Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:4 - BAEBOLO ANZƐƐ BULUKU NWUANZANWUANZA

⁴ ‘Bɛnwunle mɔɔ medame Ɛdɛnkɛma menvale menyɛle Yigyibitima, na menvale bɛ wɔ kɔleɛ ndɛbalɛ zo membale me nwo ɛke la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 19:4 ပူးပေါင်းရင်းမြစ်များ

Ayezaya Buluku ne 40:31

na bɛdabɛ mɔɔ bɛ rɛle wɔ Ɛdɛnkɛma anu la, bɛbanyia anwosesebɛ fofolɛ; bɛbanyia ndɛbalɛ mɔɔ le kɛ kɔleɛ ɛdeɛ ne. Bɛbanriandi na bɛnrɛvɛ, bɛbadia na bɛ nye zo ɛnrɛbulu.

Ayezaya Buluku ne 63:9

Bɛ nyanelilɛ kɔsɔɔti yɛle ye nyanelilɛ, na ɔmanle ye soanvolɛ ne mɔɔ nee ye lua la liele bɛ ngoane. Ɔluale ye ɛhulolɛ nee ye anwunvɔnezelɛ zo ɔkpɔnenle bɛ. Ɔvi mɔmoane, ɔdwule bɛ na ɔviale bɛ dahuu.

Hozia Buluku ne 11:1

Ɛdɛnkɛma se, “Mɔɔ Yizilayɛ le kakula la, mengulole ye, na menvɛlɛle me ra nrenya ne menvile Yigyibiti.

Hagae Buluku ne 2:5

kɛmɔ menvale membɔle bɛ ɛwɔkɛ wɔ mekɛ mɔɔ bɛvile Yigyibiti la. Me Sunsum ne nee bɛ de; bɛmmasulo.

Malakae Buluku ne 2:10

Yɛ muala yɛ ze ɛnle ko ɔ? Tɛ Nyamenle ko ne ala a bɔle yɛ muala ɔ? Duzu ati a yɛnli nɔhalɛ yɛmmaa yɛ nwo, na ɔlua zo yɛgua yɛ ze mɔ ngyekyeleɛ ne mɔɔ bɛ nee Nyamenle yɛle la anwo evinli a?

Mɛla 1:30

Ɛdɛnkɛma bɛ Nyamenle mumua ne mɔɔ li bɛ ti la baho amaa bɛ, kɛmɔ ɔyɛle wɔ Yigyibiti nee fienemgbole ne anu mɔɔ bɛdabɛ bɛnwunle ye la. Bɛdabɛ bɛnwunle kɛ Ɛdɛnkɛma bɛ Nyamenle ne zile zɔle bɛ gyɛlɛɛnye wɔ ɛleka biala mɔɔ bɛluoluale la, kɛ selɛ si sɔ ɔ ra nrenya, toonwo mɔɔ bɛradwu ɛke la.’

Mɛla 29:1

Edwɛkɛ agbɔkɛ mɔɔ wɔ ngyekyeleɛ ne mɔɔ Ɛdɛnkɛma manle Mosisi nee Yizilayɛma yɛle la anu la ɛne: Bɛyɛle ngyekyeleɛ ɛhye wɔ Mowabe azɛlɛ zo, yɛɛ asolo mɔɔ Ɛdɛnkɛma nee bɛ yɛle wɔ Saenae Boka la.

Mɛla 29:2

Mosisi manle Yizilayɛma kɔsɔɔti rayiale na ɔzele bɛ kɛ, “Bɛdabɛ bɛ nye nwiɔ, bɛnwunle debie mɔɔ Ɛdɛnkɛma yɛle wɔ Yigyibiti azɛlɛ zo, nee mɔɔ ɔvale ɔyɛle Yigyibiti belemgbunli ne nee ye mgbanyima nee maanle ne amuala la.

Mɛla 4:9

Bɛnlea boɛ na bɛzie bɛ adwenle koonwu, amaa bɛ rɛle anvi ninyɛne mɔɔ bɛdabɛ bɛnwu ye bɛ nye zo la. Bɛmmamaa bɛ rɛle fi ye ɛlɛ wɔ mekɛ mɔɔ bɛde ngoane nu la. Bɛhilehile bɛ mra nee bɛ nlɔnra

Dwɔhyua Buluku ne 23:3

Bɛdabɛ bɛnwu debie mɔɔ bɛmɛ bɛ ti Ɛdɛnkɛma bɛ Nyamenle ne ɛva ɛyɛ maanle maanle ɛhye mɔ la. Ɛdɛnkɛma bɛ Nyamenle ne a ɛho ɛmaa bɛ a.

Yekile 12:14

Na bɛmanle raalɛ ne kɔleɛ ndɛbalɛ mgbole nwiɔ, amaa yeahola tu ɔvi ɛwɔlɛ ne anwo ɛkɛ yeahɔ ɛsɛlɛ zo lɔ, ɛleka mɔɔ bɛbanlea ye gyɛlɛɛnye ɛvolɛ nsa nee foa la, amaa nane ne angola ɔ nwo zo kɔ bieko.