Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:2 - BAEBOLO ANZƐƐ BULUKU NWUANZANWUANZA

² “Mame a mele Ɛdɛnkɛma bɛ Nyamenle ne, mɔɔ yele bɛ vile Yigyibiti azɛlɛ zo, vile akɛlɛzonlenlɛ nu la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:2 ပူးပေါင်းရင်းမြစ်များ

1 Arl 18:39

Menli ne amuala nwunle ɛhye la bɛbutubutule na bɛzele kɛ, “Ɛdɛnkɛma, yemɔ a ɔle Nyamenle a; Ɛdɛnkɛma, yemɔ a ɔle Nyamenle a.”

2 Arl 17:12

na bɛkpole Ɛdɛnkɛma mɛla ne mɔɔ se bɛmmasonle awozonle la.

2 Arl 17:7

Samɛlea bɔle, ɔboalekɛ Yizilayɛma yɛle ɛtane tiale Ɛdɛnkɛma bɛ Nyamenle ne mɔɔ liele bɛ vile Yigyibiti belemgbunli ne abo na ɔ nee bɛ vi Yigyibiti rale la. Bɛzonlenle awozonle,

2 Edk 28:5

Kɛmɔ Belemgbunli Ehaze yɛle ɛtane la ati, Ɛdɛnkɛma ye Nyamenle ne manle Selea belemgbunli ne ralile ɔ nwo zo konim na ɔhyele Dwudama dɔɔnwo nuokɛ ɔhɔle Dɛmasekɛse. Ɛdɛnkɛma eza manle Yizilayɛ Belemgbunli Pikaa, mɔɔ ɔ ze a le Relɛmalaya la, lile Ehaze anwo zo konim na ɔhunle Dwuda ɛlɔnema mɔɔ ze ko kpalɛ la anu apenle ngoko ɛya ko abulanwiɔ kenle ko. Ɛdɛnkɛma, bɛ ze mɔ Nyamenle ne manle ɛhye zile Dwudama anwo zo, ɔboalekɛ ɛnee bɛkpo ye.

Edwɛndolɛ Buluku ne 50:7

“O me menli, bɛdie na metendɛ, O Yizilayɛma, medi daselɛ meatia bɛ. Medame a mele Nyamenle, bɛ Nyamenle ne a.

Edwɛndolɛ Buluku ne 81:10

Medame a mele Ɛdɛnkɛma bɛ Nyamenle ne, mɔɔ yele bɛ vile Yigyibiti azɛlɛ zo rale la. Bɛbuke bɛ nloa kpalɛ, na menwɔmaa bɛ aleɛ.

Edwɛndolɛ Buluku ne 81:11

“Na me menli ne andie me ne; Yizilayɛma ɛnva me ɛnyɛ ɛhwee.

Edwɛndolɛ Buluku ne 81:7

Bɛvɛlɛle me wɔ bɛ anwongyelelɛ nu, na menliele bɛ; mewɔ me feabelɛ wɔ ahumu ne anu la, menliele bɛ zo; menzɔle bɛ meneanle wɔ Mɛleba nzubula ne mɔ azo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:14

Saa kenle bie bɛ mra biza bɛ kɛ, ‘Ɛhye abo a le duzu?’ a, bɛha bɛhile bɛ kɛ, ‘Ɛdɛnkɛma vale tumi kpole a yele yɛ vile Yigyibiti wɔ akɛlɛzonlenlɛ nu a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:3

Na Mosisi hanle hilele menli ne kɛ, “Bɛhakye ɛnɛ kenle ko ye, ɔle kenle mɔɔ bɛvile Yigyibiti, na bɛvile akɛlɛzonlenlɛ nu la, ɔluakɛ Ɛdɛnkɛma luale tumi kpole zo a ɔyele bɛ ɔvile ɛkɛ a. Bɛmmadi kpanwo mɔɔ mgbɔvonle wɔ nu la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:13

Wɔ anwunvɔnezelɛ ne ati, wɔli menli mɔɔ wɔlie bɛ ngoane la ati; wɔva wɔ tumi ne wɔzinza bɛ ɛ nee bɛ ɛra wɔ ɛleka nwuanzanwuanza ne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:16

Ɛzulolɛ nee ahunlundetelɛ tɔ bɛ nwo; wɔ tumi ne kpole ti, bɛnga bɛ nwo fee, bɛyɛle kɛ awolɛ kɔkpula kɛ, O Ɛdɛnkɛma, wɔ menli ne mɔɔ wɔkpɔne bɛ la ɛpɛ nu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:26

Ɔzele bɛ kɛ, “Saa bɛtie medame Ɛdɛnkɛma, bɛ Nyamenle ne me ne, bɛyɛ debie mɔɔ sɔ me nye, bɛdi me mɛla nee me ngyehyɛlɛ ne mɔ azo a, ewule ngakyile mɔɔ memanle ɔrale Yigyibitima anwo zo la, menrɛmaa bie ɛnrɛra bɛ nwo zo; ɔluakɛ medame a mele Ɛdɛnkɛma mɔɔ metondo bɛ ewule a.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:1

Na Nyamenle dendɛle zele kɛ,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 29:46

Bɛbanwu kɛ medame a mele Ɛdɛnkɛma bɛ Nyamenle ne mɔɔ yele bɛ vile Yigyibiti azɛlɛ zo rale kɛ mebadɛnla bɛ avinli la. Medame a mele Ɛdɛnkɛma bɛ Nyamenle ne a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:6

Yemɔti ka kile Yizilayɛma kɛ, ‘Medame a mele Ɛdɛnkɛma ne a. Mebazokoɛ bɛ adesoa ne mɔɔ Yigyibitima ɛva ɛzoa bɛ la, mebaye bɛ meavi akɛlɛzonlenlɛ nu. Mebava tumi kpole mealie bɛ na meadua Yigyibitima kakɛ.

Ayezaya Buluku ne 43:3

Ɔluakɛ medame a mele Ɛdɛnkɛma bɛ Nyamenle ne, Yizilayɛ Nwuanzanwuanza Ko ne, bɛ Dievolɛ ne a. Mefa Yigyibiti meyɛ bɛ ɛkpɔnedeɛ, mefa Sudan nee Siba memaa na medie bɛ.

Gyɛlɛmaya Buluku ne 16:14

Ɛdɛnkɛma se, “Mekɛ ɛlɛba mɔɔ menli ɛnrɛha kɛ, ‘Suzuamgba ala mɔɔ Ɛdɛnkɛma mɔɔ yele Yizilayɛma vile Yigyibiti la de aze la.’

Gyɛlɛmaya Buluku ne 2:6

Bɛambiza kɛ, ‘Ɛdɛnkɛma mɔɔ yele yɛ vile Yigyibiti, Ɛdɛnkɛma mɔɔ vale yɛ pɛle fienemgbole ne, azɛlɛ mɔɔ le ɛsɛlɛ nee ahuma ahuma, mɔɔ ezule ɛndɔ zo na awozinli kabii ɛva ye, mɔɔ awie ɛnva zo, yɛɛ awie ɛnde zo la wɔ nienwu?’

Gyɛlɛmaya Buluku ne 31:1

Ɛdɛnkɛma se, “Mekɛ zɔhane, mebayɛ Yizilayɛ mbusua ekpunli ekpunli ne mɔ kɔsɔɔti bɛ Nyamenle, na bɛdabɛ noko bɛbayɛ me menli.

Gyɛlɛmaya Buluku ne 31:33

Ngyekyeleɛ ne mɔɔ me nee Yizilayɛma bayɛ la ɛne: Mebava me mɛla ne meawula bɛ nuhua, mebahɛlɛ ye bɛ ahonle nu; mebayɛ bɛ Nyamenle, na bɛdabɛ noko bɛayɛ me menli.

Gyɛlɛmaya Buluku ne 34:13

“Medame Ɛdɛnkɛma, Yizilayɛ Nyamenle ne, mese: Mekɛ mɔɔ menyele bɛ nlenya mɔ menvile akɛlɛzonlenlɛ nu menvile Yigyibiti azɛlɛ zo la, me nee bɛ yɛle ngyekyeleɛ na menzele kɛ,

Yizikeɛle Buluku ne 20:19

Medame Ɛdɛnkɛma, mame a mele bɛ Nyamenle ne a. Bɛli me mɛla ne mɔ azo, na bɛnlea boɛ bɛli me ngyehyɛlɛ ne mɔ azo,

Yizikeɛle Buluku ne 20:5

Ka kile bɛ kɛ, medame Awulae Nyamenle mese: Kenle mɔɔ memkpale nu menyele Yizilayɛma la, menganle ndane mengilele Gyekɔbo abo zo amra ne, na mengilele bɛ kɛ mesi mede la wɔ Yigyibiti azɛlɛ zo. Menganle ndane na menganle kɛ mame a mele Ɛdɛnkɛma bɛ Nyamenle ne a.

Yizikeɛle Buluku ne 20:7

Na menganle mengilele bɛ kɛ, bɛvuandi ninyɛne ɛtane ɛtane ne mɔ mɔɔ mekyi na bɛva bɛ nye bɛzie nwolɛ la bɛgua, bɛmmasonle Yigyibiti awozonle ne mɔ bie bɛgua bɛ nwo evinli, ɔboalekɛ medame a mele Ɛdɛnkɛma bɛ Nyamenle ne a.

Hozia Buluku ne 12:10

“Mendendɛle mengilele me kpɔmanvolɛma ne mɔ, na memanle bɛnwunle ɛnyelɛzodeɛnwunlɛ dɔɔnwo, na menluale me kpɔmanvolɛma ne anwo zo membule bɛ ɛrɛlɛ.

Hozia Buluku ne 13:4

Ɛdɛnkɛma se, “Medame a mele Ɛdɛnkɛma bɛ Nyamenle ne mɔɔ yele bɛ vile Yigyibiti la. Bɛnlɛ Nyamenle biala kɛ medame ala. Bɛye me a bɛnlɛ dievolɛ biala.

Sɛlɛ 11:45

Ɔluakɛ medame a mele Ɛdɛnkɛma mɔɔ menyele bɛ menvile Yigyibiti azɛlɛ zo a, amaa meayɛ bɛ Nyamenle. Yemɔti bɛmaa bɛ nwo ɛde nwuanzaanwu, ɔluakɛ mele nwuanzanwuanza.”

Sɛlɛ 19:36

Bɛmaa bɛ tone ne mɔ ɛgyinla sɛsɛ. Bɛmmawua debie ɛzuzulɛ nu; medame a mele Ɛdɛnkɛma bɛ Nyamenle ne mɔɔ yele bɛ vile Yigyibiti la.

Sɛlɛ 23:43

amaa bɛ bo zo amra anwu kɛ memanle Yizilayɛma dɛnlanle kpɔda bo wɔ mekɛ mɔɔ menyele bɛ menvile Yigyibiti azɛlɛ zo la. Medame a mele Ɛdɛnkɛma bɛ Nyamenle ne a.”

Sɛlɛ 25:38

Mame a mele Ɛdɛnkɛma bɛ Nyamenle ne mɔɔ nee bɛ vi Yigyibiti azɛlɛ zo rale kɛ mebava Keena azɛlɛ ne meamaa bɛ na meayɛ bɛ Nyamenle la a.

Sɛlɛ 25:42

Ɔluakɛ bɛle me sonvolɛma mɔɔ me nee bɛ vi Yigyibiti azɛlɛ zo rale a. Ɔnle kɛ bɛtɔne bɛ ahanra.

Sɛlɛ 25:55

Ɔluakɛ mame, Yizilayɛma amuala le sonvolɛma. Bɛle me sonvolɛma mɔɔ me nee bɛ vi Yigyibiti azɛlɛ zo rale a: medame a mele Ɛdɛnkɛma bɛ Nyamenle ne a.”

Sɛlɛ 26:1

Ɛdɛnkɛma zele Mosisi kɛ, “Bɛmmayɛ mmonle nee ananze yɛɛ bɛmmasi mpila biala, yɛɛ bɛmmase bolɛ bɛsie ye bɛ azɛlɛ ne azo kɛ bɛbɔ bɛ ti aze bɛamaa bɛ, ɔluakɛ medame a mele Ɛdɛnkɛma bɛ Nyamenle ne a.

Sɛlɛ 26:13

Medame a mele Ɛdɛnkɛma bɛ Nyamenle ne, mɔɔ menyele bɛ menvile Yigyibiti azɛlɛ zo a, amaa bɛanyɛ Yigyibitima ahanra. Meye bɛ kɔme kpomgbolo ne memaa bɛnyia bɛ ti.

Emɔzo Buluku ne 2:10

Eza menyele bɛ menvile Yigyibiti azɛlɛ zo, na menlile bɛ nyunlu wɔ fienemgbole ne anu toonwo ɛvolɛ abulanla, na menvale Amɔlema azɛlɛ ne memanle bɛ, memanle bɛvale bɛyɛle bɛ ti anwo ɛdeɛ.

Wulo 10:12

Awie biala boka ɛhye anwo, ɔboalekɛ ngakyile biala ɛnle Dwuuma nee bɛdabɛ mɔɔ bɛnle Dwuuma la avinli. Nyamenle le bɛ kɔsɔɔti bɛ Awulae ko ne ala, na ɔyila bɛdabɛ mɔɔ bɛsu bɛfɛlɛ ye la.

Wulo 3:29

Na Nyamenle le Dwuuma angome Nyamenle ɔ? Anzɛɛ ɔnle bɛdabɛ noko mɔɔ bɛnle Dwuuma la Nyamenle ɔ? Kɛmɔti ɛ, ɔle bɛdabɛ noko bɛ Nyamenle!

Mɛla 13:10

Bɛzi ye awolɛ bɛhu ye, ɔboalekɛ ɔhulole kɛ bɛkɛhwe bɛ nwo bɛkɛvi Ɛdɛnkɛma bɛ Nyamenle ne mɔɔ yele bɛ vile Yigyibiti azɛlɛ zo, wɔ akɛlɛzonlenlɛ nu rale la anwo.

Mɛla 15:15

Ɔwɔ kɛ bɛkakye kɛ ɛnee bɛdabɛ noko bɛle ahanra wɔ Yigyibiti azɛlɛ zo yɛɛ Ɛdɛnkɛma bɛ Nyamenle ne raliele bɛ a; ɛhye ati yɛɛ ɛnɛ kenle ye melɛfa mɛla ɛhye meamaa bɛ a.

Mɛla 20:1

“Saa bɛkɔ konle nloa kɛ bɛ nee bɛ kpɔvolɛma kaho, na bɛnwu kɛ kpɔvolɛma ɛlɔnema ne anwo zonle tɛla bɛ na bɛlɛ mgbɔnwɔ nee konle ehwili dɔɔnwo a, bɛmmasulo bɛ, ɔluakɛ Ɛdɛnkɛma bɛ Nyamenle ne mɔɔ nee bɛ vi Yigyibiti rale la nee bɛ a lua a.

Mɛla 5:15

Bɛhakye kɛ ɛnee bɛle ahanra wɔ Yigyibiti, yɛɛ medame, Ɛdɛnkɛma bɛ Nyamenle menvale tumi kpole menyele bɛ menvile ɛkɛ a. Zɔhane ati medame, Ɛdɛnkɛma bɛ Nyamenle mehyehyɛ kɛ ɔwɔ kɛ bɛsie Ɛnwomenlelielɛ Kenle ne.

Mɛla 5:6

‘Mame a mele Ɛdɛnkɛma bɛ Nyamenle ne mɔɔ yele bɛ vile akɛlɛzonlenlɛ nu wɔ Yigyibiti azɛlɛ zo rale la.

Mɛla 7:8

Ɛdɛnkɛma kulo bɛ, ɔboalekɛ ɔlɛdi ye ndane ne mɔɔ ɔhanle ɔhilele bɛ ze mɔ la azo, na yemɔti yɛɛ yeva tumi kpole yeye bɛ yevi akɛlɛzonlenlɛ nu wɔ Yigyibiti belemgbunli ne asa anu a.

Maanlebuvolɛma Buluku ne 2:1

Ɛdɛnkɛma soanvolɛ vi Gelegale hɔle Bokem. Ɔzele bɛ kɛ, “Menyele bɛ menvile Yigyibiti azɛlɛ zo, me nee bɛ rale azɛlɛ ne mɔɔ menvale membɔle bɛ mgbanyima ɛwɔkɛ la azo. Menganle kɛ, ‘Menrɛtulu ngyekyeleɛ ne mɔɔ me nee bɛ kyekyele la ɛlɛ,

Maanlebuvolɛma Buluku ne 6:10

Na menzele bɛ kɛ, ‘Mame a mele Ɛdɛnkɛma bɛ Nyamenle ne a, bɛmmasonle Amɔlema nyamenle ne mɔ biala.’ Noko bɛandie me ne.”