Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:2 - BAEBOLO ANZƐƐ BULUKU NWUANZANWUANZA

² Bɛmmadi menli dɔɔnwo anzi bɛyɛ ɛtane; yɛɛ bɛmmatoa menli ne dɔɔnwo ti bɛkyea nɔhalɛ nye wɔ bɛ daselɛlilɛ nu bɛsɛkye pɛlepɛlelilɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 19:4

Na mɔɔ ɔdwule mekɛ mɔɔ bɛkala la, Sodɔm suakpole ne azo mrenya ngakula nee mgbanyinli, bɛ muala kɔsɔɔti, ko bɔbɔ anga amozi, bɛrale bɛrabɛnrale bɛyiale sua ne mɔɔ bɛwɔ nu la.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 6:12

Na Nyamenle nwunle kɛ amgba, ɛtane ngome ɛyi ewiade ye, ɔluakɛ ɛnee awie biala bɔ ɛbɛla ɛtane biala mɔɔ ɔdaye ɔkulo la.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 7:1

Ɛdɛnkɛma zele Nowa kɛ, “Ɛ nee wɔ sua nu amra amuala bɛvo ɛlɛne ne anu, ɔluakɛ menwu kɛ ɛ ngomekye ala a ɛdi pɛlepɛle wɔ ewiade ye amuala anu a.

1 Arl 19:10

Ɔbuale kɛ, “Melɛtwe ɛdawɔ Tumivolɛ Ɛdɛnkɛma Nyamenle ɛ ti nungule, ɔluakɛ Yizilayɛma ɛgyakyi wɔ edwɛkɛ ne anzi ɛlilɛ, bɛbubu wɔ azukponle ne mɔ, na bɛhu wɔ kpɔmanvolɛma ne mɔ amuala; me ngomekye ala yɛɛ meha a, yɛɛ eza bɛlɛkpondɛ medame noko bɛahu me.”

Dwobu Buluku ne 31:34

kɛmɔ ɛnee mesulo menli pemgbenleamgbe ne, na menzulole kɛ mbusua ɛnrɛbu me la ati, menyɛle koonwu, meanvinde alie nwo a.

Edwɛndolɛ Buluku ne 72:2

Maa ɔva tenleneyɛlɛ ɔbua ye menli ne ndɛne, na ɔva pɛlepɛle ɔbua ehyianvolɛma ndɛne.

Mrɛlɛbulɛ Buluku ne 1:15

me ra nrenya, ɛ nee bɛ mmatu fee,

Mrɛlɛbulɛ Buluku ne 18:5

Ɔnle kpalɛ kɛ bɛkɛhyea bɛ nzo bɛkɛli sonla mɔɔ le amumuyɛ la edwɛkɛ anzɛɛ bɛkɛbua sonla mɔɔ le tenlene la mgbɔvodɛne.

Mrɛlɛbulɛ Buluku ne 4:14

Mmafa amumuyɛma adenle nu, yɛɛ mmafa ɛtanema adenle nu.

Gyɛlɛmaya Buluku ne 37:15

Mgbanyima ne mɔ vale Gyɛlɛmaya anwo ɛya kpole na bɛmanle bɛbole ye na bɛdole ye efiade wɔ kɛlɛhɛlɛvolɛ Dwɔnatan sua nu mɔɔ bɛva ɛkɛ ne bɛyɛ ɛleka mɔɔ bɛgua menli efiade la.

Gyɛlɛmaya Buluku ne 37:21

Yemɔti Belemgbunli Zɛdikaya manle bɛyele Gyɛlɛmaya bɛhɔdole suakunlu sinzavolɛma ne anwo ɛkɛ ne. Kenle ko biala bɛdie kpanwo kunguma ko wɔ menli mɔɔ to kpanwo la ɛkɛ ne bɛbɛlɛ ye. Bɛlɛ ye zɔhane toonwo ɔhɔkpulale mekɛ mɔɔ suakpole ne azo kpanwo kɔsɔɔti wiele la. Yemɔti Gyɛlɛmaya hale suakunlu sinzavolɛma ne mɔ anwo ɛkɛ.

Gyɛlɛmaya Buluku ne 38:9

“Nana, nea ɛtane kokye mɔɔ menli ɛhye mɔ ɛyɛ la. Bɛdwula Nyamenle Kpɔmanvolɛ Gyɛlɛmaya bula ne anu. Ɛhɔne bamaa yeawu ɛkɛ, ɔluakɛ aleɛ fee ɛnle suakpole ye azo.”

Yizikeɛle Buluku ne 9:9

Na Nyamenle zele me kɛ, “Yizilayɛma nee Dwudama ɛtane ne akee ɛbo zolɛ. Mogya ɛva azɛlɛ ne, yɛɛ nzisi ɛva suakpole ye, ɔluakɛ bɛ edwɛkɛ a le kɛ, ‘Ɛdɛnkɛma arɛle ɛvi maanle ne, yɛɛ ɔnnwu ɛhwee.’

Sɛlɛ 19:15

“Ɔnle kɛ bɛbua mgbɔvodɛne. Ɔnle kɛ bɛbua bɛtia ehyianli na bɛbua bɛmaa sonlakpole. Bɛbua bɛ gɔnwo mɔ ndɛne wɔ adenle kpalɛ nu.

Hagae Buluku ne 1:4

“Na se mekɛ ɛdwu ɛdeɛ, mɔɔ ɔwɔ kɛ bɛmɛ bɛda azua nu, na bɛgyakyi Nyamenle Sua ne bɛmaa ɔyɛ ewula a?

Edwɛkpa ne kɛmɔ Maake hɛlɛle la 15:15

Paelɛte nyianle adwenle kɛ ɔyɛ mɔɔ menli dɔɔnwo ne kpondɛ la. Yemɔti ɔyele Balabase ɔmanle bɛ. Na akee ɔmanle bɛbilale Gyisɛse empele, na ɔvale ye ɔwulale sogyama ne mɔ asa anu kɛ bɛhɔbɔ ye meanubaka nu.

Ɛzoanvolɛma Gyima ne 24:27

Mɔɔ ɛvolɛ nwiɔ pɛle nu la, Pɔseɛse Fɛsetɛse ralile amɛnlado Filekese agyakɛ anu. Na kɛmɔ ɛnee Filekese kulo kɛ ɔnyia ɔ nyunlu wɔ Dwuuma anyunlu la ati, ɔmanle Pɔɔlo hale efiade ne.

Ɛzoanvolɛma Gyima ne 25:9

Na kɛmɔ Fɛsetɛse kpondɛ ɔ nyunlu wɔ Dwuuma anyunlu la ati, ɔbizale Pɔɔlo kɛ, “Ɛkɛhulo kɛ ɛkɛhɔ Gyɛlusalɛm na ɛkɔhɔye ɛzonledonlɛ ɛhye mɔ anloa wɔ me nyunlu ɔ?”

Wulo 1:32

Bɛze noko kɛ Nyamenle mɛla ne kile kɛ bɛdabɛ mɔɔ bɛbɔ ɛbɛla zɛhae mɔ la fɛta ewule, noko bɛyɛ, yɛɛ bɛsi awie mɔ adua bɛmaa bɛyɛ bie.

Mɛla 1:17

Bɛmmakyea bɛ nzo bɛdi edwɛkɛ anzɛɛ bɛmmadi bɛkɔ afoa. Bɛdie ahoahweabane nee mgbolema kɔsɔɔti na bɛli bɛ edwɛkɛ bɛmaa bɛ. Bɛmmasulo sonla yɛɛ bɛmmanea awie biala anyunlu, ɔluakɛ Nyamenle ɔdaye a ɔbabua ndɛne ne a. Edwɛkɛ biala mɔɔ kɛyɛ se kɛmaa bɛ, na bɛnrɛhola ye di la, bɛva bɛrɛlɛ me na menwɔli.’

Mɛla 16:19

Bɛmmadi mɔguazo, bɛmmanea sonla nyunlu yɛɛ bɛmmadie ndoloboa, ɔluakɛ ndoloboa ɛlielɛ si nrɛlɛbɛvolɛ bɔbɔ anye na ɔsɛkye mɔɔ di pɛlepɛle la adenle ɔmaa ɔbua mgbɔvodɛne.

Mɛla 24:17

“Ɔnle kɛ bɛnea ɛyɛvolɛ anzɛɛ arisa nyunlu bɛbua ye mgbɔvodɛne. Eza ɔnle kɛ bɛdie kunlanvolɛ raalɛ ɛdanlɛ bɛsie awoba.

Dwɔhyua Buluku ne 24:15

Saa bɛ kunlu ɛndwo kɛ bɛkɛzonle ye a, ɛnee ɛnɛ demua ye, bɛhile mɔɔ bɛkɛzonle ye la, awozonle ne mɔ mɔɔ bɛ nlenya mɔ zonlenle bɛ wɔ Mɛsɔpɔteemea la anzɛɛ saa Amɔlema mɔɔ bɛ azɛlɛ zo a bɛde la awozonle ne mɔ a. Na mame, me nee me sua nu amra, yɛbazonle Ɛdɛnkɛma.”

1 Sam 15:24

Sɔɔlo zele kɛ, “Meyɛ ɛtane, ɔluakɛ mebulu Ɛdɛnkɛma mɛla ne azo yɛɛ meandie ɛ ne, ɔboalekɛ menzulole menli ne na mendiele bɛmɛ.

1 Sam 15:9

Na Sɔɔlo nee ye menli ne angu Egage, bɛangu mboane kpalɛ ne mɔɔ ɛlɔ la, nlankɛ kpalɛ nee mboane mralɛ ne mɔ, yɛɛ debie biala mɔɔ le kpalɛ la, bɛanzɛkye ye. Ninyɛne mɔɔ ɛnzonle bolɛ la angome a bɛzɛkyele bɛ a.