Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:1 - BAEBOLO ANZƐƐ BULUKU NWUANZANWUANZA

¹ Akee Mosisi nee Yizilayɛma dole edwɛne ɛhye yeyɛle Ɛdɛnkɛma: “Mebado edwɛne meayeyɛ Ɛdɛnkɛma, ɔluakɛ yeli konim anyunlunyia nu; ɛkpɔnwɔ nee ye kavolɛ ne, yevuandi bɛ yegua nyevile nu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:1 ပူးပေါင်းရင်းမြစ်များ

Nihɛmaya Buluku ne 9:11

Ɛkpakyele adenle ɛdole nyevile ne anu, na ɛmanle bɛluale azɛlɛ resee zo bɛpɛle; menli mɔɔ ɛlɛfoa bɛ la wule azule buma ne anu, bɛnlomanle kɛ bolɛ wɔ nyevile ne mɔɔ ɛzɛkye la anu.

Dwobu Buluku ne 36:24

Bɛhakye kɛ bɛkɛhanvo ye gyima ne, mɔɔ menli ɛdo nwolɛ edwɛne la.

Edwɛndolɛ Buluku ne 105:43

Yemɔti ɔlile ye menli ne anyunlu anyelielɛ nu, ɔvale edwɛndolɛ ɔlile ye menli ne mɔɔ yekpa nu yeye bɛ la ati.

Edwɛndolɛ Buluku ne 106:12

Akee bɛliele ye edwɛkɛ ne bɛlile; bɛdole ye ayɛlɛyelɛ edwɛne.

Edwɛndolɛ Buluku ne 107:15

Ɔwɔ kɛ bɛyɛ Ɛdɛnkɛma mo wɔ ye ɛhulolɛ kpundii ne ati, wɔ ye nwanwane gyima mɔɔ ɔdi ɔmaa menli la ati.

Edwɛndolɛ Buluku ne 107:8

Ɔwɔ kɛ bɛyɛ Ɛdɛnkɛma mo wɔ ye ɛhulolɛ kpundii ne ati, wɔ nwanwane gyima mɔɔ ɔdi ɔmaa menli la ati.

Edwɛndolɛ Buluku ne 32:7

Ɛle me feabelɛ, ɛdie me ɛfi ngyegyelɛ nu; ɛfa wɔ ɛlielɛ tumi ne ɛbɔ me nwo bane.

Edwɛndolɛ Buluku ne 76:6

O Gyekɔbo Nyamenle, ɛdeanle bɛ nu ala la, ɛkpɔnwɔ nee ye kavolɛ ne dule guale.

Edwɛndolɛ Buluku ne 76:7

Na wɔmɔ, ɛ nwo yɛ ɛzulolɛ kpole! Saa ɛfa ɛya a nwane a kɛhola kɛgyinla ɛ nyunlu a?

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:26

Na Ɛdɛnkɛma zele Mosisi kɛ, “Tende ɛ sa nyevile ne anu maa nyevile ne ɛha ɛbɔ nu ɛva Yigyibitima, bɛ konle ehwili ne mɔ, nee menli mɔɔ ka mgbɔnwɔ ne mɔ la anwo zo.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:27

Yemɔti Mosisi dendenle ɔ sa nyevile ne anu, na nwonlomɔ ne, nyevile ne yile rale ɔ bo zo ne. Yigyibitima bɔle mɔdenle kɛ bɛnriandi, na Ɛdɛnkɛma hanle bɛ guale nyevile ne anu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 15:21

Meleam dole edwɛne manle bɛ kɛ: “Bɛdo edwɛne bɛyeyɛ Ɛdɛnkɛma, ɔluakɛ yeli konim anyunlunyia nu; ɛkpɔnwɔ nee ye kavolɛ ne, yevuandi bɛ yegua nyevile nu.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 18:11

Na kɛkala, menwu kɛ Ɛdɛnkɛma le kpole tɛla nyamenle biala, ɔboalekɛ ɔliele menli ne ɔvile Yigyibitima asa anu wɔ mekɛ mɔɔ ɛnee bɛlɛyɛ bɛ mgbane mgbane la.”

Mrɛlɛbulɛ Buluku ne 29:6

Sonla mɔɔ di ɛtane la mɛladonlɛ kakyi ɛhane kye ye, na sonla mɔɔ di boɛ la to edwɛne na ɔ nye die.

Ayezaya Buluku ne 42:10

Bɛdo edwɛne fofolɛ bɛmaa Ɛdɛnkɛma; ewiade amra amuala, bɛdo ye ayɛlɛyelɛ edwɛne! Nyevile zo amra, bɛye ye ayɛlɛ, bɛdabɛ mɔɔ bɛde ɛnweanloa la, bɛdo edwɛne.

Gyɛlɛmaya Buluku ne 51:21

mefa wɔ mebubu ɛkpɔnwɔ nee ye kavolɛ, mefa wɔ megelegele konle ehwili ne nee ye kavolɛ ne,

Hozia Buluku ne 2:17

Ɔluakɛ menrɛmaa ɔnrɛbɔ Beeyale ne mɔ duma bieko, yɛɛ bɛnrɛbɔ bɛ duma bieko.

Habakɛke Buluku ne 3:18

noko Ɛdɛnkɛma ati, mebali fɛlɛko, me ngoanelielɛ Nyamenle ne ati, me nye balie.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 21:17

Na akee Yizilayɛma dole edwɛne ɛhye: “Bula, maa nzule ɛrɛla; Bɛdo edwɛne bɛmaa ye!

Kɔlɔ 2:15

Kelaese liele ɔ nwo wɔ meanubaka ne azo wɔ awozinli ewiade ye sunsum nu tumima asa anu, ɔguale bɛ nyunlu aze wɔ bagua nu na ɔzinlanle bɛ nyɛma zo wɔ ye konimlilɛ ɛlɔnwɔnedolɛ ne anu.

Yekile 15:3

Ɛnee bɛlɛto Nyamenle sonvolɛ Mosisi nee Boaneralɛ ne anwo edwɛne. Bɛse, “Awulae Nyamenle Bedevinli, wɔ nyɛleɛ yɛ ɛzulolɛ, ɔyɛ nwanwane! Damɛnlangoate Belemgbunli, wɔ ndenle le fɔɔnwo nee nɔhalɛ.