Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 2:11 - BAEBOLO ANZƐƐ BULUKU NWUANZANWUANZA

¹¹ Mosisi nyinle la, kenle ko ɔhɔkpɔlale ye menli ne, ɔhɔnleanle gyima ɛsesebɛ mɔɔ bɛlɛyɛ la, na ɔnwunle kɛ Yigyibitinli bie ɛlɛbo ye menli Hibuluma ne mɔ ko.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 2:11 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 1:11

Yemɔti bɛyele menli mɔɔ nea gyima zo la bɛmanle bɛ, bɛhyele Yizilayɛma mialera nu bɛmanle bɛyɛle gyima mɔɔ bo bɛ nwo zo la. Bɛmanle bɛkyekyele azuamgbole Paetɔm nee Releeyamesizi bɛmanle belemgbunli ne vale yɛle ye ninyɛnezielɛ ɛleka.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:7

Akee Ɛdɛnkɛma zele kɛ, “Menwu me menli mɔɔ wɔ Yigyibiti la amaneɛnwunlɛ ne, eza mede bɛ ɛzunlɛ ne, ɔlua abodelɛ mɔɔ bɛ gyima zo neavolɛma ne ɛlɛfa ahile bɛ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 5:14

Bɛbole Yizilayɛ mgbanyinli mɔɔ belemgbunli ne gyima zo neavolɛma ne yele bɛ kɛ bɛnlea bɛ menli ne anwo zo la, na bɛbizale bɛ kɛ, “Duzu ati a bɛanwie bɛ belekese gyima ne yɛ ɛnɛ, kɛmɔ bɛyɛ ye dɛba ne la ɛ?”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 5:4

Na Yigyibiti belemgbunli ne zele kɛ, “Mosisi, ɛ nee Aalɔn, duzu ati yɛɛ bɛkulo kɛ bɛye menli ne bɛfi gyima mɔɔ bɛgyi nwolɛ la anwo ɛ? Bɛhɔyɛ bɛ gyima.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 5:5

Na belemgbunli ne hanle kɛ, “Bɛnlea, akee menli ne ɛzo somaa na bɛkulo kɛ bɛgyakyi gyimayɛlɛ!”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 5:9

Bɛzoa bɛ adesoa ɛnlomboɛ kpalɛ kpalɛ bɛmaa ɔhola bɛ, amaa bɛandie adalɛ edwɛkɛ biala.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:6

Yemɔti ka kile Yizilayɛma kɛ, ‘Medame a mele Ɛdɛnkɛma ne a. Mebazokoɛ bɛ adesoa ne mɔɔ Yigyibitima ɛva ɛzoa bɛ la, mebaye bɛ meavi akɛlɛzonlenlɛ nu. Mebava tumi kpole mealie bɛ na meadua Yigyibitima kakɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:7

Mebava bɛmɛ Yizilayɛma meayɛ me menli, na meayɛ bɛ Nyamenle, na bɛanwu kɛ medame a mele Ɛdɛnkɛma bɛ Nyamenle ne mɔɔ ɛye bɛ ɛvi Yigyibitima adesoa ne mɔ abo la.

Ayezaya Buluku ne 58:6

“Asoo ɛhɔnehyelɛ ne mɔɔ medi ye edwɛkɛ la, tɛ yemɔ a le ɛhye, kɛ bɛkɛgyakyi amumuyɛyɛlɛ, bɛkɛye kpomgbolo menli kɔme, bɛkɛgyakyi ndunlumililɛ, na bɛkɛgyakyi menli mɔɔ bɛlɛsisi bɛ la bɛkɛmaa bɛkɛva bɛ nwo dwɔɔ?

Edwɛkpa ne kɛmɔ Mateyu hɛlɛle la 11:28

“Bɛdabɛ mɔɔ bɛzo ɛnlomboɛ na bɛvɛ la, bɛ muala bɛrɛla me nwo ɛke, na menwɔmaa bɛ ɛnwomenlelielɛ.

Edwɛkpa ne kɛmɔ Luku hɛlɛle la 4:18

“Awulae Sunsum ne wɔ me nwo zo, ɔboalekɛ yekpa nu yeye me kɛ menva Edwɛkpa ne membɛlɛ ehyianvolɛma. Yezoa me kɛ membɔ fanwodi nwo nolo mengile bɛdabɛ mɔɔ bɛhye bɛ nuokɛ la, na memaa anyenzinliravolɛma ɛnwu debie. Menye bɛdabɛ mɔɔ bɛlɛsisi bɛ la menvi anwongyelelɛ nu,