Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:12 - BAEBOLO ANZƐƐ BULUKU NWUANZANWUANZA

¹² Nyamenle zele ye kɛ, “Me nee wɔ balua, na ɛhye bayɛ sɛkɛlɛneɛ amaa wɔ kɛ medame a mezoa wɔ a. Mekɛ mɔɔ ɛ nee menli ne kɛvi Yigyibiti la, bɛbarazonle Nyamenle wɔ boka ɛhye azo.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:12 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 15:1

Ɛhye mɔ anzi, Ebilam dele Ɛdɛnkɛma edwɛkɛ ne wɔ ɛnyelɛzodeɛnwunlɛ nu kɛ, “Ebilam, mmasulo, na mebabɔ ɛ nwo bane. Wɔ ahatualɛ bayɛ kpole kpalɛ.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 15:8

Na Ebilam bizale kɛ, “O Awulae Nyamenle, na kɛ menwɔzi menwɔyɛ na meanwu kɛ azɛlɛ ne bayɛ me ɛdeɛ ɛ?”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:3

Duolua azɛlɛ ɛhye azo ala na me nee wɔ balua. Mebayila wɔ, ɔluakɛ ɛdawɔ nee ɛ bo zo amra yɛɛ mebava azɛlɛ ɛhye meamaa bɛ a, na mebali me ɛwɔkɛ ne mɔɔ membɔle ɛ ze Ebileham la azo.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 31:3

Na Ɛdɛnkɛma zele Gyekɔbo kɛ, “Sia kɔ ɛ ze nee ɛ nwo amra sua zo, na me nee wɔ balua.”

2 Arl 19:29

Akee Ayezaya zele Hɛzikaya kɛ, “Mɔɔ bazi la anwo sɛkɛlɛneɛ a le ɛhye. Ɛvolɛ ɛhye nee ɛvolɛ bieko ɛbali ma mɔɔ bɛ ngome bɛfifi la, na ye ɛvolɛ nsa ne azo yemɔ bɛbazo ɛya, bɛalua, bɛabu, bɛalua vanye mbaka na bɛali zolɛ ma.

1 Edk 9:20

Ɛlieza ara Fenɛhaze, Ɛdɛnkɛma nee ye ɛdɛnla! Ɔnleanle bɛ nwo zo wɔ mekɛ bie anu.

Edwɛndolɛ Buluku ne 86:17

Kile me wɔ kpalɛyɛlɛ ne anwo sɛkɛlɛneɛ, amaa menli mɔɔ kyi me la anwu ye na bɛ nyunlu agua aze, ɔboalekɛ wɔmɔ, Ɛdɛnkɛma, wɔboa me na wɔkyekye me rɛle.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 18:5

Na Gyɛtulo (Mosisi aye ne ɔ ze) vale Mosisi aye ne nee ɔ mra mrenya nwiɔ ne rɛlɛle ye wɔ fienemgbole ne anu wɔ Nyamenle Boka, ɛleka mɔɔ ɛnee yeyɛ azokoɛleɛ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:1

Ɛnee Mosisi nea Sɛlɛvolɛ Gyɛtulo, ɔ ye ɔ ze ne mɔɔ vi Medean la nyɛmoa. Kenle ko ɔhanle nyɛmoa ne mɔ ɔhɔle fienemgbole ne aduduleɛ na ɔrale Nyamenle Boka Saenae abo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:13

Mosisi bizale Nyamenle kɛ, “Saa mekɔ Yizilayɛma ɛkɛ ne na meka mekile bɛ kɛ, ‘Bɛ ze mɔ Nyamenle ne ɛzoa me bɛ nwo ɛke’, na bɛbiza me kɛ, ‘Kɛ bɛfɛlɛ ye?’ a, duzu edwɛkɛ a menga mengile bɛ a?”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 33:14

Ɛdɛnkɛma zele kɛ, “Me nee wɔ bahɔ, yɛɛ mebamaa ɛ nzo nu adwo wɔ.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:12

Yemɔti kɔ na mebade ɛ nloa na meahilehile wɔ mɔɔ ɛbaha la.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:15

Ka edwɛkɛ ne kile ye na fa wula ɔ nloa; mebamaa wɔ nee ɔdaye ɛnloanlɛ na meahilehile bɛ mɔɔ ɔwɔ kɛ bɛka la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 8:27

Ɔwɔ kɛ yɛtia kenle nsa adenle yɛkɔ fienemgbole ne anu yɛkɔbɔ azu yɛmaa Ɛdɛnkɛma yɛ Nyamenle ne, kɛmɔ ɔdaye ɔkɛhile yɛ la.”

Ayezaya Buluku ne 37:30

Na Ayezaya hanle hilele Belemgbunli Hɛzikaya kɛ, “Mɔɔ bazi la anwo sɛkɛlɛneɛ ɛne: ɛvolɛ ɛhye nee ɛvolɛ bieko, bɛbali ma mɔɔ bɛ ngome bɛfifi la, na ɛvolɛ ne mɔɔ tɔ zolɛ nsa la anu, bɛbazo ɛya bɛalua na bɛabu; bɛbayɛ vanye egyinli na bɛali zolɛ ma ne bie.

Ayezaya Buluku ne 41:10

Bɛmmasulo, ɔluakɛ me nee bɛ lua; bɛmmamaa bɛ ahonle tu, medame a mele bɛ Nyamenle a. Mebamaa bɛ anwosesebɛ, mebaboa bɛ, mebava me konimlilɛ tumi ɛsalɛ ne meazɔ bɛ.

Ayezaya Buluku ne 43:2

Saa bɛlua nzule buma nu a, me nee bɛ balua; bɛlua azule ne mɔ anu a, bɛnrɛmonla bɛ; saa bɛlua senle nu a, senle ne ɛnrɛyela bɛ, yɛɛ ye ɛzɔlɛ gbolamgbolam ne ɛnrɛyela bɛ.

Ayezaya Buluku ne 7:14

Yemɔti Awulae ɔdaye ɔbamaa wɔ sɛkɛlɛneɛ. Bɛnlea, kakula bɛlɛra banrenzɛ yeawo ralɛ nrenya, na yeado ye Yimanoɛle.

Gyɛlɛmaya Buluku ne 1:8

Mmasulo bɛ, ɔluakɛ me nee wɔ lua; mebalie wɔ. Medame Ɛdɛnkɛma a mese a.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 16:28

Mosisi hanle hilele menli ne kɛ, “Ɛhye bamaa bɛanwu kɛ Ɛdɛnkɛma yɛɛ ɛzoa me kɛ membanyɛ gyima ɛhye mɔ a, na tɛ medame me tumi zo ɔ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 23:21

Menwu mesie kɛ kenle bie, ngyegyelɛ Anzɛɛ anwubɛnyunlu ɛnrɛdo Yizilayɛ. Ɛdɛnkɛma bɛ Nyamenle ne nee bɛ lua, Bɛbɔ ye nolo kɛ ɔle bɛ belemgbunli.

Edwɛkpa ne kɛmɔ Mateyu hɛlɛle la 28:20

na bɛhilehile bɛ bɛmaa bɛli debie biala mɔɔ meha mehile bɛ la azo. Na bɛhakye kɛ me nee bɛ lua dahuu, kɔkpula ewiade awieleɛ.”

Edwɛkpa ne kɛmɔ Maake hɛlɛle la 16:20

Ɛdoavolɛma ne ziale hɔle na bɛhɔbɔle Edwɛkpa ne nolo wɔ ɛleka biala, na Awulae boale bɛ na ɔmanle bɛ sa anloa gyima hilele kɛ bɛ nolobɔlɛ ne le nɔhalɛ.]

Ɛzoanvolɛma Gyima ne 11:21

Awulae lile bɛ nzi manle menli dɔɔnwo liele lile na bɛhakyile bɛrale Awulae ɛkɛ.

Ɛzoanvolɛma Gyima ne 7:7

Nzinlii mebadea menli zɔhane mɔɔ bɛbahɔzonle bɛ la, na bɛvi maanle zɔhane anu bɛbaye bɛ nwo na bɛarazonle me wɔ ɛke ala.’

Wulo 8:31

Saa ɔle zɛhae ɛdeɛ a, ɛnee akee kɛ yɛzi yɛha ye ɛ? Saa Nyamenle gyi yɛ nzi a nwane a kɛhola yɛ a?

Mɛla 31:23

Akee Ɛdɛnkɛma vale Nɛn ara Dwɔhyua gyima ne wulale ɔ sa nu na ɔzele ye kɛ, “Mia ɛ nwo na gyinla kpundii, ɔluakɛ ɛbava Yizilayɛma wɔadwu azɛlɛ ne mɔɔ menvale membɔle bɛ ɛwɔkɛ la azo. Me nee wɔ balua.”

Kɛlata mɔɔ bɛhɛlɛle bɛhɔmanle Hibuluma la 13:5

Bɛye ezukoa nwo anyebolo bɛvi bɛ ɛbɛla nu, na bɛmaa bɛ kunlu ɛdwo mɔɔ bɛlɛ ye la anwo. Ɔluakɛ Nyamenle ɛha ye kɛ, “Menrɛgyakyi bɛ ɛlɛ, yɛɛ me rɛle ɛnrɛvi bɛ fee.”

Dwɔhyua Buluku ne 1:5

Awie biala ɛnrɛhola ɛnrɛli ɛ nwo zo konim wɔ mekɛ mɔɔ ɛde aze la. Me nee wɔ balua, kɛmɔ me nee Mosisi luale la. Menrɛye ɛ rɛle menrɛdo ɛ sa nu yɛɛ menrɛkpo wɔ ɛlɛ.

Maanlebuvolɛma Buluku ne 6:12

Na Ɛdɛnkɛma soanvolɛ ne yele ɔ nwo hilele ye na ɔzele ye kɛ, “Nrenya katakyie, Ɛdɛnkɛma nee wɔ lua.”

Maanlebuvolɛma Buluku ne 6:16

Na Ɛdɛnkɛma soanvolɛ ne zele ye kɛ, “Me nee wɔ bahɔ. Ɛbahu Medeanema kɔsɔɔti kɛ asɛɛ bɛle sonla kokye ala.”

Maanlebuvolɛma Buluku ne 6:17

Na Gedɛyɔn zele ye kɛ, “Saa mezɔ ɛ nye ɛdeɛ a, ɛnee kile sɛkɛlɛneɛ kɛ amgba ɛdawɔ yɛɛ ɛ nee me ɛlɛtendɛ la.

Maanlebuvolɛma Buluku ne 6:21

Akee Ɛdɛnkɛma soanvolɛ ne vale ye kpɔma ne mɔɔ ɔlɛ la ati hanle nane ne nee kpanwo ne, na senle vi bolɛ ne anu zɔle yelale nane ne nee kpanwo ne. Na Ɛdɛnkɛma soanvolɛ ne minliminlinle ɔ nye zo.

Maanlebuvolɛma Buluku ne 7:11

na bɛbade mɔɔ menli ne ɛlɛka la. Ɛhye bamaa wɔazi ahonle ɛ nee bɛ ahɔho.” Yemɔti Gedɛyɔn nee Pula hɔle Medeanema azokoɛleɛ ne kandiba.

1 Sam 14:10

Na saa bɛse yɛ kɛ, ‘Bɛrɛla yɛ nwo ɛke’ a, yɛbahɔ. Ɔluakɛ Ɛdɛnkɛma ɛmaa yɛli bɛ nwo zo konim yɛwie, na ɛhye yɛɛ bayɛ sɛkɛlɛneɛ amaa yɛ a.”