛ, “Ɛhye, yemɔ tafela. Saa Ɛdɛnkɛma mumua ne tukuedukue anwuma nvɛnzɛlɛ bɔbɔ a, ɔnrɛzi zɔhane ɛlɛ.” Yilaehya buale kɛ, “Ɛ nye banwu ye na ɛnrɛli bie.”

2 Edk 20:17

Dwudama nee Gyɛlusalɛmma, ɔnrɛhyia kɛ bɛkɛho bɔbɔ wɔ konle ɛhye anu. Bɛmɛ bɛgyinla bɛ bo zo ne, bɛmmatu bɛ bo, na bɛnlea kɛ Ɛdɛnkɛma bazi aho bɛ ti ali konim la.’ Bɛmmasulo, yɛɛ bɛmmamaa bɛ rɛle bɔ. Ɛhyema bɛhɔteta bɛ na Ɛdɛnkɛma nee bɛ bahɔ.”

Edwɛndolɛ Buluku ne 12:5

Ɛdɛnkɛma se, “Kɛmɔ bɛsisi ehyianvolɛma, na anwongyelelɛma kponle la, akee medwazo na meava bɛ meazie boɛ, kɛmɔ bɛkpondɛ la.”

Edwɛndolɛ Buluku ne 12:6

Ɛdɛnkɛma ɛwɔkɛbɔlɛ ne mɔ anwo te, bɛle kɛ ezukoa fufule mɔɔ bɛdu nuhua wɔ fonlomo senle nu fane nsuu la.

Edwɛndolɛ Buluku ne 136:12

Ɔvale tumi kpole, ye tumi ɛsalɛ ne; ɔluakɛ ye ɛhulolɛ kpundii ne wɔ ɛkɛ dahuu.

Edwɛndolɛ Buluku ne 89:13

Ɛlɛ tumi kpole; ɛ nwo yɛ se, wɔ tumi le kpole.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 11:1

Ɛdɛnkɛma zele Mosisi kɛ, “Akee yeha ewule ko mɔɔ meye meado belemgbunli ne nee Yigyibitima anwo a; ɛhye anzi belemgbunli ne bamaa bɛahɔ. Ɔnrɛha ye kɛ bɛhɔ ala na ɔbavoa bɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:31

Na belemgbunli ne vɛlɛle Mosisi nee Aalɔn nɔe ne na ɔzele bɛ kɛ, “Bɛha bɛ nwo bɛhɔ, bɛdabɛ nee Yizilayɛma kɔsɔɔti, bɛvi me menli Yigyibitima avinli bɛhɔ; bɛhɔzonle Ɛdɛnkɛma, kɛmɔ bɛdabɛ bɛha la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:33

Yigyibitima hanle Yizilayɛma nu kɛ bɛmaa bɛ nwo ɛyɛ ndɛ bɛvi maanle ne anu; ɔluakɛ bɛse, “Anrɛɛ yɛ kɔsɔɔti yɛyɛ avunli ala ɛne.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:39

Bɛloale ɛdɔkɛ ne mɔɔ bɛanwula ye mgbɔvonle, mɔɔ bɛ nee ye vi Yigyibiti la tata. Bɛanwula ye mgbɔvonle, ɔluakɛ bɛdule bɛ arɛlevilɛ nu, bɛannyia adenle bɛanva aleɛ biala bɛanzia bɛ nwo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:14

Saa kenle bie bɛ mra biza bɛ kɛ, ‘Ɛhye abo a le duzu?’ a, bɛha bɛhile bɛ kɛ, ‘Ɛdɛnkɛma vale tumi kpole a yele yɛ vile Yigyibiti wɔ akɛlɛzonlenlɛ nu a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:16

Ɔbayɛ ngakyedeɛ nee sɛkɛlɛneɛ yeamaa bɛ wɔ bɛ sa anwo anzɛɛ bɛ nwoma azo; ɔluakɛ Ɛdɛnkɛma vale tumi kpole a yele yɛ vile Yigyibiti a.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:3

Na Mosisi hanle hilele menli ne kɛ, “Bɛhakye ɛnɛ kenle ko ye, ɔle kenle mɔɔ bɛvile Yigyibiti, na bɛvile akɛlɛzonlenlɛ nu la, ɔluakɛ Ɛdɛnkɛma luale tumi kpole zo a ɔyele bɛ ɔvile ɛkɛ a. Bɛmmadi kpanwo mɔɔ mgbɔvonle wɔ nu la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:9

Na ɔbayɛ kɛ sɛkɛlɛneɛ mɔɔ wɔ bɛ sa anwo na yeayɛ kɛ ngakyedeɛ wɔ bɛ nwoma azo, amaa Ɛdɛnkɛma mɛla ne ala bɛ nloa, ɔluakɛ ɔlua tumi kpole zo, Ɛdɛnkɛma ɛye bɛ ɛvi Yigyibiti.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:13

Na Mosisi zele menli ne kɛ, “Bɛmmasulo, bɛgyinla kpundii na bɛnlea kɛ ɛnɛ Ɛdɛnkɛma bazi alie bɛ la. Ɔluakɛ Yigyibitima mɔɔ bɛnwu bɛ ɛnɛ la, bɛnrɛnwu bɛ bieko ɛlɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:6

“O Ɛdɛnkɛma, ɛ sa fema le tumi kpole; O Ɛdɛnkɛma, ɛ sa fema bubu kpɔvolɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 7:4

Na mebadea Yigyibitima kpole bie na meava nyɛleɛ mgbole mɔɔ kile ndeanlɛ la meaye me menli Yizilayɛma meavi Yigyibiti azɛlɛ zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 7:5

Saa mefa tumi kpole metea Yigyibitima, meye me menli Yizilayɛma mefi Yigyibiti a bɛanwu kɛ medame a mele Ɛdɛnkɛma a.”

Ayezaya Buluku ne 63:12

Ɔdaye a ɔmanle ye konimlilɛ tumi ne nee Mosisi luale na ɔkpakyele nyevile ne anu, ɔliele duma mɔɔ ɛmbɔ aze ɛlɛ la ɔmanle ɔ nwo,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 11:23

Na Ɛdɛnkɛma zele Mosisi kɛ, “Ɛnee ɛnea a Ɛdɛnkɛma asa ɛyɛ sinli ɔ? Ɛdɛnkɛma tumi ne anloa ɛha aze ɔ? Saa edwɛkɛ mɔɔ melɛka la kɛyɛ nɔhalɛ anzɛɛ ɔnrɛyɛ nɔhalɛ a, ɛbanwu ye.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 23:23

Sili ɛngola ɛngye Gyekɔbo, Mizemiza ɛngola Yizilayɛ; Na menli baha ye wɔ Yizilayɛma anwo kɛ, ‘Nea mɔɔ Nyamenle ɛyɛ a!’

Ɛzoanvolɛma Gyima ne 13:17

Yizilayɛ Nyamenle ne kpale nu yele yɛ nlenya mɔ na ɔyɛle bɛ ɛlɔne kpole wɔ mekɛ mɔɔ ɛnee bɛle nyɛvolɛ bɔbɔ wɔ Yigyibiti azɛlɛ zo la. Nyamenle vale ye tumi kpole ne yele bɛ vile Yigyibiti azɛlɛ zo,

Mɛla 32:39

“Kɛkala, bɛnwu ye kɛ medame ala a mele Nyamenle a, nyamenle bieko ɛnle ɛkɛ kɛ me ngome. Medame a meku, memaa ngoane a, meboda eza meyɛ ayile a. Awie ɛngola ɛnlie debie wɔ me sa nu.

Mɛla 4:34

Anzɛɛ saa nyamenle bie wɔ ɛkɛ ne, mɔɔ ɔdaye yezi ɔ kɛnra na yeyɛ kɛ ɔkava maanle bie wɔ maanle bie avinli yeayɛ ye ɔdaye ye maanle, na yeva ngyegyelɛ sɛkɛlɛneɛ, nwanwane nyɛleɛ, konle nee tumi kpole nee ɛzulolɛ yeyɛ, kɛmɔ Ɛdɛnkɛma bɛ Nyamenle yɛle wɔ Yigyibiti manle bɛdabɛ bɛnwunle ye la a.