Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:14 - BAEBOLO ANZƐƐ BULUKU NWUANZANWUANZA

¹⁴ Nyamenle zele Mosisi kɛ, “Medame a le Medame.” Na ɔzele kɛ, “Ka ɛhye kile Yizilayɛma kɛ, ‘Medame ɛzoa me bɛ nwo ɛke!’

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:14 ပူးပေါင်းရင်းမြစ်များ

Dwobu Buluku ne 11:7

“Ɛkɛhola ɛkɛnwu Nyamenle abo ɔ? Ɛkɛhola ɛkɛnwu Tumivolɛ ne awieleɛ ɔ?

Edwɛndolɛ Buluku ne 68:4

Bɛdo edwɛne bɛmaa Nyamenle; bɛdo edwɛne bɛye ye duma ne ayɛlɛ; bɛdo edwɛne bɛmaa mɔɔ tɛnla amungu zo tia la; ye duma a le Ɛdɛnkɛma, bɛli wulupe wɔ ɔ nyunlu!

Edwɛndolɛ Buluku ne 90:2

Mekɛ mɔɔ ɛkabɔ awoka, anzɛɛ azɛlɛ ye nee ewiade ye la, ɔvi tete, mɔɔ kɔdwu mekɛ mɔɔ ɛnlɛ awieleɛ, ɛle Nyamenle.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:3

Ɛdɛnkɛma le ɛlɔnenli; ye duma a le Ɛdɛnkɛma.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:21

Bɛdie ye na bɛyɛ tieyɛ bɛmaa ye. Bɛmmate ɔ nwo atua, ɔluakɛ ɔnrɛva bɛ mɛladonlɛ biala ɔnrɛhyɛ bɛ, ɔboalekɛ ɔgyi me gyakɛ anu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:13

Mosisi bizale Nyamenle kɛ, “Saa mekɔ Yizilayɛma ɛkɛ ne na meka mekile bɛ kɛ, ‘Bɛ ze mɔ Nyamenle ne ɛzoa me bɛ nwo ɛke’, na bɛbiza me kɛ, ‘Kɛ bɛfɛlɛ ye?’ a, duzu edwɛkɛ a menga mengile bɛ a?”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:2

Na Nyamenle zele Mosisi kɛ, “Medame a mele Ɛdɛnkɛma a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:3

Menyele me nwo mengilele Ebileham, Ayezeke, nee Gyekɔbo kɛ Tumivolɛ Nyamenle, noko me duma, Ɛdɛnkɛma ne, meammaa bɛannwu ye.

Ayezaya Buluku ne 42:8

“Medame a mele Ɛdɛnkɛma a, me duma ɛne! Menva me anyunlunyia memmaa awie, yɛɛ menva me ayɛlɛyelɛ memmaa ananze mɔɔ bɛgua.

Ayezaya Buluku ne 44:6

Ɛdɛnkɛma, Yizilayɛ Belemgbunli nee Kpɔnevolɛ, Tumivolɛ Ɛdɛnkɛma se, “Medame a mele mɔlebɛbo ne, yɛɛ medame a mele awieleɛ ne; ɛye me a nyamenle bieko ɛnle ɛkɛ.

Edwɛkpa ne kɛmɔ Mateyu hɛlɛle la 18:20

Ɔluakɛ ɛleka biala mɔɔ menli nwiɔ anzɛɛ nsa kɛyia nu wɔ me duma nu la, ɛnee mewɔ bɛ avinli ɛkɛ ne bie.”

Edwɛkpa ne kɛmɔ Mateyu hɛlɛle la 28:20

na bɛhilehile bɛ bɛmaa bɛli debie biala mɔɔ meha mehile bɛ la azo. Na bɛhakye kɛ me nee bɛ lua dahuu, kɔkpula ewiade awieleɛ.”

Dw 8:24

Ɛhye ati yɛɛ meha mehile bɛ kɛ bɛbawu bɛala bɛ ɛtane ne mɔ anu la. Saa bɛanlie bɛanli kɛ, ‘Medame a le Medame’ a bɛbawu bɛala bɛ ɛtane ne mɔ anu bɔkɔɔ.”

Dw 8:28

Yemɔti Gyisɛse zele bɛ kɛ, “Saa bɛmaa medame Sonla Ra zo wɔ meanubaka ne azo anwuma a yɛɛ bɛkɛnwu kɛ ‘Medame a le Medame’ a; na bɛanwu kɛ menva me ngome me tumi menyɛ debie, na meka mɔɔ Selɛ ne kɛhilehile me la ala.

Dw 8:58

Gyisɛse buale bɛ kɛ, “Meka nɔhalɛ ne meahile bɛ: Mɔɔ bɛkawo Ebileham la, ɛnee bɛfɛlɛ me ɛtease.”

2 Kɔl 1:20

ɔluakɛ yemɔ a ɔle Nyamenle ɛwɔkɛ ne mɔ anu “Ɛhɛe” ne a. Ɛhye ati a yɛdua Gyisɛse Kelaese anwo zo yɛka “Amen” ne yɛwula Nyamenle anyunlunyia a.

Kɛlata mɔɔ bɛhɛlɛle bɛhɔmanle Hibuluma la 13:8

Kɛ Gyisɛse Kelaese si de anoma la, ɔle zɔhane ɛnɛ nee kenle biala.

Yekile 1:17

Menwunle ye la, mempɛle menfinle ɔ gyakɛ anu kɛ asɛɛ mewu la. Na ɔvale ɔ sa fema ne ɔdole me nwo zo na ɔzele me kɛ, “Mmasulo! Mame a mele alumua ne nee awieleɛ ne a.

Yekile 1:4

Medame Dwɔn a melɛkɛlɛ kɛlata ɛhye meahɔmaa asɔne nsuu ne mɔ mɔɔ wɔ Ehyea maanzinli nu la a: Tete Nyamenle ne mɔɔ ɛnee wɔ ɛkɛ ne, na ɔwɔ ɛkɛ ne kɛkala, na ɔbara la ɛlo bɛ na ɔmaa bɛ anzonudwolɛ. Sunsum nsuu ne mɔ mɔɔ wɔ Nyamenle Belemgbunli Ebia Kpole ne anyunlu la ɛlo bɛ na ɔmaa bɛ anzonudwolɛ.

Yekile 1:8

Kɛ tete Awulae Nyamenle Bedevinli ne mɔɔ ɛnee wɔ ɛkɛ, na ɔwɔ ɛkɛ ne kɛkala, na ɔbara la se la ɛne, “Medame a mele ‘Alefa’ ne nee ‘Omiga’ ne a.”

Yekile 4:8

Tease abɔdeɛ nna ɛhye mɔ ko biala lɛ ndɛbalɛ nsia mɔɔ ɛnyelɛ duodua bɛ kunlu nee bɛ nzi amuala a. Na alehyenlɛ nee aledwolɛ muala bɛ ne la nu bɛto edwɛne bɛse kɛ, “Nwuanzaanwu, nwuanzaanwu, Awulae Nyamenle Tumivolɛ ne le nwuanzanwuanza. Yemɔ yɛɛ ɔvi tete, ɔwɔ ɛkɛ, na ɔwɔ ɛkɛ kɛkala, na ɔbara a.”