Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:22 - BAEBOLO ANZƐƐ BULUKU NWUANZANWUANZA

²² Amungu mpila ne nee senle mpila ne mɔɔ hilele bɛ adenle ewiazo nee nɔɔzo la angyakyi menli ne adevinli.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:22 ပူးပေါင်းရင်းမြစ်များ

Nihɛmaya Buluku ne 9:12

Ɛvale amungu bolomolo ɛlile bɛ nyunlu alehyenlɛ, ɛvale senle bolonwonwo ɛhilele bɛ adenle aledwolɛ.

Nihɛmaya Buluku ne 9:19

Noko wɔamkpo bɛ wɔ fienemgbole ne anu, ɔluakɛ wɔ anwunvɔnezelɛ ne le kpole, Wɔanye amungu bolomolo ne anzɛɛ senle bolonwonwo ne mɔɔ hilele bɛ adenle ewiazo nee nɔɔzo la.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:1

Akee Ɛdɛnkɛma zele Mosisi kɛ,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 14:19

Akee Nyamenle soanvolɛ ne mɔɔ li Yizilayɛma pemgbenleamgbe ne anyunlu la zenle lile bɛ nzi. Amungu mpila ne mɔɔ li bɛ nyunlu la zenle ralile bɛ nzi,

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 40:38

Ɔluakɛ wɔ bɛ adendulɛ ne anu bɛnwunle kɛ Ɛdɛnkɛma amungu ne keda Ndanlɛ Sua ne azo wɔ alehyenlɛ nu, na aledwolɛ nu noko a, ɛnee ɔle senle.

Ayezaya Buluku ne 4:5

Akee Ɛdɛnkɛma bamaa Zayɔn Boka ɛleka biala ayɛ amungu kumɔɔnwo aheda ye menli mɔɔ ɛyia la anwo zo wɔ alehyenlɛ nu, na yeayɛ esike nee sendɔlɔra wɔ nɔɔzo. Ɔluakɛ ye anyunlunyia ne bayɛ kɛ ɛdanlɛ abo kpɔda aheda bɛ muala bɛ nwo zo.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 9:15

Kenle ko ne mɔɔ bɛzile Ɛdɛnkɛma Ndanlɛ Sua ne la, amungu rahedale zolɛ. Nɔɔzo ɛnee amungu ne ɛdɔlɔ kɛ senle la, ɔsɔ toonwo aleɛ kye, na alehyenlɛ nu ɛnee amungu ne ala a heda zolɛ a.

Yekile 10:1

Akee menwunle Nyamenle soanvolɛ anwo ɛzulolɛ bieko kɛ ɔvi anwuma ɔlɛba. Ɔvea amungu nu na nyangondonle ɛdo ɛbɛnra ɔ ti; ɔ nyunlu ta kɛ sɛnzɛne, na ye ɛnantuo ɛdɔlɔ woonwu kɛ sua sika kpole bie mɔɔ senle la nu la.