Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 27:3 - BAEBOLO ANZƐƐ BULUKU NWUANZANWUANZA

³ Yɛ nwolɛ mbuakɛ na bɛava nzonle bɛagua nu. Eza yɛ azofi nee ahyɛnze nee faka nee senlevalɛ ahyɛnze; fa kɔbele a yɛ ninyɛne ɛhye mɔ kɔsɔɔti a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 27:3 ပူးပေါင်းရင်းမြစ်များ

1 Arl 7:40

Hulam eza yɛle mbuakɛ, sofi nee dwora mɔ. Ɔwiele gyima biala mɔɔ ɔwɔ kɛ ɔdi wɔ Ɛzonlenlɛ Sua ne anwo ɔmaa Belemgbunli Sɔlɔmɔn la di. Ninyɛne mɔɔ ɔyɛle la ɛne: Mpila nwiɔ ne Mpila adile nwiɔ ne mɔɔ duodua mpila ne mɔ azo la Atɛnla anzɛɛ nwɔnzɔnwɔnzɔ nwiɔ ne mɔɔ ɔnwonle ɔguale mpila ne mɔ azo la Ninyɛne kpokpɔkoo ne mɔɔ zɔho akutue ɛya nna ne mɔɔ ɔguale bɛ ɛhonlone nwiɔ ɔguale atɛnla ne mɔ anwo wɔ mpila ne mɔ azo la Ehwili mralɛ bulu ne Ahyɛnze bulu ne Angola ne Nlankɛ bulu nee nwiɔ ne mɔɔ angola ne gyi bɛ nwo zo la Deɛ ne mɔɔ ɔguale mɔɔ zɔho aloa nya yɛɛ Mbuakɛ ne nee sofi ne mɔ nee kula ne mɔ Ninyɛne ɛhye mɔ amuala, Hulam vale kɔbele a yɛle zieziele Ɛzonlenlɛ Sua ne anu manle Belemgbunli Sɔlɔmɔn a, na ɔhwile nwolɛ kɛnlɛma.

1 Arl 7:50

ahɔpo, dabekɛ, dwora mɔ, kula mɔɔ bɛgua ɛyɛlɛ nu, nee ahyɛnze mɔɔ bɛfa samɛnlakɛ bɛgua nu, yɛɛ akee Nwuanzanwuanza Nu Nwuanzaanwu Ɛleka ne anlenkɛ nee Ɛzonlenlɛ Sua mumua ne nlenkɛ ne mɔ ndɛla. Ɛhye mɔ amuala, bɛvale ezukoa nvutuke a bɛyɛle a.

2 Arl 25:14

Eza bɛsesale sofi ne mɔ, ahyɛnze ne mɔ mɔɔ bɛgua azukponle ne azo nzonle ne wɔ nu, ninyɛne ne mɔ mɔɔ bɛfa bɛka ahɛnlaneɛ ne mɔ anu bɛnua anzɛɛ bɛsɔ la, dwora ne mɔ mɔɔ bɛfa bɛsɔ azubɔlɛ mogya ne, dwora ne mɔ mɔɔ bɛfa bɛyela ɛyɛlɛ, nee kɔbele debie biala mɔɔ bɛfa bɛyɛ gyima wɔ Ɛzonlenlɛ Sua ne anu la bɛhɔle.

2 Arl 25:15

Debie biala mɔɔ bɛvale ezukoa nvutuke, anzɛɛ dwɛtɛ fufule a bɛyɛle, dwora nee ahyɛnze mralɛ anu kuloonwu, nee ahyɛnze ne mɔ mɔɔ bɛfa bɛfa senle la, bɛvale bɛ muala bɛhɔle.

1 Edk 28:17

Eza ɔhilele ezukoa nvutuke tagyee dodo mɔɔ bɛva bɛyɛ faka ne mɔ, ahyɛnze nee kanrɛlɛ ne mɔ la, dwɛtɛ fufule nee ezukoa nvutuke dodo mɔɔ bɛva bɛyɛ kula ne mɔ la,

2 Edk 4:11

Hulam eza yɛle mbuakɛ, sofi nee dwora mɔ. Ninyɛne mɔɔ ɔbɔle Belemgbunli Sɔlɔmɔn ɛwɔkɛ kɛ ɔkɛyɛ wɔ Ɛzonlenlɛ Sua ne anwo la, ɔwiele bɛ muala yɛ. Bɛmɛ a le: Mpila nwiɔ ne Adile nwiɔ ne mɔɔ bɛyɛ bɛ kɛ ahyɛnze bɛduoduale mpila ne mɔ azo la Deɛ nwɔnzɔnwɔnzɔ ne mɔɔ bɛnwonle bɛguale mpila adile ne mɔ azo la Ninyɛne ɛya nna ne mɔɔ le kɛ akutue mɔɔ bɛguale bɛ ɛhonlone nwiɔ nwiɔ wɔ mpila adile ne mɔ azo la Ehwili bulu ne Ahyɛnze akunlu kuloonwu bulu ne Angola ne Nlankɛ nyinli bulu nee nwiɔ ne mɔɔ angola ne gyi zolɛ la Mbuakɛ ne, sofi ne, yɛɛ faka ne mɔ. Hulam mɔɔ le dwinvolɛ mɔɔ di munli la a yɛle ninyɛne ɛhye mɔ amuala a. Ɔvale kɔbele mɔɔ bɛdu nuhua la a ɔyɛle a, kɛmɔ Belemgbunli Sɔlɔmɔn zele kɛ bɛva ninyɛne ɛhye mɔ amuala bɛyɛ gyima wɔ Ɛdɛnkɛma Ɛzonlenlɛ Sua ne anu la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 24:6

Na Mosisi wolale mogya ne foa ko guale ahyɛnze nu, na ɔvale foa ko ne ɔguale azukponle ne anwo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 27:19

Ndanlɛ Sua ne anu ahyɛnze, nwolɛ adakola nee alie ne anwo takola biala ɔwɔ kɛ bɛfa kɔbele a bɛyɛ a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 27:2

Yɛ debie kpokpɔkoo kɛ mɛne la wɔ ɔ bati nna ne mɔ azo; maa bɛ nee azukponle ne ɛyɛ debie ko. Akee kolo kɔbele gua nwolɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 27:4

Fa kɔbele yɛ kɛlakɛlɛ na fa kɔbele ngɛba nna sosɔ ye mgbɛnezo nna ne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 38:3

Eza ɔyɛle azukponle ne anwo ninyɛne kɔsɔɔti: mbuakɛ, azofi, ahyɛnze, faka, nee senlevalɛ ahyɛnze. Ɔvale kɔbele a ɔyɛle ninyɛne ɛhye mɔ kɔsɔɔti a.

Sɛlɛ 16:12

Akee ɔbava kyɛnze mɔɔ bɛfa bɛkpu ɛyɛlɛ la yeavula samɛnlankɛ wɔ Ɛdɛnkɛma azukponle ne azo, na eza yeavula ɛyɛlɛ evuanlɛ mɔɔ bɛnlu ye ekyii la ɔ sa nwiɔ yeara mgbɛnu ɛdanlɛ ne akunlu wɔ Nwuanzanwuanza nu Nwuanzaanwu Ɛleka ne.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 4:14

Bɛva azukponle ne azo debie biala mɔɔ bɛfa bɛbɔ azu la, senlevalɛ ahyɛnze, faka ne mɔ, azofi nee ahyɛnze kuloonwu ne mɔ bɛgua azukponle ne azo. Akee bɛva nwoma kɛnlɛma bɛheda zolɛ, na bɛva ye mbaka mɔɔ bɛfa bɛsoa la bɛwulowula ye ngɛba ne mɔ anu.