Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:7 - BAEBOLO ANZƐƐ BULUKU NWUANZANWUANZA

⁷ Akee Ɛdɛnkɛma zele kɛ, “Menwu me menli mɔɔ wɔ Yigyibiti la amaneɛnwunlɛ ne, eza mede bɛ ɛzunlɛ ne, ɔlua abodelɛ mɔɔ bɛ gyima zo neavolɛma ne ɛlɛfa ahile bɛ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:7 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 16:11

Nea, ɛlɛnrenzɛ, ɛbawo ralɛ nrenya na wɔado ye duma, Yehyemeeyɛle; ɔboalekɛ Nyamenle ɛde wɔ nyane ɛzunlɛ ne.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 18:21

Yemɔti mekɔ ɛkɛ meahɔnlea saa mɔɔ bɛlɛkeha bɛatia ye la amuala le zɔhane a. Saa ɔnle zɔhane noko a eza mebanwu ye.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 21:17

Nyamenle dele kakula ne ane, na Nyamenle soanvolɛ vi anwuma vɛlɛle Heega na ɔbizale ye kɛ, “Heega, duzu a ɛlɛgyegye wɔ a? Mmasulo, ɔluakɛ Nyamenle ɛde kakula ne ane wɔ ɛleka mɔɔ ɔwɔ la.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 29:32

Liya nrenzɛle na ɔwole ralɛ nrenya, na ɔdonle ye Wulubɛn,

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 31:12

Na ɔzele me kɛ, ‘Maa ɛ nye zo nea nehane. Mbɔnkye nyinli mɔɔ kola fola la amuala le ndeta nee meɛbea, ɔluakɛ menwu mɔɔ Leeban ɛlɛfa ayɛ wɔ la amuala.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 31:42

Saa tɛ me ze Nyamenle ne, Ebileham Nyamenle ne, yɛɛ Ayezeke Ɛzulolɛ ne mɔɔ gyi me nzi la a, anrɛɛ nɔhalɛ, wɔmaa melɛ me sa mgbane mezia mehɔ. Nyamenle nwunle me amaneɛnwunlɛ nee ɛvɛlɛ mɔɔ mevɛ la ati yɛɛ nɔe ɔhwile ɛ nyunlu a.”

2 Sam 22:28

Ɛdie bɛdabɛ mɔɔ bɛle bɛlɛvo la, na ɛbɛlɛ adubɛnwoma aze.

2 Arl 13:4

Nzinlii Gyɛhowahaze zunle vɛlɛle Ɛdɛnkɛma, na ɔdiele ye, ɔboalekɛ ɛnee akee Seleama ɛlɛsisi Yizilayɛma somaa.

2 Arl 20:5

kɛ ɔzia ɔhɔ Hɛzikaya mɔɔ sie Ɛdɛnkɛma menli ne la anwo ɛkɛ ɔhɔze ye kɛ, “Medame Ɛdɛnkɛma, ɛ nlenya Devidi Nyamenle ne, mede wɔ nzɛlɛlɛ ne, menwu wɔ monle mɔɔ wɔhwi la. Mebayɛ wɔ ayile na ɛnɛ anwo zo kenle nsa, ɛbahɔ Ɛzonlenlɛ Sua ne anu.

Nihɛmaya Buluku ne 9:9

“Ɛnwunle kɛ yɛ mgbanyinli zile nwunle amaneɛ wɔ Yigyibiti, ɛdele bɛ ɛzunlɛ wɔ Ndɔ Nyevile ne anloa na ɛliele bɛ.

Edwɛndolɛ Buluku ne 106:44

Noko akee ɔdele bɛ ɛzunlɛ ne la, ɔ kunlu yelɛyelale ye wɔ bɛ amaneɛnwunlɛ nwo.

Edwɛndolɛ Buluku ne 12:6

Ɛdɛnkɛma ɛwɔkɛbɔlɛ ne mɔ anwo te, bɛle kɛ ezukoa fufule mɔɔ bɛdu nuhua wɔ fonlomo senle nu fane nsuu la.

Edwɛndolɛ Buluku ne 142:3

Saa me ɛnwomenle wie a, ɛze me ndenle kɔsɔɔti. Adenle ne mɔɔ medua nu la, bɛzua me ɛhane wɔ nu.

Edwɛndolɛ Buluku ne 145:19

Ɔmaa bɛdabɛ mɔɔ bɛsulo ye la nyia mɔɔ bɛkpondɛ la, eza ɔte bɛ ɛzunlɛ na ɔdie bɛ.

Edwɛndolɛ Buluku ne 22:24

Ɔluakɛ ɔmkpo ehyianvolɛma, yɛɛ ɔmbu ɔ nye ɔngua bɛ amaneɛnwunlɛ zo; ɔngakyi ɔ nzi ɔ nzi bɛ, bɛfɛlɛ ye a ɔtie bɛ.”

Edwɛndolɛ Buluku ne 34:4

Menzɛlɛle Ɛdɛnkɛma, na ɔliele zo, na ɔliele me ɔvile me ɛzulolɛ muala anu.

Edwɛndolɛ Buluku ne 34:6

Ehyianli ɛhye zunle, na Ɛdɛnkɛma diele ye, na ɔliele ye ɔvile ye amaneɛnwunlɛ muala anu.

Edwɛndolɛ Buluku ne 35:22

O Ɛdɛnkɛma, ɛdawɔ wɔnwu ye; mmayɛ koonwu! O Awulae, mmafi me nwo ɛkɔ moa.

Edwɛndolɛ Buluku ne 9:14

amaa meadwu Gyɛlusalɛm anlenkɛ kpole ne anloa, na meado ayɛlɛyelɛ edwɛne meadia ninyɛne mɔɔ ɛmaa me nye ɛlie la, na me nye alie wɔ ngoanelielɛ ne anwo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 1:11

Yemɔti bɛyele menli mɔɔ nea gyima zo la bɛmanle bɛ, bɛhyele Yizilayɛma mialera nu bɛmanle bɛyɛle gyima mɔɔ bo bɛ nwo zo la. Bɛmanle bɛkyekyele azuamgbole Paetɔm nee Releeyamesizi bɛmanle belemgbunli ne vale yɛle ye ninyɛnezielɛ ɛleka.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 1:8

Na belemgbunli fofolɛ mɔɔ ɛnze Dwosefi la ralile Yigyibiti ebia ne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 22:23

Saa bɛkile bɛ nyane na bɛsu bɛfɛlɛ me a, nɔhalɛ, mebadie bɛ ɛzunlɛ ne;

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 33:13

Yemɔti mesɛlɛ wɔ, saa mezɔ ɛ nye ɛdeɛ a, ɛnee kile me wɔ ndenle ne mɔ, amaa meazonle wɔ na meazɔ ɛ nye dahuu. Eza kakye kɛ maanle ɛhye le wɔ menli.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 5:10

Yemɔti gyima zo neavolɛma ne nee Yizilayɛ mgbanyinli mɔɔ nea gyimayɛlɛ ne la hɔhanle hilele menli ne kɛ, “Kɛ belemgbunli ne se la ɛne, ‘Menrɛmaa bɛ atoko gyakɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 5:6

Kenle ko ne ala Yigyibiti belemgbunli ne zele gyima zo neavolɛma nee gyima nu mgbanyinli ne mɔ kɛ,

Ayezaya Buluku ne 63:9

Bɛ nyanelilɛ kɔsɔɔti yɛle ye nyanelilɛ, na ɔmanle ye soanvolɛ ne mɔɔ nee ye lua la liele bɛ ngoane. Ɔluale ye ɛhulolɛ nee ye anwunvɔnezelɛ zo ɔkpɔnenle bɛ. Ɔvi mɔmoane, ɔdwule bɛ na ɔviale bɛ dahuu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 20:16

Yɛzunle yɛzɛlɛle Ɛdɛnkɛma moalɛ, na ɔzoanle Nyamenle soanvolɛ ɔmanle ɔrayele yɛ ɔvile Yigyibiti. Na kɛkala, yɛradwu Keedɛhye, suakpole mɔɔ wɔ wɔ maanzinli ne ɛweɛne zo la.

Ɛzoanvolɛma Gyima ne 7:34

Menwu kɛ bɛlɛsi bɛayɛ me menli mɔɔ wɔ Yigyibiti la amumuyɛ la, yɛɛ mede bɛ ɛzunlɛ noko, na mera kɛ mebalie bɛ. Yemɔti bɛla na mesoa wɔ wɔ Yigyibiti.’

Kɛlata mɔɔ bɛhɛlɛle bɛhɔmanle Hibuluma la 4:15

Yɛ Sɛlɛvolɛ Kpanyinli ɛhye le sonla mɔɔ se yɛ anwunvɔne wɔ yɛ sinlidɔlɛ nwo a. Yɛlɛ Sɛlɛvolɛ Kpanyinli mɔɔ bɛzɔle ye bɛnleanle kɛ yɛdayɛ la, noko yeanyɛ ɛtane biala.

1 Sam 9:16

“Ɛhyema, bekezɛ ala, mebamaa nrenya bie mɔɔ vi Bɛngyaman abusua ekpunli ne anu la ara ɛ nwo ɛke. Kpokpa ye nwole kɛ ɔli belemgbunli ɔzie me menli Yizilayɛma. Ɔbalie bɛ yeavi Filisitiama asa anu. Menwu bɛ amaneɛnwunlɛ ne amuala yɛɛ mede bɛ ɛzunlɛ ne mɔɔ bɛlɛsu bɛabiza moalɛ la.”