Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:21 - BAEBOLO ANZƐƐ BULUKU NWUANZANWUANZA

²¹ Na Ɛdɛnkɛma zele Mosisi kɛ, “Saa ɛsia ɛkɔ Yigyibiti a, yɛ nwanwane ninyɛne ne mɔ mɔɔ meva nwolɛ tumi memaa wɔ la kile belemgbunli ne. Noko akee mebamaa yeayɛ dapele, yemɔti ɔnrɛmaa menli ne ɛnrɛhɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:21 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 6:3

Na Ɛdɛnkɛma zele kɛ, “Menrɛmaa sonla ɛnrɛdɛnla aze dahuu, ɔluakɛ ɔle nwonane. Ɔvi ɛnɛ mɔɔ kɔ la sonla ɛnrɛli ɛvolɛ mɔɔ bo ɛya ko abulanwiɔ la.”

1 Arl 22:22

Ɛdɛnkɛma bizale ye kɛ, ‘Ɛnee kɛ ɛbazi wɔabɛlɛbɛla ye ɛ?’ Sunsum ne buale kɛ, ‘Mebava adalɛ edwɛkɛ meaduodua Nyamenle kpɔmanvolɛma ne amuala anloa.’ Na Nyamenle zele sunsum ne kɛ, ‘Kɔ zolɛ bɛlɛbɛla Ehabe na ɛ sa baha ye.’ ”

Edwɛndolɛ Buluku ne 105:25

Ɔmanle kpɔvolɛma ne hyile ye menli ne, na bɛyɛle Ɛdɛnkɛma sonvolɛma ne asa.

Edwɛndolɛ Buluku ne 78:43

na yeayɛ ye nwanwane sɛkɛlɛneɛ mɔɔ ɔyɛle wɔ Yigyibiti, anzɛɛ nwanwane ninyɛne mɔɔ ɔyɛle wɔ Zowan fienemgbole nu la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 10:1

Akee Ɛdɛnkɛma zele Mosisi kɛ, “Kɔ belemgbunli ne ɛkɛ, ɔluakɛ memaa ye nee ye mgbanyima ne mɔ ahonle ɛyɛ se, amaa meahile bɛ me sɛkɛlɛneɛ ɛhye mɔ wɔ bɛ avinli,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 10:20

Na eza Ɛdɛnkɛma manle belemgbunli ne ahonle yɛle se bieko, yemɔti yeammaa Yizilayɛma angɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 10:27

Na Ɛdɛnkɛma manle belemgbunli ne ahonle yɛle se, yemɔti yeammaa bɛangɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 11:10

Mosisi nee Aalɔn yɛle nwanwane ninyɛne ɛhye mɔ kɔsɔɔti wɔ belemgbunli ne anye zo, na Ɛdɛnkɛma manle belemgbunli ne ahonle yɛle se, yemɔti yeammaa Yizilayɛma anvi maanle ne anu angɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 11:9

Akee Ɛdɛnkɛma zele Mosisi kɛ, “Belemgbunli ne ɛnrɛdie wɔ, amaa meayɛ nwanwane ninyɛne mɔnwo mɔnwo wɔ Yigyibiti azɛlɛ zo.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:17

Mebamaa Yigyibitima ahonle ayɛ se, bɛbadoa bɛ na ɛhye bamaa meali konim meanyia me nyunlu wɔ Yigyibiti belemgbunli ne nee ye ɛlɔnema, ye konle ehwili ne mɔ, nee ye konlema mɔɔ ka mgbɔnwɔ la ɛkɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:4

Mebamaa belemgbunli ne ahonle ayɛ se, na yeadoa bɛ, na meanyia anyunlunyia wɔ belemgbunli ne nee ye ɛlɔnema ne kɔsɔɔti anyunlu, amaa Yigyibitima anwu kɛ medame a mele Ɛdɛnkɛma a.” Na Yizilayɛma yɛle mɔɔ bɛhanle bɛhilele bɛ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:8

Ɛdɛnkɛma manle Yigyibiti belemgbunli ne ahonle yɛle se. Ɔbulule debie biala azo na ɔdoale Yizilayɛma wɔ mekɛ mɔɔ ɛnee bɛlua adenle nu konimlilɛ nu bɛlɛkɔ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:19

Meze kɛ Yigyibiti belemgbunli ne ɛnrɛmaa bɛ adenle, kyesɛ tumi kpole bie kolo ɔ nwo zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:20

Yemɔti mebadenrɛ me sa meayɛ nwanwane ninyɛne meadua Yigyibiti kakɛ, na ɛhye anzi, ɔbamaa bɛahɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 7:13

Noko belemgbunli ne akee yɛle dapele kpole kpalɛ, na kɛmɔ Ɛdɛnkɛma hanle la, akee bɔbɔ ɔnrɛdie bɛ edwɛkɛ fee.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 7:3

Mebamaa belemgbunli ne ayɛ dapele. Kanza mebɔ me sɛkɛlɛneɛ nee me nwanwane ninyɛne ne mɔ anwo mɔnwo mɔnwo wɔ Yigyibiti azɛlɛ zo bɔbɔ a, belemgbunli ne ɛnrɛdie wɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 8:11

Ahɛlɛne ne mɔ bavi wɔ, wɔ mgbanyima, nee wɔ menli ne mɔ azua nu ahɔ, na yeaha mɔɔ wɔ Naele ne anu la ala.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 8:15

Na mɔɔ belemgbunli ne nwunle kɛ ahɛlɛne ne mɔ ɛwu la, ɔyɛle dapele bieko, yeandie mɔɔ Ɛdɛnkɛma hanle la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 8:32

Na belemgbunli ne zile ye ɛbolɛ, na ye dapele ne akee yɛle kpole kpalɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:12

Na Ɛdɛnkɛma manle belemgbunli ne ahonle yɛle se, yeandie bɛ edwɛkɛ, kɛmɔ Ɛdɛnkɛma hanle hilele Mosisi ala la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:35

Belemgbunli ne ahonle yɛle se, yemɔti yeammaa Yizilayɛma angɔ, kɛmɔ Ɛdɛnkɛma luale Mosisi anwo zo hanle la.

Ayezaya Buluku ne 6:10

Maa menli ɛhye mɔ ɛsolo, bɛ nzo ɛdi, na bɛ nye ɛzi, anrɛɛ bɛkɛva bɛ nye bɛkɛnwu debie, bɛkɛva bɛ nzo bɛkɛde edwɛkɛ na bɛkɛde edwɛkɛ bo, na bɛahakyi bɛ nyɛleɛ na bɛayɛ bɛ ayile.’ ”

Ayezaya Buluku ne 63:17

O Ɛdɛnkɛma, duzu ati a ɛmaa yɛfo wɔ ndenle ne mɔ, yɛsolo na akee yɛnzulo wɔ a? Wɔ sonvolɛma ne mɔ ati, mbusua ekpunli ekpunli ne mɔ mɔɔ le wɔ agyadeɛ la ati, sia bɛla.

Dw 12:40

“Nyamenle ɛzi bɛ nye na yemaa bɛsolo, amaa bɛ nye annwu debie na bɛ nzo ade edwɛkɛ, na bɛahakyi bɛara me nwo kɛ menyɛ bɛ ayile.”

Wulo 1:28

Kɛmɔ menli kpole kɛ bɛnrɛnwu Nyamenle la ati, ɔgyakyile bɛ ɔmanle bɛ adwenle ne mɔ mɔɔ ɛkpɔlɔ la, amaa ɔlua zolɛ bɛyɛle ninyɛne mɔɔ ɔnle kɛ bɛyɛ la.

Wulo 9:18

Yemɔti, Nyamenle ɔdaye ye ɛhulolɛdeɛ zo ɔse bie anwunvɔne yɛɛ ɔmaa bie noko yɛ anzosesebɛ.

2 Kɔl 2:16

ɔbɔ evuanlɛ mɔɔ maa ngoane la ɔmaa bɛdabɛ mɔɔ bɛlɛdie bɛ ngoane la, yɛɛ ɔbɔ nvoanle mɔɔ maa ewule la ɔmaa bɛdabɛ mɔɔ bɛlɛminli la. Na nwane bɔbɔ a kɛhola gyima zɛhae yɛ a?

Mɛla 2:36

Ɔvi Alowɛ mɔɔ wɔ Azule Anɔn ne bɔnza ne anloa, nee suakpole ne mɔɔ wɔ bɔnza ne avinli la azo toonwo mɔɔ kɔdwu Geleade la, suakpole biala ɛnle ɛkɛ ne mɔɔ holale yɛ nyunlu gyinla a. Ɛdɛnkɛma yɛ Nyamenle ne yele bɛ muala manle yɛ.

Dwɔhyua Buluku ne 11:20

Ɛdɛnkɛma a yɛle bɛ zɔhane manle bɛ nee Yizilayɛma honle, amaa ɔlua zo bɛabua bɛ fɔlɛ, bɛahu bɛ, bɛabɔ bɛ bo zo bɔkɔɔ mɔɔ anwunvɔnezelɛ biala ɛnle nu a. Kɛ Ɛdɛnkɛma zele Mosisi kɛ ɔyɛ la ɛne.

1 Pit 2:8

Eza Nyamenle Edwɛkɛ ne bie se, “Ɛhye le bolɛ mɔɔ bamaa menli adu koti a; ɔle bodane mɔɔ bamaa bɛadu bɛagua a.” Bɛtu koti, ɔboalekɛ bɛnlie edwɛkɛ ne bɛnli; Nyamenle ngyehyɛlɛ ne kɛ de la ɛne.