30 Na Aalɔn hanle mɔɔ Ɛdɛnkɛma hanle hilele Mosisi la amuala hilele bɛ na ɔyɛle nwanwane sɛkɛlɛneɛ ne mɔ wɔ menli ne anyunlu ɛkɛ ne.
Yemɔti Mosisi ziale rale; ɔvɛlɛle Yizilayɛ mgbanyima ne mɔ na ɔvale mɔɔ Ɛdɛnkɛma ɛha ɛhile ye la ɔdole bɛ nyunlu.
Akee Mosisi buale kɛ, “Bɛnrɛlie me bɛnrɛli anzɛɛ bɛnrɛdie me, bɛbaha kɛ, ‘Ɛdɛnkɛma anye ɔ nwo angile wɔ.’ ”
Ka edwɛkɛ ne kile ye na fa wula ɔ nloa; mebamaa wɔ nee ɔdaye ɛnloanlɛ na meahilehile bɛ mɔɔ ɔwɔ kɛ bɛka la.
Ɔbagyinla wɔ gyinlabelɛ yeadendɛ yeahile menli ne; ɔbadendɛ ɛ nloa azo, na wɔayɛ ye Nyamenle.