Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 24:7 - BAEBOLO ANZƐƐ BULUKU NWUANZANWUANZA

⁷ Akee ɔvale ngyekyeleɛ buluku ne, na ɔgengale ɔhilele menli ne; na bɛhanle kɛ, “Edwɛkɛ biala mɔɔ Ɛdɛnkɛma ɛha la yɛbayɛ, yɛɛ yɛbayɛ tieyɛ yeamaa ye.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 24:7 ပူးပေါင်းရင်းမြစ်များ

1 Arl 8:9

Debie gyɛne biala ɛnle ɛlɛka ne anu kɛ awolɛ ndɛbandɛba nwiɔ ne mɔɔ Mosisi vale guale nu wɔ Saenae Boka ne azo, ɛleka mɔɔ Ɛdɛnkɛma nee Yizilayɛma yɛle ngyekyeleɛ ne la ala. Bɛyɛle ngyekyeleɛ ne wɔ mekɛ mɔɔ bɛvi Yigyibiti bɛlɛba la.

2 Edk 15:14

Bɛvale ɛnelɛ kpole bɛdeɛdeanle nu, bɛbɔle aweɛne ndendenle nee ɛweɛne na bɛvale Ɛdɛnkɛma bɛlile amonle,

Edwɛndolɛ Buluku ne 50:5

Ɔse, “Bɛboɔboa me menli nɔhavoma ne anloa, bɛmɛ a bɛbɔle azu bɛ nee me yɛle ngyekyeleɛ a!

Edwɛndolɛ Buluku ne 78:36

Noko bɛvale bɛ nloa bɛbɔle awuye ala; bɛbɔle adalɛ, bɛ nee ye lile amanie.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:8

Na menli ne kɔsɔɔti anloa hɔle ko hanle kɛ, “Debie biala mɔɔ Ɛdɛnkɛma ɛha la, yɛbayɛ.” Na Mosisi hanle mɔɔ menli ne hanle la hilele Ɛdɛnkɛma.

Gyɛlɛmaya Buluku ne 34:13

“Medame Ɛdɛnkɛma, Yizilayɛ Nyamenle ne, mese: Mekɛ mɔɔ menyele bɛ nlenya mɔ menvile akɛlɛzonlenlɛ nu menvile Yigyibiti azɛlɛ zo la, me nee bɛ yɛle ngyekyeleɛ na menzele kɛ,

Gyɛlɛmaya Buluku ne 42:6

Saa ɔle kpalɛ o, ɔle ɛtane o, yɛbadie Ɛdɛnkɛma yɛ Nyamenle ne mɔɔ yɛlɛsoa wɔ ɔ nwo ɛkɛ la ane, amaa saa yɛtie ɔ ne a yeayɛ boɛ yeamaa yɛ.”

Yizikeɛle Buluku ne 16:8

“Mɔɔ mese bɛ nwo ɛkɛ ne bieko na meneanle bɛ la, ɛnee yedwu mɔɔ bɛkulo bɛ a. Mengedale bɛ ndanlɛ na memkpale bɛ nyiane. Menyiale bɛ na me nee bɛ yɛle agyalɛ ngyekyeleɛ, na bɛyɛle medame Awulae Nyamenle, me ɛdeɛ.

Malakae Buluku ne 2:10

Yɛ muala yɛ ze ɛnle ko ɔ? Tɛ Nyamenle ko ne ala a bɔle yɛ muala ɔ? Duzu ati a yɛnli nɔhalɛ yɛmmaa yɛ nwo, na ɔlua zo yɛgua yɛ ze mɔ ngyekyeleɛ ne mɔɔ bɛ nee Nyamenle yɛle la anwo evinli a?

Ɛzoanvolɛma Gyima ne 13:15

Bɛwiele Mosisi mɛla ne nee Nyamenle kpɔmanvolɛma edwɛkɛ ne kenga la, nyianu sua ne mgbanyima ne dole ɛsalɛ vɛlɛle bɛ kɛ, “Mediema, saa bɛlɛ edwɛkɛ fɛlɛko bie mɔɔ maa anwosesebɛ la a ɛnee bɛha bɛmaa menli ne ɛdie bie.”

Kɔlɔ 4:16

Saa bɛkenga kɛlata ɛhye bɛwie a, bɛnlea bɛmaa bɛgenga ye wɔ Lawɔdesiama asɔne ne anu noko. Eza anrɛɛ bɛgenga kɛlata mɔɔ vi Lawɔdesia kɛra la.

1 Tɛs 5:27

Mese bɛ wɔ Awulae duma nu kɛ bɛgenga kɛlata ɛhye bɛhile mediema ne mɔ amuala.

Dwɔhyua Buluku ne 24:24

Menli ne zele Dwɔhyua kɛ, “Yɛbazonle Ɛdɛnkɛma yɛ Nyamenle ne. Yɛbali ye mɛla ne mɔ azo.”