Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:16 - BAEBOLO ANZƐƐ BULUKU NWUANZANWUANZA

¹⁶ “Bɛmmadi daselɛ adalɛ bɛtia bɛ gɔnwo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:16 ပူးပေါင်းရင်းမြစ်များ

Mrɛlɛbulɛ Buluku ne 19:5

Sonla mɔɔ di dasewia la ɛnrɛva ɔ nwo dwɔɔ, yɛɛ mɔɔ bɔ adalɛ la ɛnrɛvi ɛsalɛ.

Edwɛkpa ne kɛmɔ Mateyu hɛlɛle la 19:18

Kpavolɛ ne bizale ye kɛ, “Duzu mɛla zɛhae?” Gyisɛse buale ye kɛ, “Mmaku sonla; mmayɛ awuvolɛvalɛ ɛtane ne; mmawua; mmabɔ adalɛ;

Edwɛndolɛ Buluku ne 15:3

sonla zɔhane ɛmbɔ awie mɔ anwo nzekue, ɔnyɛ ɔ gɔnwo mɔ ɛtane yɛɛ ɔnzɛkye ɔ gɔnwo duma.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:1

“Bɛmmabɔ nzekue. Bɛmmadi daselɛ adalɛ bɛboa sonla mɔɔ le amumuyɛ la.

Mrɛlɛbulɛ Buluku ne 10:18

Sonla biala mɔɔ fea ɛkpɔlɛ zo la le adalɛ, yɛɛ mɔɔ le ngunzi la le koasea.

Gyemise Kɛlata ne 4:11

Mediema Keleseɛnema, bɛmmakeha bɛ gɔnwo mɔ anwo edwɛkɛ ɛtane ɛtane. Mɔɔ ka ɔ diema anwo edwɛkɛ ɛtane anzɛɛ bua ye ndɛne la tia mɛla ne na eza ɔbua mɛla ne ndɛne. Na saa ɛbua mɛla ne ndɛne a, ɛnee ɔkile kɛ ɛnli mɛla ne azo bieko, na ɛle ye ndɛnebuavolɛ.

1 Tem 1:10

menli mɔɔ bɔ ɛbɛla funli, mrenya mɔɔ fa mrenya anzɛɛ mraalɛ mɔɔ fa mraalɛ, bɛdabɛ mɔɔ bɛwua menli, adalɛma, bɛdabɛ mɔɔ bɛdi dasewia anzɛɛ menli mɔɔ ɛnli nɔhalɛ ngilehilelɛ ne azo la.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:31

Bɛye sipe nee ɛkpɔlɛ nee ɛya biala bɛgua. Bɛmmadi butule anzɛɛ bɛmmayɛ aholoba. Bɛye atiakunlu ɛtane biala bɛgua.

Ɛzoanvolɛma Gyima ne 6:13

Bɛmanle menli ralile dasewia kɛ, “Nrenya ɛhye, dahuu ɔtendɛ ɔtia yɛ Ɛzonlenlɛ Sua nwuanzanwuanza ye nee Mosisi mɛla ne.

2 Tem 3:3

bɛ ti bayɛ se, bɛnrɛze anwunvɔne, bɛbabɔ nzekue, bɛbali mgbonde, bɛbava ɛya mgbane mgbane na bɛahyi kpalɛ,

Mrɛlɛbulɛ Buluku ne 11:13

Sonla mɔɔ duolua nuhua toamatoama keha edwɛkɛ la fa fealera nu edwɛkɛ finde, na sonla mɔɔ bɛkola bɛfa bɛ rɛle bɛwula ye nu la fa edwɛkɛ sie.

Sɛlɛ 19:11

“Bɛmmawua, bɛmmadi ndunlumi, yɛɛ bɛmmabɔ adalɛ bɛkile bɛ nwo ngoko.

Sɛlɛ 19:16

Ɔnle kɛ bɛduolua bɛ gɔnwo mɔ akɔme nu bɛkeha awie mɔ anwo edwɛkɛ mɔɔ ɛnle nɔhalɛ la, yɛɛ bɛmmadi daselɛ adalɛ bɛtia bɛ gɔnwo bɛmaa ɔminli ye ngoane. Medame a mele Ɛdɛnkɛma a.

Edwɛkpa ne kɛmɔ Luku hɛlɛle la 3:14

Sogyama bie noko bizale ye kɛ, “Na yɛdayɛ noko ɛ? Duzu a yɛyɛ a?” Dwɔn zele bɛ kɛ, “Bɛmmabɔ awie apo bɛdie ye ezukoa, anzɛɛ bɛmmato awie biala ɛzonle. Bɛmaa bɛ kunlu ɛdwo bɛ ezukoa mɔɔ bɛtua bɛ la anwo.”

Sɛlɛ 19:18

Bɛmmadi nzenralɛ anzɛɛ bɛmmafa bɛdabɛ bɛ menli ne mɔ amra mrenya anwo edwɛkɛ bɛsie bɛ kunlu. Bɛhulo bɛ gɔnwo mɔ kɛ bɛdabɛ bɛ nwo; medame a mele Ɛdɛnkɛma a.

Mɛla 5:20

“ ‘Bɛmmadi dasewia

Mrɛlɛbulɛ Buluku ne 25:18

Sonla mɔɔ di dasewia tia ɔ gɔnwo la le kɛ konle kokolobaka anzɛɛ konle dadeɛ, anzɛɛ ɛda baka ati nlane.