Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:5 - BAEBOLO ANZƐƐ BULUKU NWUANZANWUANZA

⁵ Na Ɛdɛnkɛma zele ye kɛ, “Ɛhye bamaa bɛalie bɛali kɛ Ɛdɛnkɛma, bɛ ze mɔ Nyamenle ne, Ebileham Nyamenle ne, Ayezeke Nyamenle ne, nee Gyekɔbo Nyamenle ne ɛye ɔ nwo ɛhile wɔ.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:5 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 12:7

Akee Ɛdɛnkɛma yele ɔ nwo hilele Ebilam, na ɔzele ye kɛ, “Mebava azɛlɛ ɛhye meamaa ɛ bo zo amra.” Yemɔti Ebilam zile azukponle wɔ ɛkɛ ne manle Ɛdɛnkɛma, mɔɔ ɛye ɔ nwo ɛhile ye la.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 17:1

Mekɛ mɔɔ Ebilam lile ɛvolɛ abulahɔnla nee ngɔnla la, Ɛdɛnkɛma yele ɔ nwo hilele ye na ɔzele ye kɛ, “Medame a mele Nyamenle Bedevinli ne a; di me mɛla zo na mmamaa ɛ nwo nyia ngehanleɛ biala.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 18:1

Kenle ko ewiazo mɔɔ ɛnee maanle nu yɛ wuluwulu, na Ebileham de ye ndanlɛ sua ne anuhɔlɛ ne wɔ Mameli oku mbaka ne mɔ abo la, Ɛdɛnkɛma yele ɔ nwo hilele ye.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:2

Ɛdɛnkɛma yele ɔ nwo hilele ye wɔ ɛkɛ ne ɔzele ye kɛ, “Mmakɔ Yigyibiti. Tɛnla azɛlɛ ne mɔɔ menwɔze wɔ kɛ ɛdɛnla zolɛ la azo.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 28:13

Ɛdɛnkɛma gyi ɔ ti zo lɔ na ɔlɛka kɛ, “Mame a mele Ɛdɛnkɛma, ɛ nlenya Ebileham nee ɛ ze Ayezeke Nyamenle ne a. Azɛlɛ ne mɔɔ ɛla zolɛ la, mebava meamaa wɔ nee ɛ bo zo amra.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 48:15

Na ɔyileyilale Dwosefi, ɔhanle kɛ: “Nyamenle ne mɔɔ me ze mɔ Ebileham nee Ayezeke zonlenle, Nyamenle ne mɔɔ ɛli me nyunlu wɔ me ɛbɛlabɔlɛ nu toonwo yeradwu ɛnɛ,

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 48:3

Gyekɔbo zele Dwosefi kɛ, “Nyamenle Bedevinli ne yele ɔ nwo hilele me wɔ Lɛze mɔɔ wɔ Keena maanle nu la na ɔyilale me, ɔzele me kɛ,

1 Arl 18:36

Ɔdwule mekɛ mɔɔ bɛfa bɛyɛ ewiazo nzɛlɛlɛ la, Yilaegya rale azukponle ne anwo na ɔzɛlɛle kɛ, “O Ɛdɛnkɛma, Ebileham, Ayezeke nee Yizilayɛ Nyamenle, maa bɛdabɛ mɔɔ bɛyia ɛke la ɛnwu ye ɛnɛ kenle ye kɛ wɔmɔ a ɛle Nyamenle wɔ Yizilayɛ a, yɛɛ wɔ sonvolɛ a le me, yɛɛ ɛdawɔ a wɔzoa me kɛ menyɛ ninyɛne ɛhye mɔ a.

2 Edk 20:20

Bɛdwazole ndɛndɛ wɔ aleɛbahye ne ala na bɛhɔle Tɛkowa fienemgbole ne anu. Mɔɔ bɛkɔ la, Belemgbunli Gyɛhɔhyafate ragyinlanle adenle ne anloa na ɔzele bɛ kɛ, “Dwudama nee Gyɛlusalɛmma, bɛdie me! Bɛlie Ɛdɛnkɛma bɛ Nyamenle ne bɛli, na bɛbali konim. Bɛlie Nyamenle kpɔmanvolɛma ne bɛli, na bɛbaho bɛadɔ zolɛ.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:9

Na Ɛdɛnkɛma zele Mosisi kɛ, “Nea, mebalua amungu kumɔɔnwo bie anu meara, amaa saa me nee wɔ ɛlɛtendɛ a, menli ne ade me ne na bɛalie wɔ bɛali dahuu.” Akee Mosisi hanle mɔɔ menli ne hanle la hilele Ɛdɛnkɛma.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:15

Ka ɛhye kile Yizilayɛma kɛ, ‘Ɛdɛnkɛma, bɛ ze mɔ Nyamenle ne, Ebileham Nyamenle ne, Ayezeke Nyamenle ne, nee Gyekɔbo Nyamenle ne ɛzoa me bɛ nwo ɛke! Ɛhye a le me duma wɔ melɛ mɔɔ ɛnlɛ awieleɛ, na ɛhye yɛɛ ɔwɔ kɛ awolɛndoazo kɔsɔɔti fa fɛlɛ me a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:16

Kɔboɔboa Yizilayɛ mgbanyima kɔsɔɔti anloa na ka kile bɛ kɛ: Ɛdɛnkɛma, bɛ ze mɔ Nyamenle ne, Ebileham Nyamenle ne, Ayezeke Nyamenle ne, nee Gyekɔbo Nyamenle ne ɛye ɔ nwo ɛhile me. Ka kile bɛ kɛ menwu mɔɔ bɛva bɛyɛ bɛ wɔ Yigyibiti la,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:18

“Me menli ne badie ɛ ne; na ɛdawɔ nee Yizilayɛ mgbanyima bahɔ Yigyibiti belemgbunli ne ɛkɛ bɛahɔze ye kɛ, ‘Ɛdɛnkɛma, Hibuluma Nyamenle ne nee yɛ ɛyɛ nyianu, yemɔti yɛsɛlɛ wɔ, maa yɛ adenle maa yɛdia kenle nsa adenle yɛhɔ fienemgbole ne anu, amaa yɛabɔ azu yɛamaa Ɛdɛnkɛma, yɛ Nyamenle ne.’

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:4

Mɔɔ Ɛdɛnkɛma nwunle kɛ yehwe ahane kɛ ɔnea la, Nyamenle vɛlɛle ye wɔ kpɔkɛ ne anu, “Mosisi! Mosisi!” Na Mosisi zulole zolɛ kɛ, “Mewɔ ɛke.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:6

Eza ɔzele kɛ, “Mame a mele ɛ ze mɔ Nyamenle ne, Ebileham Nyamenle ne, Ayezeke Nyamenle ne, nee Gyekɔbo Nyamenle ne.” Na Mosisi hedale ɔ ti zo, ɔluakɛ ɔsulo kɛ ɔkɛnlea Nyamenle.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:1

Akee Mosisi buale kɛ, “Bɛnrɛlie me bɛnrɛli anzɛɛ bɛnrɛdie me, bɛbaha kɛ, ‘Ɛdɛnkɛma anye ɔ nwo angile wɔ.’ ”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:31

Na menli ne liele lile. Mɔɔ bɛdele kɛ Ɛdɛnkɛma ɛrakpɔla ye menli Yizilayɛma na yenwu bɛ amaneɛnwunlɛ ne la, bɛbɔle bɛ ti aze bɛyeyɛle ye.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:4

Na Ɛdɛnkɛma zele Mosisi kɛ, “Tenrɛ ɛ sa sɔ ɔ dua ne anu” Ɔzɔle nuhua, na ɔhakyile kpɔma wɔ ɔ sa nu.

Ayezaya Buluku ne 7:9

Yizilayɛ ati zɔ Samɛlea yɛɛ Samɛlea ati zɔ Belemgbunli Pikaa. “Maa Belemgbunli Ehaze ɛde ɔ bo kɛ saa ye diedi gyi kpundii ɛdeɛ a ɛnee ɔdaye ɔgyi kpundii.”

Gyɛlɛmaya Buluku ne 31:3

mevi moa moa menvindele bɛ. Mehulo bɛ ɛhulolɛ mɔɔ ɛnlɛ awieleɛ la, yemɔti metɛdi nɔhalɛ metɛmaa bɛ.

Dw 11:15

na bɛmɛ ti, ɔyɛ me fɛ kɛ menle lɔ a, amaa bɛalie bɛali. Bɛmaa yɛhɔ ɛleka mɔɔ ɔwɔ la.”

Dw 11:42

Meze kɛ dahuu ɛtie me edwɛkɛ, na melɛka ɛhye wɔ menli mɔɔ kɛkala wɔ ɛke la ati, amaa bɛalie bɛali kɛ ɛdawɔ a ɛzoanle me a.”

Dw 20:27

Akee ɔzele Tɔmase kɛ, “Tɔmase, fa ɛ sa bɛla ɛke na nea me sa nu; tenrɛ ɛ sa fua me nvenle. Gyakyi wɔ kpolerazulɛ ne na die di!”

Dw 20:31

Mɔɔ bɛhɛlɛ ye wɔ ɛke la, bɛhɛlɛ amaa bɛalie bɛali kɛ Gyisɛse a le Mɛzaya ne mɔɔ le Nyamenle Ara ne la, na ɔlua bɛ diedi mɔɔ bɛlɛ ye wɔ ye nu la azo bɛanyia ngoane.

Dw 5:36

Melɛ dasevolɛ kpole bie mɔɔ ka me nwo edwɛkɛ kpalɛ tɛla mɔɔ Dwɔn hanle la. Gyima ne mɔɔ meyɛ, gyima ne mɔɔ Selɛ ne ɛva ɛmaa me kɛ menyɛ la, yemɔ a di me daselɛ kpalɛ na ɔkile kɛ Selɛ ne a zoanle me a.

Ɛzoanvolɛma Gyima ne 7:2

Sitivin buale kɛ, “Mediema mrenya nee egya mɔ, bɛdie me! Anyunlunyia Nyamenle ne yele ɔ nwo hilele yɛ nlenya Ebileham wɔ mekɛ mɔɔ ɛnee ɔwɔ Mɛsɔpɔteemea la, kolaa na yeadu yeahɔdɛnla Hɛlan.

Kɛlata mɔɔ bɛhɛlɛle bɛhɔmanle Hibuluma la 11:16

Ɛleka mɔɔ ɛnee bɛ nwo ɛlɛdɔ ye la a le anwuma maanle kpalɛ ne. Yemɔti noko yeanyɛ Nyamenle nyiane kɛ bɛkɛvɛlɛ ye bɛ Nyamenle, ɔboalekɛ yekyekye suakpole yezie ɛkɛ ne yemaa bɛ.