Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:7 - BAEBOLO ANZƐƐ BULUKU NWUANZANWUANZA

⁷ Na Ɛdɛnkɛma zele Mosisi kɛ, “Maa ɔyɛ ndɛndɛ tolo kɔ, ɔluakɛ wɔ menli ne mɔɔ ɛyele bɛ ɛvile Yigyibiti azɛlɛ zo la ɛyɛ ɛtane na bɛkpo me.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:7 ပူးပေါင်းရင်းမြစ်များ

2 Edk 27:2

Ɔyɛle mɔɔ sɔ Ɛdɛnkɛma anye la. Ɔvale ɔ ze Ɛzaya agyakɛ, noko yemɔ yeanvu nu yeangɔ Ɛdɛnkɛma Ɛzonlenlɛ Sua ne anu ɛlɛ. Na menli ne, bɛmɛ, bɛhɔle zolɛ bɛyɛle bɛ ninyɛndane ne mɔ.

Edwɛndolɛ Buluku ne 78:36

Noko bɛvale bɛ nloa bɛbɔle awuye ala; bɛbɔle adalɛ, bɛ nee ye lile amanie.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:24

Na Ɛdɛnkɛma zele yɛ kɛ, “Dwu aze na ɛ nee Aalɔn bɛrɛla. Mmamaa sɛlɛvolɛma nee menli ne tɛla anyiane ne ba medame Ɛdɛnkɛma me nwo ɛke, anrɛɛ menwɔdua bɛ kakɛ.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:1

Mɔɔ menli ne nwunle kɛ Mosisi akee ɛhyɛ somaa wɔ boka ne azo na ɔmba la, bɛ muala bɛhɔle Aalɔn anwo ɛkɛ bɛhɔzele ye kɛ, “Maa ɔyɛ ndɛndɛ maa yɛ nyamenle maa ɔli yɛ nyunlu, ɔluakɛ Mosisi ɛhye, mɔɔ yemɔ a le sonla mɔɔ yele yɛ vile Yigyibiti azɛlɛ zo la, yɛnze mɔɔ kɛkala ɛzi ɔ nwo zo a.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:11

Na Mosisi bodole Ɛdɛnkɛma, ye Nyamenle ne kɛ, “O Ɛdɛnkɛma, duzu ati a wɔva wɔ menli mɔɔ ɛdawɔ wɔva tumi nee anwosesebɛ wɔye bɛ wɔvi Yigyibiti azɛlɛ zo la anwo ɛya kpole zɛhae a? Duzu ati a ɔwɔ kɛ Yigyibitima ka ye kɛ, ɛvale adwenle ɛtane a ɛyele bɛ ɛvile Yigyibiti a, kɛ ɛ nee bɛ ba wɔarahu bɛ wɔ awoka ye azo na wɔabɔ bɛ bo zo wɔ azɛlɛ ye azo a?

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:4

Ɔliele nvutuke asomadeɛ ne mɔ wɔ bɛdabɛ mumua ne bɛ sa nu na ɔholole ɔguale ɛnlankɛ nyinli ananze ɔmanle bɛ. Menli ne hanle kɛ, “O Yizilayɛ, yɛ nyamenle ne mɔɔ yele yɛ vile Yigyibiti la, yemɔ ɛne!”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 33:1

Ɛdɛnkɛma zele Mosisi kɛ, “Fa menli ne mɔɔ ɛ nee bɛ vi Yigyibiti azɛlɛ zo ɛra la fi ɛke kɔ azɛlɛ ne mɔɔ menganle ndane menvale membɔle Ebileham, Ayezeke, nee Gyekɔbo ɛwɔkɛ kɛ, mebava meamaa bɛ bo zo amra la azo.

Ayezaya Buluku ne 1:4

Aa, maanle mɔɔ ɛtane ɛyi ye tɛkɛɛ a, menli mɔɔ ninyɛndane ɛyɛlɛ ɛli bɛ ti a, esiayɛɛ mralɛ, menli mɔɔ nzisi ala a bɛdi a, bɛbɔ munzule! Bɛkpo Ɛdɛnkɛma, bɛhyi Yizilayɛ Nwuanzanwuanza Ko ne, na bɛhakyi bɛ nzi bɛzi ye bɔkɔɔ.

Daneɛle Buluku ne 9:24

“Ɛnyelɛzodeɛnwunlɛ ne kile kɛ wɔ menli Yizilayɛma bava ɛvolɛ ɛya nna abulahɔnla (ɛvolɛ abulasuu fane nsuu) a alie bɛ nwo nee bɛ suakpole ne wɔ ɛtane nee munzule nu, bɛayɛ bɛ ɛtane nwo mgbɔdalɛ nzɛlɛlɛ na bɛali pɛlepɛle dahuu a, amaa ɛnyelɛzodeɛnwunlɛ ne nee Nyamenle nrɛlaleɛ ne ali munli, na bɛadu Ɛzonlenlɛ Sua ne bɛamaa Nyamenle bieko.

Hozia Buluku ne 9:9

Bɛyɛ ɛtane wɔ debie biala mɔɔ bɛyɛ la anu, kɛmɔ bɛyɛle wɔ mekɛ mɔɔ bɛwɔ Gebɛya la. Nyamenle bahakye bɛ ɛtane ne mɔ na yeadea bɛ wɔ nwolɛ.

Mɛla 31:29

Ɔluakɛ meze kɛ mewu a bɛbade atua na bɛahwe bɛ nwo bɛavi adenle ne mɔɔ mese bɛlua zolɛ la azo. Mekɛ zɔhane anu, kɛmɔ bɛbayɛ ɛtane bɛatia Ɛdɛnkɛma na bɛava bɛ sa anloa gyima bɛaha ye ɛya la ati, munzule bazi bɛ nwo zo.”

Mɛla 32:5

Bɛanli nɔhalɛ bɛammaa ye, bɛnle ɔ mra ko, ɔboalekɛ bɛ nwo lɛ dɛne; bɛle awolɛndoazo ɛtane, anzosesebɛma.

Mɛla 4:16

na bɛanyɛ ananze bɛammaa yeanzɔho debie biala, amaa bɛanyɛ ɛtane. Bɛmmayɛ debie mɔɔ le kɛ raalɛ anzɛɛ nrenya.

Mɛla 9:12

“Akee Ɛdɛnkɛma zele me kɛ, ‘Dwazo, ɛvi ɛke tolo kɔ ndɛndɛ, ɔluakɛ wɔ menli ne mɔɔ ɛ nee bɛ vi Yigyibiti ɛra la ɛbɔ munzule. Kɛkala angome bɛhakyi bɛ nzi bɛzi me adenle ne mɔɔ menzele bɛ kɛ bɛlua nu la, na bɛgua ananze bɛmaa bɛ nwo.’

Mɛla 9:8

Wɔ Saenae Boka bɔbɔ bɛyɛle dedee akee bɛmanle Ɛdɛnkɛma vale bɛ nwo ɛya mɔɔ anrɛɛ ɔsɛkye bɛ a.

Maanlebuvolɛma Buluku ne 2:19

Noko mekɛ biala mɔɔ ahenle mɔɔ li bɛ ti la kɛwu la, ɛnee bɛzia bɛ nzi bɛlɛbɔ bɛ munzule ɛbɛla ne bieko, na bɛyɛ bɔbɔ bɛmaa ɔtɛla dɛba ne mɔɔ bɛ ze mɔ yɛle la. Bɛtoɔdoa nyamenle gyɛne gyɛne, bɛsonle bɛ, na bɛbɔ bɛ ti aze bɛmaa bɛ. Bɛangyakyi bɛ ninyɛndane nee anzosesebɛ ne mɔ ɛyɛlɛ.