Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:3 - BAEBOLO ANZƐƐ BULUKU NWUANZANWUANZA

³ “Bɛmmasonle nyamenle gyɛne biala kɛ me ngome ala.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:3 ပူးပေါင်းရင်းမြစ်များ

1 Arl 11:4

Sɔlɔmɔn yɛle kpanyinli bɔkɔɔ la ye mraalɛ ne mɔ hakyile ye adwenle manle ɔzonlenle maanle zo awozonle. Yeanli nɔhalɛ yeammaa Ɛdɛnkɛma ye Nyamenle ne, kɛmɔ ɔ ze Devidi yɛle la.

Edwɛndolɛ Buluku ne 29:2

Bɛye Ɛdɛnkɛma anyunlunyia duma ne ayɛlɛ; bɛva nwuanzanwuanzayɛlɛ bɛzonle Ɛdɛnkɛma.

Edwɛndolɛ Buluku ne 73:25

Menlɛ awie wɔ anwuma kɛ ɛdawɔ, yɛɛ memkpondɛ ɛhwee wɔ ewiade kɛ wɔmɔ.

Edwɛndolɛ Buluku ne 81:10

Medame a mele Ɛdɛnkɛma bɛ Nyamenle ne, mɔɔ yele bɛ vile Yigyibiti azɛlɛ zo rale la. Bɛbuke bɛ nloa kpalɛ, na menwɔmaa bɛ aleɛ.

Edwɛndolɛ Buluku ne 81:9

Ɔnle kɛ bɛnyia nyamenle gyɛne biala bɛ avinli; bɛmmabɔ bɛ ti aze bɛmaa nyamenle gyɛne biala.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:11

“O Ɛdɛnkɛma, nwane a le kɛ ɛdawɔ wɔ awozonle avinli a? Nwane a le kɛ wɔmɔ, mɔɔ le kpole wɔ nwuanzanwuanzayɛlɛ nu, ye ayɛlɛyelɛ le kpole na ɔyɛ nwanwane ninyɛne a?

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:23

Bɛmmafa dwɛtɛ fufule bɛyɛ awozonle bɛboka me nwo, anzɛɛ bɛmmafa ezukoa nvutuke bɛyɛ awozonle bɛmaa bɛ nwo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 22:19

“Bɛhu nrenya biala mɔɔ nee nane kɛla la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:24

bɛmmabɔ bɛ ti aze bɛmaa bɛ nyamenle ne mɔ yɛɛ bɛmmasonle bɛ, anzɛɛ bɛmmayɛ bɛ ɛzonlenlɛ ne mɔ bie. Bɛzɛkye bɛ na bɛbubu bɛ ɛzonlenlɛ mpila ne mɔ dwɔkɔdwɔkɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:8

Adenle ne mɔɔ mengilele bɛ kɛ bɛlua nu la, bɛanlua nuhua; bɛgua ɛnlankɛ nyinli ananze na bɛzonle ye, bɛbɔ azu bɛmaa ye na bɛha kɛ, ‘O Yizilayɛ, yɛ nyamenle ne mɔɔ yele yɛ vile Yigyibiti azɛlɛ zo la, yemɔ ɛne!’

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:14

“Ɔnle kɛ ɛsonle nyamenle gyɛne biala, ɔluakɛ medame Ɛdɛnkɛma mɔɔ me duma a le Nungule la, mele Nyamenle mɔɔ twe nungule a.

Ayezaya Buluku ne 26:4

Fa ɛ rɛle wula Ɛdɛnkɛma anu dahuu, ɔluakɛ Ɛdɛnkɛma Nyamenle ne le damɛnlangoate bodane.

Ayezaya Buluku ne 42:8

“Medame a mele Ɛdɛnkɛma a, me duma ɛne! Menva me anyunlunyia memmaa awie, yɛɛ menva me ayɛlɛyelɛ memmaa ananze mɔɔ bɛgua.

Ayezaya Buluku ne 43:10

Ɛdɛnkɛma se, “Bɛmɛ Yizilayɛma, bɛle me alasevolɛ nee me sonvolɛma mɔɔ mekpa nu meye bɛ, amaa bɛanwu ye na bɛalie me bɛali, na bɛade ɔ bo kɛ medame a mele Nyamenle a. Ɛye me a, nyamenle biala ɛnle ɛkɛ mɔɔ li me nyunlu, yɛɛ bie vi me nzi ɛnrɛra.

Ayezaya Buluku ne 44:8

Bɛmmasulo yɛɛ bɛmmamaa ɛzulolɛ ka bɛ; meha mehile bɛ dɛba yɛɛ meva medo gua. Bɛmɛ a bɛle me alasevolɛ a! Asoo ɛye me a nyamenle bieko wɔ ɛkɛ ɔ? Pepɛdievolɛ biala ɛnle ɛkɛ kɛ medame; menze bie memboka me nwo.”

Ayezaya Buluku ne 46:9

Bɛhakye alumua ninyɛne mɔɔ zile dɛba ne la; ɔluakɛ medame a mele Nyamenle a, bieko ɛnle ɛkɛ. Medame a mele Nyamenle a, bieko ɛnle ɛkɛ mɔɔ le kɛ medame.

Gyɛlɛmaya Buluku ne 25:6

Bɛmmadi nyamenle gyɛne gyɛne nzi, bɛyeyɛ bɛ, bɛsonle bɛ, yɛɛ bɛmmafa bɛ sa anloa adwinli bɛka me ɛya. Na saa bɛanyɛ ɛhye mɔ a, mebamaa bɛ nwo adɔ bɛ.

Gyɛlɛmaya Buluku ne 35:15

Mezoa me sonvolɛma, Nyamenle kpɔmanvolɛma bɛ nwo mekɛ dɔɔnwo kɛ bɛraze bɛ kɛ, ‘Bɛgyakyi nyɛleɛ ɛtane ɛtane ne mɔ; awie biala ɛhakyi ye subane. Bɛmmakɔdi nyamenle gyɛne gyɛne nzi bɛsonle bɛ, na bɛkɛdɛnla azɛlɛ ne mɔɔ menvale memanle bɛ nee bɛ ze mɔ la azo.’ Noko bɛandie me ne.

Gyɛlɛmaya Buluku ne 7:9

Bɛwua, bɛku menli, bɛto awuvolɛvalɛ mɛla ne, bɛdi amonle bɛbɔ adalɛ, bɛkpu ɛyɛlɛ bɛmaa bozonle Beeyale, bɛsonle nyamenle gyɛne gyɛne mɔɔ bɛnze bɛ la,

Daneɛle Buluku ne 3:18

Saa yeanlie yɛ bɔbɔ a yɛka ye wienyi kɛ yɛnrɛzonle wɔ awozonle ne mɔ, yɛɛ yɛnrɛdu yɛnrɛgua wɔ ezukoa nvutuke ananze ne mɔɔ wɔzie la anyunlu.”

Hozia Buluku ne 13:4

Ɛdɛnkɛma se, “Medame a mele Ɛdɛnkɛma bɛ Nyamenle ne mɔɔ yele bɛ vile Yigyibiti la. Bɛnlɛ Nyamenle biala kɛ medame ala. Bɛye me a bɛnlɛ dievolɛ biala.

Edwɛkpa ne kɛmɔ Mateyu hɛlɛle la 4:10

Gyisɛse buale kɛ, “Seetan, dwazo ɛkɛ ne kɔ! Ɔluakɛ bɛhɛlɛ kɛ, ‘Yeyɛ Awulae wɔ Nyamenle ne na sonle ɔdaye ɔ ngome ala!’ ”

1 Kɔl 8:4

Zɔhane ati, mɔɔ fane aleɛ mɔɔ bɛva bɛzɔ amonle la ɛlilɛ nwo, yɛze kɛ amonle ɛnle debie biala, yɛɛ nyamenle biala ɛnle ɛkɛ ne kɛ Nyamenle kokye ne ala.

1 Kɔl 8:6

yɛmɛ yɛze Nyamenle kokye ne ala, yemɔ a le Selɛ ne mɔɔ bɔle ninyɛne kɔsɔɔti na yɛde aze yɛmaa ye la; yɛɛ Awulae ko, Gyisɛse Kelaese, mɔɔ ɔlua ɔ nwo zo a bɛbɔle ninyɛne kɔsɔɔti na ɔlua ɔ nwo zo yɛde aze la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:5

Bɛde ɛhye abo kpalɛ, awie biala mɔɔ bɔ adwɔmane anzɛɛ ye ɛbɛla nwo ɛnde anzɛɛ ɔle anyebolo (anyebolo le awozonlezonlenlɛ) la ɛnrɛnyia agyadeɛ wɔ Kelaese nee Nyamenle Belemgbunlililɛ ne anu.

Mɛla 5:7

“ ‘Bɛmmanyia nyamenle biala kɛ medame me ngome ala.

Mɛla 6:14

Bɛmmakɔdi awozonle nzi na bɛsonle menli mɔɔ ɛbɔ ɛyia bɛ la nyamenle ne mɔ,

Mɛla 6:5

Bɛva bɛ ahonle muala, bɛ ɛkɛla muala, nee bɛ anwosesebɛ muala bɛhulo Ɛdɛnkɛma bɛ Nyamenle ne.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:19

Menli ɛhye mɔ, bɛ awieleɛ a le kɛ Nyamenle bazɛkye bɛ, ɔluakɛ bɛ nyamenle a le bɛ ko. Mɔɔ ɔwɔ kɛ bɛse nwolɛ nyiane la bɛfa bɛtu bɛ nwo, yɛɛ bɛ adwenle muala gyi ewiade ninyɛne zo.

Kɔlɔ 2:18

Menli bie wɔ ɛkɛ mɔɔ bɛdie bɛdabɛ bɛ ngome bɛ nwo bɛdi, bɛdwenle anwoazehanlɛ nee anwuma soanvolɛma ɛzonlenlɛ nwo, na bɛfa ye kɛ ɛnyelɛzodeɛnwunlɛ le debie mɔɔ hyia tɛla zolɛ; menli zɛhae mɔ fa bɛ ewiade adwenle ne tu bɛ nwo mɔɔ ndelebɛbo biala ɛnle nu a. Bɛmmamaa menli zɛhae mɔ adenle bɛmaa bɛsɛkye bɛ adwenle, kɛ asɛɛ mɔɔ bɛmɛ bɛlɛyɛ la bɛnyɛ ye boɛ.

Yekile 19:10

Ɛhye ati mendule mendɔle ɔ gyakɛ anu kɛ mesonle ye, na ɔzele me kɛ, “Mmayɛ! Medame mele sonvolɛ kɛ ɛdawɔ nee ɛ mediema mɔɔ zɔle nɔhalɛ ne mɔɔ Gyisɛse yele hilele bɛ la anu la. Sonle Nyamenle, mmasonle me!” Ɔluakɛ nɔhalɛ ne mɔɔ Gyisɛse yele hilele la a le Nyamenle kpɔmanvolɛma anwosesebɛ ne a.

Yekile 22:9

Na ɔzele me kɛ, “Mmayɛ! Medame mele sonvolɛ kɛ ɛdawɔ nee ɛ mediema Nyamenle kpɔmanvolɛma ne mɔ, nee bɛdabɛ mɔɔ bɛdi edwɛkɛ mɔɔ wɔ buluku ɛhye anu la azo la. Sonle Nyamenle na mmasonle me!”

Maanlebuvolɛma Buluku ne 6:10

Na menzele bɛ kɛ, ‘Mame a mele Ɛdɛnkɛma bɛ Nyamenle ne a, bɛmmasonle Amɔlema nyamenle ne mɔ biala.’ Noko bɛandie me ne.”