Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:2 - BAEBOLO ANZƐƐ BULUKU NWUANZANWUANZA

² Bu sɛlɛvolɛma adɛladeɛ nwuanzanwuanza maa ɛ diema Aalɔn maa ɔnyia gyinlabelɛ nee anyunlunyia.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:2 ပူးပေါင်းရင်းမြစ်များ

Dwobu Buluku ne 40:10

Fa mgboleyɛlɛ nee dibilɛ siezie ɛ nwo; na fa anyunlunyia nee kɛnlɛma yɛ ɛ nwo hyeleenyi.

Edwɛndolɛ Buluku ne 132:16

Mebamaa ye sɛlɛvolɛma anyia ngoanelielɛ, na meamaa me menli ne mɔɔ wɔ zo la ava anyelielɛ adeɛdea nu.

Edwɛndolɛ Buluku ne 132:9

Maa wɔ sɛlɛvolɛma ɛbɔ ɛbɛla mɔɔ tenrɛ, na maa wɔ menli ne ɛva anyelielɛ ɛdea nu.

Edwɛndolɛ Buluku ne 149:4

Ɛdɛnkɛma anye die ye menli ne anwo; ɔmaa mɔɔ le bɛlɛvo la di konim.

Edwɛndolɛ Buluku ne 96:6

Enililɛ nee tumi ɛbɔ ɛyia ye, anwosesebɛ nee kɛnlɛma ɛyi ye Ɛzonlenlɛ Sua ne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 28:40

“Bɛkpomgba anwuma adɛladeɛ, akyeso, yɛɛ ahyɛlɛ bɛmaa Aalɔn amra mrenya ne mɔ, amaa bɛ nwo ayɛ fɛ na bɛ nyunlu ara anyia.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:28

Ɛhye le kpɔkɛ mɔɔ mebɔ mɔɔ menrɛhakyi ye ɛlɛ a. Saa me menli ne fa anzonudwolɛ azubɔdeɛ ne mɔ ba a, bɛ kɛnrazo ne nee bɛ ɛzɔlɛ ne mɔ le sɛlɛvolɛma ne mɔ ɛdeɛ. Ɔle menli ne ahyɛlɛdeɛ ɔmaa medame, Ɛdɛnkɛma.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 31:10

Aalɔn nee ɔ mra mrenya ne mɔ sɛlɛvolɛ adɛladeɛ ngɛnlɛma ne mɔ mɔɔ bɛbawula bɛazonle la,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 40:13

Fa sɛlɛvolɛ adɛladeɛ ne mɔ wulowula Aalɔn, kpokpa ye nwole na tu ye sie ahane maa me, amaa yeazonle me kɛ ɔle sɛlɛvolɛ.

Ayezaya Buluku ne 4:2

Mekɛ ne anu Ɛdɛnkɛma mbaka ne mɔ ngane bayɛ mgbole ngɛnlɛma. Yizilayɛma mɔɔ baha la anye balie mbaka ne nee bɛ nzoleɛ ne mɔ anwo.

Ayezaya Buluku ne 52:1

Gyɛlusalɛmma, bɛdwazo! Bɛdwazo, bɛmaa bɛ nwo ɛyɛ se, bɛva bɛ adɛladeɛ ngɛnlɛma ne mɔ bɛwula, O Gyɛlusalɛm, suakpole nwuanzanwuanza azo amra, ɔluakɛ awie biala mɔɔ anwo ɛnde na ɔnzonle Nyamenle la ɛnrɛra suakpole ne azo ɛlɛ.

Ayezaya Buluku ne 61:10

Ɛdɛnkɛma ati me nye balie kpole, Me ɛkɛla bali fɛlɛko wɔ me Nyamenle ne ati, Ɔluakɛ yeva ngoanelielɛ ɛdanlɛ yeheda me, Yeva pɛlepɛleyɛlɛ tɛladeɛ yewula me, Yeziezie me kɛ atɔfolɛ nrenya fa ndotolo kɔtɔlɔba siezie ɔ nwo, Anzɛɛ kɛ atɔfolɛ raalɛ fa anwoneɛ siezie ɔ nwo la.

Ayezaya Buluku ne 61:3

Yezoa me kɛ membankyekye Zayɔnoma arɛle Kɛ bɛgyakyi nyanelilɛ na bɛli fɛlɛko. Bɛgyakyi bɛ ti zo nzonle ɛbɔlɛ, Na bɛbɔ ndotolo kɔtɔlɔba abɔtile. Bɛdo ayɛlɛyelɛ edwɛne na bɛgyakyi nyanelilɛ; Amaa bɛavɛlɛ bɛ tenleneyɛlɛ mbaka ɛsesebɛ, Mɔɔ Ɛdɛnkɛma ɛlua, amaa bɛawula ye anyunlunyia.

Ayezaya Buluku ne 64:6

Yɛ muala yɛyɛ menli mɔɔ anwo ɛnde a, yɛɛ yɛ ɛbɛla kpalɛ biala le kɛ tɛladeɛ mɔɔ ɛhu la. Yɛ muala yɛwu kɛ ɛyɛne, yɛɛ yɛ ɛtane ne mɔ ɛyɛ kɛ anwoma la, bɛpia yɛ bɛkɔ.

Sɛlɛ 8:30

Akee Mosisi vale nwole ne na ɔvale mogya ne mɔɔ wɔ azukponle ne azo la bie ɔkpotole nuhua na ɔvale ɔkpondenle Aalɔn anwo nee ye adɛladeɛ ne mɔ anu. Ɔvale bie ɔkpondenle ɔ mra ne mɔ anwo na ɔvale bie ɔkpondenle bɛ adɛladeɛ ne mɔ anu. Yemɔti ɔbɔle Aalɔn nee ye adɛladeɛ yɛɛ ɔ mra mrenya ne mɔ nee bɛ adɛladeɛ ne mɔ nu ɔdule bɛ ɔmanle Nyamenle.

Dw 1:14

Edwɛkɛ ne rayɛle sonla mɔɔ ɛlolɛ nee nɔhalɛ ɛyi ye tɛkɛɛ a, na ɔ nee yɛ dɛnlanle. Yɛnwunle ye anyunlunyia mɔɔ ɔnyianle ye kɛ ɔle Selɛ ne Ara kokye la.

Wulo 13:14

Na bɛva Awulae Kelaese bɛyɛ konle tɛladeɛ bɛwula, na bɛzi nwonane nu adwenle ɛvalɛ nee ye atiakunluwɔzo aze.

Wulo 3:22

Nyamenle dua menli diedi mɔɔ lɛ ye wɔ Gyisɛse Kelaese anu la azo a maa bɛsɔ ɔ nye a. Nyamenle yɛ ɛhye maa bɛdabɛ mɔɔ bɛdie Kelaese bɛdi la amuala, ɔboalekɛ ngakyile fee ɛnle nuhua;

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:27

Bɛdabɛ mɔɔ bɛzɔne bɛ wɔ Kelaese duma nu la ɛva Kelaese agyakɛ.

Kɛlata mɔɔ bɛhɛlɛle bɛhɔmanle Hibuluma la 2:9

Na yɛnwu Gyisɛse mɔɔ mekɛ ekyi bie anu ɔdaye noko bɛyɛle ye ekyi bɛdɛlale Nyamenle soanvolɛma la, kɛ bɛwula ye anyunlunyia na bɛdi ye eni wɔ nyane ewule mɔɔ ɔwule la ati. Nyamenle luale ɔdaye ye ɛlolɛ zo yɛɛ ɔmanle ɔwule wɔ awie biala ati a.

Kɛlata mɔɔ bɛhɛlɛle bɛhɔmanle Hibuluma la 7:26

Sɛlɛvolɛ Kpanyinli mɔɔ le zɛhae la yɛɛ kola sɔ yɛ wɔ yɛ ɛhyianlɛ biala anu a, ɔluakɛ ɔle nwuanzanwuanza; ɛtane biala ɛnle ɔ nwo anzɛɛ ye nu. Bɛye ye bɛzie ahane bɛvi ɛtanevolɛma anu na bɛmaa ye zo bɛhɔ anwuma.

2 Pit 1:17

Yɛwɔ ɛkɛ ne yɛɛ Nyamenle Selɛ ne dele ɔ nyunlu, wulale ye anyunlunyia a. Yɛwɔ ɛkɛ ne yɛɛ ɛnelɛ ne vi Anyunlunyia Bedevinli ne ɛkɛ ne hanle kɛ, “Me Ra mɔɔ mekulo ye la ɛne, me nye die ɔ nwo kpole!”

1 Dw 3:2

Ayi mɔ, kɛkala yɛle Nyamenle amra, noko akee kɛ kenle bie yɛbazi yɛayɛ la ɛtɛdale ali. Noko yɛze kɛ mekɛ mɔɔ Kelaese bara bieko la, yɛbayɛ kɛ ɔdaye ala la, ɔluakɛ yɛbanwu ye kɛmɔ ɔde ala la.

Yekile 19:8

Bɛmaa ye lenen ɛdanlɛ kɛnlɛma anye nwohyee kɛ ɔheda.” (Ɛdanlɛ kɛnlɛma ne a le Nyamenle menli ne ɛbɛla kpalɛ mɔɔ bɛbɔle la.)

Yekile 5:10

Wɔmaa bɛyɛ arelemgbunli nee Nyamenle sɛlɛvolɛma na bɛbali arelemgbunli wɔ azɛlɛ ye azo.”