Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:12 - BAEBOLO ANZƐƐ BULUKU NWUANZANWUANZA

¹² Gua wɔ edwɛne azule nu; mmakakyi wɔ adwenle ɛmaa munzule to bɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:12 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 6:6

Na ɔyɛle Ɛdɛnkɛma nyane kɛ yebɔ sonla yedo azɛlɛ ye azo a. Ɔyɛle ye nyane somaa,

1 Arl 8:51

Ɔluakɛ bɛle wɔ menli yɛɛ ɛdawɔ a ɛyele bɛ ɛvile senle tandane ne anu wɔ Yigyibiti a.

Ɛzela Buluku ne 10:14

Bɛye mgbanyima bɛzie Gyɛlusalɛm ɛke bɛmaa bɛgyinla menli ne kɔsɔɔti agyakɛ anu na bɛhile kenle bɛmaa bɛdabɛ mɔɔ bɛgya nyɛvolɛ mraalɛ la ɛrɛla ɛranwu bɛ wɔ mekɛ mɔɔ bɛkɛhile la anu. Mekɛ mɔɔ bɛkɛhile sua biala azo amra la, saa bɛlɛba a ɔwɔ kɛ bɛ nee sua ne azo mgbanyima nee ndɛnebuavolɛma a ba a. Na bɛyɛ ye zɔhane kɔkpula kɛ Nyamenle ɛya kpole ne mɔɔ yeva wɔ ɛhye anwo la kɛha aze la.”

Edwɛndolɛ Buluku ne 106:45

Bɛ ti, ɔhakyele ye ngyekyeleɛ ne, na ye ɛhulolɛ kpundii ne ati ɔhakyile ye adwenle.

Edwɛndolɛ Buluku ne 74:18

O Ɛdɛnkɛma, kakye ɛhye, nee kpɔvolɛ ne agolobɛnwo ne, menli mɔɔ ɛnze Nyamenle la sɛkye wɔ duma.

Edwɛndolɛ Buluku ne 78:38

Noko yemɔ, kɛmɔ ɔse anwunvɔne la ati, ɔvale bɛ ɛtane ɔhyɛle bɛ, yɛanzɛkye bɛ; mekɛ dɔɔnwo ɔmenle ye ɛya ne, yeanva ye ɛya ne amuala yeangua bɛ nwo zo.

Edwɛndolɛ Buluku ne 85:3

Ɛmenle wɔ ɛya ne amuala; ɛgyakyile ɛya biala mɔɔ ɛvale la.

Edwɛndolɛ Buluku ne 90:13

O Ɛdɛnkɛma, sia bɛla! Kenlenzu? Nwu wɔ sonvolɛ anwunvɔne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:14

Yemɔti Ɛdɛnkɛma hakyile ye adwenle. Yeammaa munzule ne mɔɔ ɔdwenlenle nwolɛ la amba menli ne anwo zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 33:13

Yemɔti mesɛlɛ wɔ, saa mezɔ ɛ nye ɛdeɛ a, ɛnee kile me wɔ ndenle ne mɔ, amaa meazonle wɔ na meazɔ ɛ nye dahuu. Eza kakye kɛ maanle ɛhye le wɔ menli.”

Ayezaya Buluku ne 64:7

Awie ko ɛnle ɛkɛ mɔɔ sonle wɔ a, awie ɛngeha ɔ nwo bɔbɔ kɛ ɔtudu yeahisa wɔ, ɔluakɛ wɔye ɛ nye wɔvea yɛ na wɔye yɛ wɔwula yɛ ɛtane ne mɔ asa anu.

Ayezaya Buluku ne 64:8

Noko akee, O Ɛdɛnkɛma, wɔmɔ a ɛle yɛ ze a; yɛmɛ, yɛle ndɛtɛlɛ, yɛɛ wɔmɔ a ɛle nwovolɛ ne a; yɛ muala yɛle ɛ sa anloa gyima.

Gyɛlɛmaya Buluku ne 28:16

Yemɔti Ɛdɛnkɛma se, ‘Nea, mebaye wɔ meavi azɛlɛ ye azo. Ɛvolɛ ɛhye anu ala, ɛbawu, ɔboalekɛ wɔbɔ adalɛ wɔmaa menli ne ɛde Ɛdɛnkɛma anwo atua.’ ”

Yizikeɛle Buluku ne 20:14

Noko me duma ne ati, mengakyile me adwenle, amaa me duma anzɛkye wɔ maanle maanle ne mɔ mɔɔ menyele bɛ menvile bɛ avinli me nee bɛ rale la anyunlu.

Yizikeɛle Buluku ne 20:22

Noko mendwenlenle nwolɛ bieko wɔ me duma ne ati, amaa me duma anzɛkye maanle maanle mɔɔ me nee bɛ ɛra bɛ avinli la anyunlu.

Yizikeɛle Buluku ne 20:9

Noko amaa meanzɛkye me duma wɔ maanle maanle ne mɔ mɔɔ bɛde bɛ avinli la anyunlu la, mengilele bɛ kɛ mesi mede la na menyele bɛ menvile Yigyibiti.

Dwowɛle Buluku ne 2:17

Bɛmaa sɛlɛvolɛma mɔɔ ɛlɛsonle Nyamenle wɔ Ɛdɛnkɛma Ɛzonlenlɛ Sua ne anuhɔlɛ ne nee azukponle ne avinli la ɛzu ɛzɛlɛ kɛ, “O Ɛdɛnkɛma, nwu wɔ menli ne anwunvɔne. Mmamaa maanle maanle ne mɔ kpo yɛ, bɛsi yɛ amgbu bɛka kɛ, ‘Bɛ Nyamenle ne wɔ nienwu?’ ”

Emɔzo Buluku ne 7:3

Ɛdɛnkɛma hakyile ye adwenle na ɔhanle kɛ, “Mɔɔ ɛnwunle ye la ɛnrɛyɛ zɔhane.”

Emɔzo Buluku ne 7:6

Ɛdɛnkɛma hakyile ye adwenle na ɔhanle kɛ, “Ɛhye noko ɛnrɛyɛ zɔhane.”

Dwona Buluku ne 3:9

Awie ɛnze; bie a ɛnee Nyamenle ɛnwu yɛ anwunvɔne, yehakyi ye adwenle na yegyakyi ye ɛya kpole ne, amaa yɛanwu.”

Zɛkalaya Buluku ne 8:14

Tumivolɛ Ɛdɛnkɛma se, “Mekɛ mɔɔ bɛ ze mɔ hanle me ɛya la, menyianle adwenle kɛ me nee bɛ di ye ɛtane zo, na amgba noko menyɛle.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:19

Ɛdɛnkɛma, ɔlua wɔ ɛhulolɛ kpundii ne mɔɔ ɛngakyi ɛlɛ la ati, mesɛlɛ wɔ, fa menli ɛhye mɔ ɛtane ne kyɛ bɛ, kɛmɔ sumunli kɛ bɛvile Yigyibiti la, wɔva wɔhyɛ bɛ toonwo yeradwu ɛnɛ la.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:21

“Bɛhwe bɛ nwo bɛvi menli ɛhye mɔ avinli, na mesɛkye bɛ kɛkala.”

Mɛla 13:17

Ninyɛne mɔɔ ɔwɔ kɛ bɛyela bɛ la, bɛmmafa bie, amaa Ɛdɛnkɛma agyakyi ye ɛya kpole ne mɔɔ yeva la na yeaze bɛ anwunvɔne, amaa saa bɛyɛ tieyɛ bɛmaa Ɛdɛnkɛma bɛ Nyamenle ne, na bɛdi ye mɛla ne mɔ mɔɔ melɛfa meamaa bɛ ɛnɛ la azo, bɛyɛ mɔɔ le kpalɛ la na bɛsɔ ɔ nye a, yeamaa bɛ nwo azo, kɛmɔ ɔvale ɔbɔle bɛ ze mɔ ɛwɔkɛ la.

Mɛla 32:36

Ɔluakɛ Ɛdɛnkɛma balie ye menli ne ati, na yeanwu ye ngɛkɛlɛ anwunvɔne, saa ɔnwu kɛ bɛ anwosesebɛ ɛwie, na alehelɛ nee ahanra muala ɛlɛminli a.

Mɛla 9:28

anrɛɛ maanlema mɔɔ yɛgyakyile bɛ yɛ nzi a yɛrale la baha kɛ, “Kɛmɔ Ɛdɛnkɛma angola anva menli ne andwu azɛlɛ ne mɔɔ ɔvale ɔbɔle bɛ ɛwɔkɛ la azo, na ɔkpɔ bɛ la ati, ɔvale bɛ ɔhɔle ɛsɛlɛ ne azo ɔhɔhunle bɛ ɔbɔle bɛ bo zo.”

Dwɔhyua Buluku ne 7:26

Bɛhuohuanle awolɛ edukue kpole kpalɛ ɔ nwo zo; ɔtɛbɔ ɛkɛ ne ɛnɛ nee ɛnɛ ala. Yemɔti bɛfɛlɛ ɛkɛ ne Ngyegyelɛ Bɔnza. Na Ɛdɛnkɛma akunlu dwole fɔɔnwo.

Dwɔhyua Buluku ne 7:9

Keenama nee awie biala mɔɔ wɔ maanle ye anu la bade yɛ nwo edwɛkɛ. Bɛbarabɔ bɛayia yɛ na bɛabɔ yɛ bo zo bɔkɔɔ! Na duzu yɛɛ ɛkɛyɛ na wɔalie wɔ duma kpole ne wɔazie aze ɛ?”

1 Sam 12:22

Ɔlua ye duma kpole ne ati, Ɛdɛnkɛma ɛnrɛkpo ye menli, ɔboalekɛ ɔdaye ye ɛhulolɛ zo yɛɛ yeva bɛ yeyɛ ye menli a.