Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:2 - BAEBOLO ANZƐƐ BULUKU NWUANZANWUANZA

² Ɛdɛnkɛma le me anwosesebɛ nee me edwɛne, yɛɛ yeyɛ me ngoanedievolɛ. Me Nyamenle ne ɛne, mebaye ye ayɛlɛ, me ze Nyamenle ne, mebayeyɛ ye.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 17:7

“Me nee wɔ nee ɛ bo zo amra bayɛ ngyekyeleɛ mɔɔ baha awolɛndoazo ne mɔ amuala la, na yeayɛ ngyekyeleɛ mɔɔ bɛntulu ye ɛlɛ a. Mebayɛ wɔ Nyamenle na meayɛ ɛ bo zo amra noko Nyamenle.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:18

“O Ɛdɛnkɛma, melɛkendɛ wɔ ngoanelielɛ ne.

2 Sam 22:3

Me Nyamenle, me bodane mɔɔ mefea nu a, ɔpepɛ ɔdie me na ɔfa me ɔsie gyɛlɛɛnye. Ɔle me aranemgbole nee me ɛvealeka, ɔle me dievolɛ, ɔdie me ɔfi konle nu.

2 Sam 22:47

Ɛdɛnkɛma de aze! Ayɛlɛyelɛ ɛha me pepɛdievolɛ ne! Bɛbɔ me ngoanelielɛ pepɛdievolɛ Nyamenle ne nolo!

2 Sam 22:51

Nyamenle maa ye belemgbunli ne di konim mgbole; ɔkile ye ɛhulolɛ kpundii ne ɔmaa sonla ne mɔɔ yekpa nu yeye ye la, Devidi nee ɔ bo zo amra, wɔ mekɛ mɔɔ ɛnlɛ awieleɛ la.

2 Sam 7:24

Wɔyɛ Yizilayɛma wɔ menli wɔ melɛ mɔɔ ɛnlɛ awieleɛ, na wɔmɔ Ɛdɛnkɛma wɔyɛ bɛ Nyamenle.

2 Sam 7:5

“Kɔ kɔze me sonvolɛ Devidi kɛ, ‘Kɛ medame Ɛdɛnkɛma mese la ɛne: Wɔmɔ yɛɛ ɛsi sua wɔamaa meadɛnla nu ɔ?

1 Arl 8:13

Mezi Ɛzonlenlɛ Sua bedevinli ɛhye memaa wɔ, kɛ wɔ ɛleka mɔɔ ɛbadɛnla kpɔkpɔ.”

1 Arl 8:27

“Na Ɛdɛnkɛma, asoo amgba ɛbaradɛnla azɛlɛ ye azo bie? Wɔmɔ, anwuma nehane bɔbɔ le ekyi maa wɔ na sua ekyi ɛhye mɔɔ mezi la yɛɛ akee ɛkɛzo nu a.

1 Edk 16:14

Yemɔ a ɔle Ɛdɛnkɛma yɛ Nyamenle ne a; yemɔ a ɔbua ewiade amuala ndɛne a.

Edwɛndolɛ Buluku ne 109:1

O me ayɛlɛyelɛ Nyamenle, mmayɛ koonwu!

Edwɛndolɛ Buluku ne 118:14

Ɛdɛnkɛma le me anwosesebɛ, me konimlilɛ edwɛne, yelie me ngoane.

Edwɛndolɛ Buluku ne 118:21

Meyɛ wɔ mo kɛ wɔbua me, na wɔlie me ngoane a.

Edwɛndolɛ Buluku ne 118:28

Ɛle me Nyamenle, mebayɛ wɔ mo; ɛle me Nyamenle, mebayeyɛ wɔ.

Edwɛndolɛ Buluku ne 132:5

kɔkpula kɛ menwɔnyia ɛleka menwɔmaa Ɛdɛnkɛma, ɛleka mɔɔ Gyekɔbo Tumivolɛ Nyamenle ne badɛnla la.”

Edwɛndolɛ Buluku ne 140:7

O Ɛdɛnkɛma, me Awulae, me dievolɛ kpole, wɔheda me nwo zo wɔ konle nu.

Edwɛndolɛ Buluku ne 145:1

Mebayeyɛ wɔ, me Nyamenle nee me Belemgbunli, na meayɛ wɔ mo dahuu.

Edwɛndolɛ Buluku ne 18:46

Ɛdɛnkɛma de aze! Ayɛlɛyelɛ ɛha me Pepɛdievolɛ ne! Bɛbɔ me ngoanelielɛ Nyamenle ne kpoleyɛlɛ ne nolo!

Edwɛndolɛ Buluku ne 22:10

Bɛvale me bɛdole ɛ nwo zo ɔvi me awolɛ nu; yɛɛ sumunli kɛ ɔmɔ wole me la wɔmɔ a ɛle me Nyamenle a.

Edwɛndolɛ Buluku ne 22:3

Noko wɔmɔ a ɛle nwuanzanwuanza, mɔɔ Yizilayɛma ye wɔ ayɛlɛ a.

Edwɛndolɛ Buluku ne 27:1

Ɛdɛnkɛma le me wienyi nee ngoanelielɛ; menrɛzulo awie biala. Ɛdɛnkɛma le me ɛbɛla nu ɛvealeka; menrɛzulo awie biala.

Edwɛndolɛ Buluku ne 28:8

Ɛdɛnkɛma a le ye menli ne anwosesebɛ a, ɔle mɔɔ yekpa nu yeye ye la ngoanelielɛ ɛvealeka.

Edwɛndolɛ Buluku ne 30:1

O Ɛdɛnkɛma, mebayeyɛ wɔ, ɔluakɛ wɔmaa me zo, wɔammaa me kpɔvolɛma anzi me nwo zo agole.

Edwɛndolɛ Buluku ne 34:3

O bɛ nee me ɛyeyɛ Ɛdɛnkɛma; bɛmaa yɛbɔ nu yɛkpogya ye duma ne zo.

Edwɛndolɛ Buluku ne 48:14

“Nyamenle ne ɛne, ɔle yɛ Nyamenle dahuu. Ɔbahile yɛ adenle mekɛ biala.”

Edwɛndolɛ Buluku ne 59:17

O me Anwosesebɛ, mebado edwɛne meaye wɔ ayɛlɛ, ɔluakɛ wɔmɔ, O Nyamenle, ɛle me aranemgbole, Nyamenle ne mɔɔ kile ye ɛhulolɛ kpundii me nwo zo la.

Edwɛndolɛ Buluku ne 68:20

Yɛ Nyamenle ne le ngoanelielɛ Nyamenle; na yɛ Awulae Nyamenle ne ati, yɛɛ yɛkola yɛnriandi ewule a.

Edwɛndolɛ Buluku ne 99:5

Bɛhanvo Ɛdɛnkɛma yɛ Nyamenle ne; bɛzonle ye wɔ ɔ gyakɛ abo! Ɔle nwuanzanwuanza.

Edwɛndolɛ Buluku ne 99:9

Bɛhanvo Ɛdɛnkɛma yɛ Nyamenle ne, bɛzonle ye wɔ ye boka nwuanzanwuanza ne azo; ɔluakɛ Ɛdɛnkɛma yɛ Nyamenle ne le nwuanzanwuanza.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:13

Na Mosisi zele menli ne kɛ, “Bɛmmasulo, bɛgyinla kpundii na bɛnlea kɛ ɛnɛ Ɛdɛnkɛma bazi alie bɛ la. Ɔluakɛ Yigyibitima mɔɔ bɛnwu bɛ ɛnɛ la, bɛnrɛnwu bɛ bieko ɛlɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:6

Eza ɔzele kɛ, “Mame a mele ɛ ze mɔ Nyamenle ne, Ebileham Nyamenle ne, Ayezeke Nyamenle ne, nee Gyekɔbo Nyamenle ne.” Na Mosisi hedale ɔ ti zo, ɔluakɛ ɔsulo kɛ ɔkɛnlea Nyamenle.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 4:22

Na ɛbaze ye kɛ, ‘Kɛ Ɛdɛnkɛma se la ɛne: Yizilayɛ a le me belamunli ralɛ nrenya a, yemɔti medame Ɛdɛnkɛma, mese,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 40:34

Akee amungu hedale Ndanlɛ Sua ne azo, na Ɛdɛnkɛma anyunlunyia ne yile sua ne tɛkɛɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:7

Mebava bɛmɛ Yizilayɛma meayɛ me menli, na meayɛ bɛ Nyamenle, na bɛanwu kɛ medame a mele Ɛdɛnkɛma bɛ Nyamenle ne mɔɔ ɛye bɛ ɛvi Yigyibitima adesoa ne mɔ abo la.

Ayezaya Buluku ne 12:2

Bɛnlea, Nyamenle le me ngoanedievolɛ; menrɛzulo, mebava me rɛle meawula ye nu, ɔluakɛ Ɛdɛnkɛma Nyamenle ne le me anwosesebɛ nee me edwɛne, na yeyɛ me ngoanedievolɛ.”

Ayezaya Buluku ne 25:1

O Ɛdɛnkɛma, ɛle me Nyamenle; mebali wɔ eni kpole, mebaye wɔ duma ayɛlɛ, ɔluakɛ wɔyɛ nwanwane ninyɛne, tete yɛɛ ɛhyehyɛle bɛ a, yɛɛ nɔhalɛ nu wɔyɛ.

Ayezaya Buluku ne 45:17

Ɛdɛnkɛma ɛlie Yizilayɛma ngoane, yemaa bɛ ngoanelielɛ mɔɔ ɛnlɛ awieleɛ, bɛ nyunlu ɛnrɛgua aze anzɛɛ bɛnrɛbɔ anyiemgba ɛlɛ.’ ”

Ayezaya Buluku ne 49:6

“Ɔnyɛ se kɛ ɛkɛyɛ me sonvolɛ, na ɛkɛva Yizilayɛma mɔɔ ɛha la ɛkɛzie bɛ gyinlabelɛ dɛba ne. Mebamaa wɔayɛ maanle maanle ne mɔ kɛnlaneɛ, amaa me ngoanelielɛ ne adwu ewiade ɛleka biala.”

Ayezaya Buluku ne 66:1

Ɛdɛnkɛma se, “Anwuma le me belemgbunli ebia, yɛɛ azɛlɛ ye le me gyakɛ abo ebia. Duzu sua a bɛkɛzi bɛkɛmaa me a, yɛɛ nienwu a medie me ɛnwomenle a?

Gyɛlɛmaya Buluku ne 3:23

Nɔhalɛ, awoka ne mɔ le mɛlɛbɛla, awoka ne mɔ azo anyelielɛ mgbole ne mɔ amboa. Nɔhalɛ, Ɛdɛnkɛma yɛ Nyamenle ne anu yɛɛ Yizilayɛ ngoanelielɛ ne wɔ a.

Gyɛlɛmaya Buluku ne 31:33

Ngyekyeleɛ ne mɔɔ me nee Yizilayɛma bayɛ la ɛne: Mebava me mɛla ne meawula bɛ nuhua, mebahɛlɛ ye bɛ ahonle nu; mebayɛ bɛ Nyamenle, na bɛdabɛ noko bɛayɛ me menli.

Gyɛlɛmaya Buluku ne 32:38

Bɛbayɛ me menli, na meayɛ bɛ Nyamenle.

Habakɛke Buluku ne 3:13

Ɛhɔle wɔ menli ne mɔ ngoane ɛlielɛ, ɛhɔle kɛ ɛkalie sonla ne mɔɔ wɔkpa nu wɔye ye la. Ɛgelegelele amumuyɛnli ne ati, ɛkpale ɔ nwo, ɔvi ye ɛzɔlɛ nwo ɔdwule ɔ kɔme anwo.

Zɛkalaya Buluku ne 13:9

Ekpunli ko ne mɔɔ tɔ zolɛ nsa bɔbɔ la, mebagua bɛ senle nu meadu bɛ nuhua, kɛmɔ bɛtu dwɛtɛ fufule nu la, na meazɔ bɛ meanlea, kɛmɔ bɛsɔ ezukoa nvutuke bɛnea la. Bɛbabɔ me duma bɛavɛlɛ me, na mebalie bɛ zo. Mebaha kɛ, ‘Bɛle me menli’ na bɛbaha kɛ, ‘Ɛdɛnkɛma le me Nyamenle.’ ”

Edwɛkpa ne kɛmɔ Luku hɛlɛle la 1:77

na wɔamaa ye menli ne anwu kɛ bɛbava bɛ ɛtane bɛahyɛ bɛ na bɛalie bɛ ngoane.

Edwɛkpa ne kɛmɔ Luku hɛlɛle la 2:30

Me nye ɛnwu wɔ ngoanelielɛ ne

Dw 4:22

Nɔhalɛ, bɛmɛ Samɛleama, bɛnze mɔɔ bɛsonle ye la, na yɛmɛ Dwuuma, yɛze mɔɔ yɛsonle ye la. Ɔboalekɛ ngoanelielɛ kɛra a ɔvi Dwuuma.

Dw 5:23

amaa menli kɔsɔɔti ali Ralɛ ne eni, kɛmɔ bɛdi Selɛ ne eni la. Awie biala mɔɔ ɛnli Ralɛ ne eni la, ɛnli Selɛ ne mɔɔ zoanle ye la eni.

Ɛzoanvolɛma Gyima ne 4:12

Ɔ nwo zo yɛɛ yɛlua a yɛkɛnyia ngoane a, ɔluakɛ awie bieko ɛnle aleɛabo mɔɔ Nyamenle ɛva ye duma ɛmaa mɔɔ yɛdua ɔ nwo zo a yɛkɛnyia ngoane a.”

2 Kɔl 5:19

Yemɔ a le kɛ, Nyamenle lua Kelaese anwo zo ɛlɛtwe menli muala ayɛ bɛ ɔ gɔnwo mɔ. Nyamenle ambu bɛ ɛtane ne mɔ anwo mgbonda antia bɛ na yeva edwɛkɛ ne mɔɔ fane kɛ menli si yɛ ɔ gɔnwo mɔ la yewula yɛ sa nu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:22

Kɛmɔ bɛ nee Kelaese ɛyɛ ko la, bɛdabɛ noko bɛlua Nyamenle Sunsum ne azo bɛlɛsi bɛ nee menli kɔsɔɔti kɛ sua la na Nyamenle adɛnla nu.

Mɛla 10:21

Bɛye ye ayɛlɛ, ɔle bɛ Nyamenle mɔɔ ɛyɛ ninyɛne mgbole nee nwanwane ninyɛne ɛmaa bɛ, mɔɔ bɛdabɛ bɛ nye dua a.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:11

na awie biala aha ye baguase kɛ, Gyisɛse Kelaese le Awulae, bɛava bɛawula Nyamenle Selɛ ne anyunlunyia.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:13

Ɔlua anwosesebɛ ne mɔɔ Kelaese fa maa me la ati, mekola megyinla ninyɛne muala anloa.

Kɔlɔ 2:9

Ɔluakɛ Nyamenle su ne de Kelaese sonlabaka ne nu,

Yekile 15:3

Ɛnee bɛlɛto Nyamenle sonvolɛ Mosisi nee Boaneralɛ ne anwo edwɛne. Bɛse, “Awulae Nyamenle Bedevinli, wɔ nyɛleɛ yɛ ɛzulolɛ, ɔyɛ nwanwane! Damɛnlangoate Belemgbunli, wɔ ndenle le fɔɔnwo nee nɔhalɛ.

Yekile 19:1

Ɛhye anzi mendele debie bie mɔɔ le kɛ menli dɔɔnwo ane wɔ anwuma, bɛse, “Bɛye yɛ Nyamenle ne ayɛlɛ! Ngoanelielɛ, anyunlunyia, nee tumi le yɛ Nyamenle ne ɛdeɛ!

Maanlebuvolɛma Buluku ne 5:21

Kaehyɔn azuyilɛ ne pianle bɛ hɔle, Azule Kaehyɔn ɔ, ye ɛzenlɛ nu yɛ se. Akee mebava anwosesebɛ meaho meahɔ me nyunlu.