Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 24:6 - BAEBOLO ANZƐƐ BULUKU NWUANZANWUANZA

⁶ Na Mosisi wolale mogya ne foa ko guale ahyɛnze nu, na ɔvale foa ko ne ɔguale azukponle ne anwo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 24:6 ပူးပေါင်းရင်းမြစ်များ

2 Arl 17:15

Bɛkpole ye mɛla ne mɔ, bɛanli ngyekyeleɛ ne mɔɔ ɔ nee bɛ nlenya mɔ kyekyele la azo yɛɛ bɛambu ye kɔkɔbɔlɛ ne mɔ bie. Bɛzonlenle mmonle mɔɔ nvasoɛ biala ɛnle zo la na bɛdabɛ mumua ne bɛyɛle mgbane. Bɛlile maanle maanle mɔɔ zuozua bɛ la amaamuo zo, na bɛyɛle anzosesebɛ wɔ Ɛdɛnkɛma Mɛla ne mɔɔ ɔvale ɔmanle bɛ kɛ bɛmmasukoa bɛyɛ mɔɔ menli zɔhane mɔ yɛ la bie la anwo.

Edwɛndolɛ Buluku ne 99:6

Mosisi nee Aalɔn boka ye sɛlɛvolɛma ne, Samoɛle boka bɛdabɛ mɔɔ bɛzonlenle ye la. Bɛdeanle bɛvɛlɛle Ɛdɛnkɛma, na ɔliele bɛ zo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:22

Bɛva nyinlanyinla bɛbɔ boane mogya ne mɔɔ wɔ kyɛnze ne anu la anu, na bɛva bɛha bɛ felɛmo ne mɔ ati zo nee bɛ mbaka nwiɔ ne anwo, yɛɛ bɛ biala mmafinde toonwo nwonlomɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:7

Bɛbava nane ne mogya ne bie bɛaha azua mɔɔ bɛkɛli nane ne wɔ nu la nlenkɛ ne felɛmo nwiɔ ne nee ɔ ti zo ɛdeɛ ne mɔ anwo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 24:8

Mosisi vale mogya ne dole guale menli ne anwo, na ɔhanle kɛ, “Kɛmɔ Ɛdɛnkɛma edwɛkɛ ne se la, mogya ye sɔ ngyekyeleɛ ne mɔɔ Ɛdɛnkɛma nee bɛ ɛkyekye la anloa.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:16

Ku ye na to ye mogya ne gua azukponle ne anwo yia.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:20

Ɛhye anzi ku ye na fa ɛ sa ɛrɛlɛsɛka fa ye mogya ne bie keha Aalɔn nee ɔ mra mrenya ne mɔ anzo fema ne mɔ ati, fa bie keha bɛ sa fema ahohotile ne mɔ azo nee bɛ gyakɛ fema ahohotile ne mɔ azo, na to mogya ne mɔɔ ɛha la gua azukponle ne anwo yia.

Gyɛlɛmaya Buluku ne 31:32

Ngyekyeleɛ ɛhye ɛnrɛyɛ kɛ mɔɔ me nee bɛ ze mɔ vi Yigyibiti ba la me nee bɛ yɛle la. Ɛnee mele kɛ kunli memaa bɛ, noko bɛanli me ngyekyeleɛ zɔhane azo.

Sɛlɛ 1:11

Ɔwɔ kɛ ɔku ye wɔ azukponle ne sɔlɔ wɔ Ɛdɛnkɛma anyunlu, na Aalɔn amra sɛlɛvolɛma ne to ye mogya ne gua azukponle ne anwo amuala yia.

Sɛlɛ 1:5

Akee ahenle ne ɛhu ɛnlankɛ ne wɔ Ɛdɛnkɛma anyunlu ɛkɛ na Aalɔn amra sɛlɛvolɛma ne ɛva mogya ne ɛmaa Ɛdɛnkɛma, na bɛdo bɛgua azukponle ne mɔɔ gyi Ɛdɛnkɛma Ndanlɛ Sua ne anlenkɛ ne anloa la anwo amuala.

Sɛlɛ 3:2

Ɔwɔ kɛ ɔfa ɔ sa ɔto nane ne ati zo, na ɔku ye wɔ Ɛdɛnkɛma Ndanlɛ Sua ne anyunlu. Aalɔn amra sɛlɛvolɛma ne bado ye mogya ne agua azukponle ne anwo amuala ayia.

Sɛlɛ 3:8

ɔva ɔ sa ɔdo nane ne ati zo, ɔhu ye wɔ Ɛdɛnkɛma Ndanlɛ Sua ne anyunlu. Aalɔn amra sɛlɛvolɛma ne mɔ bado ye mogya ne agua azukponle ne anwo amuala ayia.

Sɛlɛ 4:6

Akee ɔbava ɔ sa ɛrɛlɛsɛka yeabɔ mogya ne anu na yeakponde ye Ɛdɛnkɛma anyunlu ɛkɛ wɔ mgbɛnu ɛdanlɛ ne mɔɔ wɔ nwuanzanwuanza ɛleka ne la anyunlu fane nsuu.

1 Kɔl 11:25

Zɔhane ala yɛɛ mɔɔ bɛwiele aleɛ ne di la, ɔvale dwora ne, na ɔzele kɛ, “Dwora ɛhye a le Nyamenle Ngyekyeleɛ Fofolɛ ne mɔɔ bɛva me mogya ne bɛhye ɔ bo la. Kenle biala mɔɔ bɛlɛno nu la, bɛyɛ ye zɔhane bɛva bɛhakye me.”

Kɔlɔ 1:20

Ɛhye ati, ɔlua Ralɛ ne anwo zo, Nyamenle ɛbɔ kpɔkɛ kɛ ɔdie aleɛabo ninyɛne kɔsɔɔti mɔɔ wɔ anwuma nee aze la yeamaa ɔ nwo na yealua ɔ Ra ne ewule mɔɔ ɔwule meanubaka ne azo la azo ɔ nee bɛ ayɛ ko.

Kɛlata mɔɔ bɛhɛlɛle bɛhɔmanle Hibuluma la 12:24

Bɛra Gyisɛse, mɔɔ kyekyele Ngyekyeleɛ Fofolɛ ne abo, nee mogya ne mɔɔ bɛhwinle bɛguale na ɔtendɛ kpalɛ ɔkile yɛ ɔtɛla Ebulu ɛdeɛ ne la ɛkɛ.

Kɛlata mɔɔ bɛhɛlɛle bɛhɔmanle Hibuluma la 8:9

Ɔnrɛyɛ kɛ ngyekyeleɛ ne mɔɔ me nee bɛ nlenya mɔ kyekyele wɔ mekɛ mɔɔ menyele bɛ menvile Yigyibiti azɛlɛ zo la. Bɛanli nɔhalɛ wɔ zɔhane ngyekyeleɛ ne mɔɔ me nee bɛ kyekyele la anwo, yemɔti meandɛne bɛ zo, Medame Awulae a mese a.

Kɛlata mɔɔ bɛhɛlɛle bɛhɔmanle Hibuluma la 9:18

Ɛhye ati alumua ngyekyeleɛ ne bɛvale mogya a bɛhyele ɔ bo a.

Kɛlata mɔɔ bɛhɛlɛle bɛhɔmanle Hibuluma la 9:19

Mɔɔ Mosisi gengale mɛla ne amuala hilele menli ne na ɔwiele la, akee ɔvale ɛnlankɛ nee abɔnkye mogya ɔkpotole nzule nu, ɔvale nyinlanyinla nee boane kɔkɔlɛ ndɛkɛ ɔkyekyele na ɔvale ɔbɔle mogya ne anu ɔkpondenle Mɛla Buluku ne nee menli ne amuala anwo,

Kɛlata mɔɔ bɛhɛlɛle bɛhɔmanle Hibuluma la 9:21

Zɔhane ala yɛɛ Mosisi eza kpondenle mogya ne wɔ Ndanlɛ Sua ne nee ninyɛne mɔɔ bɛfa bɛyɛ ɛzonlenlɛ la anwo a.

1 Pit 1:19

bɛvale Gyisɛse, mɔɔ le boaneralɛ mɔɔ anwo ɛnlɛ dɛne biala la mogya ne mɔɔ sonle bolɛ la a bɛkpɔnenle bɛ a.

1 Pit 1:2

Nyamenle Selɛ ne luale ye bodane ne azo kpale nu yele bɛ na ɔluale ye Sunsum ne azo ɔyɛle bɛ menli mɔɔ anwo te la, kɛ bɛyɛ tieyɛ bɛmaa Gyisɛse Kelaese na ye mogya ne ade bɛ nwo. Nyamenle ɛlo bɛ na ɔmaa bɛ anzonudwolɛ molozo.