Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 2:23 - BAEBOLO ANZƐƐ BULUKU NWUANZANWUANZA

²³ Mekɛ ne hɔle bie kpalɛ la Yigyibiti belemgbunli ne wule. Akee Yizilayɛma nwunle amaneɛ kpole kpalɛ wɔ akɛlɛzonlenlɛ nu. Bɛzunle bɛvɛlɛle moalɛ, na bɛ ɛzunlɛ ne dwule Nyamenle anyunlu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 2:23 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 16:11

Nea, ɛlɛnrenzɛ, ɛbawo ralɛ nrenya na wɔado ye duma, Yehyemeeyɛle; ɔboalekɛ Nyamenle ɛde wɔ nyane ɛzunlɛ ne.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 4:10

Ɛdɛnkɛma bizale ye kɛ, “Duzu debie a wɔyɛ la? Ɛ diema ne mogya ne mɔɔ gua azɛlɛ ne anwo la ɛlɛsu avɛlɛ me.

Nihɛmaya Buluku ne 9:9

“Ɛnwunle kɛ yɛ mgbanyinli zile nwunle amaneɛ wɔ Yigyibiti, ɛdele bɛ ɛzunlɛ wɔ Ndɔ Nyevile ne anloa na ɛliele bɛ.

Dwobu Buluku ne 35:9

“Ɛsisilɛ bebelebe ti menli tea nu su; bɛsu kɛ awie ɛlie bɛ ɛvi nzisi tumi bo.

Edwɛndolɛ Buluku ne 102:1

O Ɛdɛnkɛma, tie me nzɛlɛlɛ; maa me ɛzunlɛ ɛdwu ɛ nyunlu.

Edwɛndolɛ Buluku ne 102:2

Mmafa ɛ nye ɛfea me wɔ me ngyianlɛ mekɛ nu. Gyele ɛ nzo tie me; saa mefɛlɛ wɔ a die me zo ndɛndɛ.

Edwɛndolɛ Buluku ne 12:5

Ɛdɛnkɛma se, “Kɛmɔ bɛsisi ehyianvolɛma, na anwongyelelɛma kponle la, akee medwazo na meava bɛ meazie boɛ, kɛmɔ bɛkpondɛ la.”

Edwɛndolɛ Buluku ne 18:6

Me rɛle bɔle la menvɛlɛle Ɛdɛnkɛma; menvɛlɛle me Nyamenle ne kɛ ɔboa me. Ɔdele me ne wɔ ye Ɛzonlenlɛ Sua ne anu, na me ɛzunlɛ dwule ɔ nzo nu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:19

Na Ɛdɛnkɛma zele Mosisi wɔ Medean kɛ, “Sia kɔ Yigyibiti, ɔluakɛ menli mɔɔ ɛnee ɛlɛkpondɛ wɔ ahu wɔ la amuala ɛwie wu.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:5

Eza mede Yizilayɛma mɔɔ Yigyibitima ɛyɛ bɛ ahanra la ɛzunlɛ ne, na mehakye me ngyekyeleɛ ne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:9

Mosisi hanle ɛhye hilele Yizilayɛma, noko bɛandie ye, ɔboalekɛ bɛ nwo ɛvɔ yɛɛ bɛtɛbɔ atisesebɛ akɛlɛzonlenlɛ nu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 7:7

Mekɛ mɔɔ bɛtendɛ bɛahile Yigyibiti belemgbunli ne la, ɛnee Mosisi ɛli ɛvolɛ abulatwɛ yɛɛ Aalɔn ɛli ɛvolɛ abulatwɛ nee nsa.

Ayezaya Buluku ne 19:20

Ɛhye bayɛ Tumivolɛ Ɛdɛnkɛma sɛkɛlɛneɛ nee daselɛ wɔ maanle ne anu, amaa mekɛ biala mɔɔ sisiravolɛma kɛdwazo bɛ nwo zo la, saa bɛsu bɛfɛlɛ ye a yearɛlɛ bɛ dievolɛ yeamaa yearaho yealie bɛ.

Ayezaya Buluku ne 5:7

Ɔluakɛ Tumivolɛ Ɛdɛnkɛma vanye egyinli ne, yemɔ a le Yizilayɛ abo zo amra ne; menli mɔɔ wɔ Dwuda la amuala, bɛmɛ a bɛle ye ma ngɛnlɛma ne mɔɔ ɔluale la. Ɛdɛnkɛma nleanle kɛ ɔkɛnwu pɛlepɛlelilɛ bɛ nu, na ɔnwunle mogyahanlɛ; ɔnleanle kɛ ɔkɛnwu tenleneyɛlɛ, na nea, ɔnwunle ɛsisilɛ nee ɛzunlɛ.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 20:16

Yɛzunle yɛzɛlɛle Ɛdɛnkɛma moalɛ, na ɔzoanle Nyamenle soanvolɛ ɔmanle ɔrayele yɛ ɔvile Yigyibiti. Na kɛkala, yɛradwu Keedɛhye, suakpole mɔɔ wɔ wɔ maanzinli ne ɛweɛne zo la.

Ɛzoanvolɛma Gyima ne 7:30

“Ɛvolɛ abulanla pɛle nu la, Nyamenle soanvolɛ yele ɔ nwo hilele Mosisi wɔ sendɔlɔra nu wɔ fienemgbole ne mɔɔ zua Boka Saenae la anu.

Mɛla 24:15

Bɛdua ye ɛkpabɔlɛ ahatualɛ ne bɛmaa ye kenle ko biala na sɛnzɛne ne adɔ, ɔluakɛ ɔle ehyianli yɛɛ ɔ ti nee ɔ bo ne amuala ala ɛne. Saa bɛanyɛ ye zɔhane a, ɔbazu yeavɛlɛ Ɛdɛnkɛma yeatia bɛ wɔ nwolɛ, na ɛhye le ɛtane mɔɔ batia bɛ a.

Gyemise Kɛlata ne 5:4

Bɛtɛtuale bɛ gyimayɛvoma ne mɔ mɔɔ yɛ gyima wɔ bɛ ɛya ne mɔ anu la kakɛ. Bɛdie, bɛ ahatualɛ ne mɔɔ bɛ nye fuu bɛanva bɛammaa bɛ la ati, bɛlɛsu, yɛɛ menli mɔɔ boɔboale aleɛ nloa manle bɛ la ɛzunlɛ ne ɛdwu Tumivolɛ Awulae ne anzo nu.

Maanlebuvolɛma Buluku ne 4:3

Na Yizilayɛma zunle vɛlɛle Ɛdɛnkɛma, ɔluakɛ Sesɛla lɛ mbulalɛ ehwili mɔɔ bɛfa bɛko la ɛya ngɔnla, na ɔvale ɔhilele Yizilayɛma nyane toonwo ɛvolɛ abulanwiɔ.

1 Sam 12:8

Mɔɔ Gyekɔbo nee ɔ bo zo amra hɔle Yigyibiti na Yigyibitima yɛ bɛ kpɔdekpɔde la, bɛzunle bɛvɛlɛle Ɛdɛnkɛma na ɔzoanle Mosisi nee Aalɔn ɔmanle bɛhɔyele bɛ bɛvile Yigyibiti bɛ nee bɛ rale azɛlɛ ɛhye azo.

1 Sam 9:16

“Ɛhyema, bekezɛ ala, mebamaa nrenya bie mɔɔ vi Bɛngyaman abusua ekpunli ne anu la ara ɛ nwo ɛke. Kpokpa ye nwole kɛ ɔli belemgbunli ɔzie me menli Yizilayɛma. Ɔbalie bɛ yeavi Filisitiama asa anu. Menwu bɛ amaneɛnwunlɛ ne amuala yɛɛ mede bɛ ɛzunlɛ ne mɔɔ bɛlɛsu bɛabiza moalɛ la.”