Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:4 - BAEBOLO ANZƐƐ BULUKU NWUANZANWUANZA

⁴ Adɛladeɛ mɔɔ bɛbabu la ɛne: akɛnrazo aguzo, ɛzonlenlɛ tɛladeɛ ne mɔɔ bɛfɛlɛ ye yifɔdo la, tɛladeɛ woladapi, anwuma tɛladeɛ mɔɔ bɛnwo ɔ nloa, abɔtile, yɛɛ tabule mɔɔ bɛfa bɛkye bɛ avinli la. Ɛhye mɔ a le adɛladeɛ nwuanzanwuanza mɔɔ ɔwɔ kɛ bɛbu bɛmaa ɛ diema Aalɔn nee ɔ mra mrenya ne mɔ bɛmaa bɛfa bɛsonle me kɛ me sɛlɛvolɛma a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:4 ပူးပေါင်းရင်းမြစ်များ

2 Sam 6:14

Devidi wulale Nyamenlezonlenlɛ tɛladeɛ ne mɔɔ bɛfɛlɛ ye “Yifɔdo” la na ɔvale ye anwosesebɛ kɔsɔɔti ɔzile agole ɔwulale Ɛdɛnkɛma anyunlunyia.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 25:7

ɔnekese awolɛ nee awolɛ ɛsesebɛ mɔɔ bɛfa bɛbobɔ Sɛlɛvolɛ Kpanyinli ne ɛzonlenlɛ tɛladeɛ ne mɔɔ bɛfɛlɛ ye yifɔdo nee ɔ kɛnra azo aguzo ne mɔ anu la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:6

Ɛbava abɔtile ne wɔabɔ ye na wɔava pɛlɛte nwuanzanwuanza ne mɔɔ bɛhɛlɛ zolɛ la wɔabɔ abɔtile ne azo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 39:28

bɛvale lenen nyɛma bɛnwonle abɔtile, ahyɛlɛ, aze adɛladeɛ;

Ayezaya Buluku ne 11:5

Ɔbava pɛlepɛlelilɛ yeayɛ akyeso yeahye ɔ nze zo, na yeava nɔhalɛlilɛ yeayɛ tabule mɔɔ hye ye avinli.

Ayezaya Buluku ne 59:17

Ɔvale tenleneyɛlɛ ɔyɛle akɛnrazo enyinlike, na ɔvale ngoanelielɛ ɔyɛle kyɛlɛ ɔzoale, ɔvale nzenralɛlilɛ ɔyɛle ɛdanlɛ ɔhedale, na ɔvale ɛya kpole ɔyɛle aguzo ɔkyekyele ɔ nwo.

Hozia Buluku ne 3:4

Ɔluakɛ Yizilayɛma badɛnla ahyɛ dɔɔnwo mɔɔ bɛnrɛnyia belemgbunli anzɛɛ mgbanyima; bɛnrɛbɔ azu yɛɛ bɛnrɛnyia awolɛ mpila, bɛnrɛnyia mmonle anzɛɛ ananze mɔɔ bɛfa bɛayɛ sɛkɛlɛneɛ bɛazonle nee ɛzonlenlɛ tɛladeɛ Yifɔdo.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:14

Zɔhane ati bɛziezie bɛ nwo bɛzie, bɛva nɔhalɛ bɛyɛ akyeso bɛhye; bɛva pɛlepɛlelilɛ bɛyɛ bulalɛ enyinlike bɛbutu bɛ kɛnra azo

1 Tɛs 5:8

Na yɛmɛ, yɛle alehyenlɛ nu amra, yemɔti bɛmaa yɛzie yɛ nye gyɛlɛmgbɛɛnye na yɛva diedi nee ɛhulolɛ yɛyɛ bulalɛ enyinlike yɛbutu yɛ kɛnra azo, na yɛva yɛ ngoane ɛnyianlɛ nwo anyelazo yɛhakyi bulalɛ kyɛlɛ yɛzoa.

Yekile 9:17

Wɔ yekile ne anu, menwunle sogyama ne mɔ kɛ bɛdede mgbɔnwɔ ne mɔ azo, na kɛ bɛde la ɛne: bɛwulowula mbulalɛ akɛnrazo enyinlike mɔɔ le woonwu kɛ senle, buluwu kɛ “safaya”, yɛɛ guanye kɛ sɔlefa la. Mgbɔnwɔ ne mɔ ati le kɛ awenade ti, na senle, esike, yɛɛ sɔlefa vi bɛ nloa anu finde.

1 Sam 2:18

Kakula nrenya Samoɛle wulale “Lenen” ɛzonlenlɛ tɛladeɛ aguzo.

1 Sam 22:18

Sɔɔlo zele Dowɛge kɛ, “Wɔmɔ, ku bɛ!” Na Dowɛge hunle sɛlɛvolɛma abulatwɛ nee nnu ne mɔɔ ɛnee wula sɛlɛvolɛ tɛladeɛ fufule ne mɔɔ bɛfɛlɛ ye “Yifɔdo” la.

1 Sam 23:6

Mekɛ mɔɔ Ahemɛlɛke ara Abayata nriandi ahɔ Devidi anwo lɔ wɔ Kiayela la, ɔvale sɛlɛvolɛ tɛladeɛ fufule ne mɔɔ bɛfɛlɛ ye Yifɔdo la ko.

1 Sam 30:7

Devidi zele sɛlɛvolɛ Abayata, Ahemɛlɛke ara nrenya ne kɛ, “Fa yifɔdo ne bɛla.” Na Abayata vale yifɔdo ne rɛlɛle Devidi.