Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 27:9 - BAEBOLO ANZƐƐ BULUKU NWUANZANWUANZA

⁹ “Kɛ ɛbazi wɔalie Ndanlɛ Sua ne anwo bane ne la ɛne: fa ndanlɛ mɔɔ bɛva lenen nyɛma kɛnlɛma bɛnwo na ko tendenle le mita abulanla nee nna la wowa ye nyiakɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 27:9 ပူးပေါင်းရင်းမြစ်များ

1 Arl 6:36

Bɛzile edwɛkɛlilɛ ɛleka wɔ Ɛzonlenlɛ Sua ne anyunlu na bɛliele nwolɛ bane bɛyiale. Sua ne bane ne mɔ, bɛvale awolɛ bɛdole ye fadum ɛhonlone nsa yɛɛ bɛvale sida mbaka bɛdoale zolɛ ɛhonlone ko.

1 Arl 8:64

Kenle ko ne ala eza Sɔlɔmɔn bukele alie wienyi ne mɔɔ la Ɛzonlenlɛ Sua ne anyunlu la. Ɛkɛ ne noko, ɔyelale nane ɛnlome ɔbɔle azu yɛɛ ɔbɔle anzonudwolɛ azu. Ɔboalekɛ kɔbele azukponle ne mɔɔ wɔ Ɛdɛnkɛma Ɛzonlenlɛ Sua ne anu la le ekyi maa ninyɛne ne mɔ.

2 Edk 33:5

Ɔsisile azukponle ɔmanle anwumaneamra ne mɔ amuala wɔ alie nwo nwiɔ ne mɔɔ wɔ Ɛdɛnkɛma Ɛzonlenlɛ Sua ne anu la anwo.

2 Edk 4:9

Bɛyɛle alie nwo ko bɛmanle sɛlɛvolɛma ne angome, wɔ awuke ne akunlu, yɛɛ bɛyɛle kpole kpalɛ ko wɔ awuke wienyi ne anu. Nlenkɛ mɔɔ duodua anuhɔlɛ ne mɔ mɔɔ wɔ alie nwo nwiɔ ne avinli la, bɛholole kɔbele bɛguale nwolɛ.

Edwɛndolɛ Buluku ne 100:4

Bɛva moyɛlɛ bɛwolo ye nlenkɛ mgbole ne mɔ anu, bɛva ayɛlɛyelɛ bɛhɔ ye alie ne anwo. Bɛyɛ ye mo, na bɛye ye duma ne ayɛlɛ!

Edwɛndolɛ Buluku ne 116:19

Mebaye ɛwɔkɛ ne wɔ Ɛdɛnkɛma Ɛzonlenlɛ Sua ne mɔɔ wɔ Gyɛlusalɛm la anu. Bɛye Ɛdɛnkɛma ayɛlɛ!

Edwɛndolɛ Buluku ne 84:10

Wɔ sua nu ɛkɛ ne kenle ko ɛdɛnlanlɛ le kpalɛ tɛla kenle apenle wɔ ɛleka gyɛne. Menwɔhulo kɛ menwɔyɛ anlenkɛ sinzavolɛ wɔ me Nyamenle ne sua nu tɛla kɛ menwɔdɛnla amumuyɛma ndanlɛ sua nu.

Edwɛndolɛ Buluku ne 92:13

Bɛlua bɛ wɔ Ɛdɛnkɛma awuke nu, bɛnyi buzubuzu wɔ Nyamenle alienwo ɛkɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 27:10

Ɔwɔ kɛ bɛ mbaka ne mɔ yɛ abulanwiɔ, bɛ adiabo ne mɔ mɔɔ bɛva kɔbele bɛyɛ la yɛ abulanwiɔ, na fa dwɛtɛ fufule yɛ nzosɔnu nee mɛkaleɛ ne mɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 35:17

alie ne anwo ɛwowalɛ ndanlɛ ne mɔ, ye mbaka sika ne mɔ nee bɛ adiabo ne mɔ; alie ne anwo anuhɔlɛ ɛdanlɛ ne,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 36:17

Bɛbɔle ndanlɛ azinli ahotosalɛ abulanlu bɛsosɔle alumua ɛdeɛ ne anloa, yɛɛ bɛvale abulanlu noko bɛsosɔle amozi ɛdeɛ ne noko anloa.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 39:40

alie ne anwo banelielɛ ndanlɛ, bɛ mbaka azika nee bɛ adiabo ne mɔ, bane ne mɔɔ bɛliele la anlenkɛ ne anu ɛdanlɛ ne nee nwolɛ nyɛma, Ndanlɛ Sua ne adakola ne mɔ;

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 40:33

Mosisi wowale Ndanlɛ Sua ne nee azukponle ne anwo na ɔvale ɛdanlɛ ɔhendanle ye anuhɔlɛ kpole ne anu. Na Mosisi wiele gyima ne yɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 40:8

Fa alie ne anwo bane ne anwo ndanlɛ ne mɔ wowa nwo, na fa ɛdanlɛ wa ye anlenkɛ ne anu.

Yizikeɛle Buluku ne 40:14

Sua kpandaanwo ne gyi Ɛzonlenlɛ Sua ne alie nwo ɛkɛ ne. Nrenya ne zuzule la, ye tɛtɛlɛ le mita bulu.

Yizikeɛle Buluku ne 40:17

Akee ɔvale me ɔrale findezo alie nwo ɛkɛ. Ekpumgbunli abulasa a wɔ findezo bane ne anu a, na bɛva awolɛ bɛbo ɔ nyunlu.

Yizikeɛle Buluku ne 40:20

Akee nrenya ne lile me nyunlu na ɔ nee me hɔle Ɛzonlenlɛ Sua ne ɛbɔ nu afoa nu. Alie nwo anlenkɛ kpole ko wɔ ɛkɛ mɔɔ anye di kɔ ɛbɔ nu afoa nu a, na ɔzuzule ye tendenle ne nee ye tɛtɛlɛ.

Yizikeɛle Buluku ne 40:23

Findezo alie nwo ɛkɛ ne, anlenkɛ kpole ko wɔ ɛkɛ kɔ Ɛzonlenlɛ Sua ne akunlu alie nwo ɛkɛ, na ɔ nee findezo anlenkɛ kpole ne anye bɔ zolɛ, kɛmɔ aduduleɛ ɛdeɛ ne de la. Nrenya ne zuzule adenle mɔɔ la nlenkɛ mgbole nwiɔ ɛhye avinli la, na ɔle mita abulanlu.

Yizikeɛle Buluku ne 40:28

Akee nrenya ne nee me rale Ɛzonlenlɛ Sua ne akunlu alie nwo ɛkɛ. Yɛvale nyiakɛ anlenkɛ kpole ne anu, na ɔzuzule anlenkɛ kpole ne. Ye kpole le kɛ nlenkɛ ɛhendeɛ ne mɔ la.

Yizikeɛle Buluku ne 40:32

Nrenya ne eza vale me hɔle Aduduleɛ Anlenkɛ Kpole ne anwo wɔ sua ne akunlu lɔ alie ne anwo na ɔzuzule. Ye tendenle nee ye tɛtɛlɛ le kɛ ɛhendeɛ ne mɔ la.

Yizikeɛle Buluku ne 40:44

Akee nrenya ne nee me vi findezo alie nwo ɛkɛ hɔle sua ne akunlu lɔ alie ne anwo. Azua ekpumgbunli nwiɔ wɔ ɛkɛ, ko gyi sɔlɔ anlenkɛ kpole ne anwo, ɔ nye kɔne nyiakɛ, yɛɛ ko noko gyi nyiakɛ anlenkɛ kpole ne anwo, ɔ nye kɔne sɔlɔ.

Yizikeɛle Buluku ne 42:3

Sua ɛhye anyunlu ko kɔne ɛleka wienyi ne mɔɔ le mita bulu, mɔɔ la Ɛzonlenlɛ Sua ne anwo la, yɛɛ ɔ nyunlu ko ne noko kɔne bama ne mɔɔ bɛbo wɔ findezo alie nwo ɛkɛ ne la anwo. Ɔle sua nzɛzo nsa.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 3:26

alie ne anwo bane ne mɔ anwo ndanlɛ ne mɔ, yɛɛ akee alie nwo anlenkɛ ne anloa anu ɛdanlɛ ne mɔɔ wa azukponle ne anye la nee nwolɛ nyɛma ne mɔ kɔsɔɔti. Bɛmɛ a bɛdi ninyɛne ɛhye mɔ kɔsɔɔti anwo ɛzonle a.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 4:26

alie ne anwo bane ne nee bɛ nwo nyɛma ne mɔ, azukponle ne, alie nwo bane ne anlenkɛ kpole ne anloa anu ɛdanlɛ ne nee ninyɛne mɔɔ bɛva bɛziezie nu, mɔɔ bɛfa bɛyɛ ɛzonlenlɛ la. Bɛbayɛ gyima biala mɔɔ fane ninyɛne ɛhye mɔ anwo la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 4:32

alie ne mɔɔ bɛnra yia Ɛdɛnkɛma Ndanlɛ Sua ne la bane ne mbaka nee bɛ adiabo ne mɔ, bɛ adakola ne mɔ, bɛ nyɛma ne mɔ, yɛɛ debie biala mɔɔ fane Ɛdɛnkɛma Ndanlɛ Sua ne anwo la. Fa bɛ aluma kyɛ debie biala mɔɔ ɔwɔ kɛ bɛsoa la.