Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:6 - BAEBOLO ANZƐƐ BULUKU NWUANZANWUANZA

⁶ Ɛdɛnkɛma zele ye bieko kɛ, “Fa ɛ sa wula wɔ tɛladeɛ ne anu.” Mosisi vale ɔ sa wulale ye tɛladeɛ ne anu; na mɔɔ ɔyele ɔ sa la, ɛnee kokobɛ ɛdila ɔ sa ɛmaa yeyɛ fufule nwohyee kɛ ezukɔtweaba.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:6 ပူးပေါင်းရင်းမြစ်များ

2 Arl 5:27

Zɔhane ati Neeman kokobɛ ne badila wɔ nee ɛ bo zo amra dahuu.” Gɛheezae vindele la ɛnee kokobɛ ne ɛdila ye, ɔ nwo ɛyɛ nzelabenle.

Sɛlɛ 13:25

sɛlɛvolɛ ne ɛnleɛnlea ye. Saa enrinli ne mɔ mɔɔ wɔ nganlɛ ne anu la ɛyɛ fufule na hanlɛ ne anyunlu le kuma a, ɛnee kokobɛ ɔ; ɛyelalɛ hanlɛ ne a ɛhakyi a. Na sɛlɛvolɛ ne bado duma kɛ ahenle anwo ɛnde; ɔle ewule kokobɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 12:10

Na mɔɔ amungu ne hwenle ɔ nwo vile Ndanlɛ Sua ne anu la, ɛnee nwonane nu ewule ɛzulolɛ bie ɛdila Meleam ɛmaa ɔ nwo ɛyɛ nwohyee kɛ ezukɔtweaba. Aalɔn dole ɔ nye nleanle Meleam, na ɔnwunle kɛ nwonane nu ewule ɛzulolɛ bie ɛdila ye.