Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 40:34 - BAEBOLO ANZƐƐ BULUKU NWUANZANWUANZA

³⁴ Akee amungu hedale Ndanlɛ Sua ne azo, na Ɛdɛnkɛma anyunlunyia ne yile sua ne tɛkɛɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 40:34 ပူးပေါင်းရင်းမြစ်များ

2 Sam 7:6

Sumunli kɛ menyele Yizilayɛma menvile Yigyibiti azɛlɛ zo mɔɔ yeradwu ɛnɛ la, metɛtɛnlanle sua nu ɛlɛ. Meli tutɛnla wɔ ndanlɛ azua nu.

2 Edk 7:2

Sɛlɛvolɛma ne angola Ɛdɛnkɛma Ɛzonlenlɛ Sua ne anu wolo, ɔboalekɛ Ɛdɛnkɛma anyunlunyia ne ɛyi ɛkɛ ne.

Edwɛndolɛ Buluku ne 26:8

O Ɛdɛnkɛma, mekulo wɔ sua ne mɔɔ ɛde nu la, ɛleka mɔɔ wɔ anyunlunyia ne wɔ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:24

Aleɛbahye ne Ɛdɛnkɛma luale amungu nee senle mpila ne anu nleanle Yigyibitima na Yigyibiti ɛlɔnema ne anye zo danle bɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 16:10

Na mɔɔ Aalɔn dendɛle hilele Yizilayɛma ne la, bɛdole bɛ nye fienemgbole ne anu lɔ, na nea, Ɛdɛnkɛma anyunlunyia ne dale amungu ne anu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 25:8

Maa menli ne ɛziezie ɛleka nwuanzanwuanza ɛmaa me, amaa meadɛnla bɛ avinli.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:43

Ɛkɛ ne yɛɛ mebayia Yizilayɛma, na me anyunlunyia ne bada ade bɛ nwo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 33:9

Kɛ Mosisi wolo Ndanlɛ Sua ne anu la, ɛnee amungu mpila ne ɛdwu aze ɛragyinla Ndanlɛ Sua ne anlenkɛ ne anloa, na Ɛdɛnkɛma adendɛ ahile Mosisi wɔ amungu ne anu.

Ayezaya Buluku ne 57:15

Ɔluakɛ anwuma nee Nwuanzanwuanza Ko ne mɔɔ de ɛkɛ mekɛ mɔɔ ɛnlɛ awieleɛ, mɔɔ ye duma a le Nwuanzanwuanza la se, “Mede anwuma lɔ nee ɛleka nwuanzanwuanza, yɛɛ eza me nee mɔɔ nu ɔ nwo na ɔle bɛlɛvo la tɛnla, kɛ memaa mɔɔ ɛnlu ɔ nwo la anyia anyelazo.

Ayezaya Buluku ne 6:4

Na mɔɔ hanle edwɛkɛ ne la ane ne manle Ɛzonlenlɛ Sua ne adiabo ne kpusule, na esike rayile sua ne.

Yizikeɛle Buluku ne 10:4

Ɛdɛnkɛma anyunlunyia ne vi tease abɔdeɛ ne mɔ ati zo hɔle Ɛzonlenlɛ Sua ne anu. Amungu ne rayile sua ne, na Ɛdɛnkɛma anyunlunyia ne yile alie nwo ɛkɛ ne manle ɔyɛle wienyi.

Sɛlɛ 16:2

Ɛdɛnkɛma zele Mosisi kɛ, “Ka kile ɛ diema nrenya Aalɔn kɛ ɔmmaba Ɛleka Nwuanzanwuanza ne mɔɔ wɔ mgbɛnu ɛdanlɛ ne akunlu Anwunvɔnezelɛ Ebia ne mɔɔ dua Ngyekyeleɛ Ɛlɛka ne azo la anwo dahuu. Saa ɔyɛ ye zɔhane a, ɔbawu, ɔluakɛ mebaye me nwo meahile wɔ amungu ne mɔɔ wɔ Anwunvɔnezelɛ Ebia ne azo la anu.

Hagae Buluku ne 2:7

Eza mebakpusu maanle maanle ne mɔ meamaa bɛ anwonyia ne mɔ apɛ arali ɛke, na meamaa Ɛzonlenlɛ Sua ɛhye anu ayɛ kɛnlɛma kpalɛ, medame Tumivolɛ Ɛdɛnkɛma a mese a.

Hagae Buluku ne 2:9

Amozi sua ɛdeɛ ne bayɛ kɛnlɛma kpole kpalɛ adɛla alumua ɛdeɛ ne, na ɛke yɛɛ mebamaa me menli ne akpazi a, medame Ɛdɛnkɛma a mese a.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 7:89

Mɔɔ Mosisi hɔle Ndanlɛ Sua ne anu kɛ ɔ nee Ɛdɛnkɛma kadendɛ la, ɔdele kɛ Ɛdɛnkɛma ɛlɛtendɛ ahile ye wɔ abɔdeɛ nwiɔ ne mɔɔ lɛ ndɛbalɛ, mɔɔ gyigyi Anwunvɔnezelɛ Ebia ne mɔɔ dua Ngyekyeleɛ Ɛlɛka ne azo la avinli anwuma.

Wulo 9:4

Bɛle Yizilayɛma mɔɔ le Nyamenle ɔdaye ye menli mɔɔ yeyɛ bɛ ɔ mra, yeye ye anyunlunyia yehile bɛ, ɔ nee bɛ ɛyɛ ngyekyeleɛ, na yeva ye mɛla yemaa bɛ a; bɛlɛ nɔhalɛ ɛzonlenlɛ kpalɛ ne; bɛnyia Nyamenle ɛwɔkɛ ne.

Yekile 15:8

Nyamenle anyunlunyia ne nee ye tumi ne manle esike ngome yile sua ne, mɔɔ awie biala ɛngola nu wolo a, kyesɛ amaneɛnwunlɛ ngakyile nsuu ne mɔɔ li amozi, mɔɔ Nyamenle soanvolɛma nsuu ne lɛ la abo ɛdu.

Yekile 21:3

Mendele ɛnelɛ kpole bie wɔ belemgbunli ebia kpole ne anwo, ɔse, “Kɛkala, akee Nyamenle sua nu a le ye menli avinli. Ɔ nee bɛ badɛnla na bɛayɛ ye menli. Nyamenle mumua ne nee bɛ badɛnla na yeayɛ bɛ Nyamenle.