Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:5 - BAEBOLO ANZƐƐ BULUKU NWUANZANWUANZA

⁵ Yemɔti saa bɛtie me ne na bɛdi me ngyekyeleɛ ne azo a, bɛbayɛ me ɛdeɛ wɔ maanle maanle kɔsɔɔti avinli, ɔluakɛ azɛlɛ ne kɔsɔɔti le me ɛdeɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:5 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 17:9

Nyamenle zele Ebileham kɛ, “Wɔmɔ, ɔwɔ kɛ ɛdawɔ nee ɛ bo zo amra kɔsɔɔti di me ngyekyeleɛ ne azo.

1 Arl 8:53

Ɔluakɛ wɔmɔ yɛɛ mekɛ mɔɔ ɛ nee yɛ ze mɔ vi Yigyibiti ba la ɛluale wɔ sonvolɛ Mosisi anwo zo ɛhanle kɛ wɔkpa nu wɔye bɛ wɔvi menli mɔɔ wɔ ewiade la amuala anu a.”

1 Edk 17:22

Wɔyɛ Yizilayɛma wɔ menli dahuu, na wɔmɔ Ɛdɛnkɛma, wɔyɛ bɛ Nyamenle.

Dwobu Buluku ne 41:11

Nwane a ɛva debie ɛvɛne me mɔɔ ɔwɔ kɛ metua a? Debie biala mɔɔ wɔ aleɛabo la le me ɛdeɛ.

Dwobu Buluku ne 41:3

Asoo ɔkɛzu ɔkɛbodo wɔ? Asoo ɔkɛdendɛ bɛtɛɛ ɔkɛhile wɔ?

Edwɛndolɛ Buluku ne 135:4

Ɔluakɛ Ɛdɛnkɛma ɛkpa nu ɛye Gyekɔbo ɛmaa ɔ nwo, yeva Yizilayɛ yeyɛ ye ɛdeɛ.

Edwɛndolɛ Buluku ne 24:1

Azɛlɛ ye nee zolɛ debie biala le Ɛdɛnkɛma ɛdeɛ. Ewiade nee menli mɔɔ wɔ nu la amuala le ye ɛdeɛ.

Edwɛndolɛ Buluku ne 25:10

Ɛdɛnkɛma ndenle ne mɔ amuala le ɛhulolɛ kpundii nee nɔhalɛ maa bɛdabɛ mɔɔ bɛdi ye ngyehyɛlɛ nee ye mɛla ne mɔ azo la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:26

Ɔzele bɛ kɛ, “Saa bɛtie medame Ɛdɛnkɛma, bɛ Nyamenle ne me ne, bɛyɛ debie mɔɔ sɔ me nye, bɛdi me mɛla nee me ngyehyɛlɛ ne mɔ azo a, ewule ngakyile mɔɔ memanle ɔrale Yigyibitima anwo zo la, menrɛmaa bie ɛnrɛra bɛ nwo zo; ɔluakɛ medame a mele Ɛdɛnkɛma mɔɔ metondo bɛ ewule a.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:22

Saa bɛtie ɔ ne na bɛyɛ mɔɔ menwɔha la a, mebayɛ kpɔvolɛ meamaa bɛ kpɔvolɛma na meaho meatia menli mɔɔ ko tia bɛ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 24:7

Akee ɔvale ngyekyeleɛ buluku ne, na ɔgengale ɔhilele menli ne; na bɛhanle kɛ, “Edwɛkɛ biala mɔɔ Ɛdɛnkɛma ɛha la yɛbayɛ, yɛɛ yɛbayɛ tieyɛ yeamaa ye.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:9

Na ɔhanle kɛ, “O Awulae, mebodo wɔ, Awulae, menli ne le dapele bɔbɔ ɛdeɛ, noko mesɛlɛ wɔ, saa me nyunlu ɛra anyia wɔ ɛ nyunlu a, ɛnee ɛ nee yɛ ɛhɔ, fa yɛ munzule nee yɛ ɛtane ne mɔ kyɛ yɛ, na fa yɛ yɛ wɔ menli.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:7

Mebava bɛmɛ Yizilayɛma meayɛ me menli, na meayɛ bɛ Nyamenle, na bɛanwu kɛ medame a mele Ɛdɛnkɛma bɛ Nyamenle ne mɔɔ ɛye bɛ ɛvi Yigyibitima adesoa ne mɔ abo la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 8:22

Kenle zɔhane mebaye Gohyɛn, azɛlɛ ne mɔɔ me menli ne de zolɛ la meazie ahane, amaa nrɛzenra adɔka ne bie angɔ ɛkɛ, na bɛanwu kɛ medame a mele Ɛdɛnkɛma wɔ azɛlɛ ye azo a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:29

Mosisi hanle kɛ, “Saa meye me nwo suakpole ye azo a, mebamaa me sa zo meazɛlɛ Ɛdɛnkɛma, na maanle nu ɛhululɛ ne bagyakyi, yɛɛ ezuawolɛ ne ɛnrɛdɔ bieko, amaa wɔanwu kɛ azɛlɛ ye le Ɛdɛnkɛma ɛdeɛ.

Sɔlɔmɔn Edwɛne 8:12

Melɛ me vanye egyinli, me ti anwo vanye egyinli. O wɔmɔ Sɔlɔmɔn, ɛnyia dwɛtɛ fufule apenle ko a, menli mɔɔ nea ɛya ne la biala nyia ɛya nwiɔ.

Ayezaya Buluku ne 1:19

Saa bɛkponle zo, bɛyɛ tieyɛ a, bɛbali debie kpalɛ biala mɔɔ wɔ azɛlɛ ne azo la bie.

Ayezaya Buluku ne 41:8

“Na bɛmɛ Yizilayɛma, me sonvolɛ Gyekɔbo abo zo amra mɔɔ mekpa nu meye bɛ, me gɔnwo Ebileham nlɔnra,

Ayezaya Buluku ne 43:1

O Yizilayɛma, Gyekɔbo abo zo amra, Ɛdɛnkɛma mɔɔ bɔle bɛ yɛle bɛ muala la se, “Bɛmmasulo, ɔluakɛ mekpɔne bɛ; meva bɛ duma mevɛlɛ bɛ, bɛle me ɛdeɛ.

Ayezaya Buluku ne 56:4

Ɔluakɛ Ɛdɛnkɛma se, “Mrenya mɔɔ bɛza bɛ, mɔɔ sie me Ɛnwomenlelielɛ Kenle ne, yɛ ninyɛne mɔɔ sɔ me nye na bɛsɔ me ngyekyeleɛ ne anu ɛsesebɛ la,

Gyɛlɛmaya Buluku ne 10:16

Gyekɔbo Nyamenle ne ɛnle kɛ nyamenle ɛhye mɔ, ɔluakɛ yemɔ a ɔbɔle ninyɛne kɔsɔɔti a, yɛɛ Yizilayɛ abusua ekpunli ne le ye agyadeɛ: ye duma a le Tumivolɛ Ɛdɛnkɛma.

Gyɛlɛmaya Buluku ne 13:11

Kɛmɔ abɛlako kyekye sonla bo kɛnlɛma la, zɔhane ala yɛɛ mekulo kɛ Yizilayɛma nee Dwudama amuala kɛbeta me kyengye a. Menyɛle bɛ zɔhane, amaa bɛayɛ me menli, mɔɔ ɔlua bɛ nwo zo bɛbabɔ me duma, bɛayeyɛ me, na bɛawula me anyunlunyia; noko bɛandie me ne.”

Gyɛlɛmaya Buluku ne 7:23

Mɔɔ menzele bɛ la ɛne, ‘Bɛdie me ne na mebayɛ bɛ Nyamenle, na bɛdabɛ bɛayɛ me menli. Eza bɛlua ndenle mɔɔ mehile bɛ la anu, amaa bɛ ɛbɛla awie bɛ boɛ.’

Yizikeɛle Buluku ne 16:8

“Mɔɔ mese bɛ nwo ɛkɛ ne bieko na meneanle bɛ la, ɛnee yedwu mɔɔ bɛkulo bɛ a. Mengedale bɛ ndanlɛ na memkpale bɛ nyiane. Menyiale bɛ na me nee bɛ yɛle agyalɛ ngyekyeleɛ, na bɛyɛle medame Awulae Nyamenle, me ɛdeɛ.

Sɛlɛ 20:24

Na bɛmɛ, meha mehile bɛ kɛ, ‘Bɛbava azɛlɛ ne, yɛɛ mebava meamaa bɛayɛ bɛ ɛdeɛ bɔkɔɔ. Ɔle azɛlɛ mɔɔ kye aleɛ a.’ Medame a mele Ɛdɛnkɛma bɛ Nyamenle ne mɔɔ mekpa nu meye bɛ mevi menli kɔsɔɔti anu a.

Emɔzo Buluku ne 3:2

Ɔse, “Maanle maanle mɔɔ wɔ azɛlɛ ye azo la kɔsɔɔti, ɛdawɔ ɛ ngomekye ala yɛɛ meze wɔ na menlea wɔ gyɛlɛɛnye a, yemɔti mebadea wɔ, wɔ wɔ amumuyɛ ne mɔ ati.”

Emɔzo Buluku ne 6:1

Munzule ɛha bɛdabɛ mɔɔ bɛ nwo ɛdɔ bɛ wɔ Zayɔn, nee bɛdabɛ mɔɔ bɛdwenle kɛ bɛ nwo le kɔlɔnwo wɔ Samɛlea la, bɛmɛ mgbolema mɔɔ bɛwɔ Yizilayɛ, mɔɔ menli ba bɛ ɛkɛ babiza moalɛ la!

Malakae Buluku ne 3:17

Tumivolɛ Ɛdɛnkɛma se, “Bɛbayɛ me ɛdeɛ. Bɛbayɛ me agyadeɛ mɔɔ anwo hyia a, wɔ kenle mɔɔ menwɔha me nwo la. Mebanwu bɛ anwunvɔne, kɛmɔ sonla nwu ɔ ra mɔɔ sonle ye la anwunvɔne la.

1 Kɔl 10:26

ɔluakɛ Nyamenle Edwɛkɛ ne se, “Azɛlɛ ye nee zolɛ ninyɛne kɔsɔɔti le Nyamenle ɛdeɛ.”

1 Kɔl 10:28

Na saa awie se bɛ kɛ, “Ɛhye le aleɛ mɔɔ bɛva bɛzɔ amonle anzɛɛ bɛdo bɛmaa bozonle” a, ɛnee ahenle ne adwenle mɔɔ kɛzɛkye la ati, bɛmmadi;

Mɛla 10:14

Bɛnwu ye kɛ, Ɛdɛnkɛma bɛ Nyamenle ne yɛɛ anwuma nee anwuma anwuma lɔ, nee azɛlɛ ye nee debie biala mɔɔ wɔ zolɛ la le ye ɛdeɛ a.

Mɛla 11:27

Saa bɛdi Ɛdɛnkɛma bɛ Nyamenle ne mɛla ne mɔ mɔɔ melɛfa meamaa bɛ ɛnɛ la azo a, ɔbayɛ nyilalɛ.

Mɛla 14:2

Ɔluakɛ bɛle Ɛdɛnkɛma bɛ Nyamenle ne menli mɔɔ anwo te a. Ɛdɛnkɛma ɛkpa nu ɛye bɛ wɔ menli kɔsɔɔti mɔɔ wɔ ewiade la avinli kɛ ɔdaye ye menli a le bɛ.

Mɛla 14:21

“Debie biala mɔɔ ɔdaye ɔ ngome ɔkɛwu la, bɛmmadi. Bɛkola bɛfa bɛmaa bɛ nyɛvolɛ mɔɔ de bɛ avinli wɔ bɛ azua ne mɔ azo la kɛ bɛli anzɛɛ bɛkola bɛtɔne ye bɛmaa ɛyɛvolɛ mɔɔ ɛnle Yizilayɛnli la, ɔluakɛ bɛmɛ Yizilayɛma, bɛle menli mɔɔ Ɛdɛnkɛma bɛ Nyamenle ne ɛdu bɛ ɛzie ahane ɛmaa ɔ nwo a. “Bɛmmato boane anzɛɛ abɔnkye ralɛ wɔ ɔ nli nyɛfonzule nu bɛdi.

Mɛla 26:18

Ɛdɛnkɛma noko ɛva ɛdo gua ɛnɛ kenle ye kɛ bɛle ɔdaye ye menli, kɛmɔ ɔvale ɔbɔle bɛ ɛwɔkɛ la; ɔwɔ kɛ bɛdi ye mɛla ne mɔ azo.

Mɛla 26:19

Ɔbakpogya bɛ zo yeayɛ bɛ maanle kpole mɔɔ bo maanle maanle kɔsɔɔti anwo zo a, na bɛali bɛ eni bɛaye bɛ ayɛlɛ. Bɛbayɛ Ɛdɛnkɛma bɛ Nyamenle ne ɔdaye ye menli mɔɔ anwo te a, kɛmɔ ye ɛwɔkɛ ne se la.”

Mɛla 28:1

“Saa bɛtie Ɛdɛnkɛma bɛ Nyamenle ne ane, bɛnea boɛ, bɛdi ye mɛla ne mɔ mɔɔ melɛfa meamaa bɛ ɛnɛ la azo a, Ɛdɛnkɛma bɛ Nyamenle ne bamaa bɛazie maanle maanle mɔɔ wɔ ewiade la amuala.

Mɛla 28:9

“Saa bɛdi Ɛdɛnkɛma bɛ Nyamenle ne mɛla zo na bɛdua ye ndenle ne mɔ anu a, Ɛdɛnkɛma bava bɛ ayɛ ye menli mɔɔ anwo te a, kɛmɔ yeva yebɔ bɛ ɛwɔkɛ la.

Mɛla 4:20

Na bɛmɛ, Ɛdɛnkɛma ɛva bɛ na yeye bɛ yevi Yigyibiti bulalɛ fonlomo gɔhyee ne anu kɛ bɛrayɛ ɔdaye ye menli, kɛmɔ bɛde ɛnɛ la.

Mɛla 5:2

Ɛdɛnkɛma yɛ Nyamenle ne nee yɛ yɛle ngyekyeleɛ wɔ Saenae Boka.

Mɛla 7:6

Ɔluakɛ bɛmɛ, bɛle menli mɔɔ Ɛdɛnkɛma bɛ Nyamenle ne ɛde bɛ nwo a. Ɛdɛnkɛma bɛ Nyamenle ne ɛkpa nu ɛye bɛ ɛvi menli mɔɔ wɔ ewiade la amuala anu, kɛ ye menli a le bɛ.

Mɛla 9:29

Saa yeanyɛ boɛ bɔbɔ a, bɛmɛ a bɛle wɔ menli ne, mɔɔ le wɔ agyadeɛ mɔɔ ɛvale tumi kpole ɛliele bɛ na ɛyele bɛ ɛvile Yigyibiti a.’

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:14

Gyisɛse Kelaese vale ɔ nwo manle wɔ yɛ ti kɛ ɔbaye yɛ yeavi amumuyɛ muala anu, na yeayɛ yɛ ye menli mɔɔ anwo te na yɛle ɔ ngomekye ye ɛdeɛ la, amaa yɛ nye abolo kɛ yɛkɛyɛ kpalɛ.

Kɛlata mɔɔ bɛhɛlɛle bɛhɔmanle Hibuluma la 11:8

Diedi zo yɛɛ ɔlua mɔɔ Ebileham diele Nyamenle ɛvɛlɛlɛ ne na ɔdule ɔhɔle maanle mɔɔ Nyamenle hilele ye kɛ ɔle ye ɛdeɛ la anu a. Ɔvi ye maanle ne anu ɔdule la, ɛnee ɔdaye mumua ne ɔnze ɛleka mɔɔ ɔlɛkɔ la.

Kɛlata mɔɔ bɛhɛlɛle bɛhɔmanle Hibuluma la 8:9

Ɔnrɛyɛ kɛ ngyekyeleɛ ne mɔɔ me nee bɛ nlenya mɔ kyekyele wɔ mekɛ mɔɔ menyele bɛ menvile Yigyibiti azɛlɛ zo la. Bɛanli nɔhalɛ wɔ zɔhane ngyekyeleɛ ne mɔɔ me nee bɛ kyekyele la anwo, yemɔti meandɛne bɛ zo, Medame Awulae a mese a.

Dwɔhyua Buluku ne 24:24

Menli ne zele Dwɔhyua kɛ, “Yɛbazonle Ɛdɛnkɛma yɛ Nyamenle ne. Yɛbali ye mɛla ne mɔ azo.”

1 Pit 2:9

Bɛmɛ a bɛle menli mɔɔ Nyamenle ɛkpa nu ɛye bɛ a. Bɛle Belemgbunli ne sɛlɛvolɛma, maanle nwuanzanwuanza, Nyamenle ɔdaye ye menli mɔɔ yeboɔboa yekpondɛ bɛ bo zo na yevɛlɛ bɛ kɛ bɛvi awozinli nu bɛrɛla ye wienyi ne anu na bɛbɔ ye nwanwane gyima ne nolo a.

1 Sam 15:22

Samoɛle zele kɛ, “Ɛnee ɛnea a Ɛdɛnkɛma anye die azubɔdeɛ nee ɛyelalɛ azubɔlɛ nwo kpole tɛla kɛ ɛkɛdie ɔ ne la ɔ? Nea, tieyɛ le kpalɛ tɛla azubɔlɛ, yɛɛ ɛtie Ɛdɛnkɛma ane a ɔle kpalɛ ɔtɛla mboane nyinli mɔɔ ɛwie kye la.