Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:4 - BAEBOLO ANZƐƐ BULUKU NWUANZANWUANZA

⁴ Ɔliele nvutuke asomadeɛ ne mɔ wɔ bɛdabɛ mumua ne bɛ sa nu na ɔholole ɔguale ɛnlankɛ nyinli ananze ɔmanle bɛ. Menli ne hanle kɛ, “O Yizilayɛ, yɛ nyamenle ne mɔɔ yele yɛ vile Yigyibiti la, yemɔ ɛne!”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:4 ပူးပေါင်းရင်းမြစ်များ

1 Arl 12:28

Yemɔti ɔdwenlenle nwolɛ na ɔvale ezukoa nvutuke ɔguale nlankɛ mralɛ ananze nwiɔ na ɔhanle ɔhilele menli ne kɛ, “Bɛhɔ Gyɛlusalɛm bɛvɛ bie ala, yeyɛ boɛ! Yizilayɛma, bɛnlea! Bɛ nyamenle ne mɔ mɔɔ nee bɛ vi Yigyibiti rale la ɛne.”

1 Arl 12:32

Gyɛlɔbowam ziele siane mɔtwɛ ne kenle bulu nee nnu ne kɛ ɔle nyamenlezonlenlɛ nu ɛvoyia, kɛmɔ bɛdi ye wɔ Dwuda la. Ɔbɔle azu wɔ Bɛtɛle azukponle ne azo ɔmanle ezukoa nvutuke nlankɛ mralɛ ananze ne mɔ mɔɔ ɔguale la, na ɔmanle menli mɔɔ yeyɛ bɛ sɛlɛvolɛma wɔ ɛleka ɛleka la pɛle ralile Bɛtɛle.

2 Arl 10:20

Akee Gyihu zele kɛ, “Bɛhile kenle bɛmaa yɛzonle Beeyale yɛli ye eni.” Bɛbɔle edwɛkɛ ne nolo.

2 Arl 10:29

Noko Gyihu andwe ɔ nwo anvi Gyɛlɔbowam ninyɛndane ne mɔ anwo. Ɔdaye noko ɔmanle Yizilayɛma zonlenle nlankɛ ananze mɔɔ bɛva ezukoa nvutuke bɛyɛ la, kɛmɔ Gyɛlɔbowam yɛle wɔ Bɛtɛle nee Dan la.

2 Edk 11:15

Gyɛlɔbowam ɔdaye ɔyele ye sɛlɛvolɛma mɔɔ nea ɛleka ne mɔ mɔɔ bɛyɛ bɛ mbɔnsam ninyɛne ne mɔ nee ɛleka mɔɔ bɛsɔ bɛ nlankɛ ananze mmonle mɔɔ ɔdaye yeyɛ la.

2 Edk 13:8

Kɛkala, bɛyɛ bɛ adwenle kɛ kɛmɔ bɛ nwo zonle na bɛdedɛ bɛ ezukoa nvutuke nlankɛ ananze ne mɔ mɔɔ Gyɛlɔbowam ɛyɛ ɛmaa bɛ kɛ bɛ nyamenle la ati, bɛ nee Devidi abo zo amra ne mɔɔ Ɛdɛnkɛma belemgbunli maanle ne wɔ bɛ sa nu la baho.

Nihɛmaya Buluku ne 9:18

Bɛyɛle ɛnlankɛ ananze, na bɛzele kɛ ɔle bɛ nyamenle; kɛ yemɔ a ɔyele bɛ ɔvile Yigyibiti a. Bɛhanle wɔ ɛya kpole!

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:2

“Mame a mele Ɛdɛnkɛma bɛ Nyamenle ne, mɔɔ yele bɛ vile Yigyibiti azɛlɛ zo, vile akɛlɛzonlenlɛ nu la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:23

Bɛmmafa dwɛtɛ fufule bɛyɛ awozonle bɛboka me nwo, anzɛɛ bɛmmafa ezukoa nvutuke bɛyɛ awozonle bɛmaa bɛ nwo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:4

“Bɛmmayɛ ananze, anzɛɛ debie biala mɔɔ wɔ anwuma anzɛɛ aze anzɛɛ nzule nu wɔ azɛlɛ bo la sɔhovolɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:11

Kɛ dwinvolɛ si kɛlɛ aluma gua adwinli mɔɔ yeli la azo la, zɔhane ala yɛɛ bɛhɛlɛ Gyekɔbo amra mrenya ne mɔ aluma wɔ awolɛ ne mɔ azo a, na yɛ ezukoa nvutuke boa wula awolɛ ne mɔ nu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:9

Bɛva kanɛlea awolɛ mɔɔ sonle bolɛ la nwiɔ na bɛhɛlɛ Gyekɔbo amra mrenya ne mɔ aluma bɛgua zolɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:1

Mɔɔ menli ne nwunle kɛ Mosisi akee ɛhyɛ somaa wɔ boka ne azo na ɔmba la, bɛ muala bɛhɔle Aalɔn anwo ɛkɛ bɛhɔzele ye kɛ, “Maa ɔyɛ ndɛndɛ maa yɛ nyamenle maa ɔli yɛ nyunlu, ɔluakɛ Mosisi ɛhye, mɔɔ yemɔ a le sonla mɔɔ yele yɛ vile Yigyibiti azɛlɛ zo la, yɛnze mɔɔ kɛkala ɛzi ɔ nwo zo a.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:24

Na menganle mengilele bɛ kɛ, ‘Awie biala ɛva ye nvutuke anwoneɛ biala mɔɔ ɔlɛ la ɔmaa me.’ Yemɔti bɛvale bɛmanle me; menvuandinle menguale senle nu na ɛnlankɛ ɛhye a vindele nu a.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:3

Yemɔti menli ne amuala yeyele ezukoa nvutuke asomadeɛ mɔɔ wɔ bɛ nzo nu la manle Aalɔn.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:35

Na Ɛdɛnkɛma vale ewule nzane deanle menli ne, ɔboalekɛ bɛhyele Aalɔn mialera nu bɛmanle ɔyɛle ɛnlankɛ nyinli ananze ne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:5

Mɔɔ Aalɔn nwunle ɛhye la, ɔzile azukponle wɔ ɛnlankɛ nyinli ne anyunlu ɛkɛ, na ɔbɔle ye nolo ɔhanle kɛ, “Ɛhyema yɛbali ɛvoyia kpole yeawula Ɛdɛnkɛma anyunlunyia.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:7

Na Ɛdɛnkɛma zele Mosisi kɛ, “Maa ɔyɛ ndɛndɛ tolo kɔ, ɔluakɛ wɔ menli ne mɔɔ ɛyele bɛ ɛvile Yigyibiti azɛlɛ zo la ɛyɛ ɛtane na bɛkpo me.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:8

Adenle ne mɔɔ mengilele bɛ kɛ bɛlua nu la, bɛanlua nuhua; bɛgua ɛnlankɛ nyinli ananze na bɛzonle ye, bɛbɔ azu bɛmaa ye na bɛha kɛ, ‘O Yizilayɛ, yɛ nyamenle ne mɔɔ yele yɛ vile Yigyibiti azɛlɛ zo la, yemɔ ɛne!’

Ayezaya Buluku ne 30:22

Akee bɛbazɛkye bɛ dwɛtɛ fufule nee bɛ ezukoa nvutuke ananze ne mɔ. Bɛbavuandi bɛ bɛagua kɛ bɛle ninyɛne mɔɔ nwolɛ ɛnde a, na bɛaha ye kɛ, “Bɛhɔ.”

Ayezaya Buluku ne 46:6

Menli ye ezukoa nvutuke wɔ bɛ ahodoku nu; bɛsuzu bɛ dwɛtɛ fufule ne mɔ; bɛbɔ ezukoa dwinvolɛ ɛkpa; ɔfa bɛ ezukoa ne ɔyɛ nyamenle, na bɛtu bɛgua ɔ nyunlu bɛsonle ye!

Yizikeɛle Buluku ne 23:8

Yeangyakyi ye tuutuulilɛ ne mɔɔ ɔlile wɔ Yigyibiti la anzi ɛlilɛ, ɔluakɛ ɔvi ye mbɛlɛra nu, mrenya nee ye lale na bɛsosɔle ɔ nyɛfo, na bɛyɛle ye kɛmɔ bɛkɛyɛ tuutuunli ala la.

Hozia Buluku ne 10:5

Menli mɔɔ de suakpole Samɛlea azo la bazulo, bɛ nwo awozo bɛ, wɔ bɛ nvutuke ɛnlankɛ ananze ne mɔɔ ɛvi Bɛtɛle la ati. Menli ne bazu ye, yɛɛ sɛlɛvolɛma ne mɔ mɔɔ sonle ananze ne la bazu aye awolɛ wɔ ye anyunlunyia ne mɔɔ ɛdɔ aze ɛbɔ la ati.

Hozia Buluku ne 13:2

Kɛkala bɛtɛkɔ zolɛ bɛtɛyɛ ɛtane; bɛfa dwɛtɛ fufule bɛgua mmonle ananze mɔɔ dwinvolɛma a ɛyɛ la, na bɛse kɛ, “Bɛbɔ azu bɛmaa bɛ.” Menli ala, bɛdabɛ bɛfo nlankɛ ananze nloa anwo!

Ɛzoanvolɛma Gyima ne 17:29

Saa yɛle ɔ mra a, ɛnee ɔnle kɛ yɛdwenle kɛ Nyamenle le abɔdeɛ bie mɔɔ le kɛ ezukoa nvutuke anzɛɛ dwɛtɛ fufule anzɛɛ bolɛ ananze bie mɔɔ sonla ɔdaye yeva ye adwenle yehyehyɛ na yeyɛ la.

Ɛzoanvolɛma Gyima ne 7:41

Mekɛ ne anu bɛyɛle ɛnlankɛ ralɛ ananze na bɛvale bɛyɛle amonle bɛzɔle, bɛlile nwolɛ nwɔhoa na bɛyeyɛle deɛ ne mɔɔ bɛdabɛ bɛva bɛ sa bɛyɛ la.

1 Kɔl 10:7

anzɛɛ yɛanzonle awozonle, kɛmɔ bɛ bie mɔ yɛle la. Nyamenle Edwɛkɛ ne se, “Menli ne mɔ dɛnlanle aze lile na bɛnlonle na bɛdwazole bɛzile agole.”

Mɛla 9:16

Na meneanle menwunle kɛ bɛyɛ ɛtane bɛtia Ɛdɛnkɛma bɛ Nyamenle ne. Bɛgua ɛnlankɛ ralɛ ananze bɛmaa bɛ nwo, bɛhakyi bɛ nzi kɛkala angome bɛzi adenle ne mɔɔ Ɛdɛnkɛma ɛze bɛ kɛ bɛlua nu la.

Maanlebuvolɛma Buluku ne 8:24

Akee Gedɛyɔn zele bɛ kɛ, “Mesɛlɛ bɛ debie ko; ninyɛne mɔɔ bɛnyianle la awie biala ɛyeye asomadeɛ mɔɔ wɔ nu la ɛmaa me.” (Ɔluakɛ Medeanema wula ezukoa nvutuke asomadeɛ, ɔboalekɛ bɛle Yehyemeeyɛle abo zo amra.)

Maanlebuvolɛma Buluku ne 8:27

Gedɛyɔn vale ezukoa nvutuke ne yɛle ananze ziele ye sua ne anu wɔ ye sua zo Ɔfela. Yizilayɛma kɔsɔɔti kpole Nyamenle na bɛzonlenle ananze ne. Na ɛhye yɛle ɛhane manle Gedɛyɔn nee ye sua nu amra.