Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:9 - BAEBOLO ANZƐƐ BULUKU NWUANZANWUANZA

⁹ Na Ɛdɛnkɛma zele Mosisi kɛ, “Nea, mebalua amungu kumɔɔnwo bie anu meara, amaa saa me nee wɔ ɛlɛtendɛ a, menli ne ade me ne na bɛalie wɔ bɛali dahuu.” Akee Mosisi hanle mɔɔ menli ne hanle la hilele Ɛdɛnkɛma.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:9 ပူးပေါင်းရင်းမြစ်များ

1 Arl 8:12

Na Sɔlɔmɔn yɛle nzɛlɛlɛ ɛhye: “Ɛdɛnkɛma, wɔbɔ sɛnzɛne ne wɔzie anwomanyunlu noko ɛse ɛbadɛnla awozinli kabii nu.

2 Edk 20:20

Bɛdwazole ndɛndɛ wɔ aleɛbahye ne ala na bɛhɔle Tɛkowa fienemgbole ne anu. Mɔɔ bɛkɔ la, Belemgbunli Gyɛhɔhyafate ragyinlanle adenle ne anloa na ɔzele bɛ kɛ, “Dwudama nee Gyɛlusalɛmma, bɛdie me! Bɛlie Ɛdɛnkɛma bɛ Nyamenle ne bɛli, na bɛbali konim. Bɛlie Nyamenle kpɔmanvolɛma ne bɛli, na bɛbaho bɛadɔ zolɛ.”

2 Edk 6:1

Na Belemgbunli Sɔlɔmɔn zɛlɛle kɛ, “Ɛdɛnkɛma ɛha kɛ ɔbadɛnla awozinli kabii nu.

Edwɛndolɛ Buluku ne 97:2

Amungu nee awozinli kabii ɛbɛnra ɛyia ye; ye belemgbunli ebia ne adiabo a le tenleneyɛlɛ nee pɛlepɛlelilɛ.

Edwɛndolɛ Buluku ne 99:7

Ɔdendɛle amungu mpila ne anu ɔhilele bɛ; bɛlile ye ngyehyɛlɛ nee ye mɛla mɔɔ ɔvale ɔmanle bɛ la azo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:31

Eza Yizilayɛma nwunle gyima kpole mɔɔ Ɛdɛnkɛma lile tiale Yigyibitima la. Menli ne zulole Ɛdɛnkɛma na bɛliele Ɛdɛnkɛma nee ye sonvolɛ Mosisi bɛlile.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:16

Kenle nsa ne azo nwonlomɔ ne, ezule hulule na maanle nu vedevedele. Amungu kumɔɔnwo hedale boka ne azo, bɛwule aweɛne tendenle ne anu tendenle bie, na menli ne mɔɔ wɔ azokoɛleɛ ɛkɛ ne la amuala anwo wozole bɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:21

Menli ne gyinlanle moa moa na Mosisi bikyele awozinli kabikabi ne, ɛleka mɔɔ Nyamenle wɔ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:5

Na Ɛdɛnkɛma dwule aze amungu ne anu, ɔragyinlanle ɔ nwo ɛkɛ na ɔbɔle ye duma Ɛdɛnkɛma ne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:31

Na menli ne liele lile. Mɔɔ bɛdele kɛ Ɛdɛnkɛma ɛrakpɔla ye menli Yizilayɛma na yenwu bɛ amaneɛnwunlɛ ne la, bɛbɔle bɛ ti aze bɛyeyɛle ye.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:5

Na Ɛdɛnkɛma zele ye kɛ, “Ɛhye bamaa bɛalie bɛali kɛ Ɛdɛnkɛma, bɛ ze mɔ Nyamenle ne, Ebileham Nyamenle ne, Ayezeke Nyamenle ne, nee Gyekɔbo Nyamenle ne ɛye ɔ nwo ɛhile wɔ.”

Ayezaya Buluku ne 19:1

Ɛdɛnkɛma nrɛlaleɛ mɔɔ fane Yigyibiti anwo la ɛne. Bɛnlea, Ɛdɛnkɛma de amungu zo ɛlɛba waa zɛhae, ɔlɛba Yigyibiti. Awozonle mɔɔ wɔ Yigyibiti la nwu ye a bɛ nwo bawozo bɛ, na Yigyibitima ahonle badu.

Ayezaya Buluku ne 7:9

Yizilayɛ ati zɔ Samɛlea yɛɛ Samɛlea ati zɔ Belemgbunli Pikaa. “Maa Belemgbunli Ehaze ɛde ɔ bo kɛ saa ye diedi gyi kpundii ɛdeɛ a ɛnee ɔdaye ɔgyi kpundii.”

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 12:5

Na Ɛdɛnkɛma luale amungu mpila nu dwule aze. Ɔragyinlanle Ndanlɛ Sua ne anlenkɛ ne anloa na ɔvɛlɛle Aalɔn nee Meleam kɛ bɛ mu nwiɔ bɛrɛla bɛ nyunlu.

Edwɛkpa ne kɛmɔ Mateyu hɛlɛle la 17:5

Mɔɔ ɔ nloa wɔ zo ɔlɛtendɛ la, amungu nwohyee bie rahedale bɛ nwo zo, na ɛnelɛ bie vi amungu ne anu zele kɛ, “Me Ra mɔɔ mekulo ye na me nye die ɔ nwo kpalɛ la ɛne, bɛdie ye!”

Edwɛkpa ne kɛmɔ Maake hɛlɛle la 9:7

Amungu rahedale bɛ nwo zo, na ɛnelɛ bie dendɛle amungu ne anu zele kɛ, “Me ra mɔɔ mekulo ye la ɛne, bɛdie ye!”

Edwɛkpa ne kɛmɔ Luku hɛlɛle la 10:16

Gyisɛse zele ye ɛdoavolɛma ne kɛ, “Sonla mɔɔ kɛdie bɛ la ɛdie me; sonla mɔɔ andie bɛ la andie me, yɛɛ mɔɔ andie me la andie ahenle mɔɔ zoanle me la.”

Mɛla 4:10

ninyɛne mɔɔ sisile mekɛ ne anu wɔ mekɛ mɔɔ ɛnee bɛgyi Ɛdɛnkɛma bɛ Nyamenle ne anyunlu wɔ Saenae Boka la. Ɛdɛnkɛma zele me kɛ, ‘Boɔboa menli ne anloa ɛ nee bɛ ɛvinde me nyunlu, amaa bɛade me nloa anu edwɛkɛ, na bɛabɔ ɔ bo kɛ bɛsulo me wɔ mekɛ mɔɔ bɛde ewiade ye anu la na eza bɛahilehile bɛ mra noko.’

Mɛla 4:36

Ɔmaa bɛte ɔ ne wɔ anwuma lɔ, amaa yeadu bɛ folɛ, yɛɛ bɛte ɔ ne wɔ aze ɛke, amaa bɛanwu ye senle kpole ne na bɛade ye edwɛkɛ ne mɔɔ vi senle ne anu ba la.

Yekile 1:7

Bɛnlea, ɔlua amungu ne mɔ anu ɔlɛba! Awie biala banwu ye, yɛɛ bɛdabɛ mɔɔ bɛwɔle ɔ nvenle foa atwɛ la banwu ye. Ɔdaye ɔ ti, menli ngakyile kɔsɔɔti mɔɔ wɔ ewiade la bazu aye awolɛ. Nɔhalɛ, ɔle zɔhane. Amen.