Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:1 - BAEBOLO ANZƐƐ BULUKU NWUANZANWUANZA

¹ Mɔɔ menli ne nwunle kɛ Mosisi akee ɛhyɛ somaa wɔ boka ne azo na ɔmba la, bɛ muala bɛhɔle Aalɔn anwo ɛkɛ bɛhɔzele ye kɛ, “Maa ɔyɛ ndɛndɛ maa yɛ nyamenle maa ɔli yɛ nyunlu, ɔluakɛ Mosisi ɛhye, mɔɔ yemɔ a le sonla mɔɔ yele yɛ vile Yigyibiti azɛlɛ zo la, yɛnze mɔɔ kɛkala ɛzi ɔ nwo zo a.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:1 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 19:14

Yemɔti Lɔɔto vindele nɔe ne hɔdunwuele ɔ mra mraalɛ ne mɔ bɛ hu mɔ mɔɔ baragya bɛ la, na ɔzele bɛ kɛ, “Bɛdwazo, bɛvi suakpole ye azo bɛye bɛ nwo, ɔluakɛ Ɛdɛnkɛma ɛlɛba arazɛkye suakpole ye.” Noko bɛdwenlenle kɛ ɔlɛbɔ nzɛmedɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 21:26

Na Abemɛlɛke zele kɛ, “Menze ahenle mɔɔ yɛle zɔhane debie la. Wɔanga wɔangile me, yɛɛ metɛtele ye ɛlɛ kɛ ɛnɛ.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 39:8

Dwosefi amkponle na ɔhanle ɔhilele ɔ menle aye ne kɛ, “Nea, mewɔ ɛke la ati, me menle ɛndwenle debie biala mɔɔ wɔ sua nu ɛke la anwo. Yeva debie biala mɔɔ wɔ sua nu ɛke la yewula me sa nu.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 44:15

Dwosefi bizale bɛ kɛ, “Na duzu ɛbɛla a bɛbɔ la? Bɛnze kɛ sonla le kɛ medame, mekola meye ngonyia menwu mɔɔ bazi la ɔ?”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 44:4

Mɔɔ bɛvi suakpole ne azo bɛyele bɛ nwo na bɛhɔle moa ekyii la, Dwosefi zoanle ye sonvolɛ ne kɛ, “Ka ɛ nwo toa menli ne mɔ. Saa ɛto bɛ a, biza bɛ kɛ, ‘Duzu ati a bɛva ɛtane bɛdua kpalɛ kakɛ ɛ?

Edwɛndolɛ Buluku ne 106:19

Bɛyɛle ɛnlankɛ nyinli ananze wɔ Saenae, na bɛzonlenle ananze ne mɔɔ bɛguale la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:21

Alehyenlɛ nu, Ɛdɛnkɛma yɛle kɛ amungu mpila la lile bɛ nyunlu hilele bɛ adenle. Nɔɔzo noko ɔyɛle kɛ senle mpila la manle maanle nu yɛle wienyi, amaa bɛahola bɛadu bɛ adenle ne ewiazo nee nɔɔzo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:11

na bɛhanle bɛhilele Mosisi kɛ, “Anzɛɛ azie biala ɛnle Yigyibiti mɔɔ yemɔti wɔva yɛ wɔra ɛmaa yɛarawu yɛagua fienemgbole ye anu a? Wɔye yɛ wɔvi Yigyibiti la, se wɔnwu ɛbɛla mɔɔ wɔbɔ la?

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 16:3

Bɛzele Mosisi nee Aalɔn kɛ, “Ɔle kpalɛ kɛ anrɛɛ Ɛdɛnkɛma hunle yɛ wɔ Yigyibiti azɛlɛ zo. Ɛkɛ ne, yɛdɛnlanle aze yɛlile nane nee aleɛ yɛ ko yile tɛkɛɛ. Bɛva yɛ bɛragua fienemgbole ye anu bɛmaa ɛhɔne ahu menli pemgbenleamgbe ɛhye.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:23

Bɛmmafa dwɛtɛ fufule bɛyɛ awozonle bɛboka me nwo, anzɛɛ bɛmmafa ezukoa nvutuke bɛyɛ awozonle bɛmaa bɛ nwo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 24:12

Ɛdɛnkɛma zele Mosisi kɛ, “Bɛla me nwo ɛke wɔ boka ye azo na kendɛ ɛkɛ. Mebava awolɛ ndɛbandɛba ne mɔ mɔɔ mehɛlɛ mɛla ne mɔ mɔɔ bɛbahilehile bɛ la zolɛ la meamaa wɔ.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 24:18

Mosisi wolole amungu ne anu na ɔhɔle boka ne azo. Mosisi lile kenle abulanla, ewiazo nee nɔɔzo wɔ boka ne azo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:11

Na Mosisi bodole Ɛdɛnkɛma, ye Nyamenle ne kɛ, “O Ɛdɛnkɛma, duzu ati a wɔva wɔ menli mɔɔ ɛdawɔ wɔva tumi nee anwosesebɛ wɔye bɛ wɔvi Yigyibiti azɛlɛ zo la anwo ɛya kpole zɛhae a? Duzu ati a ɔwɔ kɛ Yigyibitima ka ye kɛ, ɛvale adwenle ɛtane a ɛyele bɛ ɛvile Yigyibiti a, kɛ ɛ nee bɛ ba wɔarahu bɛ wɔ awoka ye azo na wɔabɔ bɛ bo zo wɔ azɛlɛ ye azo a?

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:22

Na Aalɔn zele ye kɛ, “Me menle, mmafa me nwo ɛya. Ɛdawɔ ɛze kɛ ɛtane ala a wɔ menli ne adwenle nu a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:23

Bɛhanle bɛhilele me kɛ, ‘Maa yɛ nyamenle maa ɔli yɛ nyunlu, ɔluakɛ Mosisi ne mɔɔ yele yɛ vile Yigyibiti azɛlɛ zo la, yɛnze mɔɔ ɛzi ɔ nwo zo a.’

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:7

Na Ɛdɛnkɛma zele Mosisi kɛ, “Maa ɔyɛ ndɛndɛ tolo kɔ, ɔluakɛ wɔ menli ne mɔɔ ɛyele bɛ ɛvile Yigyibiti azɛlɛ zo la ɛyɛ ɛtane na bɛkpo me.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 33:3

Bɛhɔ azɛlɛ ne mɔɔ kye aleɛ la azo; na mame, me nee bɛ ɛnrɛhɔ, anrɛɛ menwɔbɔ bɛ bo zo wɔ adenle nu, ɔluakɛ bɛle menli mɔɔ anzo yɛ se a.”

Yizikeɛle Buluku ne 20:8

Noko bɛandie me edwɛkɛ ne na bɛdele me nwo atua. Bɛ nuhua ko bɔbɔ anvuandi ye bɛkyi ninyɛne ne mɔ angua, yɛɛ bɛ rɛle anvi Yigyibiti awozonle ne mɔ ɛzonlenlɛ. Menyɛle kɛ mewola me ɛya ne meagua bɛ nwo zo, na mealua me ɛya ne azo meadea bɛ wɔ Yigyibiti azɛlɛ zo.

Hozia Buluku ne 12:13

Ɛdɛnkɛma zoanle Nyamenle kpɔmanvolɛ manle ɔhɔyele Yizilayɛma ɔvile Yigyibiti na ɔnleanle bɛ gyɛlɛɛnye.

Maeka Buluku ne 6:4

Ɔluakɛ me nee bɛ vi Yigyibiti azɛlɛ zo a rale a, memkpɔnenle bɛ menvile akɛlɛzonlenlɛ nu. Memanle Mosisi, Aalɔn, yɛɛ Meleam a lile bɛ ti a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:22

menli ɛhye mɔ mɔɔ ɛnwu me anyunlunyia ne nee nwanwane ninyɛne mɔɔ menyɛle wɔ Yigyibiti nee fienemgbole ne anu, noko bɛzɔ me bɛnlea toonwo fane bulu, na bɛandie me aneɛ la,

Edwɛkpa ne kɛmɔ Mateyu hɛlɛle la 24:43

Bɛhakye ɛhye, saa awuke menle ze mekɛ mɔɔ awule ne kɛra la a anrɛɛ ɔbazi epe na awule ne ambanwua ye.

Edwɛkpa ne kɛmɔ Mateyu hɛlɛle la 24:48

Na saa sonvolɛ adalɛ ne se ɔ nwo kɛ, ‘Me menle bahyɛ na yeara,’

Ɛzoanvolɛma Gyima ne 17:29

Saa yɛle ɔ mra a, ɛnee ɔnle kɛ yɛdwenle kɛ Nyamenle le abɔdeɛ bie mɔɔ le kɛ ezukoa nvutuke anzɛɛ dwɛtɛ fufule anzɛɛ bolɛ ananze bie mɔɔ sonla ɔdaye yeva ye adwenle yehyehyɛ na yeyɛ la.

Ɛzoanvolɛma Gyima ne 19:26

Na bɛdabɛ bɛnwu ye yɛɛ eza bɛde nyɛleɛ mɔɔ Pɔɔlo ye ɛlɛyɛ la; asɛɛ yehakyi bɛdabɛ mɔɔ bɛwɔ Ɛfɛsɛse ɛke, nee Ehyea maanzinli ye anu la amuala adwenle kɛ ananze mɔɔ sonla ɛva ɔ sa ɛyɛ la ɛnle nyamenle fee.

Ɛzoanvolɛma Gyima ne 7:40

Yemɔti bɛzele Sɛlɛvolɛ Aalɔn kɛ, ‘Yɛ awozonle maa bɛli yɛ nyunlu, na Mosisi ɛhye mɔɔ yele yɛ vile Yigyibiti la yɛnze mɔɔ ɛzi ɔ nwo zo a.’

Mɛla 31:8

Ɛdɛnkɛma a bali ɛ nyunlu nee wɔ ahɔ a. Ɔ nee wɔ balua. Ɔnrɛgyakyi wɔ yɛɛ ɔ rɛle ɛnrɛvi wɔ. Mmasulo yɛɛ mmamaa ɛ rɛle bɔ.”

Mɛla 9:1

“O Yizilayɛma, bɛdie! Ɛnɛ kenle ye, bɛpɛ Dwɔdan ne bɛhɔ ɔ nzi lɔ, bɛhɔ maanle mɔɔ le kpole, na menli mɔɔ wɔ nu la anwo yɛ ɛzulolɛ tɛla bɛ la bɛhɔza bɛ bɛlie bɛ azɛlɛ ne, nee bɛ azuamgbole mɔɔ bɛlie nwolɛ bane bɛmaa yehɔ anwuma la.

Mɛla 9:9

Mekɛ mɔɔ mengɔle boka ne azo kɛ mekalie awolɛ ndɛbandɛba ne mɔɔ Ɛdɛnkɛma Ngyekyeleɛ ne mɔɔ ɔ nee bɛ yɛle la wɔ zo la, menlile kenle kɔkɔlɛ abulanla wɔ ɛkɛ ne; meanli aleɛ yɛɛ meanno nzule.

Dwɔhyua Buluku ne 7:13

Dwazo! Maa menli ne ɛde bɛ nwo na bɛrɛla me nyunlu ɛke. Bɛziezie bɛ nwo bɛrɛla me nyunlu ɛke ɛhyema, ɔboalekɛ medame, Yizilayɛ Ɛdɛnkɛma Nyamenle ne, melɛ ɛhye meka meahile bɛ: ‘Yizilayɛma, ninyɛne mɔɔ menganle kɛ bɛzɛkye bɛ la bie mɔ vea bɛ nwo ɛkɛ! Bɛnrɛhola bɛ kpɔvolɛma anyunlu gyinla ɛlɛ, kyesɛ bɛminli ninyɛne ɛhye mɔ abo zo.’

2 Pit 3:4

na bɛabiza kɛ, “Se ɔbɔle ɛwɔkɛ kɛ ɔbara, na ɔwɔ nienwu? Sumunli mɔmoane mɔɔ yɛ nlenya mɔ wule la, kɛ debie biala de, ɔvi aloamɔleɛ la yɛɛ ɔde a.”