Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:30 - BAEBOLO ANZƐƐ BULUKU NWUANZANWUANZA

³⁰ Aleɛ hyenle la Mosisi zele menli ne kɛ, “Bɛyɛ ɛtane kpole. Yemɔti mesia meahɔ Ɛdɛnkɛma anwo lɔ wɔ boka ne azo. Wɔannea a mebahola meali bɛ ɛtane ne mɔ anwo mgbɔdalɛ.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:30 ပူးပေါင်းရင်းမြစ်များ

2 Sam 12:9

Duzu ati a wɔbulu Ɛdɛnkɛma edwɛkɛ ne azo na wɔyɛ ɛtane ɛhye ɛ? Wɔmaa bɛhu Yulaya wɔ konle nu. Wɔmaa Amɔnoma ɛhu ye na wɔva ɔ ye.

2 Sam 16:12

Bie a ɛnee Ɛdɛnkɛma banwu kɛ mezi meyɛ anwunvɔne la na yeamaa me nyilalɛ yeazie sasa ye mɔɔ ɛnɛ bɛlɛbɔ me la abo zo.”

2 Arl 17:21

Mekɛ mɔɔ Ɛdɛnkɛma dele Dwudama vile Yizilayɛma anwo la, Yizilayɛma yɛle Nibate ara Gyɛlɔbowam bɛ belemgbunli. Gyɛlɔbowam manle bɛkpole Ɛdɛnkɛma na ɔmanle bɛyɛle ɛtane kpole kpalɛ.

Edwɛndolɛ Buluku ne 99:6

Mosisi nee Aalɔn boka ye sɛlɛvolɛma ne, Samoɛle boka bɛdabɛ mɔɔ bɛzonlenle ye la. Bɛdeanle bɛvɛlɛle Ɛdɛnkɛma, na ɔliele bɛ zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:29

Na Mosisi hanle kɛ, “Ɛnɛ, awie biala ɛva ɔ ra nrenya nee ɔ diema mogya ɛnlua ɔ nwo ɛwula ɔ nwo sɛlɛvolɛ wɔ Ɛdɛnkɛma ɛzonlenlɛ nu, amaa Ɛdɛnkɛma awola ye nyilalɛ agua bɛ nwo zo.”

Emɔzo Buluku ne 5:15

Kyi mɔɔ le ɛtane la, na kulo mɔɔ le kpalɛ la, na nea maa nɔhalɛlilɛ ɛrɛla edwɛkɛlilɛ ɛleka ne mɔ; wɔannea a Ɛdɛnkɛma, Tumivolɛ Nyamenle ne kɛnwu Dwosefi abo zo amra ne mɔɔ ɛha la anwunvɔne.

Dwona Buluku ne 3:9

Awie ɛnze; bie a ɛnee Nyamenle ɛnwu yɛ anwunvɔne, yehakyi ye adwenle na yegyakyi ye ɛya kpole ne, amaa yɛanwu.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:47

Aalɔn yɛle tieyɛ, ɔvale ye ɛyɛlɛkpunlɛ kyɛnze ne na ɔnriandile ɔhɔle ɛlɔne ne avinli. Mɔɔ ɔnwunle kɛ ewulenzane ne ɛbɔ ɔ bo dɛbadɛba la, ɔvale ɛyɛlɛ ɔguale senle ne anu na ɔyɛle mgbɔdalɛ nzɛlɛlɛ ɔmanle menli ne.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 25:13

ɔdaye nee ɔ bo zo amra bayɛ sɛlɛvolɛma mɔɔ ɛmbɔ aze ɛlɛ a, ɔboalekɛ ɔhwenle ye Nyamenle ne ati nungule ɔvale ɔkpɔdale Yizilayɛma ati.”

Edwɛkpa ne kɛmɔ Luku hɛlɛle la 15:18

Medwazo meahɔ egya anwo lɔ meahɔze ye kɛ, Egya, meyɛ ɛtane metia Nyamenle nee ɛdawɔ.

Edwɛkpa ne kɛmɔ Luku hɛlɛle la 7:47

Ɛhye ati meka meahile wɔ kɛ, ɛhulolɛ kpole ne mɔɔ yehile la, kile kɛ bɛva ye ɛtane bebelebe ne bɛhyɛ ye. Mɔɔ bɛkɛva ekyi bɛkɛhyɛ ye la ɛhulolɛ le ekyi bie ala.”

Wulo 9:3

meamaa medame me mbusuafo Dwuuma la. Bɛ ti me kunlu a anrɛɛ Nyamenle ɛdua me kakɛ na yekpɔkye me yevi Kelaese anwo.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:13

Kelaese ɛralie ndeanlɛ muala, na yelie yɛ yevi munzule mɔɔ anrɛɛ mɛla ne fa yɛ ahɔ nu la anu, ɔluakɛ Nyamenle Edwɛkɛ ne se, “Mɔɔ bɛkɛhenda ye wɔ baka zo la munzule ɛha ye.”

2 Tem 2:25

Ɔwɔ kɛ ɔto ɔ rɛle azule nu ɔkilehile bɛdabɛ mɔɔ bɛ nee ye ɛnga la, ɔluakɛ saa ɔyɛ Nyamenle ɛhulolɛ a ɔbamaa bɛ mekɛ kpalɛ yeamaa bɛanlu bɛ nwo na bɛaranwu nɔhalɛ ne.

Gyemise Kɛlata ne 5:16

Yemɔti, bɛha bɛ ɛtane ne mɔ bɛhile bɛ nwo ngoko ngoko, na bɛzɛlɛ bɛmaa bɛ nwo ngoko ngoko, na bɛkɛde kpɔkɛ. Sonla tenlene biala nzɛlɛlɛ yɛ nla eza tumi wɔ nu.

1 Sam 12:17

Bɛ muala bɛze kɛ yɛwɔ wawaa mekɛ nu. Mebazɛlɛ ye meamaa yeamaa maanle nu ahulu na ezule adɔ. Saa ɛhye si a, bɛbanwu kɛ bɛyɛ ɛtane kpole bɛtia Ɛdɛnkɛma kɛ bɛdabɛ bɛbizale bɛliele belemgbunli a.”

1 Sam 12:19

Na bɛzele Samoɛle kɛ, “Yɛmenle, bodo Ɛdɛnkɛma wɔ Nyamenle ne maa yɛ, amaa yeangu yɛ. Ɔluakɛ yɛnwu ye wienyi kɛ, ɛye ɛtane gyɛne gyɛne mɔɔ yɛyɛ la ɛsie ahane a, mɔɔ yɛyɛ la akee bo zolɛ kɛ yɛdayɛ yɛbizale kɛ ɔmaa yɛ belemgbunli a.”

1 Sam 12:20

Na Samoɛle zele menli ne kɛ, “Bɛmmasulo; bɛbɔ munzule bɔbɔ ɛdeɛ, noko bɛmmakpo kɛ bɛnrɛdoa Ɛdɛnkɛma abo zo. Bɛva bɛ ahonle kɔsɔɔti bɛzonle ye.

1 Sam 12:23

Na mame, Ɛdɛnkɛma ɛkpa ɛgua kɛ menwɔyɛ ɛtane kɛ menrɛzɛlɛ menrɛmaa bɛ a. Mebahilehile bɛ nɔhalɛ adenle ne nee mɔɔ le kpalɛ kɛ ɔwɔ kɛ bɛyɛ la.

1 Sam 2:17

Yemɔti Yilae amra ne mɔ ɛtane ne yɛle kpole bole zolɛ wɔ Ɛdɛnkɛma anye zo, ɔboalekɛ bɛambu Ɛdɛnkɛma azubɔlɛ ninyɛne ne mɔ bie.