Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 40:2 - BAEBOLO ANZƐƐ BULUKU NWUANZANWUANZA

² “Alumua siane ne, ye kenle ne mɔɔ lumua la, kyehyɛ Ɛdɛnkɛma Ndanlɛ Sua ne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 40:2 ပူးပေါင်းရင်းမြစ်များ

1 Edk 17:5

Ɔluakɛ ɔvi mekɛ mɔɔ menyele Yizilayɛma menvile Yigyibiti toonwo mɔɔ yeradwu ɛnɛ la, metɛtɛnlanle ɛzonlenlɛ sua nu ɛlɛ. Ndanlɛ sua nu ala yɛɛ dahuu mede a, yɛɛ bɛtwili me bɛba a.

2 Edk 29:3

Bɛvale Hɛzikaya bɛziele belemgbunli la, ye siane ne mɔɔ lumua la ala anu, ɔmanle bɛbukele Ɛzonlenlɛ Sua ne na bɛyɛle ye boɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:4

Ɛnɛ kenle ye, siane Ebebe ye anu yɛɛ bɛlɛkɔ a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:1

Mɔɔ Yizilayɛma vile Yigyibiti la, ye siane nsa ne na ye kenle ne mɔɔ lumua la bɛdwule Saenae fienemgbole ne anu. Akee mɔɔ bɛvi Relɛfedem bɛrale Saenae fienemgbole ne anu la, bɛrazokoɛle Boka Saenae abo ɛkɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 26:1

“Fa mgbɛnu ndanlɛ azinli bulu mɔɔ bɛva lenen nyɛma kɛnlɛma, nee mboane enrinli buluwu nee kɔkɔlɛ afonla, nee mboane enrinli kɔkɔlɛ nyɛma bɛnwo, na bɛnwo abɔdeɛ mɔɔ lɛ ndɛbalɛ la bɛgua nu la si Ɛzonlenlɛ Ndanlɛ Sua ne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 26:30

Si Ndanlɛ Sua ne kɛ mɔɔ bɛhile wɔ wɔ boka ne azo la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 26:7

“Fa mgbɛnu ndanlɛ mɔɔ bɛva mbɔnkye enrinli bɛnwo la azinli bulu nee ko na bobɔ bɛ nwo na wɔava wɔaheda ndanlɛ sua ne azo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 27:21

Aalɔn nee ɔ mra mrenya ne mɔ a ɔwɔ kɛ nea sɔ kɛnlaneɛ ne mɔɔ wɔ Ndanlɛ Sua ne anu mgbɛnu ɛdanlɛ ne mɔɔ wɔ Ngyekyeleɛ Ɛlɛka ne anyunlu la a, yɛɛ ɔwɔ kɛ ɔsɔ ɔgyinla me nyunlu ɛkɛ ɔvi nɔsolɛ toonwo alehyenlɛ. Yizilayɛma nee bɛ bo zo amra ɔwɔ kɛ sie mɛla ɛhye dahuu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 30:36

Ti bie motomoto na fa bie sie Ngyekyeleɛ Ɛlɛka ne mɔɔ gyi Ndanlɛ Sua ne anu la anyunlu, ɛleka mɔɔ mebayia wɔ la. Nwu ye kɛ ɛyɛlɛ ɛhye le nwuanzanwuanza.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 35:11

Ndanlɛ Sua ne, debie mɔɔ bɛfa bɛwowa ɔ kunlu nee ɔ nzi, ye nzosɔnu ne mɔ, ye ɛgyinlanlɛ felɛmo ne mɔ, ye ndaboa mɔɔ bɛfa bɛbeɛbea nu, ye mbaka sika nee bɛ adiabo ne mɔ;

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 36:18

Bɛvale kɔbele bɛyɛle nzosɔnu abulanlu bɛsosɔle ndanlɛ nwiɔ ne bɛyɛle ye debie mumua ko.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 40:1

Ɛdɛnkɛma zele Mosisi kɛ,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 40:6

Fa azukponle ne mɔɔ bɛbava bɛayela azubɔdeɛ ne mɔ la sie Ndanlɛ Sua ne anuhɔlɛ kpole ne,

Yizikeɛle Buluku ne 40:1

Bɛhyele yɛ bɛhɔle nlɔnu la, ye ɛvolɛ abulanwiɔ nee nnu ne mɔlebɛbo siane ne ala anu, kenle bulu ne azo, mɔɔ ɛnee bɛhonle bɛvale suakpole ne la yeli ɛvolɛ bulu nee nna la, kenle ko zɔhane ala, Ɛdɛnkɛma tumi ne rawolole me,

Yizikeɛle Buluku ne 45:18

Awulae Nyamenle ne se, “Siane ne mɔɔ lumua la, kenle ne mɔɔ lumua la azo, ɔwɔ kɛ bɛfa ɛnlankɛ nyinli ko mɔɔ anwo ɛnlɛ dɛne la bɛnua Ɛzonlenlɛ Sua ne.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 1:1

Mɔɔ Yizilayɛma vile Yigyibiti azɛlɛ zo la, ye ɛvolɛ nwiɔ ne anu, ye siane nwiɔ ne kenle ne mɔɔ lumua la azo, Ɛdɛnkɛma dendɛle hilele Mosisi wɔ Saenae fienemgbole ne anu wɔ Ɛdɛnkɛma Ndanlɛ Sua ne anu kɛ,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 7:1

Kenle ko ne mɔɔ Mosisi wiele Ɛdɛnkɛma Ndanlɛ Sua ne si la, ɔkpokpale ye nwole na ɔdule Ndanlɛ Sua ne nee nuhua ninyɛne kɔsɔɔti ɔmanle Ɛdɛnkɛma, ɔkpokpale azukponle ne na ɔdule ye nee nwolɛ ninyɛne kɔsɔɔti ɔmanle Ɛdɛnkɛma.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 9:1

Mɔɔ Yizilayɛma vile Yigyibiti azɛlɛ zo la, ye ɛvolɛ nwiɔ ne anu na siane ne mɔɔ lumua la anu, Ɛdɛnkɛma dendɛle hilele Mosisi wɔ Saenae fienemgbole ne anu. Ɔse,

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 9:15

Kenle ko ne mɔɔ bɛzile Ɛdɛnkɛma Ndanlɛ Sua ne la, amungu rahedale zolɛ. Nɔɔzo ɛnee amungu ne ɛdɔlɔ kɛ senle la, ɔsɔ toonwo aleɛ kye, na alehyenlɛ nu ɛnee amungu ne ala a heda zolɛ a.