Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:6 - BAEBOLO ANZƐƐ BULUKU NWUANZANWUANZA

⁶ Eza ɔzele kɛ, “Mame a mele ɛ ze mɔ Nyamenle ne, Ebileham Nyamenle ne, Ayezeke Nyamenle ne, nee Gyekɔbo Nyamenle ne.” Na Mosisi hedale ɔ ti zo, ɔluakɛ ɔsulo kɛ ɔkɛnlea Nyamenle.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:6 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 12:1

Ɛdɛnkɛma zele Ebilam kɛ, “Ɛvi wɔ maanle ye anu tu, ye ɛ nwo fi ɛ ze sua nu nee ɛ nwo amra avinli, na kɔ azɛlɛ ne mɔɔ mebahile wɔ la azo.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 12:7

Akee Ɛdɛnkɛma yele ɔ nwo hilele Ebilam, na ɔzele ye kɛ, “Mebava azɛlɛ ɛhye meamaa ɛ bo zo amra.” Yemɔti Ebilam zile azukponle wɔ ɛkɛ ne manle Ɛdɛnkɛma, mɔɔ ɛye ɔ nwo ɛhile ye la.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 17:3

Na Ebilam dule dɔle ɔ nyunlu mutule nu, na Nyamenle zele ye kɛ,

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 24:12

Na sonvolɛ ne zele kɛ, “O Ɛdɛnkɛma, me menle Ebileham Nyamenle, maa menli konim ɛnɛ kenle ye. Mesɛlɛ wɔ, kile ɛhulolɛ kpundii mɔɔ ɛlɛ wɔ me menle Ebileham anwo la.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:24

Na Ɛdɛnkɛma yele ɔ nwo hilele ye wɔ kenle ko ne mɔɔ ɔdwule ɛkɛ ne la nɔe ne, ɔzele ye kɛ, “Mame a mele ɛ ze Ebileham Nyamenle ne a; mmasulo, ɔluakɛ me nee wɔ a lua a. Mebayila wɔ na meamaa ɛ bo zo amra azo ayɛ dɔɔnwo wɔ me sonvolɛ Ebileham ati.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 28:13

Ɛdɛnkɛma gyi ɔ ti zo lɔ na ɔlɛka kɛ, “Mame a mele Ɛdɛnkɛma, ɛ nlenya Ebileham nee ɛ ze Ayezeke Nyamenle ne a. Azɛlɛ ne mɔɔ ɛla zolɛ la, mebava meamaa wɔ nee ɛ bo zo amra.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 28:17

Ɛzulolɛ kpole hanle ye na ɔhanle kɛ, “Ɛke yɛ ɛzulolɛ kpole kpalɛ! Ɛke a le Nyamenle sua nu a, na anuhɔlɛ mɔɔ bɛfa nu bɛkɔ anwuma maanle nu la a le ɛke.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 31:42

Saa tɛ me ze Nyamenle ne, Ebileham Nyamenle ne, yɛɛ Ayezeke Ɛzulolɛ ne mɔɔ gyi me nzi la a, anrɛɛ nɔhalɛ, wɔmaa melɛ me sa mgbane mezia mehɔ. Nyamenle nwunle me amaneɛnwunlɛ nee ɛvɛlɛ mɔɔ mevɛ la ati yɛɛ nɔe ɔhwile ɛ nyunlu a.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 32:9

Na akee Gyekɔbo zɛlɛle kɛ, “O me ze Ebileham Nyamenle, me ze Ayezeke Nyamenle, O Ɛdɛnkɛma mɔɔ zele me kɛ menzia mengɔ me sua nu nee me nwo amra anu na ɛkɛyɛ me boɛ a,

1 Arl 18:36

Ɔdwule mekɛ mɔɔ bɛfa bɛyɛ ewiazo nzɛlɛlɛ la, Yilaegya rale azukponle ne anwo na ɔzɛlɛle kɛ, “O Ɛdɛnkɛma, Ebileham, Ayezeke nee Yizilayɛ Nyamenle, maa bɛdabɛ mɔɔ bɛyia ɛke la ɛnwu ye ɛnɛ kenle ye kɛ wɔmɔ a ɛle Nyamenle wɔ Yizilayɛ a, yɛɛ wɔ sonvolɛ a le me, yɛɛ ɛdawɔ a wɔzoa me kɛ menyɛ ninyɛne ɛhye mɔ a.

1 Arl 19:13

Yilaegya dele ɛnelɛ ne la ɔvale ye aguzo ne ɔkyikyile ɔ nyunlu, na ɔhɔgyinlanle bɔne ne anloa. Ɔdele kɛ ɛnelɛ bie ɛlɛtendɛ ahile ye kɛ, “Yilaegya, duzu yɛɛ ɛyɛ ye ɛke a?”

Nihɛmaya Buluku ne 9:9

“Ɛnwunle kɛ yɛ mgbanyinli zile nwunle amaneɛ wɔ Yigyibiti, ɛdele bɛ ɛzunlɛ wɔ Ndɔ Nyevile ne anloa na ɛliele bɛ.

Ɛseta Buluku ne 3:4

Bɛbizale ye nwolɛ edwɛkɛ fane dɔɔnwo, noko yeandɛne bɛ zo. Dahuu ye edwɛkɛ a le kɛ, “Mame, mele Dwuunli.” Ɛhye ati bɛbɔle Heeman amaneɛ, amaa bɛanlea kɛ saa edwɛkɛ ne kɔda Heeman anyunlu a Mɔdekae kɛva ɔ nwo dwɔɔ.

Edwɛndolɛ Buluku ne 132:2

ye ɛwɔkɛ mɔɔ ɔbɔle wɔmɔ Ɛdɛnkɛma nee amonle mɔɔ ɔlile ɔhilele Gyekɔbo Tumivolɛ Nyamenle ne

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:2

Ɛdɛnkɛma le me anwosesebɛ nee me edwɛne, yɛɛ yeyɛ me ngoanedievolɛ. Me Nyamenle ne ɛne, mebaye ye ayɛlɛ, me ze Nyamenle ne, mebayeyɛ ye.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:45

Mebadɛnla Yizilayɛma avinli na meayɛ bɛ Nyamenle.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:16

Kɔboɔboa Yizilayɛ mgbanyima kɔsɔɔti anloa na ka kile bɛ kɛ: Ɛdɛnkɛma, bɛ ze mɔ Nyamenle ne, Ebileham Nyamenle ne, Ayezeke Nyamenle ne, nee Gyekɔbo Nyamenle ne ɛye ɔ nwo ɛhile me. Ka kile bɛ kɛ menwu mɔɔ bɛva bɛyɛ bɛ wɔ Yigyibiti la,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 33:20

Noko akee ɛnrɛnwu me nyunlu, ɔluakɛ awie biala ɛnrɛnwu me nyunlu na ɔnrɛdɛnla ngoane nu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:5

Na Ɛdɛnkɛma zele ye kɛ, “Ɛhye bamaa bɛalie bɛali kɛ Ɛdɛnkɛma, bɛ ze mɔ Nyamenle ne, Ebileham Nyamenle ne, Ayezeke Nyamenle ne, nee Gyekɔbo Nyamenle ne ɛye ɔ nwo ɛhile wɔ.”

Gyɛlɛmaya Buluku ne 24:7

Mebamaa bɛ ahonle meamaa bɛanwu kɛ medame a mele Ɛdɛnkɛma a; bɛbayɛ me menli na meayɛ bɛ Nyamenle, ɔluakɛ bɛbava bɛ ahonle kɔsɔɔti bɛazia bɛara me ɛkɛ.”

Gyɛlɛmaya Buluku ne 31:33

Ngyekyeleɛ ne mɔɔ me nee Yizilayɛma bayɛ la ɛne: Mebava me mɛla ne meawula bɛ nuhua, mebahɛlɛ ye bɛ ahonle nu; mebayɛ bɛ Nyamenle, na bɛdabɛ noko bɛayɛ me menli.

Gyɛlɛmaya Buluku ne 32:38

Bɛbayɛ me menli, na meayɛ bɛ Nyamenle.

Yizikeɛle Buluku ne 11:20

Bɛbazie me mɛla ne nee me ngyehyɛlɛ ne mɔ na bɛali zolɛ; bɛbayɛ me menli na meayɛ bɛ Nyamenle.

Zɛkalaya Buluku ne 8:8

na meava bɛ meara meamaa bɛaradɛnla Gyɛlusalɛm. Bɛbayɛ me menli na meayɛ bɛ Nyamenle, wɔ nɔhalɛlilɛ nee tenleneyɛlɛ nu.”

Edwɛkpa ne kɛmɔ Mateyu hɛlɛle la 17:6

Mɔɔ ɛdoavolɛma ne dele ɛnelɛ ɛhye la, ɛzulolɛ kpole hanle bɛ na bɛdule bɛguale, bɛbutubutule bɛ nye aze.

Edwɛkpa ne kɛmɔ Mateyu hɛlɛle la 22:32

‘Mame a mele Ebileham Nyamenle ne, Ayezeke Nyamenle ne, nee Gyekɔbo Nyamenle ne a.’ Ɛhye kile kɛ ɔle teasema Nyamenle, na ɔnle mɔwuamra Nyamenle.”

Edwɛkpa ne kɛmɔ Maake hɛlɛle la 12:26

Akee mɔɔ fane mɔwuamra ɛdwazolɛ ne, asoo bɛtɛkengale ye Mosisi buluku ne anu kɛ Nyamenle hanle hilele ye wɔ ɛbɔ ne anu kɛ, ‘Mame a mele Ebileham nee Ayezeke nee Gyekɔbo Nyamenle ne a?’

Edwɛkpa ne kɛmɔ Luku hɛlɛle la 20:37

Mosisi noko kile nu wienyi kɛ bɛdwazo mɔwuamra bɛba ngoane nu. Nyamenle Edwɛkɛ ne mɔɔ fane ɛbɔ ne mɔɔ ɛnee ɛlɛsɔ la anwo la, Mosisi ka kɛ Awulae le ‘Ebileham Nyamenle, Ayezeke Nyamenle, yɛɛ Gyekɔbo Nyamenle.’

Edwɛkpa ne kɛmɔ Luku hɛlɛle la 5:8

Mɔɔ Saemɔn Pita nwunle mɔɔ ɛzi la, ɔhotole Gyisɛse anyunlu ɛkɛ ne na ɔzele ye kɛ, “Awulae, twe ɛ nwo fi me nwo kɔ. Mele ɛtanevolɛ!”

Ɛzoanvolɛma Gyima ne 7:32

‘Mame a mele ɛ nlenya mɔ Nyamenle ne, Ebileham, Ayezeke, yɛɛ Gyekɔbo Nyamenle ne a.’ Mosisi ahonle dule kpole na yeangulo kɛ ɔkɛmaa ɔ nye zo ɔkɛnlea deɛ ne bieko.

Ɛzoanvolɛma Gyima ne 7:34

Menwu kɛ bɛlɛsi bɛayɛ me menli mɔɔ wɔ Yigyibiti la amumuyɛ la, yɛɛ mede bɛ ɛzunlɛ noko, na mera kɛ mebalie bɛ. Yemɔti bɛla na mesoa wɔ wɔ Yigyibiti.’

Mɛla 6:3

Zɔhane ati, Yizilayɛma, bɛnlea boɛ na bɛli mɛla ne mɔ azo, amaa yeayɛ boɛ yeamaa bɛ wɔ azɛlɛ ne mɔɔ kye aleɛ la azo, na bɛ nwo azo dɔɔnwo, kɛmɔ Ɛdɛnkɛma, bɛ ze mɔ Nyamenle ne vale bɔle bɛ ɛwɔkɛ la.

Kɛlata mɔɔ bɛhɛlɛle bɛhɔmanle Hibuluma la 11:16

Ɛleka mɔɔ ɛnee bɛ nwo ɛlɛdɔ ye la a le anwuma maanle kpalɛ ne. Yemɔti noko yeanyɛ Nyamenle nyiane kɛ bɛkɛvɛlɛ ye bɛ Nyamenle, ɔboalekɛ yekyekye suakpole yezie ɛkɛ ne yemaa bɛ.

Kɛlata mɔɔ bɛhɛlɛle bɛhɔmanle Hibuluma la 12:21

Nɔhalɛ, ɛkɛ ne yɛle ɛzulolɛ kpalɛ, manle Mosisi bɔbɔ hanle kɛ, “Mesulo, megyinla a ɔngyinla!”

Yekile 1:17

Menwunle ye la, mempɛle menfinle ɔ gyakɛ anu kɛ asɛɛ mewu la. Na ɔvale ɔ sa fema ne ɔdole me nwo zo na ɔzele me kɛ, “Mmasulo! Mame a mele alumua ne nee awieleɛ ne a.

Maanlebuvolɛma Buluku ne 13:22

Manowa zele ɔ ye kɛ, “Yɛnwu Nyamenle! Yɛbawu”