Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:16 - BAEBOLO ANZƐƐ BULUKU NWUANZANWUANZA

¹⁶ Ɔbayɛ ngakyedeɛ nee sɛkɛlɛneɛ yeamaa bɛ wɔ bɛ sa anwo anzɛɛ bɛ nwoma azo; ɔluakɛ Ɛdɛnkɛma vale tumi kpole a yele yɛ vile Yigyibiti a.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:16 ပူးပေါင်းရင်းမြစ်များ

Nihɛmaya Buluku ne 1:10

“Bɛle wɔ sonvolɛma nee wɔ menli mɔɔ ɛdawɔ wɔva wɔ tumi kpole ne nee wɔ anwosesebɛ ne wɔlie bɛ a.

Edwɛndolɛ Buluku ne 136:11

Ɔyele Yizilayɛma ɔvile Yigyibitima avinli; ɔluakɛ ye ɛhulolɛ kpundii ne wɔ ɛkɛ dahuu.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:13

Mogya ne bayɛ azua mɔɔ bɛwɔ nu la sɛkɛlɛneɛ, ɛleka biala mɔɔ menwɔnwu mogya la, mebapɛ nu, amaa saa melɛku Yigyibitima a meangu bɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 12:41

Na kenle ko ne mɔɔ tɔ zolɛ a ɔyɛ ɛvolɛ ɛya nna abulasa ne la, kenle ko zɔhane a Yizilayɛma ɛwolaa ne kɔsɔɔti vile Yigyibiti azɛlɛ zo a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:14

Saa kenle bie bɛ mra biza bɛ kɛ, ‘Ɛhye abo a le duzu?’ a, bɛha bɛhile bɛ kɛ, ‘Ɛdɛnkɛma vale tumi kpole a yele yɛ vile Yigyibiti wɔ akɛlɛzonlenlɛ nu a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 13:9

Na ɔbayɛ kɛ sɛkɛlɛneɛ mɔɔ wɔ bɛ sa anwo na yeayɛ kɛ ngakyedeɛ wɔ bɛ nwoma azo, amaa Ɛdɛnkɛma mɛla ne ala bɛ nloa, ɔluakɛ ɔlua tumi kpole zo, Ɛdɛnkɛma ɛye bɛ ɛvi Yigyibiti.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:1

Na Ɛdɛnkɛma zele Mosisi kɛ, “Akee ɛbanwu debie mɔɔ mebava meahile belemgbunli ne la, ɔluakɛ ɔlua tumi kpole zo ɔbamaa bɛahɔ, ɛhɛe, ɔlua tumi kpole zo akee bɔbɔ ɔbavoa bɛ kɛ bɛvi ye maanle ne anu bɛhɔ.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 6:6

Yemɔti ka kile Yizilayɛma kɛ, ‘Medame a mele Ɛdɛnkɛma ne a. Mebazokoɛ bɛ adesoa ne mɔɔ Yigyibitima ɛva ɛzoa bɛ la, mebaye bɛ meavi akɛlɛzonlenlɛ nu. Mebava tumi kpole mealie bɛ na meadua Yigyibitima kakɛ.

Mrɛlɛbulɛ Buluku ne 6:21

Fa bɛ sie wɔ ahonle nu dahuu; kyekye bɛ kenda ɛ kɔme.

Daneɛle Buluku ne 9:15

“O Awulae yɛ Nyamenle, mɔɔ ɛvale wɔ tumi kpole ne ɛyele wɔ menli ne ɛvile Yigyibiti, na wɔlie duma wɔmaa ɛ nwo toonwo a yeradwu ɛnɛ la, yɛyɛ ɛtane, O Awulae, yɛyɛ amumuyɛ mɔɔ bɛnyɛ a.

Edwɛkpa ne kɛmɔ Mateyu hɛlɛle la 23:5

Bɛyɛ bɛ ninyɛne kɔsɔɔti wɔ menli nye zo. Bɛdabɛ bɛnlea kɛ bɛ abɔtile ne mɔ si de mgbole na bɛhɛlɛhɛlɛ Nyamenle Edwɛkɛ wɔ nu, mɔɔ bɛbɔ a ɛnee ɔgua bɛ nwoma azo a; nee bie noko mɔɔ wɔ tabule nu mɔɔ bɛgua ye bɛ sa zo la mgbole kɛ si de la. Eza bɛnlea bɛ adɛladeɛ ne mɔ anloa, kɛ bɛzi bɛyɛ bɛ sosɔkpɔɔ la.

Ɛzoanvolɛma Gyima ne 13:17

Yizilayɛ Nyamenle ne kpale nu yele yɛ nlenya mɔ na ɔyɛle bɛ ɛlɔne kpole wɔ mekɛ mɔɔ ɛnee bɛle nyɛvolɛ bɔbɔ wɔ Yigyibiti azɛlɛ zo la. Nyamenle vale ye tumi kpole ne yele bɛ vile Yigyibiti azɛlɛ zo,

Mɛla 11:18

“Yemɔti bɛva me edwɛkɛ ɛhye mɔ bɛzie bɛ ti anu kpalɛ na bɛhɛlɛ bɛ debie zo bɛkyekye bɛ sa, bɛva bie bɛhendɛhenda bɛ ndo avinli.

Mɛla 26:8

Ɛdɛnkɛma vale tumi kpole nee nwanwane sɛkɛlɛneɛ nwunlonwunlanle Yigyibitima,

Mɛla 5:15

Bɛhakye kɛ ɛnee bɛle ahanra wɔ Yigyibiti, yɛɛ medame, Ɛdɛnkɛma bɛ Nyamenle menvale tumi kpole menyele bɛ menvile ɛkɛ a. Zɔhane ati medame, Ɛdɛnkɛma bɛ Nyamenle mehyehyɛ kɛ ɔwɔ kɛ bɛsie Ɛnwomenlelielɛ Kenle ne.

Mɛla 6:21

bɛha bɛhile bɛ mra ne mɔ kɛ, ‘Anrɛɛ yɛle Yigyibiti belemgbunli ne ahanra, na Ɛdɛnkɛma vale tumi kpole rayele yɛ vile Yigyibiti.