Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:5 - BAEBOLO ANZƐƐ BULUKU NWUANZANWUANZA

⁵ Bɛmmabɔ bɛ ti aze bɛmaa bɛ anzɛɛ bɛmmasonle bɛ. Ɔluakɛ medame Ɛdɛnkɛma bɛ Nyamenle ne, mele nungule Nyamenle. Mefa bɛ ze mɔ ɛtane ne mɔ anwo ndeanlɛ metea bɛdabɛ mɔɔ bɛkpɔ me la toonwo ɔkɔdwu awolɛndoazo nsa ne nee nna ne azo,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:5 ပူးပေါင်းရင်းမြစ်များ

2 Sam 21:1

Belemgbunli Devidi mekɛ zo, ɛhɔne kpole bie rale toonwo ɛvolɛ nsa. Devidi bizale Ɛdɛnkɛma nwolɛ bie. Na Ɛdɛnkɛma zele ye kɛ, “Sɔɔlo nee ye abusua ne di fɔlɛ kɛ bɛha mogya bɛgua a, ɔboalekɛ bɛhunle Gebɛyɔnoma dɔɔnwo somaa.”

2 Sam 21:6

yemɔ yɛɛ bɛye ɔ bo zo amra mrenya ne mɔ anu nsuu bɛmaa yɛ bɛmaa yɛbɔ bɛ akɔnvo wɔ Ɛdɛnkɛma anyunlu wɔ Sɔɔlo mɔɔ Ɛdɛnkɛma ziele ye belemgbunli la sua zo Gebɛya a.” Belemgbunli ne buale kɛ, “Menwɔva menwɔmaa bɛ.”

1 Arl 19:10

Ɔbuale kɛ, “Melɛtwe ɛdawɔ Tumivolɛ Ɛdɛnkɛma Nyamenle ɛ ti nungule, ɔluakɛ Yizilayɛma ɛgyakyi wɔ edwɛkɛ ne anzi ɛlilɛ, bɛbubu wɔ azukponle ne mɔ, na bɛhu wɔ kpɔmanvolɛma ne mɔ amuala; me ngomekye ala yɛɛ meha a, yɛɛ eza bɛlɛkpondɛ medame noko bɛahu me.”

1 Arl 21:29

“Wɔnwu kɛ Ehabe ɛzi ɛdo ɔ nwo aze bɛtɛɛ ɛmaa me la ɔ? Kɛmɔ yevu ɔ nwo la, me nee ye ɛnrɛli kɛkala wɔ ye mekɛ zo; kenle bie, wɔ ɔ ra ne mekɛ zo yɛɛ mebabɔ ye awuke ne a.”

2 Arl 17:35

Ɛdɛnkɛma nee bɛ yɛle ngyekyeleɛ na ɔzele bɛ kɛ, “Bɛmmasonle awozonle biala, bɛmmabɔ bɛ ti aze bɛmaa bɛ, anzɛɛ bɛkoto bɛ, anzɛɛ bɛbɔ azu bɛmaa bɛ.

2 Arl 17:41

Yemɔti menli zɔhane zonlenle mmonle, na ɛnɛ nee ɛnɛ ala bɛ bo zo amra tɛyɛ zɔhane debie ko ne ala.

2 Arl 23:26

Noko akee Belemgbunli Manasɛ ɛtane mɔɔ yɛle tiale Ɛdɛnkɛma la ati Ɛdɛnkɛma vale Dwuda anwo ɛya kpole, na ɛya zɔhane ɛtɛdwole.

2 Arl 5:18

Na ɛhye yɛɛ mesɛlɛ Ɛdɛnkɛma a, saa me nee me belemgbunli ne yɛkɔ Selea bozonle Rileemɔn amonle sua ne anu na mebɔ me ti aze mesonle ye bie a, ɔva ɔhyɛ me.”

2 Arl 5:27

Zɔhane ati Neeman kokobɛ ne badila wɔ nee ɛ bo zo amra dahuu.” Gɛheezae vindele la ɛnee kokobɛ ne ɛdila ye, ɔ nwo ɛyɛ nzelabenle.

2 Edk 25:14

Amazaya lile Yidɔmma anwo zo konim na ɔziale ɔrale la, ɔziele Yidɔm mmonle mɔɔ ɔsesale ɔrale la aze kɛ ɔdaye Amazaya ye mmonle ɔ, na ɔzonlenle bɛ, ɔbɔle azu ɔmanle bɛ.

2 Edk 7:19

Na saa ɛdawɔ nee wɔ menli ne bɛanli me mɛla ne mɔ mɔɔ meva memaa bɛ la azo, na bɛsonle nyamenle gyɛne gyɛne a,

Dwobu Buluku ne 21:19

“Wɔmɔ ɛse, ‘Nyamenle fa bɛ ɛtane ne mɔ tea bɛ mra.’ Maa ɔdua bɛdabɛ mumua ne kakɛ, amaa bɛanwu ye.

Dwobu Buluku ne 5:4

Ɔ mra nee munzule avinli anwa, bɛku bɛ wɔ anlenkɛ kpole ne anloa, bɛnlɛ dievolɛ biala.

Edwɛndolɛ Buluku ne 109:14

Ɛdɛnkɛma, kakye ɔ ze mɔ ninyɛndane ne mɔ, yɛɛ mmafa ɔ nli ɛtane ne mɔ ɛkyɛ ye.

Edwɛndolɛ Buluku ne 78:58

Bɛvale bɛ ɛleka mɔɔ bɛsonle la bɛhanle ye ɛya; bɛvale bɛ ananze mɔɔ bɛguale la bɛfutule ye ahonle.

Edwɛndolɛ Buluku ne 79:8

Mmatea yɛ wɔ yɛ nlenya mɔ ɛtane ne mɔ ati; maa wɔ anwunvɔnezelɛ ne ɛrɛla yɛ nwo zo ndɛndɛ, ɔluakɛ yɛ anyelazo ɛwie.

Edwɛndolɛ Buluku ne 81:15

Bɛdabɛ mɔɔ bɛkyi Ɛdɛnkɛma la baradane ye, bɛ ndeanlɛ bo ɛnrɛdu ɛlɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:24

bɛmmabɔ bɛ ti aze bɛmaa bɛ nyamenle ne mɔ yɛɛ bɛmmasonle bɛ, anzɛɛ bɛmmayɛ bɛ ɛzonlenlɛ ne mɔ bie. Bɛzɛkye bɛ na bɛbubu bɛ ɛzonlenlɛ mpila ne mɔ dwɔkɔdwɔkɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:14

“Ɔnle kɛ ɛsonle nyamenle gyɛne biala, ɔluakɛ medame Ɛdɛnkɛma mɔɔ me duma a le Nungule la, mele Nyamenle mɔɔ twe nungule a.

Mrɛlɛbulɛ Buluku ne 8:36

na mɔɔ asa kɛhoati me la baboda; bɛdabɛ mɔɔ bɛkyi me la amuala kulo ewule.”

Ayezaya Buluku ne 44:15

Akee ɔfa bie ɔyɛ ɛyɛne ɔwuda ɔmaa ɔbɔ ɔ nwo wuluwulu, ɔfa bie ɔwuda senle ɔto kpanwo ɔdi, na eza yeava bie yeayɛ ye nyamenle yeazonle ye. Ɔfa baka ne ɔyɛ ananze na yeabɔ ɔ ti aze yeamaa ye.

Ayezaya Buluku ne 44:19

Biala ɛndwenle, yɛɛ bɛnlɛ adwenle anzɛɛ bɛnnwu nrɛlɛbɛ bɛnga kɛ, “Baka ye foa ko a meyela ye senle nu, meva medo kpanwo, medondo fɛlɛ anzɛɛ nane meli la; na duzu ati a akee menwɔva sinli ne mɔɔ ɛha la menwɔyɛ bɛkyi debie ɛ? Asoo membɔ me ti aze memaa baka sinli?”

Gyɛlɛmaya Buluku ne 2:9

“Yemɔti, medame Ɛdɛnkɛma, mese me nee bɛ ɛnyia ye, yɛɛ me nee bɛ bo zo amra banyia ye.

Gyɛlɛmaya Buluku ne 32:18

Debie biala ɛnyɛ se ɛmmaa wɔ, yɛɛ ɛkile wɔ ɛhulolɛ kpundii ne ɛkile menli pemgbenleamgbe, na ɛtea menli wɔ bɛ ze mɔ ɛtane ti. O Nyamenle Bedevinli mɔɔ ɛle kpole, mɔɔ wɔ duma a le Tumivolɛ Ɛdɛnkɛma la,

Yizikeɛle Buluku ne 18:19

“Noko bɛmɛ bɛbiza kɛ, ‘Duzu ati a ɔnle kɛ ralɛ nrenya nwu amaneɛ wɔ ɔ ze ɛtane ne mɔ mɔɔ ɔkɛyɛ la anwo ɛ?’ Suzuamgba ala mɔɔ ralɛ nrenya ne ɛyɛ mɔɔ le kpalɛ na ɔkɔ mɛla nu, na yenlea boɛ yeli me mɛla ne mɔ azo la, ɔwɔ kɛ ɔnyia ngoane.

Yizikeɛle Buluku ne 18:2

“Ɛrɛlɛ ɛhye mɔɔ Yizilayɛma ta bu la abo a le duzu? ‘Nenya mɔ ɛli vanye ma nyinyianlera ɛmaa nlɔnra gye ɛnyia.’ ”

Yizikeɛle Buluku ne 20:7

Na menganle mengilele bɛ kɛ, bɛvuandi ninyɛne ɛtane ɛtane ne mɔ mɔɔ mekyi na bɛva bɛ nye bɛzie nwolɛ la bɛgua, bɛmmasonle Yigyibiti awozonle ne mɔ bie bɛgua bɛ nwo evinli, ɔboalekɛ medame a mele Ɛdɛnkɛma bɛ Nyamenle ne a.

Yizikeɛle Buluku ne 39:25

Awulae Nyamenle ne se, “Na kɛkala mebamaa Gyekɔbo abo zo amra akpazi bieko kɛ bɛ dɛba ne la. Mebanwu Yizilayɛma kɔsɔɔti anwunvɔne, yɛɛ mebanlea me duma nwuanzanwuanza ne boɛ.

Yizikeɛle Buluku ne 8:3

Ɔdenrɛle debie bie mɔɔ le kɛ ɛsalɛ la ɔzɔle me ti enrinli; na Nyamenle Sunsum ne manle me zo anwomanyunlu na ɔvale me wɔ ɛnyelɛzodeɛnwunlɛ nu ɔrale Gyɛlusalɛm, wɔ Ɛzonlenlɛ Sua ne akunlu anlenkɛ ne mɔɔ di kɔ ɛbɔ nu la anloa, ɛleka mɔɔ bɛzie amonle bie, mɔɔ ka Nyamenle ɛya la.

Daneɛle Buluku ne 1:2

Na Awulae yele Belemgbunli Gyɛhɔyakem manle Nɛbukadenɛza lile ɔ nwo zo konim na ɔsesale Ɛzonlenlɛ Sua ne anu ninyɛne ne mɔ bie ɔhɔle. Ɔvale ninyɛne ne mɔ ɔhɔle Hyaenaa na ɔhɔguale bɛ ye bozonle ne abo.

Daneɛle Buluku ne 3:18

Saa yeanlie yɛ bɔbɔ a yɛka ye wienyi kɛ yɛnrɛzonle wɔ awozonle ne mɔ, yɛɛ yɛnrɛdu yɛnrɛgua wɔ ezukoa nvutuke ananze ne mɔɔ wɔzie la anyunlu.”

Sɛlɛ 20:5

mebava me nye meazie ahenle nee ye mbusuafoɔ anyunlu, na meaye bɛ nee bɛdabɛ mɔɔ bɛdoale ye bɛhɔbɔle tuutuu ɛbɛla mgbane ne wɔ bozonle Molɛke abo la amuala meavi bɛ menli avinli.

Sɛlɛ 26:1

Ɛdɛnkɛma zele Mosisi kɛ, “Bɛmmayɛ mmonle nee ananze yɛɛ bɛmmasi mpila biala, yɛɛ bɛmmase bolɛ bɛsie ye bɛ azɛlɛ ne azo kɛ bɛbɔ bɛ ti aze bɛamaa bɛ, ɔluakɛ medame a mele Ɛdɛnkɛma bɛ Nyamenle ne a.

Sɛlɛ 26:29

Mebamaa bɛali bɛ mra mrenya nee mraalɛ nwonane.

Nahum Buluku ne 1:2

Ɛdɛnkɛma le Nyamenle mɔɔ twe nungule, ɔdi nzenralɛ a; Ɛdɛnkɛma di nzenralɛ yɛɛ ɔfa ɛya; Ɛdɛnkɛma di ye kpɔvolɛma nzenralɛ, yɛɛ ye ɛya wɔ bɛ nwo zo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:18

‘Medame Ɛdɛnkɛma, menva ɛya mgbane mgbane, melɛ ɛhulolɛ kpole, na mefa ɛtane nee mɛladonlɛ mekyɛ. Noko menrɛbu me nye menrɛgua zolɛ kɛ menwɔdea mralɛ nee nlɔnra toonwo ɔkɛdwu awolɛndoazo nsa nee nna ne anwo zo wɔ bɛ ze mɔ ɛtane ne mɔ ati,’ la azo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:33

Bɛ mra bahakyi mboaneneavolɛma, bɛaluolua fienemgbole ye anu toonwo ɛvolɛ abulanla. Nɔhalɛ mɔɔ bɛanli la ati, bɛbanwu amaneɛ toonwo kɔkpula kɛ bɛ bo kɛdu bɔkɔɔ la.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 25:11

“Ɔlua mɔɔ Sɛlɛvolɛ Aalɔn ara Ɛlieza ara Fenɛhaze ɛyɛ la ati, megyakyi Yizilayɛma anwo ɛya ne mɔɔ menvale la anu. Ɔliele me ti nungule ɔhwenle, yemɔti a meambɔ Yizilayɛma abo zo wɔ me ɛyavalɛ nu a.

Edwɛkpa ne kɛmɔ Mateyu hɛlɛle la 4:9

na ɔzele ye kɛ, “Saa ɛkoto me, ɛsonle me a, menwɔva ɛhye mɔ amuala menwɔmaa wɔ.”

Dw 15:18

“Bɛhakye kɛ saa ɛtane ewiade ye kpɔ bɛ a, ɛnee bɛnwu ye kɛ yelumua yekpɔ me.

Dw 7:7

Ɛtane ewiade ye ɛmkpɔ bɛ, na mame, ɔkpɔ me, ɔluakɛ meka mekile ye dahuu kɛ ye ndenle ne mɔ ɛnle kpalɛ.

Dw 9:2

Ye ɛdoavolɛma ne bizale ye kɛ, “Kilehilevolɛ, nwane ɛtane ti a bɛwole nrenya ɛhye anyenzinliravolɛ a? Ɔdaye mumua ne ye ɛtane ti anzɛɛ ye awovolɛ ɛtane ti ɔ?”

Wulo 1:30

bɛka bɛ gɔnwo mɔ anwo edwɛkɛ ɛtane ɛtane, bɛkyi Nyamenle, bɛtu bɛ nwo, bɛyɛ mgbanyizonle, bɛkile bɛ nwo, bɛboɔboa bɛdwenle ɛtane nwo bɛyɛ, yɛɛ bɛndie bɛ awovolɛma;

Wulo 8:7

Yemɔti mɔɔ maa nwonane nu adwenleadwenle keda ɔ nwo zo la le Nyamenle kpɔvolɛ; ɔluakɛ ɔnli Nyamenle mɛla ne azo, yɛɛ ɔdi zo bɔbɔ a ɔnrɛyɛ boɛ;

1 Kɔl 10:22

Yɛkulo kɛ yɛka Nyamenle ɛya ɔ? Yɛdwenle kɛ yɛ nwo yɛ se tɛla ye ɔ?

Mɛla 32:21

Bɛva debie mɔɔ ɛnle nyamenle la bɛha me ɛya, bɛva bɛ mmonle bɛfutu me ahonle. Yemɔti medame mebava menli mɔɔ ɛndo ɛhwee la meaha bɛ ɛya; mebava maanle kɔnwɔne bie meaha bɛ ɛya.

Mɛla 32:41

saa mesi me konle dadeɛ memeamemea ne, na mese kɛ mebua ndɛne a, mebali me kpɔvolɛma ne nzenralɛ, na meadua menli mɔɔ kpɔ me la kakɛ.

Mɛla 4:24

Ɔluakɛ Ɛdɛnkɛma bɛ Nyamenle ne le sendɔlɔra. Ɔle Nyamenle mɔɔ twe nungule.

Mɛla 5:10

na mekile me ɛhulolɛ kpundii ne wɔ apenle apenle mɔɔ kulo me na bɛdi me mɛla ne mɔ azo la anwo zo.

Mɛla 5:9

Bɛmmabɔ bɛ ti aze bɛmaa bɛ anzɛɛ bɛsonle bɛ, ɔluakɛ medame Ɛdɛnkɛma bɛ Nyamenle, mele Nyamenle mɔɔ twe nungule a, na mefa selɛma mɔɔ kyi me la amumuyɛ nwo ndeanlɛ metea bɛ mra kɔdwu awolɛndoazo nsa nee nna ne azo,

Mɛla 6:15

ɔluakɛ Ɛdɛnkɛma bɛ Nyamenle ne mɔɔ wɔ bɛ avinli la le Nyamenle mɔɔ twe nungule a. Saa bɛyɛ ye zɔhane a, Ɛdɛnkɛma bɛ Nyamenle ne bava bɛ nwo ɛya na yeazɛkye bɛ, yeaminli bɛ bo zo bɔkɔɔ wɔ azɛlɛ ye azo.

Mɛla 7:10

na ɔtea bɛdabɛ mɔɔ bɛkyi ye la, ɔbɔ bɛ bo zo bɔkɔɔ. Awie biala mɔɔ kyi ye la ɔnrɛva ɔnrɛhyɛ ye, ɔbadea ye kpalɛ.

Gyemise Kɛlata ne 4:4

Boniayɛma! Bɛnze kɛ saa bɛ nee ewiade tila agɔnwolɛ a ɛnee bɛyɛ Nyamenle agbɔvolɛ ɔ? Sonla mɔɔ fa ewiade ye agɔnwolɛ la kile kɛ ɔle Nyamenle kpɔvolɛ.

Dwɔhyua Buluku ne 23:16

Saa bɛanli mɛla ne mɔɔ Ɛdɛnkɛma bɛ Nyamenle ne ɛva ɛmaa bɛ la azo, na bɛsonle anzɛɛ bɛyeyɛ awozonle a, yemɔ, ɔbava ɛya na yeadea bɛ. Na bɛ nuhua ko bɔbɔ ɛnrɛha azɛlɛ kɛnlɛma ye mɔɔ yeva yemaa bɛ la azo.”

Dwɔhyua Buluku ne 23:7

Akee menli ɛhye mɔ mɔɔ de bɛ avinli la, bɛ nee bɛ mmatu fane biala, bɛmmabɔ bɛ awozonle ne mɔ aluma, bɛmmafa bɛ bɛka ndane, bɛmmasonle bɛ yɛɛ bɛmmabɔ bɛ ti aze bɛmaa bɛ.

Dwɔhyua Buluku ne 24:19

Dwɔhyua zele menli ne mɔ kɛ, “Bɛnrɛhola Ɛdɛnkɛma sonle! Ɔle Nyamenle Nwuanzanwuanza yɛɛ ɔnrɛva bɛ ɛtane ɔnrɛhyɛ bɛ. Ɔngulo ahola ɛzilɛ,

Maanlebuvolɛma Buluku ne 2:19

Noko mekɛ biala mɔɔ ahenle mɔɔ li bɛ ti la kɛwu la, ɛnee bɛzia bɛ nzi bɛlɛbɔ bɛ munzule ɛbɛla ne bieko, na bɛyɛ bɔbɔ bɛmaa ɔtɛla dɛba ne mɔɔ bɛ ze mɔ yɛle la. Bɛtoɔdoa nyamenle gyɛne gyɛne, bɛsonle bɛ, na bɛbɔ bɛ ti aze bɛmaa bɛ. Bɛangyakyi bɛ ninyɛndane nee anzosesebɛ ne mɔ ɛyɛlɛ.