Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:16 - BAEBOLO ANZƐƐ BULUKU NWUANZANWUANZA

¹⁶ Ɛzulolɛ nee ahunlundetelɛ tɔ bɛ nwo; wɔ tumi ne kpole ti, bɛnga bɛ nwo fee, bɛyɛle kɛ awolɛ kɔkpula kɛ, O Ɛdɛnkɛma, wɔ menli ne mɔɔ wɔkpɔne bɛ la ɛpɛ nu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:16 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 35:5

Bɛzile nu mɔɔ bɛkɔ la, ɛzulolɛ kpole dɔle azuamgbole mɔɔ zuozua Hyikɛm la amra anwo zo, yemɔti bɛ biala anga ɛlalɛ kɛ ɔkɛkpo Gyekɔbo amra ne mɔ.

2 Sam 7:23

Maanle biala ɛnle aleɛabo kɛ wɔ menli Yizilayɛma mɔɔ ɛkpɔnenle bɛ na ɛyɛle bɛ wɔ menli la. Ninyɛne mgbole nee nwanwane ninyɛne mɔɔ ɛyɛle ɛmanle bɛ la ɛmaa wɔ duma ɛkponde aleɛabo ɛleka biala. Mekɛ mɔɔ wɔ menli mɔɔ ɛyele bɛ ɛvile Yigyibiti la kɔ bɛ nyunlu la, ɛdule maanle maanle nee bɛ awozonle ne mɔ.

Edwɛndolɛ Buluku ne 105:38

Ɔyɛle Yigyibitima fɛ kɛ Nyamenle menli ne ɛlɛkɔ a, ɔluakɛ ɛnee bɛ nwo ɛzulolɛ ɛdɔ bɛ nwo zo.

Edwɛndolɛ Buluku ne 74:2

Kakye wɔ menli ne mɔɔ mɔmoane ɛvale bɛ ɛyɛle wɔ ɛdeɛ, na wɔlie bɛ wɔyɛ bɛ wɔ agyadeɛ, abusua ekpunli la. Kakye Zayɔn Boka mɔɔ wɔdɛnla zolɛ ɛlɛ la.

Edwɛndolɛ Buluku ne 89:14

Tenleneyɛlɛ nee pɛlepɛlelilɛ le wɔ belemgbunli ebia ne adiabo; ɛhulolɛ kpundii nee nɔhalɛlilɛ a gyi ɛ nyunlu a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 11:7

Na wɔ Yizilayɛma anu, twea ɛnrɛkpo sonla na yeayɛ nane bɔbɔ, amaa wɔanwu kɛ Ɛdɛnkɛma ɛgya ɛweɛne ɛdo Yizilayɛma nee Yigyibitima avinli.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:13

Wɔ anwunvɔnezelɛ ne ati, wɔli menli mɔɔ wɔlie bɛ ngoane la ati; wɔva wɔ tumi ne wɔzinza bɛ ɛ nee bɛ ɛra wɔ ɛleka nwuanzanwuanza ne.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:5

Azuyilɛ ne ɛheda bɛ nwo zo; bɛnlomanle azule bo kɛ bolɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:6

“O Ɛdɛnkɛma, ɛ sa fema le tumi kpole; O Ɛdɛnkɛma, ɛ sa fema bubu kpɔvolɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 18:8

Na Mosisi hanle ninyɛne mɔɔ ɔlua Yizilayɛma ati Ɛdɛnkɛma ɛva ɛyɛ Yigyibitima nee bɛ belemgbunli ne la, amaneɛ mɔɔ bɛnwunle ye wɔ bɛ adendulɛ ne anu nee kɛ Ɛdɛnkɛma ɛzi ɛlie bɛ la amuala hilele ɔ ye ɔ ze Gyɛtulo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:2

“Mame a mele Ɛdɛnkɛma bɛ Nyamenle ne, mɔɔ yele bɛ vile Yigyibiti azɛlɛ zo, vile akɛlɛzonlenlɛ nu la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:20

“Bɛnlea, mebazoa Nyamenle soanvolɛ meamaa yeali bɛ nyunlu, yeazinza bɛ wɔ bɛ adendulɛ nu ɔ nee bɛ ahɔ ɛleka mɔɔ meziezie memaa bɛ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:22

Saa bɛtie ɔ ne na bɛyɛ mɔɔ menwɔha la a, mebayɛ kpɔvolɛ meamaa bɛ kpɔvolɛma na meaho meatia menli mɔɔ ko tia bɛ la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:27

“Mebaha menli mɔɔ ko tia bɛ la ɛzulolɛ meamaa bɛ nye zo ada bɛ, na meamaa bɛ kpɔvolɛma agua ɛbɔ nu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:7

Mebava bɛmɛ Yizilayɛma meayɛ me menli, na meayɛ bɛ Nyamenle, na bɛanwu kɛ medame a mele Ɛdɛnkɛma bɛ Nyamenle ne mɔɔ ɛye bɛ ɛvi Yigyibitima adesoa ne mɔ abo la.

Ayezaya Buluku ne 51:10

Asoo tɛ wɔmɔ a ɛmanle nyevile ne sesanle, ye buma ne nzule muala wele, na ɛmanle nyevile buma ne yɛle ademgbole, ɛmanle wɔ menli ne mɔɔ wɔkpɔne bɛ la luale nu la?

Ayezaya Buluku ne 63:12

Ɔdaye a ɔmanle ye konimlilɛ tumi ne nee Mosisi luale na ɔkpakyele nyevile ne anu, ɔliele duma mɔɔ ɛmbɔ aze ɛlɛ la ɔmanle ɔ nwo,

Gyɛlɛmaya Buluku ne 31:11

Ɔluakɛ medame Ɛdɛnkɛma, mekpɔne Yizilayɛma, na melie bɛ mevi menli mɔɔ anwo yɛ se la asa anu.

Yizikeɛle Buluku ne 16:8

“Mɔɔ mese bɛ nwo ɛkɛ ne bieko na meneanle bɛ la, ɛnee yedwu mɔɔ bɛkulo bɛ a. Mengedale bɛ ndanlɛ na memkpale bɛ nyiane. Menyiale bɛ na me nee bɛ yɛle agyalɛ ngyekyeleɛ, na bɛyɛle medame Awulae Nyamenle, me ɛdeɛ.

Ɛzoanvolɛma Gyima ne 20:28

Bɛnlea bɛ nwo boɛ na bɛnlea mboane ne mɔ mɔɔ Sunsum Nwuanzanwuanza ne ɛva bɛ ɛwula bɛ sa nu la boɛ. Bɛnlea Nyamenle asɔne ne mɔɔ yeva ɔ Ra ne mogya a yekpondɛ la azo boɛ.

Mɛla 11:25

Awie biala ɛnrɛhola bɛ nyunlu gyinla. Ɛdɛnkɛma bɛ Nyamenle ne bamaa bɛ nwo ɛzulolɛ adɔ menli mɔɔ wɔ azɛlɛ ne azo la amuala anwo zo, kɛmɔ ɔvale ɔbɔle bɛ ɛwɔkɛ la.

Mɛla 2:25

Ɔvi ɛnɛ kenle ye mebabɔ ɔ bo kɛ memaa bɛ nwo ayɛ awie biala mɔɔ wɔ aleɛabo la ɛzulolɛ. Biala mɔɔ kɛde bɛ nganeɛ la anwo bawozo ye na ɔ rɛle abɔ.’

Mɛla 2:4

Na se menli ne kɛ bɛlɛdua bɛ mediema Yisɔ abo zo amra ne mɔɔ de Yidɔm la maanle nu. Menli ne bazulo bɛ, yemɔti bɛnlea boɛ.

Mɛla 32:6

Bɛmɛ menli ahɔnwɔne mɔɔ ɛnlɛ adwenle a, asoo bɛ mo mɔɔ bɛyɛ Ɛdɛnkɛma la ɛne. Asoo tɛ yemɔ yɛɛ ɔle bɛ ze, mɔɔ bɔle bɛ, na ɔyɛle bɛ maanle la?

Mɛla 32:9

Ɛdɛnkɛma ɛkpɔ ɛdeɛ a le ye menli ne, Gyekɔbo a le ye afoa nu agyadeɛ a.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:14

Gyisɛse Kelaese vale ɔ nwo manle wɔ yɛ ti kɛ ɔbaye yɛ yeavi amumuyɛ muala anu, na yeayɛ yɛ ye menli mɔɔ anwo te na yɛle ɔ ngomekye ye ɛdeɛ la, amaa yɛ nye abolo kɛ yɛkɛyɛ kpalɛ.

Dwɔhyua Buluku ne 2:9

na ɔzele bɛ kɛ, “Meze kɛ Ɛdɛnkɛma ɛva azɛlɛ ye ɛmaa bɛ. Awie biala mɔɔ wɔ yɛ maanle ye anu la sulo bɛ, yɛɛ menli te bɛ nganeɛ a ɛnee ɛzulolɛ ɛha bɛ.

Dwɔhyua Buluku ne 4:24

Ɔlua ɛhye ati awie biala mɔɔ wɔ azɛlɛ ye azo la banwu kɛ Ɛdɛnkɛma lɛ tumi kpole, na bɛazulo Ɛdɛnkɛma bɛ Nyamenle ne wɔ mekɛ mɔɔ ɛnlɛ awieleɛ la.”

1 Pit 2:9

Bɛmɛ a bɛle menli mɔɔ Nyamenle ɛkpa nu ɛye bɛ a. Bɛle Belemgbunli ne sɛlɛvolɛma, maanle nwuanzanwuanza, Nyamenle ɔdaye ye menli mɔɔ yeboɔboa yekpondɛ bɛ bo zo na yevɛlɛ bɛ kɛ bɛvi awozinli nu bɛrɛla ye wienyi ne anu na bɛbɔ ye nwanwane gyima ne nolo a.

2 Pit 2:1

Mekɛ bie Nyamenle kpɔmanvolɛma alane bie vindele menli ne avinli. Zɔhane ala yɛɛ kilehilevolɛma alane bavinde bɛdabɛ noko bɛ avinli a. Bɛbava adalɛ ngilehilelɛ nee awozinli nu ngehanleɛ mɔɔ sɛkye adwenle la bɛara. Yemɔti bɛbakpo Menlenlɛ ne mɔɔ liele bɛ ngoane la na bɛahwe arɛlevilɛ nu munzule bɛamaa bɛ nwo.

1 Sam 2:9

“Ɔsinza menli mɔɔ di nɔhalɛ maa ye la, na ɔmaa amumuyɛma minli esike nu, ɔluakɛ tɛ sonla ɔdaye ye anwosesebɛ yɛɛ ɔfa ɔdi konim a.

1 Sam 25:37

Aleɛ hyenle na Neebale anye zo tetele ye la, ɔ ye hanle mɔɔ zile la amuala hilele ye, na ɛkɛ ne ala ɔgolole ɔguale na ɔdwidwele.