Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:3 - BAEBOLO ANZƐƐ BULUKU NWUANZANWUANZA

³ Na Mosisi hanle hilele menli ne kɛ, “Bɛhakye ɛnɛ kenle ko ye, ɔle kenle mɔɔ bɛvile Yigyibiti, na bɛvile akɛlɛzonlenlɛ nu la, ɔluakɛ Ɛdɛnkɛma luale tumi kpole zo a ɔyele bɛ ɔvile ɛkɛ a. Bɛmmadi kpanwo mɔɔ mgbɔvonle wɔ nu la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:3 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 15:16

Ɛ bo zo amra awolɛndoazo fane nna ne azo amra bazia ara ɛke, ɔluakɛ Amɔlema amumuyɛ ne ɛtɛwiele munli di mɔɔ metea bɛ a.”

1 Edk 16:12

Bɛhakye ye nwanwane gyima mɔɔ yeyɛ, sɛkɛlɛneɛ mgbole mɔɔ yehile, nee ye ndɛnebualɛ,

Nihɛmaya Buluku ne 1:10

“Bɛle wɔ sonvolɛma nee wɔ menli mɔɔ ɛdawɔ wɔva wɔ tumi kpole ne nee wɔ anwosesebɛ ne wɔlie bɛ a.

Nihɛmaya Buluku ne 9:10

Ɛyɛle nwanwane ninyɛne ɛhilele Yigyibiti belemgbunli ne, ɛyɛle bie ɛhilele ye mgbanyima nee menli mɔɔ wɔ azɛlɛ ne azo la, ɔboalekɛ ɛze kɛ bɛzile bɛsisile wɔ menli ne la. Na ɛliele duma ne mɔɔ ɛnɛ nee ɛnɛ ɛtɛdɛ la.

Edwɛndolɛ Buluku ne 105:5

O bɛmɛ ye sonvolɛ Ebileham abo zo amra, Gyekɔbo abo zo amra, mɔɔ yekpa nu yeye bɛ a, bɛhakye nwanwane gyima mɔɔ yeli la; ye nwanwane sɛkɛlɛneɛ nee ye ndɛnebualɛ ne mɔ.

Edwɛndolɛ Buluku ne 114:1

Mekɛ mɔɔ Yizilayɛma vile Yigyibiti, Gyekɔbo abo zo amra vile nyɛvolɛ avinli la,

Edwɛndolɛ Buluku ne 136:11

Ɔyele Yizilayɛma ɔvile Yigyibitima avinli; ɔluakɛ ye ɛhulolɛ kpundii ne wɔ ɛkɛ dahuu.

Edwɛndolɛ Buluku ne 136:12

Ɔvale tumi kpole, ye tumi ɛsalɛ ne; ɔluakɛ ye ɛhulolɛ kpundii ne wɔ ɛkɛ dahuu.

Edwɛndolɛ Buluku ne 89:14

Tenleneyɛlɛ nee pɛlepɛlelilɛ le wɔ belemgbunli ebia ne adiabo; ɛhulolɛ kpundii nee nɔhalɛlilɛ a gyi ɛ nyunlu a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:15

Ɛdɛnkɛma zele kɛ, “Bɛbali kpanwo mɔɔ mgbɔvonle ɛnle nu la kenle nsuu. Kenle ne mɔɔ lumua la, bɛye mgbɔvonle biala bɛvi bɛ azua nu, ɔluakɛ ɔvi kenle ne mɔɔ lumua la toonwo mɔɔ kɔdwu kenle nsuu ne la, saa awie biala di debie mɔɔ mgbɔvonle wɔ nu la a, bɛbaye ye bɛavi Yizilayɛma anu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:17

Ɔwɔ kɛ bɛdi Angye Ɛvoyia ne, ɔluakɛ kenle ɛhye anu yɛɛ menyele bɛ muala menvile Yigyibiti azɛlɛ zo a. Yemɔti ɔwɔ kɛ bɛ awolɛndoazo kɔsɔɔti di ɛvoyia ɛhye.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:19

Kenle nsuu ne anu, bɛmmafa mgbɔvonle bɛsie bɛ azua nu, ɔluakɛ awie biala mɔɔ kɛli debie mɔɔ mgbɔvonle wɔ nu la, saa ɔle ɛyɛvolɛ o, anzɛɛ ekulomeni o, bɛbaye ye bɛavi Yizilayɛma avinli. Bɛmmadi debie biala mɔɔ bɛwula ye mgbɔvonle la. Ɛleka biala mɔɔ bɛwɔ la, bɛli kpanwo mɔɔ mgbɔvonle ɛnle nu la.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:2

“Siane ɛhye bayɛ bɛ siane mɔɔ lumua a; ɔbayɛ bɛ ɛvolɛ ne anu siane mɔɔ lumua la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:41

Na kenle ko ne mɔɔ tɔ zolɛ a ɔyɛ ɛvolɛ ɛya nna abulasa ne la, kenle ko zɔhane a Yizilayɛma ɛwolaa ne kɔsɔɔti vile Yigyibiti azɛlɛ zo a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:42

Kenle ko ne nɔe ne Ɛdɛnkɛma zinzale ye menli ne manle bɛvile Yigyibiti azɛlɛ zo. Yemɔti wɔ bɛ awolɛndoazo muala anu, saa ɔdwu kenle zɔhane nɔɔzo a, Yizilayɛma kɔsɔɔti si epe ye Ɛdɛnkɛma ayɛlɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:8

Bɛbava kpanwo mɔɔ mgbɔvonle ɛnle nu nee nya nya ɛnwonle bɛali nane ne ndondo.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:14

Saa kenle bie bɛ mra biza bɛ kɛ, ‘Ɛhye abo a le duzu?’ a, bɛha bɛhile bɛ kɛ, ‘Ɛdɛnkɛma vale tumi kpole a yele yɛ vile Yigyibiti wɔ akɛlɛzonlenlɛ nu a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:9

Na ɔbayɛ kɛ sɛkɛlɛneɛ mɔɔ wɔ bɛ sa anwo na yeayɛ kɛ ngakyedeɛ wɔ bɛ nwoma azo, amaa Ɛdɛnkɛma mɛla ne ala bɛ nloa, ɔluakɛ ɔlua tumi kpole zo, Ɛdɛnkɛma ɛye bɛ ɛvi Yigyibiti.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:2

“Mame a mele Ɛdɛnkɛma bɛ Nyamenle ne, mɔɔ yele bɛ vile Yigyibiti azɛlɛ zo, vile akɛlɛzonlenlɛ nu la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:8

“Bɛhakye kɛ bɛkɛzie Ɛnwomenlelielɛ Kenle ne nwuanzanwuanza.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 23:15

“Bɛli Angye Ɛvoyia ne wɔ siane Ebebe ne anu, kɛmɔ menzele bɛ la. Bɛbali kpanwo mɔɔ mgbɔvonle ɛnle nu la kenle nsuu, ɔluakɛ siane ɛhye anu a bɛvile Yigyibiti a. Biala mmafa ɔ sa mgbane ba me nyunlu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 3:20

Yemɔti mebadenrɛ me sa meayɛ nwanwane ninyɛne meadua Yigyibiti kakɛ, na ɛhye anzi, ɔbamaa bɛahɔ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 34:18

“Bɛzie Angye Ɛvoyia ne na bɛli, kɛmɔ meha mehile bɛ la. Bɛli Ɛvoyia ne kenle nsuu wɔ siane Ebebe ne anu, ɔboalekɛ siane zɔhane anu a bɛvile Yigyibiti a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:1

Na Ɛdɛnkɛma zele Mosisi kɛ, “Akee ɛbanwu debie mɔɔ mebava meahile belemgbunli ne la, ɔluakɛ ɔlua tumi kpole zo ɔbamaa bɛahɔ, ɛhɛe, ɔlua tumi kpole zo akee bɔbɔ ɔbavoa bɛ kɛ bɛvi ye maanle ne anu bɛhɔ.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:6

Yemɔti ka kile Yizilayɛma kɛ, ‘Medame a mele Ɛdɛnkɛma ne a. Mebazokoɛ bɛ adesoa ne mɔɔ Yigyibitima ɛva ɛzoa bɛ la, mebaye bɛ meavi akɛlɛzonlenlɛ nu. Mebava tumi kpole mealie bɛ na meadua Yigyibitima kakɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:7

Mebava bɛmɛ Yizilayɛma meayɛ me menli, na meayɛ bɛ Nyamenle, na bɛanwu kɛ medame a mele Ɛdɛnkɛma bɛ Nyamenle ne mɔɔ ɛye bɛ ɛvi Yigyibitima adesoa ne mɔ abo la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 7:4

Na mebadea Yigyibitima kpole bie na meava nyɛleɛ mgbole mɔɔ kile ndeanlɛ la meaye me menli Yizilayɛma meavi Yigyibiti azɛlɛ zo.

Gyɛlɛmaya Buluku ne 34:13

“Medame Ɛdɛnkɛma, Yizilayɛ Nyamenle ne, mese: Mekɛ mɔɔ menyele bɛ nlenya mɔ menvile akɛlɛzonlenlɛ nu menvile Yigyibiti azɛlɛ zo la, me nee bɛ yɛle ngyekyeleɛ na menzele kɛ,

Daneɛle Buluku ne 9:15

“O Awulae yɛ Nyamenle, mɔɔ ɛvale wɔ tumi kpole ne ɛyele wɔ menli ne ɛvile Yigyibiti, na wɔlie duma wɔmaa ɛ nwo toonwo a yeradwu ɛnɛ la, yɛyɛ ɛtane, O Awulae, yɛyɛ amumuyɛ mɔɔ bɛnyɛ a.

Edwɛkpa ne kɛmɔ Mateyu hɛlɛle la 10:12

Saa bɛwolo awuke nu a, bɛze ɛkɛ ne amra kɛ, ‘Anzonudwolɛ ɛha bɛ.’

Edwɛkpa ne kɛmɔ Luku hɛlɛle la 22:19

Akee ɔvale kpanwo, ɔyɛle Nyamenle mo, ɔbubule nuhua, ɔvale ɔmanle bɛ na ɔzele kɛ, “Ɛhye a le me nwonane ne [mɔɔ bɛva bɛmaa bɛ la. Anrɛɛ bɛyɛ ɛhye bɛva bɛhakye me.”

1 Kɔl 11:24

ɔyɛle Nyamenle mo, ɔbule nu, na ɔzele kɛ, “Ɛhye a le me nwonane ne mɔɔ bɛva bɛmaa bɛ la. Bɛyɛ ɛhye bɛva bɛhakye me.”

1 Kɔl 5:8

bɛmmamaa yɛfa yɛ ɛtane nee yɛ amumuyɛ subane nvinli ne yɛdi Akpabɛnwo Ɛvoyia ne, na yɛva atiakunlu wienyi nee nɔhalɛlilɛ yɛli.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:19

nee kɛ ye tumi ne kpole si de la. Tumi ɛhye mɔɔ ɛlɛdi gyima wɔ yɛmɛ mɔɔ yɛdie ye yɛdi la anu la, yemɔ ala a le anwosesebɛ bedevinli ne

Mɛla 13:10

Bɛzi ye awolɛ bɛhu ye, ɔboalekɛ ɔhulole kɛ bɛkɛhwe bɛ nwo bɛkɛvi Ɛdɛnkɛma bɛ Nyamenle ne mɔɔ yele bɛ vile Yigyibiti azɛlɛ zo, wɔ akɛlɛzonlenlɛ nu rale la anwo.

Mɛla 13:11

Na Yizilayɛma kɔsɔɔti bade, bɛbazulo, na bɛanyɛ amumuyɛ debie mɔɔ le zɛhae la bieko wɔ bɛ avinli.

Mɛla 13:5

Bɛhu Nyamenle kpɔmanvolɛ zɔhane anzɛɛ ahenle ne mɔɔ hanle ɛlalɛ ne la, ɔboalekɛ yehilehile bɛ kɛ bɛde Ɛdɛnkɛma bɛ Nyamenle ne mɔɔ yele bɛ vile Yigyibiti rale la anwo atua, amaa bɛavi adenle ne mɔɔ Ɛdɛnkɛma bɛ Nyamenle ne ɛze bɛ kɛ bɛlua nu la anu. Zɔhane yɛɛ bɛbayɛ na bɛaye musuofoɔ ne bɛavi bɛ avinli a.

Mɛla 13:6

“Saa ɛdawɔ ɛ nli ara nrenya anzɛɛ ɛ ra nrenya anzɛɛ raalɛ, anzɛɛ ɛ ye mɔɔ la wɔ ahonle nwo, anzɛɛ ɛ gɔnwo mɔɔ tɛla ɛ nli ara bɔbɔ la pe fealera adenle nu bɛlɛbɛla wɔ kɛ ɛmaa bɛhɔzonle awozonle mɔɔ bɛ nlenya mɔ anzonle bie la,

Mɛla 15:15

Ɔwɔ kɛ bɛkakye kɛ ɛnee bɛdabɛ noko bɛle ahanra wɔ Yigyibiti azɛlɛ zo yɛɛ Ɛdɛnkɛma bɛ Nyamenle ne raliele bɛ a; ɛhye ati yɛɛ ɛnɛ kenle ye melɛfa mɛla ɛhye meamaa bɛ a.

Mɛla 16:1

“Bɛzie siane ne mɔɔ bɛfɛlɛ ye Ebebe la na bɛli Akpabɛnwo Ɛvoyia ne wɔ nuhua bɛwula Ɛdɛnkɛma bɛ Nyamenle ne anyunlunyia. Ɔluakɛ siane Ebebe ne anu kenle ko nɔɔzo yɛɛ Ɛdɛnkɛma bɛ Nyamenle ne rayele bɛ vile Yigyibiti a.

Mɛla 16:12

Bɛhakye kɛ ɛnee bɛle ahanra wɔ Yigyibiti na bɛnlea boɛ bɛli mɛla ɛhye mɔ azo.

Mɛla 16:3

Bɛdi a ɔnle kɛ bɛdi ye nee ɛdɔkɛ mɔɔ mgbɔvonle wɔ nuhua la. Bɛli ye nee ɛdɔkɛ amgbe kenle nsuu, bɛvɛlɛ ye nyanenwunlɛ aleɛ, kɛmɔ bɛnriandi bɛavi Yigyibiti mɔɔ bɛyɛle la, amaa mekɛ biala mɔɔ bɛde ngoane nu la bɛava bɛahakye mekɛ mɔɔ bɛvi Yigyibiti azɛlɛ zo bɛyele bɛ nwo la.

Mɛla 24:18

Bɛhakye kɛ ɛnee bɛdabɛ bɛle ahanra wɔ Yigyibiti yɛɛ Ɛdɛnkɛma bɛ Nyamenle ne rayele bɛ vile ɛkɛ a. Yemɔti mese bɛ kɛ, bɛyɛ ɛhye mɔ mɔɔ meha la.

Mɛla 24:22

Bɛhakye kɛ ɛnee bɛle ahanra wɔ Yigyibiti. Yemɔti mese bɛ kɛ bɛli mɔɔ meha la azo.

Mɛla 26:8

Ɛdɛnkɛma vale tumi kpole nee nwanwane sɛkɛlɛneɛ nwunlonwunlanle Yigyibitima,

Mɛla 4:34

Anzɛɛ saa nyamenle bie wɔ ɛkɛ ne, mɔɔ ɔdaye yezi ɔ kɛnra na yeyɛ kɛ ɔkava maanle bie wɔ maanle bie avinli yeayɛ ye ɔdaye ye maanle, na yeva ngyegyelɛ sɛkɛlɛneɛ, nwanwane nyɛleɛ, konle nee tumi kpole nee ɛzulolɛ yeyɛ, kɛmɔ Ɛdɛnkɛma bɛ Nyamenle yɛle wɔ Yigyibiti manle bɛdabɛ bɛnwunle ye la a.

Mɛla 5:15

Bɛhakye kɛ ɛnee bɛle ahanra wɔ Yigyibiti, yɛɛ medame, Ɛdɛnkɛma bɛ Nyamenle menvale tumi kpole menyele bɛ menvile ɛkɛ a. Zɔhane ati medame, Ɛdɛnkɛma bɛ Nyamenle mehyehyɛ kɛ ɔwɔ kɛ bɛsie Ɛnwomenlelielɛ Kenle ne.

Mɛla 5:6

‘Mame a mele Ɛdɛnkɛma bɛ Nyamenle ne mɔɔ yele bɛ vile akɛlɛzonlenlɛ nu wɔ Yigyibiti azɛlɛ zo rale la.

Mɛla 6:12

anrɛɛ bɛnlea boɛ na bɛ rɛle anvi Ɛdɛnkɛma mɔɔ yele bɛ vile Yigyibiti akɛlɛzonlenlɛ nu rale la.

Mɛla 6:21

bɛha bɛhile bɛ mra ne mɔ kɛ, ‘Anrɛɛ yɛle Yigyibiti belemgbunli ne ahanra, na Ɛdɛnkɛma vale tumi kpole rayele yɛ vile Yigyibiti.

Mɛla 7:8

Ɛdɛnkɛma kulo bɛ, ɔboalekɛ ɔlɛdi ye ndane ne mɔɔ ɔhanle ɔhilele bɛ ze mɔ la azo, na yemɔti yɛɛ yeva tumi kpole yeye bɛ yevi akɛlɛzonlenlɛ nu wɔ Yigyibiti belemgbunli ne asa anu a.

Mɛla 8:14

anrɛɛ bɛnlea boɛ na bɛammemaa bɛ nwo zo, bɛammaa bɛ rɛle anvi Ɛdɛnkɛma bɛ Nyamenle ne mɔɔ yele bɛ wɔ akɛlɛzonlenlɛ nu vile Yigyibiti azɛlɛ zo rale la.

Mɛla 9:12

“Akee Ɛdɛnkɛma zele me kɛ, ‘Dwazo, ɛvi ɛke tolo kɔ ndɛndɛ, ɔluakɛ wɔ menli ne mɔɔ ɛ nee bɛ vi Yigyibiti ɛra la ɛbɔ munzule. Kɛkala angome bɛhakyi bɛ nzi bɛzi me adenle ne mɔɔ menzele bɛ kɛ bɛlua nu la, na bɛgua ananze bɛmaa bɛ nwo.’

Dwɔhyua Buluku ne 24:17

Ɛdɛnkɛma yɛ Nyamenle ne a yele yɛ nlenya mɔ nee yɛdayɛ vile ahanra ɛzonlenlɛ nu wɔ Yigyibiti a, yɛɛ yɛnwunle nwanwane ninyɛne mɔɔ ɔyɛle la. Ɛdɛnkɛma bɔle yɛ nwo bane wɔ maanle maanle mɔɔ yɛluale bɛ avinli yɛrale la asa anu.

Maanlebuvolɛma Buluku ne 6:8

Ɛdɛnkɛma manle ye kpɔmanvolɛ vale ye nrɛlaleɛ rɛlɛle bɛ kɛ, “Kɛ Ɛdɛnkɛma mɔɔ le Yizilayɛma Nyamenle ne se la ɛne: Menyele bɛ menvile akɛlɛzonlenlɛ nu na menvale bɛ menvile Yigyibiti.