Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:7 - BAEBOLO ANZƐƐ BULUKU NWUANZANWUANZA

⁷ Wɔ wɔ konimlilɛ kpole nu, ɛfuandi wɔ kpɔvolɛma ɛgua; ɛmaa wɔ ɛya dwu aze, yela bɛ kɛ ndile.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:7 ပူးပေါင်းရင်းမြစ်များ

Dwobu Buluku ne 9:4

Ɔle nrɛlɛbɛvolɛ, yɛɛ ye anwosesebɛ le bedevinli; nwane a nee ye ɛdwudwu na yenyia gyinlagyakɛ a?

Edwɛndolɛ Buluku ne 148:13

Bɛ muala bɛye Ɛdɛnkɛma ayɛlɛ! Ɔluakɛ ye duma bo duma biala azo; ye anyunlunyia bo anwuma nee aze anwo zo.

Edwɛndolɛ Buluku ne 59:13

maa wɔ ɛya kpole ne ɛyela bɛ wee, ɛmaa bɛdɔ nzonle, bɛ bo zo ɛminli, amaa menli anwu kɛ Nyamenle le belemgbunli wɔ Yizilayɛ toonwo ɔdwu ewiade ɛleka biala.

Edwɛndolɛ Buluku ne 68:33

bɛdo edwɛne bɛmaa mɔɔ dua anwomanyunlu la, tete anwomanyunlu; bɛdie, ɔlɛtendɛ, ɔ ne kpole ne dielie.

Edwɛndolɛ Buluku ne 83:13

O me Nyamenle, maa bɛyɛ kɛ munlutu mɔɔ anwoma ɛlɛbɔ nu la, bɛyɛ kɛ abonle mɔɔ luolua anwoma nu la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:27

Yemɔti Mosisi dendenle ɔ sa nyevile ne anu, na nwonlomɔ ne, nyevile ne yile rale ɔ bo zo ne. Yigyibitima bɔle mɔdenle kɛ bɛnriandi, na Ɛdɛnkɛma hanle bɛ guale nyevile ne anu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 5:12

Yemɔti menli ne kpondenle Yigyibiti azɛlɛ zo luoluale nuhua kpondɛle atoko gyakɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:16

Na mevavi wɔ, memaa wɔdɛnla ngoane nu kɛ mefa meahile me tumi ne, na wɔakponde me duma wɔ azɛlɛ ye kɔsɔɔti azo.

Ayezaya Buluku ne 37:17

O Ɛdɛnkɛma, yɛ ɛnzonlɛ na tie; O Ɛdɛnkɛma, buke ɛ nye nea na tie edwɛkɛ mɔɔ Sɛnakɛlebe ɛva ɛzoa kɛ bɛva bɛrabɔ tease Nyamenle ne aholoba la.

Ayezaya Buluku ne 37:23

Nwane a wɔgolo ɔ nwo, wɔyɛ ye aholoba la? Nwane a wɔmaa ɛ nloa ɛdo ye na wɔholoholo ɛ nye wɔhile ye la? Wɔyɛ wɔtia medame Yizilayɛ Nwuanzanwuanza Ko ne!

Ayezaya Buluku ne 37:29

Kɛmɔ wɔva me nwo ɛya kpole na wɔ mgbole ɛhehanlɛ ne ɛdwu me nzo nu la, mebava me koba ne meazɔ ɛ bonyi, meava kɔleɛ meatosa ɛ kɔmenzia na meaziane wɔ meamaa wɔava adenle ne mɔɔ ɛvale zolɛ ɛrale la azo wɔahɔ.”

Ayezaya Buluku ne 37:36

Ɛdɛnkɛma soanvolɛ ne hɔle Aselea ɛlɔnema azokoɛleɛ ne na ɔhɔhunle bɛ nuhua apenle ngoko ɛya ko abulatwɛ nee nnu. Mɔɔ menli dwazole nwonlomɔ mangyee ne la ɛnee bɛ kɔsɔɔti bɛ avunli gua ɛkɛ.

Ayezaya Buluku ne 37:38

Na mɔɔ ɔwɔ ye bozonle Nezelɔko amonle sua ne anu ɔlɛsonle la, ɔdaye ɔ mra mrenya, Adelamɛlɛke nee Hyalizɛ vale dadeɛ rahunle ye na bɛnriandile bɛhɔle Arelalate maanle nu. Na ɔ ra nrenya Yisaahadɔn lile ye agya ziele maanle ne.

Ayezaya Buluku ne 47:14

“Bɛnlea, bɛle kɛ abɛlɛ gyakɛ, senle yela bɛ wee; bɛngola bɛnlie bɛ nwo bɛnvi senle ne asa anu. Ɛhye ɛnle samɛnlankɛ ɔmbɔ bɛ nwo wuluwulu, ɔnle senle bɛndɛnla nwo bɛnde!

Ayezaya Buluku ne 5:16

Na Tumivolɛ Ɛdɛnkɛma pɛlepɛlelilɛ ɛhɔ anwuma, Nwuanzanwuanza Nyamenle ne kile maa bɛnwu kɛ ɔle nwuanzanwuanza wɔ tenleneyɛlɛ nu.

Ayezaya Buluku ne 5:24

Yemɔti kɛ senle si yela ewula na ndile welera si sɔ senle nu la, zɔhane ala yɛɛ bɛ ndinli bakpɔlɔ na bɛ ndotolo akpolo azande kɛ munlutu a, ɔluakɛ bɛkpo Tumivolɛ Ɛdɛnkɛma mɛla ne na bɛhyi Yizilayɛ Nwuanzanwuanza Ko ne anloa edwɛkɛ.

Gyɛlɛmaya Buluku ne 10:6

O Ɛdɛnkɛma, awie nee wɔ ɛnzɛ; ɛle bedevinli, wɔ duma ne le kpole, tumi wɔ nu.

Maeka Buluku ne 4:11

Maanle maanle dɔɔnwo ɛli bɛ nloa ɛvua Gyɛlusalɛm ati; bɛse, “Bɛmaa yɛva yɛ nye yɛzie Gyɛlusalɛm anwo na yɛhɔzɛkye ye.”

Zɛkalaya Buluku ne 14:3

Akee Ɛdɛnkɛma bahɔ na ɔ nee maanle maanle ne mɔ ahɔho, kɛmɔ ɔyɛ a konle nu ɔyɛ la.

Zɛkalaya Buluku ne 14:8

Mekɛ ne anu, ngoane nzule bazenze avi Gyɛlusalɛm, foa ko bazenze ahɔgua aduduleɛ nyevile ne anu na foa ko noko ahɔgua adɔleɛ nyevile ne anu. Fɔsɛlɛ nu o, wawaa nu o, kɛ ɔsi ɔsenze la, zɔhane ala yɛɛ ɔbazenze mekɛ biala a.

Zɛkalaya Buluku ne 2:8

Nrɛlaleɛ ɛhye yɛɛ Tumivolɛ Ɛdɛnkɛma vale zoanle me wɔ maanle maanle ne mɔ mɔɔ rawuale bɛ la anu a, ɔluakɛ awie mɔɔ kɛva ɔ sa kɛha bɛ la ɛva ɔ nye kuduarizi ne ɛwɔ baka zo.

Malakae Buluku ne 4:1

Tumivolɛ Ɛdɛnkɛma se, “Bɛnlea, kenle ne ɛlɛba; ɔbazɔ kɛ fonlomo senle. Bɛdabɛ mɔɔ bɛmemaa bɛ nwo zo nee amumuyɛma bayela kɛ ewula. Bɛ ndinli bɔbɔ ɛnrɛha na yeayɛ bɛ ngane.

Edwɛkpa ne kɛmɔ Mateyu hɛlɛle la 3:12

Ɔlɛ ye akegyebɛ ɔ sa nu; ɔbava yeahegye ma ne amuala; ɔbaboɔboa kpalɛ ne anloa yeahɔgua ye bonwolo ne azo na yeayela abonle ne wɔ senle mɔɔ ɛnnu ɛlɛ la anu.”

Ɛzoanvolɛma Gyima ne 9:4

Ɔpɛle ɔfinle na ɔdele kɛ ɛnelɛ bie se, “Sɔɔlo! Sɔɔlo! Duzu ati a ɛlɛyɛ me kpɔdekpɔde zɛhae ɛ?”

Mɛla 33:26

Yizilayɛma, nyamenle bie ɛnle ɛkɛ mɔɔ le kɛ bɛ Nyamenle ne, mɔɔ dua ye belemgbunlililɛ nu vi anwuma baboa ye menli a.

Mɛla 4:24

Ɔluakɛ Ɛdɛnkɛma bɛ Nyamenle ne le sendɔlɔra. Ɔle Nyamenle mɔɔ twe nungule.

Kɛlata mɔɔ bɛhɛlɛle bɛhɔmanle Hibuluma la 12:29

ɔluakɛ yɛ Nyamenle ne le sendɔlɔra.