Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 16:4 - BAEBOLO ANZƐƐ BULUKU NWUANZANWUANZA

⁴ Akee Ɛdɛnkɛma zele Mosisi kɛ, “Nea, mebamaa aleɛ vi anwuma adɔ kɛ ezule. Kenle ko biala menli ne bahɔsesa mɔɔ sa bɛ di kenle ko la ala, amaa meazɔ bɛ meanlea saa bɛkɛli me mɛla ne azo anzɛɛ bɛnrɛli zolɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 16:4 ပူးပေါင်းရင်းမြစ်များ

Nihɛmaya Buluku ne 11:23

Ɔluakɛ belemgbunli yɛle ngyehyɛlɛ mɔɔ kile kɛ mbusua ekpulike ne mɔ ɛrado edwɛne bɛ ti bɛ ti ɛboa ɛzonlenlɛ. Mekɛ biala mɔɔ bɛyɛ nzɛlɛlɛ la ɔwɔ kɛ abusua ekpulike ko bato edwɛne boa.

Nihɛmaya Buluku ne 9:15

“Ɛhɔne hunle bɛ, ɛmanle bɛ anwuma kpanwo, nzuhɔne hunle bɛ, ɛmanle bɛ bolɛ nu nzukpa. Ɛzele bɛ kɛ bɛhɔva azɛlɛ ne mɔɔ ɛhanle ndane ɛvale ɛmanle bɛ la.

Nihɛmaya Buluku ne 9:20

Wɔ kpalɛ ti ɛvale wɔ Sunsum ne ɛhilehilele bɛ, ɛvale mana ɛlile bɛ adane, ɛmanle bɛ nzukpa bɛnlonle.

Edwɛndolɛ Buluku ne 105:40

Bɛbizale, na Ɛdɛnkɛma rɛlɛle bɛ kyelɛwele, na ɔmanle bɛ anwuma kpanwo molozo.

Edwɛndolɛ Buluku ne 78:23

Na ɔdendɛle ɔhilele anwomanyunlu, na ɔbukele anwuma nlenkɛ ne mɔ;

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:25

Mosisi zɛlɛle Ɛdɛnkɛma, na Ɛdɛnkɛma hilele ye baka bie, ɔvuandinle baka ne ɔdole nzule ne anu, na nzule ne yɛle nzukpa. Ɛdɛnkɛma manle bɛ mɛla nee ngyehyɛlɛ na ɔzɔle bɛ ɔnleanle.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 16:15

Mɔɔ Yizilayɛma ne nwunle ye la, bɛbizebizale bɛ nwo ngoko kɛ, “Duzu debie ɛ?” Ɔluakɛ ɛnee bɛnze ye deɛ holɛ. Na Mosisi zele bɛ kɛ, “Ɔle kpanwo mɔɔ Ɛdɛnkɛma ɛva ɛmaa bɛ kɛ bɛli a.

Mrɛlɛbulɛ Buluku ne 30:8

Ye adalɛbɔlɛ nee adalɛ ɛbɛla biala fi me nu bɔkɔɔ; mmamaa medi ehyia anzɛɛ menyia me nwo. Maa menyia aleɛ mɔɔ menwɔhyia nwolɛ la ala,

Edwɛkpa ne kɛmɔ Mateyu hɛlɛle la 6:11

Maa yɛ ɛnɛ yɛ dahuu aleɛ,

Edwɛkpa ne kɛmɔ Luku hɛlɛle la 11:3

Maa yɛ kenle biala yɛ dahuu aleɛ.

1 Kɔl 10:3

Bɛ muala bɛlile sunsum nu aleɛ ko ne ala bie,

Mɛla 8:16

Ɔmanle bɛ mana mɔɔ bɛ ze mɔ anli bie ɛlɛ la ɔmanle bɛlile wɔ ɛsɛlɛ ne azo, amaa yeabɛlɛ bɛ aze na yeazɔ bɛ yeanlea na awieleɛ ne yeayɛ bɛ boɛ.

Mɛla 8:2

Bɛhakye adenle mɔɔ Ɛdɛnkɛma bɛ Nyamenle ne ɛva bɛ ɛlua nu ɛvolɛ abulanla ye anu mɔɔ bɛluolua fienemgbole ne anu la. Ɔyɛle ɛhye kɛ ɔfa yeazɔ bɛ yeanlea yeanwu mɔɔ wɔ bɛ ahonle nu la, saa bɛkɛyɛ mɛlɛbɛnwoaze, bɛkɛli ye mɛla ne mɔ azo anzɛɛ bɛnrɛli zo a.

Dwɔhyua Buluku ne 24:15

Saa bɛ kunlu ɛndwo kɛ bɛkɛzonle ye a, ɛnee ɛnɛ demua ye, bɛhile mɔɔ bɛkɛzonle ye la, awozonle ne mɔ mɔɔ bɛ nlenya mɔ zonlenle bɛ wɔ Mɛsɔpɔteemea la anzɛɛ saa Amɔlema mɔɔ bɛ azɛlɛ zo a bɛde la awozonle ne mɔ a. Na mame, me nee me sua nu amra, yɛbazonle Ɛdɛnkɛma.”